Ka Nupepa Kuokoa, Volume XLI, Number 27, 3 July 1903 — Ka Olelo e Ao ia nei na Haumana [ARTICLE]

Ka Olelo e Ao ia nei na Haumana

Ma ka halawai a ka Ahahui Euaneiio ma ka oPalua nei ma ka Luakini o Kaumakapili, o ke kumuhana o ke kakahiaka, oia ka noonoo ana heaha la ka olelo e a'oia ai maloko o ke Kuia A'o Kahunapule, ke kula nana e hoomakaukau nei na Hawaii no ka lawelawe ana i ka oihana kahunapule ma keia paeaina.

O ka olelo Enelani ka olelo e a'oia nei ma ke Kula Kahunapule i keia wa, eia nae, ke manao nei ka hapanui o na lala o ka ahahui, e pono e a'oia ma ka olelo Hawaii. Mamua aku nei, ua piha ka heiuna o na haumana i ka iwakalua, aka, i keia wa he hookahi wale no, a aohe mea i maopopo i keia wa e komo mai ana i ka hoomaka hou ana o ke kula i keia mau mahina ae. Ua olelo ae kekahi* o na lala o ka Ahahui no ka hoolilo loa ia ana ma ka olelo Enelani lee kumu nana i keakea i ke komo ana mai o na haumana. O Rev. Leadingham ke pookumu i keia manawa. a he makemake kona e hoomau aku ke a'oia ana ma ka olelo Enelani. Ua waihoia keia kumuhana i kekahi komike, a o Rev. O. H. Gulick, Rev. O. Nawahine ame Rev. J. M, Lydgate na lala.

I ka noho hou ana o ka halawai i ka auwina a, ua waiho' mai i ka hoike e iana e pono e a*o like ia na olelo a i elua, Hawaii ame Enelani, e like me ka wa i hala. Mahope o na kamailio loihi ana, ua aponoia ka hoike, eia nae, aole i holopono loa na hana e pili ana i keia kumuhana.

Ke oleloia nei, he hookahi wale no kanaka kupono e manaoia nei no ia wahi, a oia o Mr. Lydgate o Lihue, Kauai, eia nae, aohe i lawa ka ahahui i ke dala no ke ( kii ana aku iaia e noho ma ia kulana.