Ka Nupepa Kuokoa, Volume XLI, Number 28, 10 Iulai 1903 — Ulia Maluna o ka Siberia [ARTICLE]

Ulia Maluna o ka Siberia

I ka mokuahi Siberia mawaho ae o ke awa o Kobe ma ka la -14 o lune iho nei, ua halawai iho la o Poo Wiliki Ferguson me kekahi ulla kukonukonu. Ma kekahi lohe i laweia mai e ka mokuahi Pekin i ka Lapule nei, ua oleloia i ka wiliki ma kona ala no ka lumi enekini mai kona lumi aku, aohe oia i ike ua weheia ke alapii e iho aku ai ilalo o kahi ana i makemake ai no ka hoolele ana i ka ukana, a ua keehi aku la oia a haule no iwakalua kapuai. Ua pa mua aku ia oia ma ka oneki o lalo me ka ikaika, a i kona haoaiia ana ae, ua maule oia, a e kahe mai ana ke koko ma kona ihu ame ka waha, a pela no hoi mai kekahi moku nui mai ma kona lae. Ua haki kona lima akau, a ua manao wale ia he mau iwi aoao kekahi i haki. I ka īoaa ana o keia ulia ua noi koke aku o Kapena Smith o ke Siberia i ke kapena o ka mokukaua Rukini e ku kokoke ana e hoounaia mai kona kauka, a ua hele mai oia e kokua. Mahope mai ua hooleleia aku oia no kula. Ke hopohopoia nei kona ola, no ka mea ua ano elemakule oia, a aia kona kaumaha maiwaena o ka 220 ame 230 paona. Ma na hoike hope loa mai ka haukapila mai, ua pau ke kahe nui ana o ke koko, a ua ano maikai iki ae oia i keia wa. O kekah! mea kaumaha loa, e mare ana kana kaikamahine i keia kau haulelau ae, a ma Yokohama oia kahi i ohi iho nei i kekahi mau makana maikai, a ua manao oia e hiki kino aku i ka wa e mareia ai kana kaikamahine. Ua nui ke kaumaha o ka poe o ka moku i ka loaa ana o keia pilikia i keia hoa o lakou. He mea o Fergvtaon i kamaaina i ka poe o Honolulu nei, a oia ke poo wiliki o ka mokuahi Kina no na makahiki loihi.