Ka Nupepa Kuokoa, Volume XLI, Number 28, 10 July 1903 — He Make Kupaianaha Maoli [ARTICLE]

He Make Kupaianaha Maoli

Ma ke kakahiaka o ka Poalua, lune 23, oiai o Kekuiapoiwa me kekahi mau hoa e ae e nanea ana ma ka aeone o Hanapepe, ua koi aku la oia i kona mau hoa e hele i ka lawai'a me ka upena, ua hoole mai la kona mau hoa aole e heie no ke okaikai loa, aka ua koi ikaika loa no oia a hiki wale i ka hooko ia ana o kona manao. Oia ame Malani na mea ia laua ka upena, a o Kamauleule ame Kapukui (opio) "na mea mauka ma kahaone. Ua hee aku la na mea ia laua ka upena, a ma kahi kupono a laua i 'manao āi, ua wehe ae la laua i ka upena me ka hookaawale ana o kekahi mai kekahi mai. I ka pau ana o ko laua hooliaawale ana Ua ike koke aku la na mea mauka o ke one i ka luu ana o Kekuiapoiwa me ko laua manao ua hihia ia ka upena, a no kekahi manawa ua puoho hou ae la oia iluna, a luu hou no ka lua o ka manawa. I kela manawa i komo ai ka hoohuoi iloko o Kamauleule a kahea aku la oia ia Malani, me ka i ana aku "ua poino ia paha o Kekuiapoiwa."

Ia manawa hookahi no i holo mai ai laua a hopu iho la i ke kino 0 Kekuiapoiwa, i ko laua hapai ana ae i kona kino, ua maopopo koke iho la ia laua, he' kulana kupilikii io ko ua hoa nei o laua, aole nae e hiki ia laua ke ike iho ia manawa, ua pau paha a i ole e mau ana no paha ke'aho iloko ona. O keia wahi a lakou e lawai'a ana he w ? ahi papau no ia o ke kai, ua hiki nae i ka opu. 1

Hapai laua a waiho ma kahaone, noke i ka lofni me ka hoohuli pu i ke alo ilalo me ka manao o ke kahe ana aku o ke kai iwaho mai ka waha ame na pukaihu aku, he mea la ia nona e palekana ae ai, eia nae, aole. Ua Hlo na hoao ana ma na ano apau i mea nona e pohala ae ai i mea ole.

Ua waiho iho oia he wahine, he mau makua, a he mau hoaloha lehulehu mahope nei e paiauma aku nona.

UA OI AKU KA MAKE o na kanaka i ka ma'i hi koko mamua o ka ma'i ulalii ame ka ma'i fiva lenalena, ke huiia. Iloko o ka puali koa he oi loa aku ka maka'u ia o ia ano ma'i mamua 0 ka weliweli o ke kahua kaua. He mea pono e lapaau koke ia me ka hakalia ole ame ka laau kupono no hoi e lapaau ai. O ka laau lapaau hi a kolela a Chamberlain oia ka laau nana 1 hoola he eiwa mau ano ma'i hi like ole iloko o Amerika Huipuia me ka lanakila nul a nāna no hoi i hoola i ka ma'i ikaika loa i loaa i ke kanakamakua a keiki no hoi. He mea pono e lako kela ame keia home me ka omole laau. E kii i keia la. Malia o hoolaia kekahi ola. Benson, Smith & Co„ Ltd., na Agena Kuai Kukaa, na lakou e kuai nei.