Ka Nupepa Kuokoa, Volume XLI, Number 28, 10 July 1903 — PAPALUA KE POHO KE HALA KA MANAWA. [ARTICLE]

PAPALUA KE POHO KE HALA KA MANAWA.

Ke paipai hou aku nei no makou no ke kumuhana i hoikeia aku ai i ka pule i hala e pili ana i na dala Hawaii, no ka mea ina e hala ka manawa alaila e papalua ana ke poho o ke kanaka hoopaneenee manawa> oia hoi, e loaa wale ana no iaia no ka waiwai i'o o kana dala Hawaii hookahi (aole i ka hapalua ame na apana dala malalo iho) he kanakolu-kumamakolu <wale no keneta.

O ke poho o ke dala Hawaii hookahi ke hala ka manawa oia ke 33 keneta a j ina e palua ana iaia (33) ame hookahi | keneta keu ke hui ae, o ka loaa no ia o ka Wuina poho e like me keia:— he 100 keneta ka waiwai io o ke dala hookahi. O ka loaa i ke dala hookahi ke hala ka manawa ■he 33 keneta, alaila o ke poho oia no ka huina i hoolaweia mai ka 100 keneta, ma kekahi olelo ana ae he 67 keneta pohoT O 67 keneta poho ua palua aku ia ia 33 keneta ame hookahi keneta oi. Pela i loaa ai keia ike ua papalua ae ke poho o ke kanaka e hoopaneenee m&nawa ana no kana dala hookahi i ko kana loaa ke panaiia mai.

| Nolaila he mea pono ia kakou ke hoomanao 1 keia, olai, eia no kakou iloko o ka manawa kupono, a he mea pono e hoihoi mai i ka oukou mau dala Hawaii iloko o keia manawa kupono i kalaia ae ai ia pilikia, a oiai aole e mau ana ke kupono mau o ka manawa no keia kumuhana, no ka mea, he mea nee ka manawa, a ina e hoopahemohemo wale ana, he hookahi mea maopopo loa e pae aku ana ua manawa la i kona kuapa kaupalenaia, ke kumu hoi e nele ole ai ke kau koikoi aku o keia haawina hoopoho manaolana i ke kanaka e komohia ana iloko olaila.

O ka hookaawale ana i ke dala Hawaii mai ia oe aku aole ia he hana nui, no ka mea, he hiki no ke kuapo dala a hoolilo aku iloko o na banako apau o ka Teritori Hawaii, oiai iloko o ka manawa kupono, me ka loaa pu mai o ka walwai io piha pono.

Hookahl mea i upu nui ia oia no ka malele aku o ia mau apana dala mai kou lima aku iloko o ka manawa kupono a o na banako na agena e hooponopono aku ai i na inea aku i koe no ka hoouna ana ia lakou i kahi e hooheheeia mai ai ,a ma kahi o ke dala Hawaii o ke dāla Amerika ka mea pono e lawelawe ai.