Ka Nupepa Kuokoa, Volume XLI, Number 26, 26 June 1903 — Pepehi Kanaka Weliweli ma Ewa Okiokiia he mau Kepani me ka Pahi Oki Ko- No ka Lilo o ka Wahine i kekahi iho ke Kumu i Ulu mai ai o keia Hana-Aole i loaa ka Mea Hou Pahi. [ARTICLE]

Pepehi Kanaka Weliweli ma Ewa

Okiokiia he mau Kepani me ka Pahi Oki KoNo ka Lilo o ka Wahine i kekahi iho ke Kumu i Ulu mai ai o keia Hana-Aole i loaa ka Mea Hou Pahi.

Ma kahi noho o na lapana o ka mahiko o Ewa i hanaia ai kekahi hana pepehi kanaka weliweli ma ka po oPakahi iho nei, a he poe Kepani na mea I i komo iloko o keia hana ku i ka ma- ! naonao. ! Ma ka po Poakahi nei, i kekahi kane Kepani o Kuwahana ka inoa e hiamoe ana me kekahi wahine lapana maloko o kekahi o na lumi o na hale noho o na lapana e kokoke ana i ka halewili o 'Ewa, ua hoopuiwaia laua mai ko laua ae e kekahi lapana o Yanagi ka inoa, a hoomaka mai la e pepehi ia laua me kekahi pahi oki ko. I ka hora eono o ke kakahiaka Poakahi nei, ua kelepona mai ia ka makai o ka mahiko o Ewa i ke keena makai o Honolulu nei a hoike mai i ka mea i hanaia. Ua Olelp pu mai no hoi oia ua loaa he moku pahi kukonukonu ia Kuwabana ma ke poo ame kekahi mau moku e.ae ma ke kino. Ua laweia aku oia no ka haukapila o ka mahiko a make no kekahi manawa pokole mahope mai. O ka wahine hoi, ua nui no na ehaeha i loaa aku iaia ma na wahi like ole o ke kino. He ekolu manamanalima o ka lima akau i lele loa i Kona hoao ana e pale i ka pahi. Ua loaa no hoi oia i ka pahi'ma ke poo. Ua iaweia aku no oia no ka haukapila, a ma na lono hope loa, ke ola mai nei no oia. O ka mea hoi nana i hana keia hana karaima, o Yanagri, ua holo oia a aohe oia i loaa a hiki i keia manawa. Ma ka hoike a ka makai o ka mahiko, o keia wahine, he wahine mare oia na

Yanagi. I keia mau mahina aku nei, ua makemake o Yanagi .? hoi no lapana a o ka hopena, ua kuai hoolilo aku oia i i kona mau pono hale ame kana wahine ia Kuwahana. I ke kakahiaka o ka oPakahi nei, ua hoounaia mai he lapana o Sanechika ka i inoa no ka hoapono ana i ke ano o Yai nagi ina oia e paa ana i na makai o j Honolulu nei. Ma ka ninaninauia ana | o Sanechika, ua haha'i mai oia i ke- • kahi moolelo i like ole me ka ka makai o Ewa, eia nae, ua like ma kahi o ka hana pepehi kanaka. Ma ka Sanechika moolelo, ua ha'i mai oia ua aihueia keia wahine mai kekahi lapana mai e Yanagi, 'iea j pepehi kanaka, he elima nei paha J makahiki i hala. He eha makahiki o jko laua noho pu ana. No hookahi ae | nei hoi makahiki i hala, aihueia ua wai hine nei mai Yanagi mai e Kuwahana j a ua piha ia laua he hookahi makahiki o ka noho like ana ma ka mahiko o Ewa. I ka wa a Yanagl e pepehi ana i keia mau mea, ua uwa ae laua a ua lohe mai kekahi mau īapana e ae. Ua holo mai lakou, a i ka ike ana aku o Yanagi, ua, ki ae oia i kekah» pu panapana, a no ia kumu ua komo ka maka'u iloko o kekahi poe e iho. Ua puka aku oia a hoomaka oia e holo, a ua ike hope loa ia oia e hele wawae ana no Honolulu nei ma ke alahao. Ma ka lono hope loa, aole i loaa i keia.manawa.