Ka Nupepa Kuokoa, Volume XLI, Number 29, 17 July 1903 — Ke Kinipopo o ka Poaono nei [ARTICLE]

Ke Kinipopo o ka Poaono nei

Ma kekahi paanl kinipopo i paaniia mawaena o na hui kinipopo Kamehameha ame Punahou ma ka auwina la| Poaono nei, ua lilo ka eo i ka hui malalo o ka inoa o ka Na'i Aupuni mahope no nae o ka hooikaika piha ana e kaili i ka lanakila mai kona hoa paio mai. Mai ka wa i kaheaia ai ka paani a hiki i ka pau ana, he nui ka pihoihoi o na kanaka. Ma ka aoao o na Kamehameha, ua maikai ka paani ana a Reuter, ka nou popo o ia hui. Mai loaa no paha he hookahi wale no holo i ka Punahou ina aole oia. i haawi i ka pahu ekahi i kekahi ona Punahou. O Judd, he mea paani no ka Punahou, oia wale no ka mea i loaa ka holo puni ma o ka pa pono ana o ka popo iaia. O keia wale no ka popo a Heuter i ioaa pono i na Punahou. He maikai no Kakela paani ana, koe wale no, he nou mau oia i ka popo kimo ilalo, a no ia kumu, ua hoomaopopo na keiki o Kamehameha a pa mau ka popo. O ka pa ino loa no nae, oia ke komo hope ana a na Kamehameha a 1110 ai ka eo ia lakou. O kekahi keia o na paani paakiki 3 ikeia o keia kau, he umi-kumamakahi ka nui o na komo ana a na aoao elua. Ma keia lanakila ana o Kamehameha, ua lilo like iaia ame Honolulu na alakai ana o na hui kinipopo, Elks ka helu elua. Punahou helu ekolu, a o Maile hoi, me ka hua kaka. Ua loaa ma keia paani ana he 3 holo a Kamehameha, a o Punahou hoi he 2 holo. Ma ka paani elua mawaena o Honolulu ame Maile Ilima, ua lilo ka eo i ka inoa mua me ka maalahi, he 13 ana holo a o Maile he 7 holo. Ua hiki aku ka heluna o ka poe makaikai i ka 1,000.