Ka Nupepa Kuokoa, Volume XLI, Number 33, 14 ʻAukake 1903 — NUHOU O KO NA AINA E. Mai ka Uwea Telegarapa mai. [ARTICLE]

NUHOU O KO NA AINA E. Mai ka Uwea Telegarapa mai.

UA HOOKIPA KA POPE. ROMA, Italia, Aug. 6.—Ua haawi o Pope Pius.X i kekahi aha hookipa i ka poe kuka noho aupuni o na aina e. HOPUIA NO KA OHUMU KIPI. BELGRADE, Serevia, Aug. 6.—Ua hoalaia ae he pihoihoi iwaena o na poai luna aupuni no ka hopuia ana o kekahi poe Serevia no ka hewa ohumu kipi i ke Kuhina Kaua. I KA HANA A KE DAINAMAITA. MONSTER, Tureke, Aug. 6.—Ua kauia aku maluna o /ia kipi Bulugariana ka mea nana l'hoopahu ke dainamaita ma Krushevo. He 50 Tureke i make ma keia pahu ana a ua pilikia he nui o na hale e ku kokoke ana. AQHE MAKEMAKE I KE DALA HOU. MANILA, Aug. 7.—Ua ku-e na maheleaina i ke dala hou. Ua kuka iho nei o Kiaaina Taft ame na kanaka banako maluna o keia kumuhana. UA A'O AKU IA TUREKE I KA WA KUPONO. VIENA, Aug. 7.—Ua hooholo iho nei ka aoao kipi o Augate 31 ka la e ala ku-e kipi mai ai a puni ka aina. ILOKO O NA LIMA ALOHA OLE. PEKINA, Kina, Aug. 7.—He 5 mau alakai o ka poe holomua i hopuia iho nei e na luna aupuni no ka hooko ana | i ke kauoha kinai oolea a ka Emeperesa Kane-make. Ke manaoia nei e ili ana ka hoopa'i o ka make maluna o lakou. KANALIMA-KAUKANI TIKIKI NO KA POE ILIHUNE. Roma, Aug. B.—Ua kauoha ka Pope e maheleheleia he 50,000 tikiki no ka poni ana i ka Pope iwaena o ka poe ilihune. Ua papa ke Aupuni i ka hoopuka ana ae i na hana hoohaunaele ku-e hoomana. PILIKIA I KA UHINI. HELENA, Montana, Aug. B.—Ke hooneoneoia nei o Montana Hikina e. na uhini. Ke haalele nui mai nei na kanaka hanai holoholona ame na holoholona. . j KE HAUKEKE NEI O MOI PETERO. BELGRADE, Aug. 9.—Ua hoikeia ae ke kau nei ka weli maluna o Moi Petero no ka pepehiia, a no ia kumu, ua kauoha ae nei oia e noho hou ka aha hookolokolo koa e noonoo hou i ka j mea e pili ana i ka pepehiia ana o Moi Alekanekero, he hana e pakele ai oia. Ua nui ka huhu o kona mau hoa. . • I HAHANA NA HANA A NA POWA. MANILA, Aug. 9.—Ua hooiliia kekahi kaua ma nehinei mawaena o 200 powa ame 25 lala o ka oihana makai. He 29 o na powa i make a hooauheeia ka puali. I ka wa e kaua ana, ua pau ke taona o Esparrguera i ke ahi a he 3000 mau ohana i He nui na j make. PUEHU LIILII I KA MAKANI. PITTSBURG, Aug. 9.—Ua ikaika ka makai tonado ma na apana eli lanahu ma nehinei. He haneri o na home ame na hale ell lanahu i hoopoinoia a ua hooneoneoia ia wahi holookoa. He elua mea i maopopo ua make a he mau haneri i eha, E KOKUA I NA LUNAHOOPONOPONO O SHANGHAI. Nu loka, Aug. 9.—Ua noi aku nei na Pake holomua o keia wahi i ke Au- ' puni o Amerika Huipuia e hui aku me Beritania Nui ma ka hoopakele ana i na lunahooponopono pepa o Shanghai ame kekahi poe e ae. UA PONIIA KA POPE. ROMA, Aug. 10.—He kamahao na hana e pili ana i ka poniia ana o Pope Pius X, a he 70,000 poe i ike i keia hana. Ma ka Baeilica o St. John Lateran kahi i malamaia ai keia hana. Na Kadinela Maeehi i hookau ke kalaunu maluna o ke poo o ka Pope me ke ohohia nui o na kanaka. He nui ka poe luna aupuni i hiki ae. HAULE ILOKO O KA MULIWAI. WINDEWATER, Merelani, Aug. 10. —Ua lele ka mokulele a Langley he 500 i-ā a haule j!oko o ka muliwai Potomaka a piholo. Ua loaa hou aku no me ka poino no nae. MAI POINO I KA ANAKIA. MASEILE, Farani, Aug. 10 —He elua manawa I ki ai kekahi anakia Italia ia Kuhina Nui Combes o Farani ma nehinei, aole i eha ka mea hope. UA NOA KE KAPU. LADANA, Enelani, Aug. 10.—O ke kanawai e hookapu ana i ka hoounaia o na mea kaua no Kina ua hoopauia. UA MAKE KE KANIKELA RUKINI. ST. PETERSBURG, Rusia, Aug. 10. O ka iohe e plli ana i ka laweia ana o ke ola o ke Kanikela Rukini ma Monastir, ua aponoia a ua koi aku nei o Rusia e hoomaluia ke ola o na kuhina me ka makaala. Ua hoouna aku nei o Za Nikolaki i kekahi kauoha oolea e hoopaiia me ka oolea ka poe apau i komo ma keia hana pepehikanaka. Ua kokoke o Rusia e lele aku e komo pu ma na hana hoomalu o na Balakana me ka oolea o na mea kaua. HE KU I KA MANAONAO. PARISA, Aug. 11.—Ua loaa kekahi poino manaonao ma ke alahao uwila holo honua Metropolltan i ke ahlahi

nei. Ua halawai kekahi kaaahi me ka poino a pau i ke ahi mahope mai. Ua nui ka pioloke a no ka paa pu i ka uwahi ua nui ka poe i paa ka hanu. Ua kohoia ala ka heluna o ka poe i make i ke 90 a he 82 kino i loaa i keia wa.