Ka Nupepa Kuokoa, Volume XLI, Number 28, 10 Iulai 1903 — Ka Ahahui Imi Pono Karistiano [ARTICLE]

Ka Ahahui Imi Pono Karistiano

Ma ka halawai makahiki a ka Ahahui īmipono Krietiano i malamaia ai ma ka Luakini Kaukeano hou i ka Poaha o keia pule iho nei, ua hiki ae he mau elele mai na apana like ole mai o na mokupuni nona ka hel#ina i hiki aku paha maluna o ka hookahi haneri. O ka halawai makahiki ewalu keia o keia ahahui. ! Ma ka hora eono o ke kakahiaka, ua malamaia he haiawai haipule malalo 0 ke alakai ana a Mr. Richard Trent. 1 ka pau ana o keia hana, ua noho mai ka halawai hana a na elele, a ia manawa i hookomoia mai ai ke kohokoho ana i na luna e noho aku ana no ka makahiki e nee mua aku nei, a ua hoolalaia no hoi na mea e holomua aku ai na hana. O ka halawai o ke ahiahi ka halawai nui, a ua hoomaka na hana ma ka pule ana a ka Jtev. W. K. Poai, a i ka pau ana o keia ua himeni mai kekahi kalapu himeni. Mahope o ka heluhelu Baibala ana, ua kahea mai ke kakauolelo i na inoa o na elele, a ua panai aku lakou me ka himeni a i ole me ka heluhelu ana mai i kekahi mau pauku Baibala. Ma ka hoike a Miss Yarrow, ke kakauolelo, ua hoikeia mai ke holomua nei na hana a keia ahahui. Ua piha i keia wa he kanakolu-kumamakahi mau hui ma na wahi like ole, a he hookahi tausani, oi a emi mai paha, ka nui o na lala. Ua manaoia e papalua ia no keia heluna i keia makahiki. u kekahi o na hui i kukuluia i keia makahiki iho nei ,oia ka 'hui o Kona Hema, a i keia wa ua hiki aku ka nui ona lala i ka elua haneri. Ua iiio ka makana, he hae, i ka hui o Kohala, a o ke kumuhana i haawiia no ka hahai ana i ka makana, oia ka hoopaanaau ana i na hana mana a ka Haku ame kahi i hanaia ai. Ua nui no na hui i hoao no ka makana, eia nae, ua lilo ia Kohala, a na Mr. Bristoi o ke Kula Kamehameha i haawi aku i ka makana. O ke kolu keia o ko Kohala ahai ana i ka hanohano o keia ahahui. Ma ka noonooia ana o na luna e noho aku ai no keia makahikl iho, ua kohoia o M. K. Nakuina ka Peresidena, Florence P. Tarrow, Kakauolelo; Lyle A. Dickey, Puuku; Hope-Peresidena no Oahu, Frank Atherton. Ua kohoia no hoi i mau hope peresidena no Maui ame Hawaii. Ma ke noi a Mr. Nakuina, ua kohoia o ka Rev. E. S. Timoteo ka elele no ka hele ana ma na wahi apau no ka paipai ana i na hui. Ma ke noi a Mr. Theodore Richards, ua aeia e hoouna aku i kekahi mau huaolelo aloha i ka Ahahui nui e malamaia ana ma Deneva i keia la ewalu iho nei o keia mahina. Ua pau ka halawai a ka ahahui ma ka imle a Mr HichardB.