Ka Nupepa Kuokoa, Volume XLI, Number 33, 14 ʻAukake 1903 — Ua Kuai aku Oia i ka Bebe [ARTICLE]

Ua Kuai aku Oia i ka Bebe

Mai ka Nupepa Maui News mai,—Ma ka pule i hala i Kula ua haalele iho la kekahi wahine Kepani i kana kane ame ka laua wahi bebe. A o ke kane hoi i kona ike ana aole i lawa me ia na haawina hana no ka home ame kahi bebe, nolaila, ua kuā,i hoolilo aku la oia i kahi bebe i kekahi Pake ame ka wahine a ka Pake i komo ohohia aku kona noonoo no kahi kamaiki. 0 ka wahine Kepani haalele kane hoi, j i ka manawa ona i lohe ai no keia hoolilo ia ana o kahi bebe ana, ua ,hoala maiiao aku la oia i kona mau hoa o ka lahui hookahi e kokua iaia ma ka hoihoi ana mai i ka bebe iaia. Ua lanakila ]o ka wahine ma keia hoolaia ana a i.ka loaa ana o kekahi mau lapana ma kona aoao ua iho iho la lakou i kai o Makena a loaa aku la ke kane e hoomakaukau ana e kau maluna o ka moku a no Hawaii ka J»ahu hopu. Ua koi ikaika loa ia aku ke kanaka i manao e holo i' Hawaii e hoi hou i Kula i kuhikuhi mai ai oia i kahi o ka bebe i kuaiia ai, a no ka ikaika koi, i hoi hou ai ka lapana, makuakane o ka bebe, i ukali pu ia e keia poe a hiki ana i kahi o ka Pake. 1 ka hikl ana i kahi o ka hana ua hookikinaia ua makuakane nei e hoihoi hou i ka huina dala, ke kumukuai o ka bebe i kuaiia ai, a loaa aku la no hoi ka ka Pake hapa, a o ka hemo mai la no hoi ia o kahi bebe a noho ana iloko o ka poli'o ka mama ponoi. Ua kokoke e piha'ka huina o $800,000 Kalakaua i hoounaia aku nei 110 kahi hoohehee dala e ka Banako Lahui Ekahi. Ke nalowale aku nei ke dala o tka aina me ka hikiwawe.