Ka Nupepa Kuokoa, Volume XLI, Number 31, 31 July 1903 — E Make ana Oia ma ka Amana [ARTICLE]

E Make ana Oia ma ka Amana

Ua pau ka manaoiana no ke kapae ana ae i ka. hoopa'i li i kauia aku maiuna o Tanbara Gisaburo e Lunakanawai Estee o ka Aha Apana Amerika, a eia oia ke noho nei I keia mau la me ka weli i ka Poalima, Augate 14, 1903, kona la hope loa hoi e ike ai I kela ao. Ma ka Poalima nei ua lawe hou la aku oia imua o Lunakanawai® Estee no ka hoopuka hou ana mai i ka hoopa'i i kau mua ia mai maluna ona e olelo ana, ua ku ka hewa pepehikanaka iaia ma o kona hou ana ia Kapena Jacobsen me ka pahi a make loa, a nolaila, ke kauoha:'a aku nei ka Ilamuku o ka Apana o Hawaii e ii iaia 1 ka Poalima, ka la 14 o M. H. 1903, mawaena o ka hora 12 awakea ame ka hora elima o ua la nei i oleloia. I ka maheleia ana aku o keia mau huaolelo e James H. Hakuole, ua hoolohe mai o Tanbara me he mea la he mea IHHI wale no keia, a* aohe hoi he hana e kau mai ana i ka hoopa'i weliweli o ka make maluna ona.

I ke ahiahi ana iho, ua hele aku kekahi mea kakau o ka nupepa namu Adavataisa e ike iaia ma ka halepaahao, a i kona ninauia ana aku ina oia ua hoomaopopo pono i kona kulana i keia wa, ua pane mai oia ma ka olelo haole, a penei iho ka unuhi ana: "Ha! tu maki sikea! Augate umi-kumamaha. maluna. kaula'" Ma keia mau olelo i maopopo pono iho ai ua maopopo no iaia kona kulana i keia wa. Ma kana olelo, no na makahiki he umi-kumamalima i hala ae nei ua lilo oia i kanaka Kristiano ma lapana, a he makemake kona e hele aku ke kahunapule Kepani Motokawa e ike iaia. He makemake no hoi kona e hele aku ke Kanikela lapana e ike iaia, no ka mea, he makemake kona e kakau i leta hope loa na kona mākuahine ma lapana. ITa hoomakaukau iho nei o Lunapaahao Henry i ka amana, a o ka mea wale no i koe, oia ka hooko ana aku i ke kauoha a ke kanawai no ka lawe ana ae i ke ola o ka mea i ha'iha'i i ke kanawai e papa ana "Mai pepehikanaka oe."