Ka Nupepa Kuokoa, Volume XLI, Number 26, 26 Iune 1903 — KE KIAAINA ME KANA MAU VITO. [ARTICLE]

KE KIAAINA ME KANA MAU VITO.

Ma ka hoihoila ana mai o ka bila haawina helu 6 o keia kau Ahaolelo Kuikawa mai ke Kiaaina mai i ka Ahaolelo ua ikeia iho la he eono mau itamu dala o ka hila ua vitoia e ka mea iaia ke kuleana o ia hana. O keia paha ka mahele i hiki i ke Kiaaina ke hana aole ma na kanawai e ae i ka hookau ana i ka vito maluna •o ke kino holookoa aole i ka hapa. He kuleana kona e vito ai i na itamu apau a i ole e vito i ka bila holookoa, eia nae, e hookau aku no oia ia ano haawina malalo o na kumu kunono ana i ike maopopo ai he pololei, a o ka vito ka haawina e pono e kauia aku maluna o lakou. A ina e kau ole ia ka vito alaila e hele hemahema ana ka pono pililaula, no ka mea mai ke kumu aku no ka hemahema. Ina hoi ua huhewa ka vito ana a ke Kiaaina a o ka pololel maoli no oia ka hoapono ana alaila e nee ana ka hana imua ma ke ano anoninoni, no ka mea, aole i kala i hemahema ai, mai ke kumu aku no. O ka hua nae o na hana a ke Kiaaina maluna o keia bila haawina oia ka vito ia o eono mau itamu, malalo no hoi o na kumu ana i manaoio ai ua kupono. He eono keia mau itamu no lakou ka huina nui o $4077.30. O ka itamu o "W. J. Wright no kana mau hana he $80, ka itamu o ke koi pauahi a Mrs. Amara nona ka huina o $750, ka itamu o $700 koi poho a Keoho no kona aina, ka itamu o $260 he koi poho aina na Mrs. Kamakaheikull, ka itamu o ke koi a J. "W. Kalua maluna o ka aelike pa'i ai me ka Papa Ola ame ko ka oihana makai o Hawaii. He huina <3ala nui no keia no ka waihona Aupuni aka ina e a'eku ia ana keia mau vito e ka Ahaolelo alaila e malele hou aku ana ia huina. Ua hana ke Kiaaina i kana hana a ua hoihoi mai i kana he vito i ka Ahaolelo a o ka ka Ahaolelo koe a ke hana nei oia. īloko o na Hale a elua ua noonoola ae no keia kumuhana a ua puka ae no na manao ma ke ano ikiiki. Hoko o ka Hale ua pepehiia kekahi mau vlto a lokahi no hol ka m&nao i ko kekahl. 3Ls aoonoo iho ke kanaka he mea

maalahi ka hookomo itamu ana a kekahi poe hoa no i hana i'o ai* eia nae aole oia ka mea o,i loa. He hana kuoono . no ia e hanaia ma ka- aoao o ka hoa ahaolelo aka o ka puka pono o ka mea i hookomoia me ka pa ole i na hoohalahala oia ka maikai loa, aole e like me keia. Ke manao nei ke Kuokoa o ka hookomo ana i ka bila a itamu paha a puka pono alaila e pono e loaa keia ike i ka lehulehu o ke kanaka nana i hookomo ia mea, he kanaka oia nona ke kino i nui kupono no kekahi noho o ka Ahaolelo.