Ka Nupepa Kuokoa, Volume XLI, Number 32, 7 August 1903 — Page 2
| This text was transcribed by: | Toni Lynne Kaefferlein |
| This work is dedicated to: | Melanie Leinani Hanke Happy Birthday Mausi |
Ka Nupepa Kuokoa
KE KILOHANA POOKELA NO KA LAHUI HAWAII.
ELUA NUPEPA KUOKOA, AUGATE 7, 1903
KA
Nupepa Kuokoa
No ka Makahiki - - $2.00
No Eono Makina - - 1.00
O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU. A INA AOLE, AOHE NO E HOOKOMOIA. E HOIKEIA AKU NO KA AUHAU OLELO HOOLAHA KE UI MAI I KE KEENA NEI.
O na Dala apau o ka Pepa nei e hoouna pololei mai i ka HAWAIIAN GAZETTE COMPANY.
HOOPUKAIA E KA
HAWAIIAN GAZETTE CO
Hookomoia ma ka Hale Leka o Honolulu, Pa nalaau o Hawaii, ma ke ano mea o ka apa Elua
DAVID L. A-I, Lunahooponopono
A. W. PEARSON, LUNA NUI
Honolulu, Oahu
POAILMA@ : : : AUGATE 7, 1903.
SARTO KA POPE HOU MA KA INOA O PIUS X.
E like me ia e puka aku nei ma keia helu o ke Kuokoa ua loaa ia kakou ka ike i ke koho pono ia o Sarto, he Italia ma ka hanau ana, i Pope, ma ka makalua i waiho hakahaka ia e Pope Leo XIII mamuli o kona make ana a ua aahu aku oia i ka inoa Pius X.
E like me ka maa, na na Kadinela e koho ma ka balota i Pope iwaena o lakou iho, pela i puka mai ai ka hua o ka hana o Sarto, ke Kadinela o Venice ka i lawe haaheo ae i ka lanakila o ka noho ana ma ka nohoalii pope o ka Hoomana Katolika.
Aole i ike nui ia keia inoa ma ka manawa e upuia ana o ka mea e lilo ae ai o ka nohoalii pope, oiai, he poe inoa okoa wale no ka i kuu akea ia ae, aka, i ka hiki ana i ka panaina o na hana apau e pili ana i ke koho pope ana o na kadinela ua puka mai la ka makemake o ka Pope Leo XIII i hala aku la, e olelo mau ana e pili ana no Sarto, "Ke manaoio kuio nei makou oia aku ana ko kakou Pope."
Ua maikai keia upu mau ana o ka Pope i hala aku la, no ka mea, ua pololei e like me kana i upu ai ma ka hookoia ana iho la. Aka ma ka aoao o ka Pope hou, ua oleloia, aole i komo loa aku keia lanakila ona ma ke ano he mea kuka mana aupuni honua aka ma kona kulana haipule maoli no, no ka mea, aole he ikaika loa kona manao a hana ma na mea pili aupuni e like me ko kona mau mua loa i hala aku i ka make.
Ua manaoia e noho@ hoaloha ana a kaulike ka hoomana me ke Aupuni Italia, a o ka manao nui ia e kanahai mai ana na ano anoninoni malalo o ka hookele ana o keia Pope hou.
Ua ike mua o Pope Leo XIII i keia ano o Mr. Sarto, a oiai o Sarto ma kona kihapai hana, he hana hala ole ia iaia o ka hui pu me ka poe ma'i, he hiki i na pa-ee a hoopaapaa o kona kihapai iho ke hoomalu ia e ia a he naauao a i'o kana mau haiolelo e waiho ai imua o kona mau hipa.
He kanaka o Sarto ma kahi o ke kanaono-kumamawalu makahiki i keia manawa, a he ike mau ia oia e kona ame ka poe i kamaaina iaia he kanaka mumule a waiaau nui ole, a ma kana alakai a hooponopono ekalesia ana he umi na makahiki ona i noho ai pela aole i halawai kona kihapai me na kuia o ka ino.
O ke kohoia ana o Sarto e na Kadinela a hooohoia ae kona lilo io ana i Pope mai St. Peters mai i ka la 4 o Augate iho la, oia no ka mana i loaa like aku ai na manao ohaoha a lawa kupono o ka manao kuakahi o ka lehulehu. Ua maikai la noonoo o ka lehulehu i kona lilo ana i Pope. Ua o mai ka leo hamau o ka lehulehu i na mahale a hoooho no hoi na bela o na luakini i ko lakou mau leo hookani. O na aupuni e keia ua hooholo aku lakou i ka lakou mau mahalo no ka Pope hou maloko o na uweaolelo.
I ka manawa i loheia ae ai keia nuhou maikai ua ikuwa ae la na bele o Roma ae nei o kakou, pela no hoi ke Kuokoa e hooalai aku nei ma ia mahele hookahi me ka manaolana e like me ke ano mau o la oihana he oihana laa, e holomua ana na hana a ka Pope Hou ma na ala maikai e laa io ai e like me ka makemake o ka Makua Lani, aole e like me kona iho.
KE KAHUA O KE KULA HOOPOLOLEI.
Ma ka makaikai ana a ka Agena Kula Muss Davison i loaa ai ia kakou e ka lehulehu kekahi ike no ke kahua hou o ke kula hoopololei e ku nei i keia manawa. E like me ka mea i ikeia aia ma Waialee, Koolauloa, ke kahua hou kahi hoi e ku nei ia a i hooneeia aku ai mai kona wahi mua aku oia o Keoneula Honolulu, pela i kaikai ia aku ai na noonoo ana ame na hoomanao no ia mahele hoonaauao ke hoohailiia ae e like me ia i makaikaiia iho la.
Wahi a ka Agena Kula ua maikai ke kahua a ua ohohia no hoi oia ma kona wehewehe manao ana e pili ana i ua kula kahiko nei maluna o ke kahua hou.
O ka hana, oia kekahi mahele hooikaika kino maikai i maa mau a kamaaina a o ka noho a hana ana iho nei o na kamaiki ma Keoneula kahiko aole i maalo ka-wa loa ka nawaliwali i ke keiki a ua like hoi ka haawina hoohana ia o na kamaiki ma Keoneula kahiko a ma Keoneula hou oia hoi o Waialee, eia nae, ua like ole na haawina olakino. He maikai a he ikaika ko na kamalii ma Waialee a he pili aku hoi ka nawaliwali oiai i Keoneula kahiko. Ma keia mea ua naauao keia hoololi kahua ana.
Aole wale o keia aka ua hoonulia ka nui hua o na hana a na kamaiki. Me ka hoohewahewa ole ua hoohana mau ia na kamaili olai i Keoneula kahiko a o ia haawina hookahi no ma Keoneula hou, "Waialee" aka ke hookukuia na hua oiai he hua no kahi i loaa mai Keoneula kahiki mai ke manao nei makou o ke kahua hou oia ka i hoohua nui mai a oi ae mamua o ko ke kahua kahiko i keia manawa.
Ma ka hoike a ka agena aia he ewalu mau lo'ikalo i pau i ka hana ia, he ehu o lakou i pau i ke kanu ia a he eha i pau i ka hana ia a ua makaukau i ke kanu aku me ka huli.
Aole o keia wale, aka, o na hana ano koikoi a ano nui i ka nana aku, na na kanakamakua e hana aku e pono ai, eia nae, i ke ohohia nui o ka agena ua puiwa oia i ka mana ikaika iloko o na opio malalo o na alakai kupono a na kumu.
Ma keia ano he mea hoopalanaiki mai ia i kekahi mau lilo o ka malama ana i ke kula a ma ka nana ana o ke ano ame na kulana o Keoneula kahiko o ka wa kahiko loa oia kekahi mau hiohiona o ke kula hoopololei i keia manawa.
I kela wa, na na keiki no e mahi a e hana i na lo'ikalo a oiai he nui na keiki o Keoneula ia manawa i maalahi loa ka hana na lakou e hana a ua kaulana nui no hoi ia kula ia manawa.
Aia he heluna nui o na keiki i hoopaaia iloko o keia wahi a mailoko aku o keia kula a iwaena o na keiki o ia mau la aia no he mau kanaka maikai o ka aina i puka mai mailoko mai olaila i hana no ka pono nui.
A hiki no i keia mau makahiki koke iho nei, ua hoohemo koke ia aku kekahi mau keiki o Keoneula no ka hoonaauao ana iloko o kekahi o na kula kie@ kakou nei a i keia manawa eia kekahi o lakou he kanakamakua a e hana nei nona iho mahope iho o ka hemo ana mai ke kula nui mai me ka palapala hoomaikai.
Ke manaolana nei ke Kuokoa e puka mai ana he maikai loa mai Waialee mai i oi ae i ko keia mau mea i hoikeia ae la.
KA HOTELE YOUNG.
Ma ka Poalima i hala aku nei i weheia ai na ipuka o ka Hotele Young o ke kulanakauhale o Honolulu, iloko o ka Paeaina Hawaii, no ke komohale a ua nui maoli na kanaka - keonimana ame na lede, i akoakoa ae iloko o ua Hotele hou nei, a iloko o na hana hookipa lehulehu, ua maikai na mea apau.
Ma ka aoao o ka poe i hiki aku ilaila ia manawa o ke komohale aole he mea i nele i ka hoooho mahalo a ua lawa piha ku'i ka mahalo o ke kanaka e komo ana iloko olaila. Ma ka manao o na mea apau o ka halealii nani a o ka Hotele Young ua like.
Aole wale o keia, aka, o ka nui maoli no o keia hotele ame ka hoohewahewa ole o keia ka hotele nui hookahi iloko o keia kulanakauhale a iloko no hoi o keia Paeaina holookoa.
Ua paa i kona kino mai ka lihi mauka o ke alanui Moi a holo a hiki i ka lihi makai o ke alanui Hotele a ma na kakai hakala a elua - mauka a makai, aia @he eono hale ke kiekie, a o luna loa aia ilaila kahi o na lealea e laa ka hulahula ame na anaina himeni ame na mea like e like me ka mea e malamaia aku ana no na hana hoohauoli.
O ka pauku - waena o ka hale aia he eha hale ke kiekie iloko olaila na keena like ole, a i lalo o ke kakua i ka pili honua na keena nunui kupono no na halekuai ame na keena hana, e hoohanaia nei i keia manawa.
O na lumi moe he nani maoli a o ka noho ana iloko o ka halealii oia ka hoa e like ai me Hotele Young. Na keia hotele no e hoolako i kona poe ponoi ma na mea apau mai ka uwila hoomalamalama holoi, kuke ame na mea no apau i pili i ka noho home ana.
O ka inoa o keia hotele oia no ka inoa o ka mea nana i kukulu a ona no hoi o keia hale nui a ina aole nana i hoolako piha ku'i na mea o ka paa ana o keia hale alaila o ke kuleana hapanui kana. He makamaka haole no keia i kamaaina ia Hawaii nei i noho hana iloko o na hana hoowaiwai o ka aina, a ma na mea i piha ai ma kona aoao, i ikaika ai ka pii ana o keia hale nui, no kona pomaikai, no ka pomaikai o ka poe kipa mai no ka pomaikai o Hawaii, ame ke aupuni.
O keia mea kekahi nana i hapai ae i ke kulanakauhale o Honolulu nei mai na keehina mua ona i ku ai a i ke anuu maluna ae, e like me kona hoopiiia ana ae e na mea hooholomua i komo koke iho nei, e like me ke telegarapa uwea ole, telegarapa moe moana, ame na mea like a ko kakou mau maka e ikemaka nei.
Ma ka leka a ka mea kakau o Hana mai nei, e puka aku nei ma keia helu o ke Kuokoa, e loaa ai ka ike, he hoohalahala ia no ka Lunakanawai o ia Apana ame ka oihana makai o ia Apana maluna o ka hihia hoeha papalua o Urata Iapana a hoopai haahaa ia ai e ka Aha Apana o Hana ma ke noi a ka Lunamakai.
O ka hoohalahala, oia ka haawi haahaa ana o ka Aha i ka hoopai maluna o ka mea i hoopiiia, oiai, wahi a ka mea hoohalahala he karaima ke ano o ka hihia, a ina io pela alaila ua kupono io ka hoohalahala a ka mea kakau, no ka mea, e aole e nele ka lilo o kela haawina hoomalani wale a i ku ole hoi i ke kahua maoli o ka hihia, i mea e hoolana loa ai ka poe kolohe a ha'iha'i kanawai a aloha ole i ka malama ana ia lakou, a he hana kupono loa i ka mana kiekie o ka oihana makai e nana a hooponopono ae i keia pilikia.
Aka, o keia wale no ka aoao i loheia, a ina ua ike ka Lunakanawai he mau kumu kupono loa kana i kau ai i kela hoopai haahaa maluna o ka mea i hoopiiia, a ina ua loaa, ma ka aoao o ka Lunamakai na kumu kupono o ke noi ana i ka Aha e hookauia i hoopa'i haahaa maluna o ke kanaka, alaila ua makauku ke Kuokoa e apo aku i ka laua mau pane maluna o keia hoohalahala i pau ae ai na pohihihi maluna o ke kahua oiaio o ka hihia, a i pau ae hoi ke kuhihewa.
Ua Ike Pono Oia Nona Iho
Ma na hora poeleele o ka po Lapule nei, ua hookohu iho la o Lunakanawai George Davis iaia i makaikiu, a me ka ukali ana a kekahi makai, ua nihi hele aku la laua no Maguna Boloka ma Kakaako, a o ka mea i komo iloko o ka laua upena, oia no kekahi o na keiki helehelena pouliuli e noho nei malalia nona ka inoa o Keaka Mikela.
Ua loaa pono aku oia i ka Lunakanawai e namu ana i na olelo Enelani i kupono ole no ka hoolohe ana a na pepeiao lahilahi, a i kona paa ana aku, ua loaa aku he mau omole wai wela.
I kona hookolokoloia ana i ka Poakahi nei, ua olelo ae oia ua hoomaopopo pono ole oia i kana mea i hana ai ma ia ahiahi, no ka mea, ua nui kana mau kiaha wai i moni ai.
No ka iho ana iho o ka uhane o ke aloha maluna o Davis i kela wa, ua a'oia mai ua pukana nei a Hame mai keke hou kona hele ana ma ke ala, a he mea pono e hookuuia oia i keia wa.
Na Aha Hookolokolo
Ma ka la 1 o Augate nei i mana ai "He Kanawai e Hooponopono Hou Ana i ke Keena Hookolokolo" i hooholoia iho nei e ke kau ahaolelo i pau iho nei. O kekahi keia o na kanawai ano nui i hooholoia iho nei i keia kau, a ua komo pu malaila he mau hoololiloli ano nui no ka lawelawe ana imua o na aha hookolokolo.
Ma keia kanawai, ua hoomoakaka pono ia kahi a me ka manawa e malamaia ai na kau hookolokolo aha kaapuni apau o ka Teritori nei, a penei ka hoonohonohoia ana:
"Iloko o ka Aha Kaapuni Ekahi, ma Honolulu, ma na Poakahi mua o Ianuari, Aperila ame Sepatemaba.
"Iloko o ka Aha Kaapuni Elua, ma Wailuku, Maui, ma na Poakolu elua o Maraki, Iune ame Okatoba.
"Iloko o ka Aha Kaapuni Ekolu, ma Kailua, Kona Akau, Hawaii, ma na Poakolu eha o Aperila ame Dekemaba, a ma Kohala Akau, ma na Poakolu eha o Iulai.
"Iloko o ka Aha Kaapuni Eha, ma Hilo, ma ka Poakolu ekolu o Feberuari, Mei ame Novemaba, a me Hamakua ma ka Poakolu ekolu o Augate.
"Iloko o ka Aha Kaapuni Elima, ma Lihue, Kauai, ma ka Poakolu eha o Maraki, Iulai ame Dekemaba."
O NA MA'I NAHU O KA OPU, Kolera o ka naau, eha ma ka opu, hi koko ame hi, he hiki mai lakou me ka hikiwawe a i kekahi wa, ua hoea mai ka make mamua o ke kaheaia ana o ke kauka, a no ia kumu, he mea pono e malamaia i laau kupono no ka hoohana ana i na wa apau. O ka Laau Nahu o ka Opu, Kolera ame Hi a Chamberlain, aohe ona lua e like ai no ka hoola ana i keia mau ma'i. Aole e hala i ka haawi ana mai i ka maha me ka hikiwawe loa ina no he ma'i kukonukonu ia. He pahee ka lawe ana a he mea pono e hoolawa na home apau me kekahi omole o keia laau. E kii i keia la. E hoolaia no he ola. No ke kuaiia ma kahi o na halekuai laau lapaau apau, Benson, Smith & Co., na Agena no Hawaii.
HOOLAHA HOOKO MORAKI
HOOLAHA MANAO PANIKU A KUAI A KA MEA MALAMA MORAKI.
ANNA KAALOA AHI.
Ma keia ke haawiia aku nei ka hoolaha mamuli o ka mana kuai maloko o kekahi moraki i hanaia i ka la umikumamakolu (13) o Dekemaba, 1902, e Anna Kaaloa Ahi ame C. H. W. Ahi kana kane mare no Honolulu laua a elua, Mokupuni o Oahu. Mea Moraki Mai, ia W. C. Achi, o Honolulu, Mokupuni o Oahu, Mea Paa Moraki, a i hoopaaia maloko o ka Buke 244, aoao 381 a hiki i ka aoao 383, o ke Keena Kakau Kope o ke Aupuni o Hawaii Paeaina, a o ua moraki nei i oleloia ua haawiia ia JONAH KALANIANAOLE no ka malama ana, e ka Mea Paa Moraki i olelo mua ia ae nei ma kekahi palapala i hanaia i ka la iwakaluakumamaha (24) o Dekemaba, 1902, a o ua moraki nei no, me ka mana kuai i hoopaaia iloko ona ua haawi hooliloia e JONAH KALANIANAOLE i oleloia no ka malama ana, ma ka palapala i hanaia i ka la iwakaiua-kumamalua (22) o Iulai, A. D. 1903, ia HARRY ARMITAGE, ka mea e paa nei i ua moraki nei a ona no hoi.
Owau, o HARRY ARMITAGE i oleloia, ke manao nei e paniku i ka moraki i oleloia no na kumu i uhalia, e hoike ana: O ka uku ole ia o ke kumupaa ame ka ukupanee i ka manawa e uku ai.
Ke haawi hou ia aku nei no hoi ka hoolaha o ka waiwai apau i hoopaaia maloko o ka moraki i oleloia e kuai kudala ia aku ana ma ke akea, ma na keena kudala o James F. Morgan, ma Alanui Kaahumanu, iloko o Honolulu i olelo mua ia ae nei, ma ka Poaono, ka la iwakalua-kumumaiwa (29) o Augate. A. D. 1903, hora 12 awakea.
O ka waiwai apau i hoopaaia maloko o ka moraki i oleloia a kuai ia aku ai, oia keia malalo iho:
O kela apana a mahele o ka aina e waiho la ma Kapiolani Mahele-aina, Mokauea, Mokupuni o Oahu, a i hoakaka pono loa ia e like me ia malalo iho, e hoike ana; Na Apana 9 ame 10, o ke Kuea C@ iloko o Kapiolani Maheleaina, nona ka iliaina o 13,195 kapuai kuea, a oia no hoi ka hapa o ka Apana 1. i hoakakaia iloko o ka L. C. A. i hoopukaia ia Kaunuohua no Moehonua.
HARRY ARMITAGE,
Mea Malama Moraki.
Kuike a ma ke dala gula Amerika ka makemake, a ma ka aoao o ka mea kuai mai na lilo palapala apau.
No na mea aku i koe e ike ae ia Long & Long, na Loio o ka Mea Malama Moraki. Lumi helu 9. Kapiolani Building (Hale), kihi Alanui Alakea ame Moi.
Hanaia ma Honolulu, Iulai 30, 1903.
2975 --Aug. 7, 14, 21.
Hoolaha Mana Hookolokolo
KA WAIWAI O LIILII KAHA.
ILOKO O KA AHA HOKOLOKOLO Kaapuni o ka Apana Kaapuni Elua, Teritori o Hawaii. Ma ke Keena Hooponopono Waiwai Hooilina.
Iloko o ka Hana o ka Waiwai o Liilii Kaha, no Kalaupapa, Molokai, Mea i make Kauoha ole.--Ke Kauoha no ka Hoolaha no ka Palapala Noi no ke Kuleana Lunahooponopono Waiwai.
Ma ka heluhelu ana mai ame ka waihoia ana mai o ka Palapala Noi a William O. Smith o Honolulu, Oahu, i ha'ila mai ai me ka pololei i ka make kauoha ole o Liilii Kaha o Kalaupapa, Molokai, ma ka la 7 o Novemaba, A. D. 1903, a waiho iho la he waiwai iloko o Hawaii Paeaina i kupono e noho lunahooponopono waiwai ia , a ke noi aku nei e hoopukaia mai i mau Palapala Hookuleana Lunahooponopono Waiwai nona.
Ke kauohaia aku nei o ka Poaha la umi (10) o Sepatemaba, A. D. 1903, a ma ka hora 10 a. m. o ua Poaha la i oleloia, oia ka manawa maoli i hooholoia ai no ka hoolohe ana i ke Noi i oleloia ma ke Keena Hookolokolo o keia Aha Hookolokolo ma Wailuku, Maui, a ma ia wahi a ma ka manawa i hoike mua ia ae nei e akoakoa ae ai na mea apau i pili iloko o keia hana a e hoike i na kumu o ka hiki ole ke ae ia o ua Palapala Noi nei ina he mau kumu kekahi.
Hanaia ma Wailuku, Maui, Iulai 29,1903.
J. W. KALUA.
Lunakanawai o ka Aha Hookolokolo
Kaapuni o ka Apana Kaapuni Elua.
(Sila)
Ikemakaia: L. R. CROOK,
Kakauolelo o ka Aha Hookolokolo Kaapuni o ka Apana Kaapuni Elua.
2975 - Aug. 7. 14. 21.
Hoolaha Hooko Moraki
HOOLAHA MANAO PANIKU A KUAI A KA MEA PAA MORAKI.
MARY C. WIDDIFIELD.
Ma keia ke haawina@ aku nei ka hoolana mamua o ka mana kuai o kekani moraki i hanaia i ka la iwakaluakumamaniku (2@) o Iune, 1900, e Mary C. Widdifield, no Honolulu, Mokupuni o Oahu, Teritori o Hawaii, Mea Moraki Mai, ia Queen's Hospital (Halema'i Moiwahine) he nui, Mea Paa Moraki, ne moraki i kakau kope ia iloko o ke Keena Hoona Aina o ke Aupuni, ma Oahu, iloko o ka Buke Helu 207, aoao 322-324, ke manao nei ka Mea Paa Moraki e paniku i ka moraki i oleloia no na kumu i uhaiia, e hoike ana, o ka uku ole ia o ke kumupaa ame ka ukupanee i ka manawa e uku ai.
Ke haawi pu ia aku nei no hoi ka hoolaha o ka waiwai apau i hoopaaia maloko o ka moraki i oleloia e kuai kudala ia aku ana ma ke akea ma na keena kudala o James F. Morgan, helu 847-857 Alanui Kaahumanu, iloko o Honolulu i oleloia, ma ka Poaono, ka la iwakalua-kumamaiwa (29) o Augate, 1903, ma ka hora 12 awakea.
O ka waiwai apau i hoopaaia iloko o ka moraki i oleloia a i manaoia e kuai kudala aku e like me ia i olelo mua ia ae nei, oia kela mahele o ka aina apau loa e waiho la ma ke Alanui Hassinger iloko o Honolulu i olelo mua ia ae nei, oia no hoi ka hapa o ka aina i hoakakaia iloko o ka Palapala Sila-Nui (Grant) Helu 3291, a i hoakaka maopopo pono loa ia e like me ia malalo iho:
E hoomaka ana ma ke kihi akau o keia apana ma ka aoao makai o ke Alanui Hassinger ma ka ma-ka he 200 kapuai mai ke Alanui Pensacola a holo e like me ia malalo iho:
1. Hema 46° 25' Hik. 200 kapuai holo ma ke Alanui Hassinger.
2. Hema 43° 35' Kom. 151 kapuai holo ma ka Apana 6 ka Apana i kuaiia.
3. Hema 46° 25' Hik. 200 kapuai holo ma ka Apana i kuaiia.
4. Hema 43° 35' Kom. 25 kapuai holo ma ke Alanui Piikoi.
5. Akau 46° 25' Kom. 400 kapuai holo ma na Apana 353 ame 342.
6. Akau 43° 35' Hik. 176 kapuai holo ma ka apana o Kate L. Vida a hiki i kahi i hoomaka ai, nona hoi ka iliaina o 40200 kapuai kuea.
Pau pu me na pono, na kuleana ame na pomaikai apau i pili aku ilaila.
E koe ana mai ka mahele o ka aina i oleloia, kela hapa apau loa i kuai a hooliloia ia P. R. Isenberg ma ka palapala kuai i hanaia i ka la eono (6) o Mei. 1899, a i kakau kope ia iloko o ke Keena Hoona Aina i olelo mua ia ae nei, iloko o ka Buke Helu 191, aoao 337, ame kela hapa apau loa i hooliloia ia H. Fishel ma ka palapala kuai i hanaia i ka la ekolu (3) o Novemaba, 1898, a i kakau kope ia iloko o ke Keena Hoona Aina i olelo ia, iloko o ka Buke Helu 194, aoao 51.
O ka aina i oleloia ua hooliloia i ka Mea Moraki Mai ma ka palapala kuai a Laura E. Tracy, i hanaia i ka la umi-kumamakolu (13) o Novemaba, 1897, a i kakau kope ia iloko o ka Buke Helu 173, aoao 315.
Ma ke dala gula Amerika a ma ke kuike no hoi ka makemake, a me ka aoao o ka mea kuai mai na lilo palapala apau.
No na mea aku i koe e ike ae ia Robertson & Wilder, na loio o ka Mea Paa Moraki.
Hanaia ma Honolulu, Iulai 31, 1903.
QUEEN'S HOSPITAL:
Mea Paa Moraki.
2975 - Aug. 7, 14, 21, 28.
HOOLAHA MANAO PANIKU A KUAI A NA MEA PAA MORAKI.
Amelia G. Silva, Manoel G. Silva, ame Luis Vasconcellos.
I ka poe apau i piliia.
Ma keia ke haawiia aku nei ka hoohala e ka poe no lakou na inoa malalo iho nei, oia hoi, i kulike ai me ke kanawai ame ka mana kuai ame na manao oloko o kekahi Palapala Moraki i hanaia e Amelia G, Silva, Manoel Golarte Silva, ame Luis Vasconcellos, no Kona Akau lakou apau, Hawaii, o lakou no ka Poe Moraki mai, ia William O. Smith, Mary S. Parker, ame Henry Waterhouse, na Kahu Waiwai malalo o ka Palapala Kauoha o W. C. Lunalilo. Mea i make, ka Poe Paa Moraki, ma ka la iwakalua-kumamawalu (28) o Sepatemaba, A. D. 1900, a i kakau kope ia iloko o ke Keena Kakau Kope o ke Aupuni iloko o Honolulu, Oahu, iloko o ka Buke Helu 214, aoao 249 a hiki i ka aoao 254, o ka Poe Paa Moraki i oleloia ke manao nei lakou e paniku i ka moraki i oleloia no na kumu i hoikeia maloko olaila, e hoike ana: o ka uku ole ia e ka Poe Moraki Mai i oleloia na huina kumupaa o elua palapala aelike hoopaa aie a bila hoale o ka Poe Moraki Mai, no elima kaukani dala ($5,000.00) pakahi, i ka manawa e uku ai, ame ka uku ole ia o ka ukupanee o na bila hoale, ame ka uku ole ia o na uku hoolimalima i puka mai malalo o na kulana o kekahi mau hoolimalima i hoopaaia e ka moraki i oleloia, a i kulike ai me na hoopaa ana ame na aelike i hanaia iloko o ka moraki i oleloia.
Ke haawi pu ia aku nei ka hoolaha mamuli o ka mana i oleloia ae nei, o na aina apau loa ame ka waiwai apau loa, waiwai paa, waiwai lewa a waiwai huikau, pau pu me na waiwai hoolimalima, i hoakakaia iloko o ka moraki i oleloia, a pela no hoi, o ka waiwai apau loa i hoakakaia iloko o kela moraki pakui a palapala kuai no ka hoopololei ana, i hanaia i ka la ekolu (3) o Mei, 1901, a i kakau kope ia iloko o ke Keena Kakau Kope i oleloia, iloko o ka Buke Helu 223, aoao 234 a hiki i ka aoao 236, a oia mea hookahi ka i pakuiia aku a manaoia he hapa o ka moraki o Sepatemaba 28, 1900, i oleloia, ka moraki i hoikeia ae nei maluna, a i pili aku iaia, ame na hana hou apau o kekahi ame na mea no apau loa o ka waiwai i oleloia, e kuai kudala ia aku ana lakou apau e ka Poe Paa Moraki i oleloia, ma ke kuai kudala akea ana ma na keena kudala o James F. Morgan, iloko o Honolulu, Oahu, Teritori o Hawaii, ma ka Poaona, ka la iwakalua-kumamaiwa (29) o Augate, A. D. 1903, i ka hora 12 awakea o ka la i oleloia.
O ka waiwai i hoopaaia maloko o ka moraki i oleloia ame ka Moraki Pakui, a i hoakakaia maloko, a i manaola e kuai aku e like me ia i hoike mua ia ae nei, oia keia e hoakakaia nei malalo iho nei, e hoike ana:
E like me ka Papa Kuhikuhi "A" o ka Moraki i oleloia o keia malalo iho ka waiwai:
1. He hapa o ka aina i hoakakaia iloko o ka R. P. (Grant) Helu 1604, hoopukaia ia Naaimakohi, e waiho la i Kona Akau i oleloia, a oia no hoi ka aina i hooliloia ia Amelia G. Silva, ma ka palapala a M. F. Scott, i hanaia i ka la iwakalua-kumamalua (22) o Iulai,, 1897, a i kakau kope ia iloko o ke Keena Kope i oleloia, iloko o ka Buke Helu 173, aoao 67.
2. He hapa o ka aina i hoakakaia iloko o ka L. C. A. Helu 10400, hoopukaia ia Naaimakohi i oleloia, e waiho la i Kona Akau i oleloia, a oia no hoi ka aina i hooliloia la Amelia G. Silva, mai a M. F. Scott i oleloia, ma ka palapala kuai i oleloia a kakau kope ia iloko o ka Buke Helu 173, aoao 67.
3. He elima (5) mahele (kea) o ka Hui Aina o Holualoa, Kona Akau, a i hoakakaia iloko o ka palapala kuai i oleloia a M. F. Scott.
4. O kela palapala hoolimalima o ke Ahupuaa o Kaumalumalu, i haawiia ia Amelia G. Silva i oleloia, ma ka palapala kuai o M. F. Scott i oleloia.
E like me ka Papa Kuhikuhi "B" o ka Moraki i oleloia, o keia malalo iho ka waiwai:
1. He hapa o ka aina i hoakakaia iloko o ka Palapala Sila Nui (Grant) Helu 3019, hoopukaia ia Kaaipulu, i hooliloia ia Luis Vaconcellos i oleloia, ma ka palapala kuai a Simona, et al., i hanaia i ka la iwakalua-kumumalua (22) o Okatoba, 1897, nona ka iliaina o ewalu eka, he palapala kuai hoi i kakau kope ia iloko o ke Keena Kakau Kope i oleloia iloko o ka Buke Helu 172, aoao 465.
2. He hapa o ka aina i hoakakaia iloko o ka R. P. (Grant) Helu 983, hoopukaia ia Kipola, e waiho la ma Kahaluu, Kona Akau i oleloia, a oia no hoi ka aina i hoakakaia iloko o ka palapala kuai mai a Paulo Mioi ia Luis Vasconcellos i oleloia, i hanaia i ka la eiwa (9) o Augate, 1897, a i kakau kopeia iloko o ke Keena Kakau Kope i oleloia, iloko o ka Buke Helu 177, aoao 64.
3. O kela mau apana aina apau loa e waiho la iloko o Kapalaalaea, Kona Akau i oleloia, i hoakakaia iloko o ka R. P. Helu 3763, L. C. A. Helu 1062, hoopukaia ia Puhi, nona ka iliaina o 3.16 eka, 338 anana.
4. He palapala hoolimalima mai a Annie Peahe ame kana kane mare ia Luis Vasconcellos i oleloia i hanaia i ka la elima (5) o Sepatemaba, 1899, a i kakau kope ia iloko o ke Koena Kakau Kope i oleloia, iloko o ka Buke Helu 190, aoao 474-475.
5. He palapala hoolimalima o kela mahele o ka aina e waiho la i Holualoa i oleloia, nona ka iiiaina o 2 eka, e pili kokoke la i ka aina o Amelia G. Silva i oleloia, i hoakakaia iloko o ka palapala hoolimalima mai a John Gomez ia Luis Vasconcellos i oleloia, a he ewalu makahiki ka manawa i koe mai ka la iwakalu-kumamawalu (28) o Sepatemaba, 1900 aku.
E like me ka Papa Kuhikuhi "C" o ka moraki i oleloia, o keia malalo iho ka waiwai; oia hoi ka aina apau loa i hoakakaia iloko o kekahi palapala kuai i hanaia e ka Hawaiian Coffee and Tea Company, Ltd., ia Kailua Coffee company, Ltd., a i kakau kope ia iloko o ke Keena Kakau Kope i oleloia, iloko o ka Buke Helu 177, aoao 101 a hiki i ka aoao 104; e hoike ana;
1. O keia mahele o ka aina apau loa i ikeia ke Ahupuaa o Laaloa 2, nona ka iliaina o 104 eka, a i hoakaka maopopo loa ia iloko o ka R. P. Helu 2809;
2. O kela mau mahele a apana o ka aina e waiho la iloko o na Ahupuaa o Laaloa 2 ame Kapalaalaea, Kona Akau i oleloia, a oia no hoi na aina i hoakakaia iloko o ka palapala kuai mai a James I. Dowsett ia Hawaiian Coffee and Tea Company, Ltd., i kakau kope ia iloko o ke Keena Kakau Kope i oleloia, iloko o ka Buke Helu 142, aoao 23.
3. O keia mahele a apana o ka aina e waiho ia i Kahaluu, Kona Akau i oleloia, i hoakakaia iloko o ka L. C. A. Helu 5635 D:
4. O kela aina apau loa e waiho lai Kahaluu i hoike mua ia ae nei oia kakaia iloko o ka R. P. Helu 4273, L. C. A. Helu 5695,
5. O keia aina apau loa e waiho la i Kahaluu i olelo mua ia ae nei hoano hoi ka hapa o ka aina i hoakakaia iloko o ka R. P. Helu 4418, L. C. A. Helu 5687;
6. He palapala hoolimalima mai a Simona Naaimokohi ia A. A. Todd ame Thos. Sylva, i kakau kope ia iloko o ke Keena Kakau Kope i oleloia, iloko o ka Buke Helu 134, aoao 159;
7. He palapala hoolimalima mai a Lahapa Halsey ia Thomas Sylva, i kakau kope ia iloko o ke Keena Kakau Kope i oleloia, iloko o ka Buke Helu 134, aoao 125;
8. He palapala hoolimalima mai a Malaea K. Leleiwi ia Hawaiian Coffee and Tea Company, Ltd., i oleloia;
9. He palapala hoolimalima mai a S. B. Kaomea ame kekahi poe e iho ia Hawaiian Coffee and Tea Company, Ltd., i oleloia;
10. He palapala hoolimalima mai a Lokalia Alawa ame kana kane mare ia Hawaiian Coffee and Tea Company, Ltd., i oleloia:
11. He palapala hoolimalima mai a J. Kanewa ia Hawaiian Coffee and Tea Company, Ltd., i oleloia;
12. He palapala hoolimalima mai a Kanewa Opio ia Hawaiian Coffee and Tea Company, Ltd., i oleloia:
13. He palapala hoolimalima mai a Kanewa Opio ia Hawaiian Coffee and Tea Company, Ltd., i oleloia:
E like me ko ka Moraki Pakui i oleloia, o keia malalo iho ka waiwai:
1. He palapala hoolimalima mai a R.W. Aylett ia Manoel Golarte Silva, i oleloia i hanaia ia ka la umi-kumamahiku (17) o Aperila, 1894, no ka manawa o iwakalua-kumamalima (25) makahiki, o na pono, na kuleana ame na pomaikai apau loa o Aylett i oleloia iloko o ka Ahupuaa o Kaumalumalu, iloko o Kona Akau i oleloia, oia no hoi ka eko@ hapaha mahele ole ia iloko olaila, a o ka palapala hoolimalima i oleloia na kakau kope ia iloko o ke Keena Kakau Kope i oleloia, iloko o ka Buke Helu 144, aoao 389 a ka aoao 390.@
Ma ke kuike a ma ke dala gula Amerika ka makemake, a ma ka aoao o ka mea kuai mai na lilo palapala kuai apau.
Hnaia@ ma Honolulu, Oahu, Iulai, 22, 1903
WILLIAM O. SMITH.
MARY S. PARKER.
ame HENRY WATERHOUSE.
Na Kahu Waiwai malalo o Na Palapala Kauoha o W. C. Lunalilo mea i make.
Poe Paa Moraki.
No na mea aku i koe e hele ao i ka keena o W. O. Smith. Lumi 286 @ Building (Hale) Honolulu.
Smith & Lewis, ame LO@IS & WARREN, na Loio o ka Poe Paa Moraki.
2973 - July 24. 31. - Aug. 7. 14. 21. @
HOOLAHA MANAO PANIKU A KUAI A KA MEA PAA MORAKI.
LOOK SEE & WALTER AKANA AHI.
I kulike ai me ka mana kuai i kek@ moraki i hanaia e Look See (w), W. Ping Chong, kane mare a Look See @ oleloia, Walter Akana Ahi ame A@a Ahi kana wahine mare, ia Julius Rosenstein, ma ka la umi-kumamalina (15) o Feberuari, A. D. 1903, a kak@ kopeia iloko o ke Keena Hoona Aina o ke Aupuni, ma Oahu, iloko o ka Buke Helu 230, aoao 384-386, ma keia ke@ haawiia aku nei ka hoolaha o ka Mea Paa Moraki i oleloia ke manao n@i oia e paniku i ka moraki i oleloia @ na kumu i uhaiia: e hoike ana, i ka uku ole ia o ka ukupanee i ka manawa e uku ai, a maluna o ia paniku ana i oleloia e kuai kudala ia aku ai ma ke akea iloko o na keena kudala @ James F. Morgan, Alanui Moiwahine, Honolulu, ma ka Poaono, ka la ewalu (8) o Augate, A. D. 1903, ma ka hora 12 awakea o ka la i oleloia, ka aina i hooakakaia iloko o ka moraki i oleloia a i hooakakaia malalo iho nei:
No na mea aku i koe e ike ae ia William Savidge, Helu 79, Alanui Kalepa, Honolulu.
JULIUS ROSENSTEIN,
Mea Paa Moraki.
O kela apana a mahele o ka aina apau loa e waiho la i Mokauea, Kalihi. iloko o Honolulu i oleloia, oia no hoi ka hapa o ka aina i hooakakaia, oia ka Apana 2 o ka Palapala Sila Nui Helu 2509, L. C. A. Helu 6450, a i hoakaka pono loa ia e like me ia malalo iho.
E hoomaka ana ma ke kihi komohana ma kahi pohaku ma ka auwa@ alaila e holo ana penei Hem 41° @ Hik. (magnetic) 5.82 kaui, e pili ana i ko Kaui, ame Kaialoa; Akau 10@ Hik.(oiaio) 6.00 kaul. e pili ana ma ke alanui; Akau 81° 80' Kom.(oiaio) @ kaui, e pili ana i ke koena alaila, Hem. 14° 30' Kom. (oiaio) 1.30 kaui, e pili ana i ka auwai, nona ka iliaina o 1.25 eka a oia no hoi ka aina i hooliloia i k@a Poe Moraki Mai, ma na palapala kuai a Kaui ame Kauwene, i hanaia i ka la ekahi (1) o Iune, 1899, a i kakau kopeia iloko o ke Keena Hoona Aina o ke Aupuni iloko o ka Buke Helu 195, aoao 177, Wahineai et ai, i hanaia i ka la elua (2) o Iune, 1899, a i kakau kopeia iloko o ke Keena Hoona Aina i oioloia iloko o ka Buke Helu 194, aoao 255, ame Kaholoaa ame Kinoulu, i hanaia i ka la ekolu (3) o Iune, 1899, a i kakau kopeia iloko o ke Keena Hoona Aina i oleloia iloko o ka Buke Helu 194 aoao 277.
2972 - July 17, 24, 31. Aug. 7.
HOOLAHA MANAO PANIKU A KUAI A KA MEA PAA MORAKI.
C. B. GRAY.
I kulike ai me na manao o kek@ moraki i hanaia e C. B. Gray ia William R. Castle, Kahu, ma ka la iwakalua-kumamawalu (26) o Sepatemaba, 1899. a i kakau kope ia iloko o ke Keena Kakau Kope o ke Aupuni iloko o ka Buke Helu 196, aoao 435, ma ke @ ke haawila aku nei ka hoolaha ke i @ nao nei ka Mea Paa Moraki e paniku @ ka moraki i oleloia no na kumu i ul@ ia, e hoike ana, o ka uku ole ia o k@ ukupanee ame ke kumupaa i ka @ nawa e uku ai.
Ke haawi pu ia aku nei ka hool@a mahope iho o ka pau ana o ekolo p@ mai ka la aku o keia hoolaha e hoolahaia aku ai ka waiwai apau i hoopaala maloko o ka moraki i oleloia no ke kuai ana me ke kudala akea ma na keena kudala o James F. Morgan. iloko o Honolulu, ma ka Poaono, la iwakalua-kumamalua (22) o Augate, 1903, ma ka hora 12 awakea o ka ia i oleloia.
No na mea aku i koe e loaa n@ mai a W. R. Castle mai, ka loio o ka Mea Paa Moraki.
Hanaia ma Honolulu, Iulai 30, 1903.
WILLIAM R. CASTLE, Kalu
Mea Paa Moraki.
O keia malalo iho ka waiwai apau i hoopaaia maloko o ka moraki i oleloia:
O kela apana a mahele o ka aina e waiho la ma ka aoao Ewa o ke Awawa o Nuuanu, oia no hoi ka hapa o keia mau aina i hoakakaia iloko o ka R. F. Helu 3050, hoopukaia ia H. A. W@mann, he hapa hoi o na aina i kool@ ia Wong Wa Foy, Kahu, ma ka palapala kuai e E. B Waterhouse ame kekahi poe e iho, i hanaia i ka la umikumamakahi (11) o Iulai, 1896, kakau kope ia iloko o ka Buke Helu 1@ aoao 497, oia no hoi na apana 39, 40, 41 ame 42 iloko o ke Kuea 3, no lakou ka iliaina o 21,000 kapuai kuea. @ hooliloia i ka Mea Moraki Mai ma ka palapala kuai o August Johnson i hanaia i ka la iwakalua-kumawalu (28) o Sepatemaba, 1899.
2974- July 31 - Aug. 7. 14. 21.
OLELO HOOLAHA.
Aole e kau ke koikoi mai na ale apau loa e hoopaaia ana ma ko'u inoa a kekahi mea, aia wale no a loaa aku kekahi kauoha mai ia'u aku ma ka palapala.
WILLIAM KEIKI,
Honolulu, Iulai 21, 1903
2975 - July 24, 31. Aug. 7.