Ka Nupepa Kuokoa, Volume XLI, Number 28, 10 July 1903 — Ua Hookoia Kana Koi Poho [ARTICLE]

Ua Hookoia Kana Koi Poho

I ka noho ana o ka Aha Hookolokolo Amerika e hoolohe i ka hihia koi poho a kekahi sela o Sigurd Lang-aas ka inoa ku-e i ka moku kalepa James Tuft, ua hooholo o Lunakanawai Estee ua kaa ka pono ma ka aoao o ka mea hoopii, a e ukuia aku oia i ka huina o $2,500, he huina dala hoi ana i manao ai ua kupono no na eha i ili mai maluna o keia eela, oiai keia kanaka e lawelawe ana i kana hana ma ka moana, a no ka hoohemahema o Kapena August Friedburg, ua nui loa ka haawina ehaeha i loaa i keia kanaka.

O ke kumu i ala mai ai keia hooDii, i ka moku i oleloia a£ nei maluna e holo ana ma ka moana, ua loaa iho la kekahi o na sela i kekahi poino kukonukonu, a he poino hoi keiā e pono ai e lawelaweia e ke kauka. Ua kaalo ae keia moku mawaho o ka mokupuni o Tahiti, eia nae. aole ke kapena i hoolele aku i keia sela no ka aina no ka hookomo ana malalo o ka lawelawe ana a ke kauka, a no keia kumu, aole i loaa pono ka hana maikal ana mluna o kona eha.

No keia kumu ua haawi mai ka Lunakanawai Amerika no ka pono o ka mea hoopii me ka olelo pu ana ae ina e eha kekahi kanaka hana o kekahi moku oiai e lawelawe ana i na hana e pili ana i ka moku, ua kaa aku ke koikoi ame ka hoolilo o ka malama ana i keia kanaka maluna o ka moku.