Ka Nupepa Kuokoa, Volume XLI, Number 33, 14 August 1903 — Ka Pa Hoomalu ma Waiakamilo [ARTICLE]

Ka Pa Hoomalu ma Waiakamilo

Ma ka nupepa *'Adavataisa" o ke kakahiaka Poalima nei, Augate 7, l puka ae ai he leta na kekahi ku a o ka Apana Elima e ninau ana i ka lunahooponopono o ia pepa e ha'i mai i kana mau ninau e pili ana i ke Kahua Hoomalu Waiakamilo ma Kalihi. Eia iho ka unuhi ana: ! Lunahooponopono Adavataisa: E ; oluolu anei oe e hooakaka mai ia'u i ke kupono ame ka pomaikai o ka ma- | lama ana i ke Kahua Hoomalu Kalihi e kapaia nei? Ua maopopo no ia kakou apau loa ua kukuluia īa n-.ea no ana i wahi e malu a* a no ka hoomalu ana hoi i kekahi mah'ele nui o ka poe noho o Paketaona, i ka wa hoi i hooneleia ai lakou me na home i ka pauahi nui, ke ahi nana i ai kekahi hapa o ka kakou kulanokauhale he eha ae nei makahiki i hala. Mahope mai, i ka wa a na kanaka i hookuuia ae ai a kakaikahi hoi na hale hoolimalima a pii ka uku hoolimalima, ua aeia kekahi mau kanaka oiwi ame kekahi mau kanaka Asfa kakaikahi e noho malaila me ka uku ole a mahope mai, kakiia i $1.00 o ka mahina no ka hoomau ana i ka huoholo ana i keia wahi, he hana hoi i 1 lawa ole no ka hoomau ana a poho no hoi. I Ua maikai no ke kulana o keia mau hana a aole hoi i ku-eia e kekahi mea a hiki wale no i ke kukulu hou ia ana 0 kekahi mau hale emi a i keia wa he nui na hale hoolimalima e waiho wale mai nei, he mau lumi e lilo ana me ka uku haahaa e lealea ai ka ona, me'na lumi maikai, e like me ko ka poe o ke Kahua Hoomalu o Kalihi e noho nei, no ka $2 a $3 o ka mahina. Nolaila, ina o keia ae la ke kulana heaha la ka mea i hooholo ai ke aupuni 1 kekahi hale hoolimalima me ka uku ole ia e ku-e ana i na ona hale hoolimalima, ka poe i uku I na laileini, o ka oi loa aku no nae, ka maopopo pono he hana poho leeia, a heaha la ke kumu i noho ai ke kanaka oiwi ilihune maanei oiai ua oi aku kei.u lilo kaa mai keia wahi mai mamua 0 ka uku hoolimalima o kekahi lumi a hale paha iloko o ke taona? He mea huna i puka ae nei i ke akea a he mea maopopo lea hoi eia ke hoohana a ke nohoia nei ke Kahua Hoomalu o Kalihi no na hana koho balota, aia hoi ka hookele ana malalo o ka poe makee oihana aupuni ame ka poe ake e loaa kahi hana, he poe hoi aole i loaa ke kulana kanaka maikai, a ma ko'u manao. he hana "hoopaewaewa keia i kupa manao pono ame koho balota o ka Apana Elima i ka ae ana e malamaia keia mea. He moe-wela kalaiaina keia o na Home Rula me na aahu hoonalonalo Repubalika, he poe e hoike mai ana i ka papa haahaa- o na kanaka mai na wahi like ole mai o ke kulanakauhale e mimino ana a e pehu ae ana hoi i na wa e makemakeia ai, no ka hoohauhili a hooauhee ana i na manao kalaiaina a nolaila hoi e lanakila mau ana a holopono ole hoi ka manao Repuhalika oiaio ame ke aupuni maikai. Ina he makemake, ko ke aupuni e hookele i hale ilihune heaha ka mea kukala ole ae &■ kahea ma ia inoa, a e malamaia e like me ia aole hoi i wahi e hoopunana ai no na hana kalai&ina. Ke ku-e loa nei wau, he Repubalika a mea noho hoi o ka Apana Elima, i ka hoomauia ana aku o keia wahl, he mea hoi e hooweliweli ana i ke ola o ka lehulehu a he mea hoi e hooikaika ana i ka pono o na kupa kuokoa ame ka poe koho balota. J. H. SCHiwCK, Eia ka pane a ka "Adavataisa" i keia leta i kekahi la ae, Augate 8: Ke manao nei ke Aupuni malia paha e hiki mai ana ka wa e hoohana hou ia aku ai keia wahi e like me kona 1 mea i kukuluia ai, a ia wa hookahi no hoi aoie i ku-e i ka loaa ana mai o kekahi mau uku hoolimalima. Eia iho na kumu ku-e i waihoia rhai: Malia paha e lilo ae ana keia wahi i wahi na ka ma'i e puka ae ai a aole hoi he puuhonua; (2) aole hoi he pono i ke aupuni e komo ma ka oilmpa hoolimalima hale no ka holo ku-e ana aku i ka poe i loaa na laikini a uku i na auhau no ia oihana; (3) he wahi hoolulu keia no ka poe koho balota naaupo, a he poe Home Rula ka hapanui. O ka hopena o keia kumuhana, oia no ke pani ana i keia wahi, hooihaemae a hookomo iloko o ke kulana maikai, a waiho malie no ka wa e hiki mai ana no ka hoohanaia i wahi e hoomalu ai.