Ka Nupepa Kuokoa, Volume XLI, Number 28, 10 July 1903 — He Kumuhana Maikai a Nani [ARTICLE]

He Kumuhana Maikai a Nani

Aia ka Halema'i Pake o Honoluiu nei ke hoala nei i kekahi kumuhana no ka hoopomaikai ana i na Pake o keia mokupuni. Ma ka halawai kumau hope iho nei a ka papa hooko 0 keia halema'i, ua hooholo lakou e kukuluia i keena haawi laau a e haawiia na laau lapaau me ka uku ole i ka poe Pake e makemake ana mai ka hora 12:30 a hiki i ka hora 1:30 p. m. o na Poalima apau. Ua manaoia, he mea ia e hooi ae ai i ka oiaio ame ka maikai o na hana o ka halema'i. O keia wale no ka halema'l ma Honolulu nei 1 loaa ke keena haawi laau ine ka uku ole, / 0 na lala o ka papa hooko, he Poe Pake kuonoono iakou no ka aina, a ua pomaikai lakou i ka loaa ana o E. C. Waterhouse ke kauka, a o na ma'i e komo aku ana maloko o keia halema'i, aia lakou o ka malama ana a Miss Mary E. Sloper, he mea makaukau ma ka nana ana i na ima'i. i He nani ke kahua o kahi e ku nel keia halema'i ma Kapalama, kokoke i ke alanui Mo'i. Ano, ua lawa pono na mea ap.au no ka hooholomua ana i na hana. 1 ka makahiki i kaa hope aku nel, he kanalima ka heluna o na ma'i i malamaia malaila, a ke manaoia nei, malalo o na hookele hou, e pii mau mai ana ke ohohia o na Pake no kela hana e manaoia nei no ko lakou pomaikai.