Ka Nupepa Kuokoa, Volume XLI, Number 28, 10 Iulai 1903 — E Maluhia ka La o ka Haku [ARTICLE]

E Maluhia ka La o ka Haku

Ma ka halawai a ka Ahahui Kula Sabati o ka Paeaina Hawaii i malamaia ai ona ka Poaha. nei, lulai 3, ua laweia mai kekahi kumuhana no ke noi ana aku i ka Loio Kuhina e hoopuka ae oia i kekahi kauoha no ka hooko ana aku i ke kan#wai Sabati me ka oolea. *Ua hanaia kekahi olelo hooholo e pili ana i ka nui ino o na hana hakihaki Sabati e puka nei a puni ka paeaina, a ua nui no hoi ke kamailio ana maluna- o keia mea. Ma keia, ua hapaiia mai na mea e pili ana i ke kinipopo ma ka Lapule, hooholo moku ma ka Lapule ame kekahi mau hana lealea e ae he nui wale, a i ke kokoke ana e paū ke kamailio ana maluna o keia poomanao, ua hooholo ae lakou e noi aku ia Loio Kuhina Anaru e hookoia' aku ke kanawai hakihaki Sabati me ka oolea.

I ke kohoia ana o na luna o keia makahiki e nee aku nei, ua koho hou ia o Hanale Walakahauki ka Peresidena, Rev. Timoteo ka Hope. Peresidena, Rev. Kakani ke KaEauolelo, a o W. J. Forbes ka Puuku. Ua kohoia o Mr. Gulika kekahi lala o ka hui o na luna, a ua kohoia o Mr. F. K. Arden i lala no ke komike hooko, a i keia wa, ua hui aku oia me na lala mua o ke komike.