Ka Nupepa Kuokoa, Volume XLI, Number 28, 10 Iulai 1903 — Ka Moho o ka La 4 o Iulai ma Ewa. Lawe Haaheoia ke Kahakahana Bolu ame Keokeo Imua, Imua Lilo Loa. He Elima a i ole he Eono Waapa Kawa ka Mamao o ka Healani mai ka Makala mai ma na Heihei a Elua. [ARTICLE]

Ka Moho o ka La 4 o Iulai ma Ewa.

Lawe Haaheoia ke Kahakahana Bolu ame Keokeo Imua, Imua Lilo Loa.

He Elima a i ole he Eono Waapa Kawa ka Mamao o ka Healani mai ka Makala mai ma na Heihei a Elua.

Ma na hana heihei waapa i malamaia ma ke Awa o Ewa i ke kakahiaka o ka ia elia ua lilo ka haaheo o na heihei apau i ka hui Healani, a ua haule ino kona hoa o ke kahua mokomoko, ka Makala. Ma ka hora ewalu o ke kakahiaka o ka Poaono nei, ua kau aku na luna 0 na heihei maluna o kekahi kaahi holo no ka manawa a holo aku no Ewa. I ka umi-kumamalima minute 1 koe kani ae ka hora eiwa, ua kau aku ka poe nana heihei o Honoluiu nei maluna o ke kaaahi a ukali aku no ke kahua hookahi, a ma ka noonoo wale ia ua piha ka heluna o ka poe i holo makaikai aku i ka 1,500. Ma ka hora i oleloia no ka heihel ana, a makaukau na aoao a i elua no ka hana, a i ke kani ana o ka pu, ua kuu pau mai la na keiki o na waapa i ko lakou ooiea. Ua like no ka holo ana no kekahi mau i-a, eia nae, i ka loihi iki ana o ka lakou hoe ana, ua hoike pau mai la na keikl o ka Healani i ko lakou oolea, a ua haalel* ia aku la ka Makala ihope. I ka ike ana o ka Healani ua puka ino lakou mamua, ua hooemi iki mai lakou i ka hoe ana, a i ke kokoke ana i ka pahu hopu, ua hoike pau mai la lakou i ka ooiea piha a hiki lakou i ka laina he eono ioa waapa mamua o kona hoa holo heihei.

Ma ka heihei i malamaia mawaena o na keiki opio o keia mau hui, ua, lilo hou no ka lanakila i ka Healani, a o ka lua keia o ka helhei ame ka panina no hoi o na hana o ia la ma Ewa. Ua lilo hou no ka lanakila o keia heihei i ka Healani, a ua nui ka hauoii o ka poe i pili aku mahope o keia hui.

I ka po ana iho, ua malamaia he ahaaina nui e na kanaka heihei o na hui elua.