Ka Nupepa Kuokoa, Volume XLI, Number 27, 3 Iulai 1903 — Aia i Hilo na Hana Hoomanao [ARTICLE]

Aia i Hilo na Hana Hoomanao

He mea hiki ole ke hooleia ua nui ka lealea o ko Hilo poe i ka hookomo ana aku o ke Kinau i keia holo ana aku nei me ka hana Hawaii e paani ana maluna o kona oneki a e welo ana hoi na hae waihooluu īike ole, a aohe no paha e nele ko lakou kaena ae ua oi ae ka hanohano o ke taona i ka Ua Kani Lehua mamua o ke Kapitala nei.

• Ma ka auwina la Poakahi nei, hele aku o George Beckley, ka adimarala o ka hui mokuahi o Waila, e noi i ke Kiaaina e aeia mai ka bana e holo no Hilo i ka Poalua nei, a ua aeia mai ke noi malalo o ka waihoia ana aku o na kumu kupono.

Ma ke noi a ka Adimarala, ua olelo aku oia, e laweia ka bana no ka paani ana ma na hana lealea o ka la eha, a no ka paani ana hoi ma na hana hoolaa wawahi kahua o ke alahao Ko-hala-Hilo.

Aohe i hooholo iho nei ka Ahaolelo i ka bila haawina uktl kaahele o ka bana no kuaaina, eia nae, ua kapaeia keia hemahema pna o ka olelo ana mai a Adimalala 'Beckley nana e uku na hoolilo, a mahope aku e hoihoiia aku ai kona hoolilo.

Aohe wahi ano lealea ano nui o Honolulu nei i apopo. a no ia kumu, ua pono no ka lilo ana o ka bana ia Hilo no ka mea ua haule hope io ke Kapikatala.