Ka Nupepa Kuokoa, Volume XLI, Number 26, 26 Iune 1903 — HE MOOLELO WALOHIA NO NA ONAMILIONA LAWE A HUNA MALUIA MA KA AINA MEHAMEHA. [ARTICLE+ILLUSTRATION]

HE MOOLELO WALOHIA NO NA ONAMILIONA LAWE A HUNA MALUIA MA KA AINA MEHAMEHA.

MOKUNA XII. MA KA MOANA. I ka pau ana o 'ko lakou ai ana i ka ainakakahiaka, ua komo aku la o Carmody ame Heseka maloko o ka lumi hookipa o 'ka moku a hoike mai la i kona keena buke. „ ( MOKUNA XIII. KE KAAHELE HOLOMOANA. I ko lakou waiho ana aku i ka lumiaina, ua hele aku o Kent, Haven ame Penee no ka aoao akau o ka moku a noho iho la ma na noho, a hoomaka ae la e kamailio i ka maikai o ka ea ame ka malie o ia kakahiaka. "Aole no hoi i ino loa keia" wahi a Kent i olelo ae ai, "ua nui ko'u manawa i manao ai e hele hoomaha, a akahi no hoi a loaa ia'u." Nana iho la oia i kana uwaki pakeke. "Elima minute i koe kani ka hora umi," wahi ana i kamailio ae ai me ka nana ana mai ia Haven. "Aohe paha lakou i manao ae eia kakou ma ka moana i keia wa. E nui ana ka lealea ma ka hale kudala ina e maopopo ae ua nalowale kakou." "O, he nui ko'u makemake e kuai. hoolilo aku i ko'u mau kea kopaa i koe iho ma ko'u lima," wahi a Penee, "a heg.ha no hoi la ko'u mea o ka ae ana e hele mai maluna o ke'ia moku a laweia me ka malu no ka'u wahi i makemake ole ai." "Aia io no oe iloko o ke kulana paka laki e Hoahanau Penee," wahi a Kent. I ke kakahiaka i oleloia ae nei, ua noi aku la o Morton ia Heeeka he makemake kona e hui kamailio laua, a ua ae mai la o Heseka. Ua komo laua maloko o ka lumi moe e kamailio ai. E, Mr. Heseka," wahi a Morton, mahope o kona noho mumule ana no kekahi mau sekona, "e hoomaopopo iho oe o na kanaka e noho nei ma ke a/no he poe malihini, he poe lakou i hoolilo i ka manawa i mea waiwai loa, a e pilikia no hoi ko lakou mau hookele hana ana ina e loihi ko lakou kaawale ana mai ka lakou mau oihana mai. "Ua maopopo no ia oe he makemake ko makou e hoi aku no hope. Mai ka mua o ka maopopo ana o kau hana, maluna o makou a hiki i kaia manawa, ua hoole mai oe i ko kakou huli hoi ana. He ala no anei kekahi e hiki ai ia kakou ke hooponopono i keia mea?" I "Aohe au i maopopo i kekahi ala o-l koa e hiki ole ai ke wawahiia ka'u mau hoōlala," wahi a Heseka. "Eia oukoii j ke noho nei me ka maikal. Heaha hou ae ka mea e hiki ai ia'u ke hana aku no oukou?" I "E kamailio aku no au i ke kumu- | hana 1 manaoia ano," wahi a Heaeka. "Ua kauohaia mai wau e na keonimana maluna o keia moku e haawi aku i elima miliona dala no ka hoihoi kok*i an a ia makou no ke awa o Nu ioka i keia wa ano." "Aohe hiki ia'u ke noonoo ae no ia mea i keia wa," wahi a Heseka l pane oku ai me ke ano he wahi huina da:a liilii wale no keia. "He nui ke dala ia'u i keia manawa, a aohe he hiki pono ia'u ke 'noonoo heaha la ka'u hana

kupono me keia huina dala. Oia ko'u kumu i komo ai i ka oihana kaJkau nupepa. Aohe e hiki i kekahi huina dala ke hoowalewale ia'u, e Mr. Morton. Kiloi kaua i ke kamailio ana maluna o keia kumuhana, a e pii kaua no luna o ka oneki, he maikai keia la " Hoomaopopo iho la o Morton ua haule ke kumuhana, a aohe hoi he wahi.manaolana no ka lanakila. Aohe oia i hoopuka koke aku i ke ko ole ana o kana hana i kona mau hoa, ua. kali iho la oia a loaa ka wa e hui ai oia me Kapena Wata. I ka auwina la iho, akahi no i loan. ka wa kupono e hui kamailio ai laua. E ku ana o Heseka maluna o ka oneki, a o Morton am-ī Rockwell, maloko laua 0 ka lumihookipa. Ia laua e noho ana malaila, ua komo mai o Kapena Wata, a ua peahi aku la o Morton ia Bockwell e hookaawale. Ua komo mai la o Kapena Wata a hoomaka iho la e heluhelu i kekahi buke, a ia wa o Morton 1 hele mai ai ma kana wahi e kU ana. "Ae, wa malie maikai keia no ka holomoku ana," wahi a ke Kapena a hoomaka aku la e puka iwaho. Ua alai mai la o Morton iaia. "He makemake ko'u e kamailiū me oe me ka malu," wahi a Morton. "Aole me a'u," wahi a ke kapena me ka huli ana mai a nana pono mai la ia Morton. O Heseka wale no ka mea hiki e kamailio ai me a'u ma ia ano." Ua kau aku la o Morton i kekahi o kona mau lima maluna o ka poohiwi o ke kapena. He kanaka manao oo'ea oia, a aohe ona makemake e' hoolei i kana mau kauoha. Ua nana mai la oia no hookahi minute i ka nanaina 0 ke kapena. "E kapena Wata," wahi ana me ka leo malie a moakaka pono hoi, "he makemake anei kou e loaa ia oe he hookahi miliona dala?" "Aole." Ua pani ae Ia oia i t kona mau ku'i a pale ae la i ka lima o Morton, a pii aku la no 'kahi a ke kuhoe e ku āna. I keia manawa, ua hoomaka ae la. o Morton e holoholo maloko o lea lumi me lee kulou ana o kona poo a e noonoo ikaika ana oia i kana mea e hana aV.u ai. Ika ike ana o Hoekwell i ka puka ana aku o Kapena Wata, ua komo hou wiai la oiu o ka lumi a nava n'ai la ia Motton, a ma ka nana aku i mru nanaina, me he la e ninau mai ana oia ina ua holooi.io ka hana. Ua luiiiuli malie aku la o Moiton i kona poo me ke ano kaum.iha me ka pane !co ole. I ka ike ana mai o Hoekwell i keia mea, aole oia i pane koke mal, no ka mea, ua noonoo mua oia aohe e loaa koke ana ia lakou ke Kuokoa, a no ia kumu, ua olelo oia o ka pono o ke kall malie a nana heaha ana la ka mea e hiki mai ana maluna o lakou. Ua lalau aku ia oia i kekahi buke a hoomaka iho Ja e heluhelu a hiki I ka manawa i kaheaia mai ai lakou e hele aku e ai 1 ko lakou ainaahiahi.

Ma ka hora eono lakou i noho iho ai e ai i ko lakou ainaahiahi, a no ke ano mumuie e na onamiliona, ua hoao ae Ia o Heseka ame Vincent e hoomama i ko lakou mau manao luuluu. O Vincent hoi, aohe i loaa ka manawa kupono nona e hui ai me Carmody, a hiki hoi inia ke hoike aku i kana mau hoolala. 0 Morton hoi, ua hoike aku oia i kona mau hoa i ka holopono ole ana o kana apana hana i haawiia mai ai no ka hoao ana e kipe i ke kapena. TJa haawi mai oia i kekahi manao hoolana. eia nae, aohe i hoomaopopo pono aku keia poe, no ka mea, ua piha ia lakou me na manao luuluu. I ka pau : o ka īakou ai ana, ua ku ae la o Heseka iluna a olelo rnai la penei: "E na keonfmana, aole kakou i kaawale loa mai ka Lae Cod maj. E hoouna aku ana au i kekahi mea i kuia no ka lawe ana i na leta. Ke manao nei wau he makemake no ko oukou e kakau aku i ko oukou mau ohana a oleio aku ke ola nei no oukōu, a he maikai no ke ola kino. E loaa no ia oukou na pono kakau maloko o ko oukou mau lumf pakahi. O ka'u no nae e papa aku nei, mai haha'i aku oukou i ko oukou wahl e noho nei i keia wa, a aole hoi e.hoilee aku i ke ano o ko oukou hele ana mai. Mamua o ka laweia ana aku o na leta e pogo lakou e nana mua la e a'u, a ine aole. i kupono i ko'u makemake, e olelo aku ana au e kakau i leta hou. haawi mai ina leta mamua o ka hora eiwa o keia po, a ma keia po au e hoouna v aku ai i kekahi kanaka e lawe aku i keia mau leta i kula." "Pehea ana wau?" wahi a Vincent i ninau mai ai. "O oe kekahi l komo ma ke kulana hookahi tne keia poe," wahi a Heseka i pane aku ai i kana ninau. 1 ka lohe ana o keia poe i ka olelo a Heeeka, aole lakou i hookaulua i ka hooko ana aku t keia mea. No ka loaa ana o ka manawa e hiki ai ia lakou e kakau aku ai i ko lakou mau ohana a hoike aku eia no lakou ke ola nei a he maikai no ko lakou olakino, ua ano mama ae la ko lakou mau noonoo kupilikii, no ka mea, ma keia e hoomamaia ana manao ino ona ohana no lakou. No hookahi hora ko Heseka noho ana e kali ame ka nana ana ina leta. He uuku wale no kana mau hoololi 1 hookomo iho maloko o kekahi mau leta, a no ke komo ana o keia mau hoololi, ua kakau hou Ja keia mau leta a hiki i ke kupono ana iko Heaeka manao. I keia manawa ua komo aku la ka moku maloko o ke awa a hookuu iho la i ka heleuma. (Aole i pau.)

"AOHE O'U IKE AKU."