Ka Nupepa Kuokoa, Volume XLI, Number 29, 17 Iulai 1903 — Iloko o na Lima o ka Poe Powa [ARTICLE]
Iloko o na Lima o ka Poe Powa
I keia mau pule iho nei, ua hoopuka ae o William Roehi, he mea i olelo ae ma Kapalakiko mai Honolulu aku nei oia, i palapala hopu no Wiiiiam Doll, he mea i kuhiia aku e Koehl nana i aihue he $960 mai kona 'mau pakeke aku. He ekolu ae nēi pule i hala, ua hoea aku o Hoehl ma Kapalakiko, a iaia e iho ana mai luna iho o ke alapii o ka mokuahi, ua holo mai la kekahi kanaka a paa ana i kona lima me ka olelo pu ana mai he mea oia i kamaaina i ka malihini. Ma ka nana aku, me he mea la he keonimana oia, a ua ae aku o Roehl i kana kono e hoi no kona wahi. Ma kona hale i halawai iho ai ka malihini me ka wahine a keia hoaloha a he maikai hoi .kona hookipaia ana. I ko lakou hoomaka ana e ai, «a hoomaka lakou e īnu, a i ka ona ana o Roehl, ua haoia kana dala i hiki aku ka huina ika 960. No keia mea ua hopuia o Doll a eia ke kali nei no ke ku mai o ka aha hookolokolo.