Ka Nupepa Kuokoa, Volume XLI, Number 33, 14 August 1903 — Ka Aoao e Pomaikai nui ai [ARTICLE]

Ka Aoao e Pomaikai nui ai

Ma ka hakilo ana ame ka makaikai ana aku i ka nohona Lahui a nohona Aupuni o Hawaii nei iloko o keia Keneturia e nee nei i ko'u koho ana ua manao au o ka aoao Repubalika ka aoao kalaiaina e loaa ai ka pono nui i na makaainana ma o ka Elele la ma Wasinetona a pela no ko'u manao i keia wa. Oiai o ke aupuni o Amerika Nui a puni ke ao, a oiai eia kakou malalo o kona eheu a he poe Hawaii kakou ma ka hanau ana, a he Amerika ma ka hooponopono Aupunl ana i keia wa. I Ke olelo nei au oka aoao Repubalika oia ka aoao e ola ai na kanaka Hawaii, no keia kumu o ka aoao Repuhalika ka aoao koikoi a kuonoono iloko 0 ka aina nei. O lakou no ka poe e hooholomua nei 1 na hana kuloko iloko o ka aina a na lakou no e hoohana aku nei he mau tausani o na kanaka e hana nei iloko o ka aina a ma na uwapo. O keia poe e ku nei ma ka aoao Repubalika o lakou no ka poe i haawi i na kokua nui ana, a o na Hawaii i loaa ia lakou he nohona ulakolako 1 hoonaauao i ka lakou mau keiki a i loaa ia lakou na pono o keia ola ana mamuli no ia o na kokua āme na aJakai ana a keia poe. Eia keia mea nui a na kanaka e noonoo ai ela ke emi mau nei ko kakou heluna lahui a he manawa pokole wale no ke nana ia ma ka heluna kanaka e lilo aku ana no ka haaanui o ka mana koho balota ma ka aoao nui. Ke aneane aku nei ka la balota iloko ae nei o Novemaba e like me ke Kanawai Kalana i hooholoia iho nei e ka Ahaolelo Repubalika no ke koho ana 1 na luna Nui o ke Kalana aia ke aupuni o ka lehulehu a o ka lehulehu, nolaila ke kau leo aku nei wau i kuu lahui e koho kakou i ka poe kupono i kanaka naauao a makaukau a hoopono no na hana aupuni. O kou kulana kalaiaina o keia ano e waeia ae, koho ia ke kanaka makaukau a hoopono no na oihana Aupuni me ka nana ole i kona aoao kalaiaina pela hoi e loaa hou ai na pono me ka lana o ka manao. E kuilima like kakou no ka pono o ka aina holookoa. H. P. HAIOLA,