Ka Nupepa Kuokoa, Volume XLI, Number 29, 17 July 1903 — Na Moho Lunakanawai Apana [ARTICLE]

Na Moho Lunakanawai Apana

Ma ke kakahiaka Poalua nei i kakau aku ai o Kiaaina Dole ia Liuna Hooia Fisher, a hai aku o Lyle A. Dickey, ka lunakanawai Apana Elua o Honolulu, ke noho .no ka manawa ma ke kulana Lunakanawai Ekahi ma kahi o Lunakānawai Wilikoki i make, a 0 George. A. Davis hoi, ka mea i noho iho nel ma ke kulana Lunakanawai Ekahi no ka manawa, e noho oia ma ko Dickēy wahi a hiki i ka wa e loaa mai ai ke kauoha hou. Mā keia hana a ke ua pau na hana e pili ana i ka tn.ea e noho paa aku ana ma kahi o Wiīikoki a hot mai ke Kiaaina mai kana huakai mai maluna o ka Iroquois no kekahi mau mokupuni o ka paeaina nei. He nui na inoa i hoopukapukaia ae no keia kulana, he poe kekahi i makemakē i ke kulana, a he mau inoa hoi kekahi i waihoia mai me ka maopopo pono ole o ka ae o ua mau inoa nel. Ua kamailio aku o Gardner K. Wilder 1 kona makenyike i ke kulana i kekahi o kona mau hoa loio. O Chas. L. Hopkina hoi, kekahi o na maheleolelo Hawaii o na aha hookolokolo. He nui ka poe i makemake iaia ma keia kulp.na. He kanaka oia i ike ma na olelo elua, he koko Hawaii kona, a he ike kanawai, eia nae, aole oia he loio. Ua noho 'oia ma keia kulana mamua, he Ilamuku i kā wa o ke aupuni moi» he mau mea keia mal ana ; no kona makaukau lawelawe oihana. O Lyle A. Dickey hoi, ke manao ia nei e hoopiiia ae ana oia mai ka Lunakanawai v Elua ae a Lunakanawai Ekahi. O Chas. F. Peterson kekāhi i oleloia no keia wahi. He opio oia i hanau maanei a he niea hoi i kamaaina ma na oihana aiipuni. _ O A. F. Judd, keiki a Lunakanawai Kiekie Judd i make kēkahi mea e manaoia nei no keia kulana. O ka inoa hope, oia o E. P. Dole, ka Loio Kuhina mua.iho nel o ka Panalaau. Ma ka nana aku, aohe he makemake o na loio ia George A. Dav!s e noho i lunakanawai.