Ka Nupepa Kuokoa, Volume XLI, Number 27, 3 July 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

Nuhou Kuloko.

 

            @ mai@ai ae nei ke kulana o @ Wilikoki i keia mau la.

            @ ke noce nei na makai i ka @ Kepani pepehi kanaka o Ewa.

            @ a kauka Mays o ka Pa@ @ ka makika ka ka mea nana @ ka ma i @a hakihaki iwi.

            @ @aia aku o Moanalua e Lu@ @ @ai Dickey e noho ma Kawa @ mahina no ka hewa aihu pa@ @ @kiia.

            @ makò mai nei na hoopii auhau @ ole ia, a o na luna auouni @ mua e hoomakaia mai nei e @.

            @ @ki mai na kahunapule Hawaii @ kuaaina mai ma ke kakahiaka @ no ka akoakoa ana mai no @ @hui Euanello o ka Paeaina.

            @ aku ana ka Moiwahine no Ho@ @ a malaila oia e hoohala ai no @ mau pule mamua o kona holo @ aku no Wasinetona.

            @ loaa ana o Lunakanawai Wi@ @ ka ma'i, ke hoopihaia nei kona @ ka no ka manawa e Lunakana@ Davis.

            @ heia mai e hoaia hou aku ana @ Mrs. Robert Wilikoki i kekahi nu@ @ Ke Kalana" aku ana ka inoa @ pepa nei.

            @ kakooia ana o Luna o na Hana @ Kupa e ka Ahaolelo, ua hoihoi @ oia i kana palapala waiho oi@.

            @ @we nei o Ellis Lando, ka mea e @ aku ana i ke Kula A'o Kaua @ o Amerika, i na ninaninau no @ Kupono no ke komo ana.

            @ @li hoi aku o Agena W.F. Mc@ @ ka mea nana i hookaa iho nei @ pauahi, no kona home maluna @ P@kina i ka Poakahi nei.

            Ma ka po Poaono nei i malamala ai @ @na hoomanao no ka piha ana @ kanalima o na makahiki o ke ku @ ke kalapu Pakipika.

 

Ke Kinipopo o ka Poaono nei

 

            Ma na hana hookuku kinipopo i mai @ ma ka pa kinipopo o Kamoiliili i ka Poaono o keia pule iho nei, ua lilo ka lanakila o ka la i na hui Kamehameha ame Elks.

            O ka paani mua o ka la, mawaena ia e na hui Kamehameha ame Maile Ilima, a ua lilo ka eo i ka hui mua me ka maalahi.  Aohe he maikai o keia paani, no ka mea, he pii ino na puni a na aoao elua.

            Ua nui ko Frd Kiley hooikaika e loaa ka pono ma kona aoao, eia nae, aohe i loaa na kokua maikai, a no ia mea, ua lawe aku o Kamehameha i ka lanakila me na puni o 14-9.

            O ka paani elua mawaena o Punahou ame Elks ke kemu maikai o ia la, a he holo na hana.  Punahou ka hui kokua nui a ka poe makaikai ma ia ia, a ua nui ka uwa hoohenehene o na kanaka i ka nou popo o ka Elks.

            O ka nou popo o ka Elks, he haole ia i kikooia aku nei e ka hui Elks e holo mai e nou no lakou, a no keia mea, ua huhu ka hapanui o ka poe makaikai, o Perine ka inoa o keia haole, a he nou popo mua oia no ka hui Okalana o Kaleponi.

            Ua ilio ka eo ia Elks me na puni o 4-1.

            Ma keia lanakila ana o ka Elks, ua like oia me Kamehameha, a o laua na hui kiekie i keia wa.

 

            AOLE E PONO E hoohala i hookahi minute i ka manawa e ikeia aku ai na hoailona o ke ano koleia.  O ka heieawai o ka hi ua lawe ia no ka hoike mai i ka pilikia.  Ina e hoohakalia ole ka lapaau ana ame ke kupono o ka lapaau ana alaila e hoopauia no keia mea hookaumaha nui.  O ka laau lapaau hi a Chamberlain oia ka hooia panai he kaukani o na makuahine, a ma ke kokua nui a keia laau lapaau ua hoopakeie nui ia ka lakou mau kamaiki.  He mea pono e lako kela ame keia home me keia omole laau.  E pono e loaa i keia la.  E hoolaia no kekahi ole.

            Benson, Smith & Co., Ltd., na Agena Kaai Kukaa, na lakou e kuai nei.

 

Papa Kuhikuhi o ke Kinipopo

            Iulai 4-Honolulu kue ia Elks

            Iulai 4-Maile Ilima kue ia Punahou

            Iulai 11-Punahou kue ia Kam

            Iulai 11-Honolulu kue ia Maile Ilima

            Iulai 18-Elks kue ia Maile Ilima

            Iulai 18-Honolulu kue ia Kam

            Iulai 25-Punahou kue ia Honolulu

            Iulai 25-Elks kue ia Kam

            Aug. 1-Kam kue ia Maile Ilima

            Aug. 1-Punahou kue ia Elks

            Aug. 8-Honolulu kue ia Elks

            Aug. 8-Maile Ilima kue ia Punahou

            Aug. 15-Punahou kue ia Kam.

            Aug. 15-Honolulu kue ia Maile Ilima

            Aug. 22-Elks kue ia Maile Ilima

            Aug. 22-Honolulu kue ia Kam

            Aug. 29-Punahou kue ia Honolulu

            Aug. 29-Elks kue ia Kam

            Sept. 5-Kam kue ia Maile Ilima

            Sept. 5-Punahou kue ia Elks

            Sept. 7-Honolulu kue ia Elks

            Sept. 7-Maile Ilima kue ia Punahou

            Sept. 12-Punahou kue ia Kam

            Sept. 12-Honolulu kue ia Maile Ilima.

            Sept. 19-Elks kue ia Maile Ilima

            Sept. 19-Honolulu kue ia Kam

 

NUHOU O KO NA AINA E.

Mai ka Uwea Telegarapa mai.

 

UA AHONA IKI KE KULANA KUIKAHI ALAWAI.

            WASINETONA, Iune 25.-Ua ano maikai iki ke kulana ma Kolomobia no ka mea e pili ana i ke kuikahi alawai o Panama, aole hoi i like me ka mea i ikeia iho nei i ka pule i hala.

UA LIILII NA KOKUA NO KA POE PILIKIA.

            TOPEKA, Iune 25.-Ua haule ka bila haawina o hookahi miliona dala no ke kokua ana i ka poe i pilikia i ka waikahe mahope o ka hoopaapaa loihi ana.  Ua hoihoi hou ia aku na auhau o luna o na waiwai i pilikia i ka waikahe.  Aohe he wahi mea holopono a keia kau i hana iho nei, a e hoomoe ana i ka la apopo.

KE KULANA HOOKI HANA MA RIKEMONA.

            RIKEMONA, Vekinia, Iune 25.-Ma kekahi hakaka mawaena o ka poe hooki hana ame na koa, ua hoehaia he eono poe kokua i ka poe hooki hana.  Ua hoomahuahua hou ia ae ka heluna o ka poe koa.

LOAA KA HANOHANO I KEKAHI KEIKI HONOLULU.

            NU LADANA, Konetikata, Iune 25.-Ua kohoia ae nei o Harola Dilinahama o Honolulu ke kapena o ka waapa ehahoe o ke Kula Nui o Havada.

LILO KA LANAKILA IA YALE.

            NU LADANA, Konetikata, Iune 25.-Ua lilo ia Yale na heihei waapa makahiki mai a Havada mai.  Ua puka ino loa ka poe o Yale ma na heihei ekolu i malamaia.

E KU-E ANA O RUSAWELA.

            WASINETONA, Iune 25.-I kulike ai me na manao i ulu ae a puni ka aina nei e ku-e ana i na hana hoomainoino maluna o na Iudaio e hoouna aku ana o Peresidena Rusawela i kekahi palapala ku-e i ke aupuni Rusia no na hana i hanaia maluna o ka lahui Iudaio.

LAWE O PETERO I KA HOOHIKI.

            BELEGARADE, Iune 25.-Ua lawe ka Moi Petero i ka hoohiki oihana i keia la me kona hoopunila ana e ka poe hookahuli aupuni ame na aliikoa nana oia i hoonoho ma ke kalaunu o Serevia.  O ka ka Moi hana mua loa, oia no ke apono ana i ka Aha Kuhina nana i hookele ke aupuni mahope o ka make ana o ka Moi Alekanekero.

HOAANO O IAPANA IA RUSIA.

            TOKIO, Iune 26.-Ua makaukau ke aupuni Iapana e lawelawe in a e hoea mai ana kekahi kupilikii no na hana e pili ana i ka ninau hooponopono no Manakuria.  Ua nui ka inaina o ka lahui no na mea e pili ana i ka hana a Rusia.

LUNA AUPUNI APUKA HOU NO.

            WASINETONA, Iune 26.-Ma kekahi olelo hoike i haawiia ae maanei, ua oleloia ae ua kauoha aku ka mea aelike Anoano o ke Aupuni Nellis i ke kumukuai piha, a o kekahi hoi, aohe he mau buke hoomanao i malamaia ma kona keena.

HOOMAIKAI IA PETERO.

            BELEGARADE, Iune 26.-Ua telegarapa mai nei ka Emepera Francis Joseph ame Keikialii Ferdinand o Bulugaria i ka laua mau hoomaikai i ka Moi Petero o Serevia.

HOOUNA AKU O RUSAWELA I KA MAHALO.

            WASINETONA, Iune 26.-Ua telegarapa aku o Peresidena Rusawela i kona mahalo i ka Emepera o Geremania no kona hookipa maikai ana i ke aumoku Amerika ma Kiei.

HOOMANAO LA HANAU.

            LADANA, Enelani, Iune 26.-Ua hoomanaoia ka ia hanau o ka Moi Eluene a puni na panalaau o Beritania Nui.

UA KALAIA E KE ZA.

            ST. PETERSBURG, RUSIA, Iune 26.-Ua hoopuka ae ke Za e kalaia ka poe Finilana a pau e paa nei no ka hewa ae ole e komo i ka oihana koa.

LIIA E KA POE HOOHAUNAELE.

            NUTONA, Geogia, Iune 26.-Ua hoopukaia mai loko mai o ka halepaahao he ekolu mau paeie pepehikanaka a ua liia e ka poe hoohaunaele.

AOHE E HIKI KE HOOPA'IIA.

            BELEGARADE, Iune 26.-Ma ke ano o ke kulana o ke aupuni o ka Moi Petero e ku nei mai kona wa i lilo ae nei i Moi, aohe e ko ana ka manao e pili ana i ka hoopa'iia o ka poe nana i powa ka Moi Alekanekero.

NUI KA HUHU O KA POE HOOKI HANA.

            RIKEMONA, Vekinia, Iune 26.-No ka hakaka ana ma nehinei me ka poe koa, ua nui ino ka huhu o ka poe hooki hana o na kaa alanui.  Ke holo nei na kaa malalo o ka hoomalu ana a na koa.

LAWEIA NA MEA HOOHANOHANO.

            VIENA, Iune 27.-Ua huhu ka Moi o Romania no na mea e pili ana i ka powaia ana o ka Moi ame ka Moiwahine o Serevia a ua lawe hou aku oia i na mea hoohanohano ana i kau aku ai maluna o na aliikoa o ka regimana helewawae Eono o Serevia.

ALAHAO SEBERIA HOU.

            ST. PETERSBURG, Iune 27.-Ua hoolaiaia iho nei no ka hana ana i kekahi aiahao mai Mosekao aku a hiki i Pota Ata i mea e hiki ai ke hiki aku ma na wahi eli mineraia o Manakuria.

HOLO KA MOKU O LIPTON.

            NU IOKA, Iune 27.-Ua haalele ino ia o Shamrock I e ka Shamrock III ma na hana hooheihei hoomaamaa ma keia la, a ua nui ke kahaha o ka poe holomoku lealea.

E KU-E ANA O BULUGARIA.

            SOFIA, Iune 27.-Ke manao nei o Bulugaria e waiho aku i kana ku-e imua o na mana i ko Tureke hoakoakoa i na koa ma palena aina.

INOINO KE KULANA NO NA IUDAIO.

            ST PETERSBURG, Iune 27.-Ke pii mau ae nei ke kulana ku-e Iudaio, a ua noiia ae e luku laula ia na Iudaio.

WAIKAHE MA RIO GRANDE.

            EE PASO, Iune 27.-Ua nui ka waikahe o ka Rio Grande, a ua nui ka poe i hooneleia i na home.

TUREKE AME BULUGARIA.

            VIENA, Iune 28.-Ua hiki aku ke kulana mawaena o Tureke ame Bulugaria ma kahi o ka hakaka hou.  Ke hoomakaukau nei o Bulugaria e hoouna aku i kekahi palapala ku-e imua o na mana nui, a he maka'u kona in a e komo mai ana o Tureke, malia paha aole e kokua mai ana keia mau mana nui.  Eia na koa Tureke ke hoakoakoa ia nei ma na wahi like ole o ka mahele akau o Tureke ma Europa, a eia na koe Tureke ke komo hele nei ma kekahi o na kulanakauhale o ka palena aina o Bulugaria.  Ua lawe mai na Tureke he heluna nui o na lako kaua ame na koa ma Salonica, a ke nee aku nei lakou no ka akau ma kahi kupono ma Macedonia ame Tureke no ka hoomakaukau ana in a e ulu io mai ana kekahi kaua.

POINO KAAAHI MA SEPANIA.

            NEJIRILLA, Sepania, Iune 28.-Maanei kahi i loaa ai kekahi pilikia alahao weliweli ma keia la.  Ua hu kekahi kaaahi lawe ohua a ua make he kanaiwa o na ohua.  Aia ma kahi o elua haneri poe i eha, kekahi poe ua kukonukonu loa ka eha.  Ma ka oleloia o keia ka ulia kaaahi weliweli loa i ikeia ma Sepania nei.

PAHU MALOKO O KA LUA ELI.

            BARRATOERAN, Iune 28.-Ua pahu ae maloko o kekahi lua eli i keia la, a ua nui ka poe i make.  He mau haneri o na kanaka eli i kanu ola ia i ka wa i pahu ai.  Mamua o ka hiki ana ka haawiia aku na kokua ana ua make he iwakalua-kumamaha ame kanalia i eha loa.

AHAHUI HOOMANA NAAUAO.

            BOSETONA, Mass., Iune 28.-Ua hiki mai maanei he huina o 18,000 o na lala o ka Hoomana Naauao no kekahi ahahui nui e malamaia ana maanei.

PIANA O IAPANA.

            TOKIO, Iune 29.-Ke nui loa ae nei ka pihoihoi no na mea e pili ana ma Manakuria.  Ke oleloia nei he makemake ko Makuisa Ito ame Ilamuku Yamagata e lawelawe o Iapana i kekahi mau hana oolea.

INOINO KE KULANA O KA POPE.

            ROMA, Iune 29.-He inoino ke kulana ma'i o ka Pope i keia mau la, eia nae, ua ano ahona iki.  Ua makaukau na koa Aupuni e malama i ka maluhia i ka wa e kohoia ai he Pope hou.

MAKEMAKE E HOONUIIA NA KOA MARINA.

            WASINETONA, Iune 29.-Ua noi mai o Adimarala Evans i ke Keena Kaua Moana e hoomahuahuaia ka heluna o na koa marina ma ka Hikina, no ka homakaukau ana i ka wa e ulu ae ai kekahi mau ku-ia ma Kina.

KE KALI MALIE NEI O AMERIKA.

            WASINETONA, Iune 29.-Aohe e hoohanaia aku ana kekahi mea e pili ana no Manakuria.  He maikai ke kulana me Rusia i keia manawa.

HOOHANOHANO I KE AUMOKU.

            WASINETONA, Iune 29.-Ke hoomakaukau nei o Beritania Nui ame Potugala e hookipa hanohano i ke aumoku kaua Amerika.

KULANA KAUA KULOKO MA KINA.

            KANATONA, Kina, Iune 29.0Ke hooikaika nei ke aupuni Pake e hoopio i ke kaua kuloko.

LANAKILA HOU NO KA RELIANCE.

            NU IOKA, Iune 29.-Ua lanakila hou no ka Reliance ma ka heihei hoomaamaa no ke koho ana i ka moku nana e hoopakele ke kiaha Amerika.  Ua haule ino loa ke Constitution ame ke Columbia.  O Sir Thomas Lipton kekahi mea makaikai i keia heihei.

KOKOKE E HOOLELE KAUA.

            LADANA, Iune 30.-Ua olelo ae ka Manawa o Ladana nei ua maopopo loa ke kaua mawaena o Tureke me Bulugaria, a aia wale no ke emi iho a kuemi hope aku o Tureke.  Ke manao nei na Tureke e luku pau i na Bulugaria ma Macedonia.  Ke hoakoakoaia mai paha koe o na koa o na aoao elua.

MAKEMAKE NA ALII O IAPANA E HAKAKA IA RUSIA.

            VANECOUVA, Iune 30.-Ua loheia mai ua huhu na nupepa o Iapana i ka hele maiie o ke aupuni no na mea e pili ana i ke kulana onene kaua me Rusia.  Ua waiho aku na alii i kekahi noi i ka aha kuhina e kukala ae i ke kaua ku-e ia Rusia.  He makemake loa ko na kanaka Iapana e kaua.

RUSIA AME RUSAWELA.

            ST PETERSBURG, Iune 30.-Ua olelo ae ne poo aupuni aohe he mea i hanaia me Amerika Huipuia no ka waiho ana mai o Peresidena Rusawela i ka palapala noi a ka lahui Amerika e pili ana i ka hanainoia o na Iudaio Rukini.

AHAOLELO O SEREVIA.

            BELEGARADE, Iune 30.-Ua pau ae nei ke kau kuikawa o ka Ahaolelo a ua puka ae nei ke kauoha no ke koho ana i keia Sepatemaba ae.

AUMOKU KAUA AMERIKA MA KA HIKINA.

            CHFOO, Iune 30.-He uni-kumamaha mokukaua Amerika i ku mai maanei.

E IKE ANA I KA HEIHEI.

            OYSTER BAY, Iune 30.-E ike ana ka Peresidena i na hana heihei moku no ke kiaha Amerika.

EO HOU NO I KA RELIANCE.

            NU IOKA, Iune 30.-Ua lilo hou no i ka Reliance ka eo o na heihei hoomaamaa e ku-e ana i ke Constitution ame ke Columbia.

ALEALE KA WAI MA ASIA.

            TIENTSIN, Kina, Iuna 30.-Ke pii mau mai nei na mokukaua o Rusia ma na kai o ka Akau nei.  Eia ma Pota Ata he kanalima-kumamahiku mau mokukaua Rukini i makaukau no ke kaua ana i na wa apau.

PAHU MALOKO O KA LUA ELI LANAHU.

            HANNA, Wiomina, Iuna 30.-Ua pahu ae maloko o kekahi lua eli lanahu maanei i keia la oiai e hana ana apau l-a na kanaka.  He elua haneri kanaka i maopopo ua paa i ka uhiia.  He iwa kalua-kumamalima kino make i loaa aku a ke manaoia nei ua pau no ka hapanui i ka make.  Ke hoopapau nei ka poe i pakele mai e hoopakele i ko lakou mau hoa, eia nae, he lohi na hana no ka nui o na wahi i hanee.

 

Ke Pani Wai o lao

 

Na Hana Hookolokolo ma ka Aha Hookolokolo Kaapuni o Lunakanawai J.W. Kalua.

 

            Ua loaa mai ka lohe ua hoomaka ae o Lunakanawai Kalua o Maui e kukulu i kalana nona ponoi iho ma o ke kauoha ana e hoakoakoaia na paahao apau loa o kona aha hookolokolo kaapuni ma ka halepaahao o Wailuku.  O ka mea maa mau ma keia mua aku nei, o na paahao i ahewaia no ka feloni, e hoopaaia lakou ma ka halepaahao ma Honolulu.  Ma keia ua hoololiia keia mea e Kalua, malia paha no ke kokoke mai o ka manawa e mana mai ai ke Kanawai Kalana.

            Ma keia Paolima iho nei i pau ai ka noho ana o ke kiure ma Lahaina.  He iwakalua ka nui o na hoopii i waihoia mai e ke kiure kiekie, a he eha wale no i hookuuia.  He umi-kumamawalu ka nui o na hihia i ahewaia.

            O ka hihia ano nui o keia kau, oia ka hihia o Okano no ke ki-pe ana i kekahi makai.  Ua olelo aku ka mea hoopiiia i ka makai e uku aku i kanalima dala o ka mahina no ka ae ana mai e hookele i kana hana piliwaiwai, a e ka mahina mua, ua uku mai oia he kanaha dala.  Ua hopuia oia.  Ua hoopa'iia oia e Lunakanawai Kalua e uku i ka hoopa'i o $200.

            O William Puniai, ua hoopa'iia oia e hoopaahaoia no ekolu makahiki no ka hoike wahahee.  He ano e ke kumu o ka ulu ana mai o keia karaima.  Mamua aku nei, ua lawe aihueia kekahi lio o Von Tempsky e William Puniai, a i kona kuhiia ana aku nana i hana keia karaima, ua olelo mai oia na kekahi Kepani i aihue, aole nana.  I kona maopopo ana e ili mai ana ka pilikia maluna on a in a e loaa pono ana, ua hele aku oia a hoolilo aku i ua lio nei i kekahi Kepani hana o ka mahiko no hookahi dala wale no.

            Mahope mai, lohe ke Kepani he lio aihue keia, ua hoihoi hou mai oia i ua lio nei ia Puniai.  I ka ike ana o Puniai i keia mea, kii aku ia oia i kekahi makai a olelo aku ia na ke Kepani i aihue ka lio, a nana (Puniai) i a'o.

            Ua hoopa'ila oia no keia hewa, a ua kau aku o Lunakanawai Kalua i ka hoona'i o ekolu makahiki me ka hana oolea maluna on a.

            O Iona Kaai, ua hoopa'iia no oia e like ae la me ko Puniai, a he eono mahina kona hoopa'i.  Ua hoike wahahee oia ma kekahi hihia ae'a haukae.

            Ua hoopa'ila o Ailamo e hoopaahao ia no ekolu makahiki no ka hoao pu'e wahine.

 

Akahi no a Loaa Ponoi aku Iaia

 

            Ma ka Poalima nei o ka pule i hala i haawi aku ai o Lunakanawai De Bolt i kekahi bila kikoo dala nona ka huina dala o $48,025 i ka Banako Lahui Ekahi la John K Sumner.  Ua kakauinoaia keia bila e Lunakanawai De Bolt me ka ike maka ana a George Lucas, ke kakauolelo o ka Aha Kaapuni.

            Mamua aku nei, ua waiho aku o W.S. Ellis kekahi o na moopuna hanauna a John K. Sumner, imua o Lunakanawai De Bolt i kekahi palapala e noi ana e kaohiia aole e haawila ka huina o $48,025 la Sumner, no ka mea, he kanaka hemahema o Sumner i keia manawa no kona elemakule mai ke kumu, a o kekahi hoi, ua ano opulepule mai oia i keia wa, a he mea pono hoi o kohola i kahu malama waiwai.

            Ma ka noonoo ana a ka Aha, ua hooleia keia noi, a ua olelo mai ka lunakanawai, aohe i pupule o Sumner a hemahema hoi ma kana noii ana i kona ano, a o kekahi hoi, aohe on a hilinai i na olelo i waihoia mai imua ona, ma kona noonoo iho, ua laweia mai keia hoopii no ke alohaia o ke dala a Sumner, a aole hoi no ke aloha io maoii. 

 

Ua Hooko a mai Kana Noi Hoopii

 

UA KAPAEIA O AUSTIN ME KA LOAA OLE O KA MANA KUPONO

 

KAKOO KA AHA KIEKIE IA H.Z. AUSTIN.

 

            "Aohe i loaa i ke Kiaaina ka mana e kapae ae i kekahi luna aupuni, in a ua kohoia oia e ke Kiaaina me ke a'o ame ka apono ana a ke Senate, a nolaila, e hoopauia no oia e ke Kiaaina me ke a'o ame ka apono ana a ka Senate, a e paa oia i keia kulana no eha makahiki, ke ole e hoopau e ia mamua.

            No keia kumu, ua pau ka mana ana o ka Kanawai hooia.  (Na Kanawai o 1898, Kanawai 39) e pili ana i ke kapae ana i ka Luna Hooia ma keia pauku o ke Kanawai Hoonoho Aupuni Panalaau."

            O keia ae la maluna ka manao nui o ka olelo hooholo lokahi a ka Aha Kiekie i kakauia e Lunakanawai Kiekie Frear no ka hoohalahala a Herbert Z. Austin, ka Luna Hooia mua iho nei o ke Teritori, i ka hooie ana o ka Luna Hooia e noho nei i keia wa i ka haawi ana aku i kona palapala kikoo uku hana mahope o kona hoopauia ana mai ka oihana mai Sepatemaba 25, 1902, a hiki i Dekemaba 1, 1902.  O keia iho la ka loihi o kona manawa i kapaeia ai e ke Kiaaina a hiki i ka noho ana mai o ka Aha Kuikawa a ke Senate e apono i kona kapaeia ana.

            Ua haawi o Lunakanawai Gia i kekahi olelo hooholo i ano like ae la me kela, a ua hoopuka no hoi oia i kekahi palapala kauoha aha hookolokolo e kauoha ana i ka Loio Kuhina, Makai Kiekie ame ka Hope Luna Hooia ma i ke keakea ana i ko Austin komo ana iloko o ke Keena Hooia.  Aohe no nae i hookoia keia kauoha, no ka mea, hoopau e ia oia e ka Aha Senate, a nolaila, o ka poo wale no, e hoohalahala imua o ka Aha Kiekie, a o ka hopena, ua hooholoia ka pono ma kona aoao.  Eia iho ka hopena o ka olelo hooholo:

            " Ke kakooia nei ka hoohalahala, a ka kauohaia aku nei ka Luna Hooia e hoopuka mai i palapala a mau palapala kikoo uku hana i ka mea hoooii no kona uku hana mai Sepatemaba 25, 1902, a hiki i Novemaba 30, 1902."

            O C.W. Akepoka ka lolo o ka mea hoopii a o ka Loio Kuhina ka mea paie ma ka aoao o ka Luna Hoo'a.

 

Ke Hanai Laau Make ia nei

 

            I ka Poalima o keia pule iho nei, ua make he ilio punahele na kekahi haole pena o George Turner ka inoa, a ma ka ike a kekahi mau kauka, ua olelo ae laua ua haawiia keia lilo i ka laau make strychnine.

            Ma kekahi wahi pa e kokoke ana i kahi o keia haole, ua make he ekolu popoki ma ke ano hookahi no i ke ahiahi o ia la hookahi no.  I ka Poaono ae ua make he lilo puhuluhulu na kekahi haole o Branaehide ka inoa e like no me ke ano i hoike mua ia ae nei.

            I keia mau ia iho nei, ua hele aku e Turner e huli ma na buke halekuai laau o na haole e imi ai in a ua kuai lakou i kekahi ano laau make i kekahi mea.  I kona huli ana, aohe i loaa.  Ke manaoia nei, na na mea kuai laau laonau Iapana paha e kuai nei na laau make i keia ame kela.

 

Laau Ili no na Bebe

NO KONA POO AME KONA LAUOHO

Kek hi Mou ano nei loa a i a Makuahine e noonoo nui ai

            UA HANAULA KELA A ME KEIA KEIKI I LOKO O KA HONUA NEI me ke ewe o na mai lehulehu e ulu ma i ana iloko o ka ili, ke poo a e lilo ana hoi ke koko ia wa i mea nui loa no ka panee ana i keia popilikia, a peia lule ai ia i mea nui loa e hookaumaha mau ai i ka noonoo o keia a me keia mea i oohia i ka naii ana a na ma'i lehulehu.  Aole keia mea i hookaumaha la ma kekahi ano e ae, aka, mamuli no o ka hoopalalehaia ana e ka mea i kupono e malama a makaaia i keia poino.  Nolaila, ua lili i kumuhana na kela ame keia makuahine maikai e makaaia mau ai i ka lakou mau keiki e loohia ana i na popilikia lehulehu e ulu mai ana mamuli o ke koko ino e hookamaaina mau lakou me na mea a pa ue hiki a ke pale aku i keia mau popilikia lehulehu, i mea hoi e loaa ai ke oia maikai, malalo o na lapaau noeau ana me ka hikiwawe a me ke oia loa no hoi.

            Ua olelo ia o kaauau me ka wai pumehana a me ke KOPA CITIKURA no ka hoomaemae ana i ka ili no ka papaa i ka lepo a me kahi mau ino e ae, a peia hoi no ka unahi-pii, a peia hoi, in a ka e kapili maile i ka Alla Haa CUTIKURA no ka hooki koke ana i ka maneo o ka ili, ka eeke ano manene o ka ili ame ka pehu, a peia hoi no ka hoomaileile ana i ka hu'i a me ka hooia ana i na palapu, a mahope aku oia wa, in a ka e inu i ka Laau Hoohainu CUTIKURA, oia wale ae la no ka na mea a pau e hana ai no ka pale ana aku i keia mau kinaunau o na keiki liilii i na wa apau e hoomaka mai ai, a in a no ua loaa mua, ne mea pau wale no ia i keia mau laau ae la, ke malama pono ia na kuhikuhi.  Me keia hana ana peia, e loaa ai i na makuahine hoomanawanui ka maha a me ka oluolu o ka naau, a he mea no hoi ia no lakou e hookaumaha ole ia ai i na wa a pau.  Ua hooiaia keia mau haawina pomaikai ma na home lehulehu a puni ka aina.

            Mamuli o ka momona, ka maemae ame ka hikiwawe o ke oia o keia laau, i makemake nui ia ai e na lahui kanaka a pau i hoao a ikemaka i kona waiwai nui ma ke ano hooia, a peia no hoi i hilinai nui ia ai kona waiwai no ka hoopakele ana i ka luhi a me ke kaumaha o na makua lehulehu ma na wahi a pau, a peia no i malama nui ia ai maloko o na home.

HE HOOLA MAOPOPO NO NA MA'I MALOKO A MAWAHO O KE KINO.

            Oia hoi ke kopa CUTICURA e hoomaemae ai i ka ili a me ke kepia o ke poo a hoowaliwali i ka alualu, o ka AILA CUTICURA HAMO no ka hoopau koke i ka maneo a hooluolu a hooia, a me ke CUTICURA RESOLVENT no ka hooluolu a hoomaemae ana i ke koko.  Ke kuaiia nei ma na wahi a pau o ka honua nei.  Keena Kuai ma Auseteralia, R. Towns & Co., Sydney, N.S.W. Keena ma Aferika Hema, Lamron Ltd., Cape Town.  "I loaa ai ka ii pahee maikai, ka lauoho a me na lima."

            O POTTER DRUG AND CHEM. COMP., Boston, U.S.A., na On a o na laau CUTICURA a pau loa.

 

Na Mea

PAANI AME HOOIKAIKA KINO

Ma Kahi o

Pearson & Potter Co., LIMITED.

ALANUI HOTELE ME UNIONA.

 

            HOOKAHI PA HAUKALIMA ME KA MEAONO NO:  10 KENETA

HOOKAHI KIAHA WAIU ME KA MEAONO NO:  10 KENETA

MA KA HALEKUAI PUHI PALAOA

SUNRISE BAKERY

Alanui Nuuanu kokoke i Alanui Beretania.

            O ka Hau Kalima (Icre Cream) e hanaia nei ma@nei mai ka waiu maikai a momona maoli i loaa mai ai, oiai o na meaono e hanaia nei aia ma ke ano maikai loa.  He hookoia na kauoha palaoa me na meaono o na ano apau no ke kumukuai kupono.  E hele nui mai.

 

O KA HALEKUAI LOLE O

GOO KIMA

            ma Alanui NUUANU âme HOTELE, o ia wale no ka halekuai kahi e loaa ai na Lole Hou,Gifa, Olohapa, ame Kohiawa no ke kumukuai haahaa  loa.