Ka Nupepa Kuokoa, Volume XLI, Number 33, 14 ʻAukake 1903 — Ua Pau Oia mai ka Oihana ae [ARTICLE]

Ua Pau Oia mai ka Oihana ae

Ma ka Poaono iho nei o ka pule i hala i piha ai na makahiki he kanao-no-kumamaha ia GeneVala Nelson A. Miles o ka oihana koa Amerika. ua pau aku oia mai ka lawelawe oihana ana, a no ia kumu, ua- kaawale aku ,oia a ela ke hoopihaia nei kona haka•haka e Mekia Generala Young. 0 Lutanela Generala Miles kekahi o na aliikoa kaulana o ka oihana koa Amerika, a ua piha no hoi iaia na makahiki i oi aku maluna o ke kanaka o kona noho aliikoa ana. He keiki oia na kekahi kanaka mahiai o ka mokuaina o Makekuseta, a aole no hoi oia i hoonaauaoia ma na kula kiekie loa. I kona haalele ana i ke kula, ua lawelawe oihana kalepa oia, a i ka puka ana ae o ke kaua huliamahi o Amerika Huipuia, ua hookohuia oia i lutanela ekahi no kekahi puali koa mokuaina. Iloko o keia kaua mawaena o ka Akau ame ka Hema, ua pli malie ae oia ma na kulana like ole o ka oihana koa, a i ka piha ana o na makahiki he ekolu 0 kona noho ana. ua loaa iaia ke kulana mekia generala, a he iwakaluakumamalima wale no ona makahiki i kela wa. He nui kana mau kaua hahana i komo ai, a he nui no hoi kona wa i pakele mahunehune mai ai mai ka make mai. 1 ka pau ana o ke kaua, ua noi oia 1 komisina aliikoa iloko o ka oihana koa kumau, a ua aeia. 'Ua hoounaia aku oia no ka Hema, oia no ka wa e hihiu ana ia mau wahi o Amerika, a ua nui ka haunaele mawaena o na ilikeokeo ame na Ilikini. Ua kaulana o Miles ma keia mau hoouka kaua, a ua hoopii malie ia ae oia a loaa ke kulana kiekie loa o ka oihana koa Amerika, oia hoi ke kulana lutanela generala. He ewalu makahiki o kona noho ana iho nei i poo no ka oihana koa o ka Repubalika nui o Amerika Huipuia, a i ka nana ana i kona moolelo ma ka oihana, he maikai ma na ano apau. I ka pii ana ae nei o Rusawela ma ka noho peresidena, aole i maikai ko laua noho oihana ana, no ka mea, he demokarata o Miles a he repubalika o Rusavela. Ua oleloia no hoi he makemake ko Miles e lilo i pereeidena, eia nae, aole 1 makemake ka hapanui o ka poe e hookele nei i ka aoao kalaiaina demokarata iaia. Ma Honolulu nel o Generala Miles i kekahi wa pokole i kaa hope iho nei oiai oia ma kona ala no ka Pilipine ame kana huakai kaahele honua. Ua hookipa maikai ia oia ma na wahi like ole ana i hele iho nei. Ma kela hope aku, o ke kulanakauhale o Wasinetona aku ana kona home noho paa.