Ka Nupepa Kuokoa, Volume XLI, Number 33, 14 August 1903 — UA HUEIA AE NA HANA KOLOHE. [ARTICLE]

UA HUEIA AE NA HANA KOLOHE.

Ma ka heluhelu ana i ka meahou poikole e puka aku nei ma keia helu e pili ana i ka hana pakaha a kekani mau lala kaulana o ka oihana loio o ka Teritori nei i ka waiwai o mea i waiho aku i kona pono hookele kanaWai malalo o ka lakou alakai, ame ka hopena i ili mai maluna o lakou i ka loaa pono ana o na hana kolohe, he mea ia e pono e hauoliia e keia ame keia kanak a makee i ke kanawai i ke kauia ana aku ka hoopa'i i kupono no keia hewa maluna o ua poe pakaha waiwai nei. Ma ka heluhelu akaheie ana i ka moolelo o keia hihia e maopopo iho ai ua hoohaahaa maoli io no keia mau lala o ka oihana loio i ka lakou hana, kekahi o na oihana pookela iloko 0 na aupuni holomua a i manaoia hoi oia ka puuhonua o kela ame keia kanaka iloko o na hana ma ke kanawai. Ma keia no nae, ua maopopo pono ua pakahaia ka mea i haawi aku i kona pono ma ko lakou mau poholima, a he ku maoli no hoi i ka ino o na j Kana apiki i hanaia aku maluna o John K. Sumner, he kanaka elemakule i hiki aku na makahiki o keia ola ana maluna o kanawalu makahiki. O ka hopena l Kau mai maluna o ua poe nei, oia no ke kaihiia ana ae o ko 1 lakou mana lawelawe oihana ma ke kanawai, a ma ka makou noonoo, he hoopa'i kupono loa keia no keia ano hewa i like ae la me ka mea i hoikeia aku No ka holopono ana o keia hana hu'e pau i na hewa i hanaia, he mea pono loa e hoomaikaiia ka holo Kuhina Anaru, ka mea nana i hoomakaulii a hua'i

ae 1 ua hanaino nei, a pela pu no hoi me ka Aha Kiekie o ka Teritori, ka Aha nana I haawi ke kauoha'e noii pono ia ka mea pololei, i mea e hoopauia ae ai na hana kolohe a pakaha wale a ka poe ike kanawai malunH o ka poe i makaukau ole ma ke kanawai. ♦ Ua holo aku ka bana aupuni no Maui i ka Poalua nei a e hoohala ana īakou he hookahi pule malaila. Akahi no a hoike ae nei o Gisaburo i ka mea oiaio e pili ana i kana hana pepehikana maluna o Kapena Jaeobeen. Ua olelo ae oia ua hoolkla mua ke kuke ame ia e pepehi i ke Kapena no ka hoopii ole ia o ko laua uku hana.