Ka Nupepa Kuokoa, Volume XLI, Number 28, 10 Iulai 1903 — Ua Komoia e ka Mea Powa [ARTICLE]

Ua Komoia e ka Mea Powa

Ma ka po Poalua nei, ua komo powa ia aku kahi noho o Swain ma ke alanui Beretania kokoke i ke alanui Puowaina, a ua laweia aole he mau waiwai liilii wale no, aka o na pono noho hale kekahi, a ina paha aole i ao koke, ina no paha ua lawe pu ia ka hale ame ka pa-hale. I la iho nei, ua hele aku o Mr ame Mrs. Swain e noho ma kekahi wahi mawaho o ke kulanakauhale nei, eia nae, he hele mau no o Mr. Swain e hoopulu wai i na mea kanu i na ahiahi apau. Malaila oia ike ahiahi Poakahi nei, a ua loaa aku no e waiho maikai ana no na mea apau o ka hale, aka, i ko Mrs. Swain hiki ana aku i ke kakahiaka Poalua nei, ua loaa aku la iaia ua lawelaweia na mea o loko.

I kona huli pono ana aku, ua ike iho la oia ua ohi pau ia na mea o ka hale mai na pono lumi hookipa a i na pa, a koe wale iho no ka hale e ku oloheiohe ana. Ua kamailio koke oia i keia mea i kana kane, a ua haawiia aku keia mea i ke keena makai, a ua hoounaia mai o Makaikiu McDuffie e hana maluna o keia hihia.

O ke kolu iho la keia o ka manawa i komo kolohe ia ai keia hale. He hookahi manawa i ikeia ai ka powa a ua alualu aku o Mr. Swain iaia, eia na<», ua hemo aku oia me iwakalua daia ma kona kino. ,

He heluna nui o na Poko Riko lea i hoea mai na kuaaina mai i keia mau pule iho nei, a ke hoohuoiia nei na lakou paha keia mau hana.