Ka Nupepa Kuokoa, Volume XLI, Number 28, 10 July 1903 — Kona Mea i Pakole Mai ai. MAI POINO PAHA O MISS GOODWIN INA OIA I HOULOLOHI. [ARTICLE]

Kona Mea i Pakole Mai ai.

MAI POINO PAHA O MISS GOODWIN INA OIA I HOULOLOHI.

"No elima ae nei makahiki i hala, ua make aku ko'u makuahine i ka ma'i hokii," wahi a Miss Johannah Goodwin, o Northbridge, Mase., "a ua ulu mai no iloko o'u e loaa ana wau i keia ano ma'i hookahi. Ke manaoio nei wau i keia wa mai loaa io no wau ina aole no ka Huaale Akala a Kauka WiUiams no ka Poe Haikea. "Ua pii mai ka haikea ame Ka lena maluna o ko'u helehelena, a ua like ko'u nanaina me kekahi uhane lapu o ka po. Ua nui ko'u nawaliwali a aohe hoi he hiki ia'u ke komo i ko'u aahu me ka noho ole ana ilalo o kela ame keia manawa no ka hoomaha ana no ka pii mau mai o ka naenae, a ina e hele ae no kekahi wahi pokole, like pu no, a ina e kulou ke poo a hoanapuu ae i ke kua, pii mai ka maeele a puni ke kino holookoa. Pii mau mai ka naenae ame ka nalulu, a he wali pono ole hoi ka'u ai a aohe he maikai na hana o ka puuwai. E nakeke mau ana k'ekahi mea maloko o ko'u poo a ua kokoke loa wau e pupule i ko'u loaa loihi ana i keia haawina. He nui ko'u mau manawa i hoao ai e hoopaa i ka lohe ana i keia halulu ma ke pani ana i ko'u pepeiao, eia nae, aohe ia he mea e hooemiia iho ai, a i kekahi wa ua kokoke loa e hiki ole ia'u ke ike. Ua emi loa mai la ko'u olakino a manao iho la 110 wau e make ana wau. "I kekahi la, ua olelo mai kekahi o ko'u mau hoaloha e hoao i ka Huaale Akala a Kauka Williams no ka Poe Haikea, a. ua lioomaka koke wau i ka lawe ana. Ua loaa mai no ia'u ka oluoiu mamua o ka pau ana o ka pahu mua, a i ke kokoke ana e plha he elua mahina o ko'u lawe hoomau ana, ua oluolu loa ae la wau a ua haalele loa mai keia ma'i a ua ola wau ma na ano apau." O, ka ma'i i kau aku maluna o Miss Goodwin, oia no ka ma'i anaemia, a i ole, o ka ma'i koko paa, a o -ke kumu o keia, oia no ka lawa pono ole o ke kino i ke koko, a o kekahi hoi, no ka holowai 0 ke koko. E hoike moakaka ia mai no ikeia ano ma'i i ka haikea ano e mai o ka heleKelena, keokeo pu na lehelehe, pau ka uwila ana o na maka, keokeo pu 'ke alelo, naenae ina e hooikaika iki ae, o ka oi loa aku ina e hoao ae e pii ma kekahi wahi, pana kapalili ka puuwai, loaa mai ka manao e make ana oe, nawaliwali, ono ole mai ka ai, a lana ole mai ka manao. Ina e waiho malie ia keia haawina, o ka make no 'ka hopena e hoea mai ana. O ka laau wale no i maopopo no keia ano ma'i oia no ka Huaale Akala a Kauka Williams no ka Poe Haikea. He papalua ka hana a keia laau, he mea maikai no ke koko ame na aalolo. O keia iho la na meahuna e pili ana » keia laau kupaianaha. Ua hiki loa i keia laau ke hoo!a i na ano ma'i like ole he nui wale. na ano ma'i e like me ka locomotor ataxia, ma'i 1010 o hookahi aoao, St. Vitus Ōanee, sciatiea, neuralagia, reumatika, nalulu, ke ano ponini i ka wa ». ae ana mai ke garipa ae, pana kapalili 0 ka puuwai, helehelena haikea ame na ano ma'i no apau e loaa ana i kekahi kane a wahine paha. E loaa no ka Huaale a Kauka Williams ma na halekuai laau apau, a e hoounaia aku no ma ke kauoha ana mai ia l)r. Wiiliams Medicine Co., Schenectady, N. Y., me ka uku pu ana i na lilo leta, ina e loaa mua maLke kumukuai, he kanalima keneta o ke poho hookahi, eono poho no elua dala ame ka hapalua.