Ka Nupepa Kuokoa, Volume XLI, Number 28, 10 July 1903 — Paa o Lam Ching Wa i ka Hopuia e na Powa. He Pake Kamaaina Kahiko Oia no ka Teritore nei a he Kupa Amerika hoi. I ka Mahina iho nei o Iune i Paa Pio ai oia, a he $10,000 i nau ia no Kona nemo Maalahi. [ARTICLE]

Paa o Lam Ching Wa i ka Hopuia e na Powa.

He Pake Kamaaina Kahiko Oia no ka Teritore nei a he Kupa Amerika hoi.

I ka Mahina iho nei o Iune i Paa Pio ai oia, a he $10,000 i nau ia no Kona nemo Maalahi.

Ma ke ku ana mai o ka Mokuahi Doric i ka Poakahi nei, ua loaa mai kekahi meahou'e pili ana i ka lawe malu | ia ana o Lam Ching Wa, he Pake iar welawe oihana kalepa mua no Honolulu nei, e na powa ma Kanatona, Kina. Ke manaoia nei na na Pake powa o na muliwai ka poe nana i lawe oia, a eia oia ke paaia nei no ka uku panai 510,000. Ua hoomaopopoia iho ma na lono i loaa mai, ua hoowalewaleia o Lam ame kona mau hoa e komo ma ka hale o kekahi kanaka i hoolauna mai iaia iho ma ke ano he hoaloha, a aia keia wahi ma kekahi wahi e kokoke ana i ke taona. o Sun Wai. Ia lakou malaila, ua hopuia lakou e na powa a laweia e hoopaa ma kekahi wahi. ■ I waenakonu iho nei paha o ka mahina o lune ka hanaia ana o keia hana powa, a i ka lohe ana o ke aupuni Amerika i keia mea, ua hoouna kokela aku ka mokukaua Callao e hoao e hoopakele i keia poe, no ka mea, he kupa Amerika o Lam. Ma ka leta a Lam Say Kai, he keiki hanauna e noho nei ma Kanatona, i kakau mai nei i Honolulu nei, ua olelo mai oia ke paaia nei kona makuakane hanauna, a e hookuuia mai no ina e loaa aku ,ka uku panai o $10,000 i .na powa, a ua kauia mai no toi he huina dala i like ae la no me ia no ke kuokoa o kona mau hoa. I ka manawa i kakauia mai ai „keia leta, aohe mea i hemo mai o keiā j)oe.

Ua hiki rhua mai o Lam Wa ma Hawaii nei he kanakolu anei paha makahiki i hala, a he halekuai kana oihana mua i kukulu ai maanei ma ke kihi o na alanui Nuuanu ame Hotele. Mahope mai komo oia ma na hui mahi laiki, a i keia wa, oia kekahi o na Pake mahi laiki nui o Koolau. Oia no hoi kekahi o na lala koikoi o ka hui Sing Chon& ame ka hui Wing Chung Lung: o keia kulanakauhale.

Ua piha iaia he 58 makahiki i keia \va, a he nui kona ohana, a he hookahi wale no ana keikikane, a eia oia ke lawelawe nei i ka oihana banp.ko ma Hang Shan, kahi hanau o kona makuakane.

I ka wa o ke aupuni moi, o Lam Ching kekahi o na hoakuka o ka Moi Kalakaua e pili ana i ka hookomo ana mai i na Pake ma Hawaii nel, a ma ka oleloia, oia ka mea nana i koi ikaika e hookomoia mai na Pake.