Ka Nupepa Kuokoa, Volume XLI, Number 29, 17 Iulai 1903 — E Liia no Oia ma ka Amana [ARTICLE]

E Liia no Oia ma ka Amana

Ma ka Poakolu o keia pule iho nei i loaa mai ai he lono telegarapa mai Wasinetona mai e olelo ana ua hoole ka Peresidena o Amerika Huipuia i ka hoololi ana i ka hoopa'i i kauia aku o Tanbara Gisaburo, he lapana e paa nei ma Kawa no ka hewa pepehi-kanaka. X ka loaa ana mai o keia lono, ua papa ae o Lunaoaahao Henry aole e kamailioia o Tanbara no keia mea, a ua hookoia keia kauoha. He makemake ko Henry e kali malie a loaa mai na pepa mai Wasinetona mai, alaiia hooko aku i ka hoopa'i i kauia aku maluna o ka lawehala. Ua ikeia aku o Lunaikanawai Amerika Estee ame Loio Amerika Breckons no keia mea, a ua olelo mai laua ke kali laua a loaa mai ke kauoha a ka Peresidena, alaila, kukuiu hou ia mai ka lawehala no ka hoohoio hou ana i kona wa e make ai. O Tanbara Gisaburo ke kuene o ke Kuna Fred J. Wood, a o ka mea hoi nana i hou o Kapena Jacobsen i ka oahi i keia makahiki iho nei. .1 ka mahina o Okatoba kona hookolokoioia ana, a ua hoopa'iia oia e Lunakanawai Estee e make ma ka amana. Mamua o ka hookoia ana o ka hoopa'i maluna o ka lawehala, ua nol aku na lapana o Hawaii nei ia Kiaaina Dole e noi i ke aupuni e hoololiia ka hoopa'i. He eono mahina ae nei o ka waiho ana o keia noi ma ka lima o ka Peresidena a akahi no a hanaia.