Ka Nupepa Kuokoa, Volume XLI, Number 26, 26 June 1903 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

BO@O                                                            NUPEPA KUOKOA, IUNE 26, 1903.

 

KA AILAKIKAPU

He Hoolapanai no na Makuahine.

Ma keia laau Kikapu, ua hoohala ia ae kekahi luhi o na makuahine ma ke ala ana i ka po e hoonana ai i na keiki i loaa i ka eha o ka opu. He loaa koke no ka oluolu i ka manawa e haawi ia ai ka laau ke hoomaka i ka wa e loaa ai na hoailona eha. E hoopulu i kekahi lole huluhulu i ka aila Kikapu, alaila hoopili aku i kahi eha o ke keiki, a aole e hala na minute he umi o ka loaa koke no ia o ka oluolu. He emi no ke kumukuai o ka omole laau hookahi a he lapaau hoola kana i oi ae mamua oka ke kauka.

 

“Makemake au e hoike aku i ka hana a ka Aila Kikapu Inikini i @@@ keiki. I ka po, e ala mau ana oia a uwe no ka umii ikaika ma kona opu.

Aka i ka manawa a`u i hoohana ai i ka laau Kikapu ua loaa koke iho la ka oluolu mahope o 15 minute, a o kona haule aku la no ia hiamoe. Ma ko`u @@@@ ke haawi aku nei i ko`u mahalo no keia laau lapaau, he kauka maikai @@ no ka home.” O ka pane maluna ae na Mrs. F. Williamson ia o West Point. N.Y.

25 Keneta no ka Omole Hookahi

a e Loaa no ma na Halekuai

Laau Apau.

KUAIIA E HOBRON DRUG CO. HONOLULU, T.H.

 

Na Hale Kau Kanawai

HALE O NA LUNAMAKAAINANA.

 

Iune 17. – No ka loaa ole o ka hana a ka Hale nolaila ua noho ae la ka Hale ma ke ano komike holookoa a noonoo i ka bila aie. Hoaponoia ke poo o ka @@@@ a pau no hoi ka pauku mua i ka heluheluia nona hoi ka heluna dala nui @ $2,387,470.75.

Na Harris i hapai hou mai i ka itamu o na uwapo, a ma ka hooponopono hou ana ua hoopii hou ia ae ka itamu. Ma keia manawa ua hoomaka aku la ka noonoo ana o ka hoike o Oahu a maluna o keia kumuhana ka noonoo ana o ke komike holookoa.

Ma ka panina o ka hana ua aponoia ka hoike a hookuu no hoi ke komike Hale a hoopanee no hoi ka Hale.

 

ILOKO O KA SENATE

 

Iune 17. – Ma ka manawa i noho ae ai ka Aha ua haule kekahi mau senatoa a ua noho hoomaluia ae ka Aha e ka Hope Peresidena Paris.

Na Isenberg he hoike komike pili i na hoolilo o ka Aha e hoike ana i ka lawa ole o ka huina i koe no ka manawa i koe no ke kau. Ua hoike mai o Isenberg e hookomo mai ana o Mr. A@hi he bila haawina hou no na lili o ka Aha.

Holo ma ka heluhelu elua ana o ka bila e hooloihi ana i ka manawa o ka bila haawina o na pilikia kuikawa a hiki i ka Dekemaba 31, 1903.

O ka bila haawina o $12,500 no ka hoolawa ana aku o ka Luna Hooia me na palapala pa`i hakahaka ame na buke pa`i hakahaka ua hooholoia ma ka heluhelu elua ana.

Mahope iho o ka hookomo ana mai i ka bila hoolilo o ke kau a pau i ka heluhelu ekahiia ua waihoia iho la ka heluhelu elua ana no kahi la ae, ua hoopaneeia no hoi ka Aha.

 

HALE O NA LUNAMAKAAINANA.

 

Iune 18 – Mahope o ka pau ana o na hana kumau ua loaa mai la he leka mai ke Kiaaina mai eia nae, aole i heluhelu koke ia a hoomaha wale ka Hale.

Ma ka leka a ke Kiaaina e hoike mai ana i ka manao aole he pono i na hoa ahaolelo e komo iloko o kekahi olelo hoopaa he mea hoi e kaupalena ai i ke kuokoa o ko lakou koho ana.

Ma ka manawa i pau ai i ka heluhelu ia ua noi mai la o Kiliniwoki e waihoia ka leka ma ka papa a hookoia e like me ke noi.

Hoike mai ka Senate mai i ka hooholoia o elua bila – ka bila haawina no ke kuai ana a hoolawa aku i na kalana me na buke pa`i hakahaka ame ka bila e hooponopono ana i ka manawa o ka bila haawina o na pilikia kuikawa. Pau ua mau bila l i ka heluhelu ekahi ia iloko o ka Hale.

Na Kealawaa he olelo hooholo aole e koho ke Kiaaina ia Campbell i Luna Nui o na Hana Hou e like me ka lohe ia e koho ana ke Kiaaina. Ma ke noi na waihoia ka olelo hooholo ma ka papa.

Na Palli he bila hou o $621.25 no ka uku ana ia C. Ah Nee ka mea nana @ hana ai aku ia Lahainaluna.

Heluhelu ekahiia ka bila. Ma keia manawa ua noho ae ia ka Hale ma ke ano komike holookoa.

Heluheluia mai ka hoike komike o na itamu o Oahu, o elua mahele ka hapanui ame ka hapauuku.

Ma keia manawa ua haawi manao ae no na hoa ahaolelo, e hoao ana e apono i kekahi a e pepehi i kekahi. Ua ku ami o Kumalae e kulai i ka hapanui eia nae i ke koho ana keia i ka hiki ana mai i ka panina o ka noonoo ua aponoia ka hoike hapanui a haule ka hoike hapauuku. Hookuu ke komike Hale a waihoia ka hoike i ka Hale e hoike ana i ka heluhelu elua o ka bila.

Ma keia manawa ua noho hou ae la ka Hale ma ke ano komike holookoa, a no ka loaa ole o ka hana ua hoo kuu hou ke komike. Aka ua hoole hou ae no o Beckley ke kumu o ka noho hou ana o ka Hale ma ke ano komike.

Ma keia manawa ua noonoo ae ia ke komike Hale i na ukuhana o no Kauka Aupuni. Ma ka noonoo ana ua aponoia ka hoike komike.

Hapaiia a noonooia ke hoike komike @ ka Makeke a aponoia no hoi.

Hookuu ke komike Hale a hoopanee ka Hale.

 

ILOKO O KA SENATE.

 

Iune 18. – Mahope o ka pau ana o na hana mau ua hapaiia mai la ka bila hooponopono manawa o ka bila haawina o na pilikia kuikawa a hooholoia ma ka heluhelu ekolu ana me ka lokahi loa.

Holo ka bila Senate helu 13, nona ka haawina o $12,500 no ka buke pa`i hakahaka a na luna aupuni Kalana, ma ka heluhelu ekolu ana.

Holo ka bila haawina hoolilo o ke kau nona ka huina o $1,500 ma ka heluhelu elua ana.

Hoopanee ka Aha a noho hou.

 

 

 

 

HALE O NA LUNAMAKAAINANA.

 

 

Iune 19. – O ka heluhelu ekolu o ka bila aie oia ka hana o ka la iloko o ka Hale o na Lunamakaainana. Mahope o ka heluheluia ana o ka bila ua noi mai la o Andrade e kapaeia ka pauku 1 malalo o na kumu kupono a ua hookomoia aku ka pauku a ke komike.

Na Kupihea he noi e hookomo iloko o ka bila ke ana ana a Kanakanui i ke alanui Kula hou. Ma keia manawa ua hoomaka hou ka paio maluna o keia kumuhana a i ka hiki ana mai i ka panina ua aponoia aku la ka pakui a Kupihea.

Na Lewis he mau itamu e hooemi mai ana i na haawina o kekahi mau alanui a o ka haawina emi e hooliloia no ke kuai ana i kaa makai. Ma keia hoololi ua lokahi ka Hale.

Mahope o ka hoololi a Pulaa ua waiho mai la ke komike Pa`i i kana hoike a aponoia ka hoike. Ma ka akoakoa hou ana a mahope iho o ka hoomaha ana ua loaa mai la mai ka Aha Senate mai he bila Senate no na hoolilo o ka Senate nono ka huina o $1,500.

Noi mai o Fernandez e hooholoia ma ka heluhelu ekahi ana, aka, ua noi mai la o Kupihea e hoomoe ma ka papa. Ma ka paio ana ua hooholoia e waiho ma ke papa aka ua noi koke mai la o Keliinoi e noonoo hou ia ka bila a ko i`o no e like me ke noi. Mahope o ke kamilio ana ua hooholoia ka bila ma ka heluhelu ekai ana.

Hoopanee ka Hale a noho hou.

 

ILOKO O KA SENATE.

 

Iune 19. – Mahope o na hana kumau ua waihoia mai la he leka mai ke Kaukauolelo Carter mai e hoike mai ana i ke kakauinoa o ke Kiaaina i ka bila haawina no ke keena Puuku.

Ma ke koho ana o umi hoa ua hooholoia ka bila hoolilo o ka Senate ma ka heluhelu ekolu ana.

Hoopanee ka Aha a noho hou.

 

HALE O NA LUNAMAKAAINANA.

 

 

Hapaiia a noonooia ka bila hoolilo o ke kau o ka Senate a hooholoia ma ka heluhelu elua ua hoopanee ka Hale a noho hou.

Eia na bila:  Ka bila haawina no na hoolilo o ka Senate, ka bila hooponopono manawa no ka bila haawina o na pilikia kuikawa; ka bila i pili i ka bila o na bila uku ole ia; a o ka bila haawina o $12,500 no ka uku ana no na buke pa      `i hakahaka e hoolako aku ai i na luna aupuni kalana.

He olelo hooholo na Kealawaa eia nae ua kapaeia no.

 

ILOKO O KA SENATE.

 

 

Iune 20. – Mahope iho o ka pule ana a pau no hoi ka moolelo i ka heluheluia ua hoopanee ka Aha. Ahohe he mea i hanaia.

 

 

 

 

HALE O NA LUNAMAKAAINANA.

 

Iune 22. – Mahope o ka pau ana o na hana kumau ua heluheluia mai la ka leka a ke Kiaaina no ka vitoia ana o eono mau itamu o ka bila haawina o na bila uku oleia. Ma ka manawa i pau ai i ka heluhelu ia no olelo a elua ua hoomaka koke no ka paio maluna o ua leka la.

Na Harris he noi e waihoia ka noonoo ana a hiki i ka Poaha a kokua ia e Kiliniwoki. Eia nae ua waihoia ke kumuhana i ke komike kuikawa ma ke noi a Paele.

Ma keia manawa ua hookomo mai la a Vida he olelo hooholo e kahea ana i ke Kiaaina e hoike mai i na mea i loaa e ai ka ike i ka Nupepa Adavataisa e pili ana i na itamu mahope loaa mai ka ka Hale leka.

Ma ka ninuia ana aku o Vida i ka manao o keia olelo hooholo ua pane koke mai kela i mea hoopaa iloko o ka moolelo e hoike ana i ka like ole o ka manao o ka Hale i ke Kiaaina. Ma ka ninauia ana ua aponoia ka olelo hooholo.

Ma keia manawa ua hooholoia ae ia na bila – ka bila o na bila uku ole ia o ka oihana hoonaauao, pili ana i ke Kula o Lahainaluna – ka bila e hooponopono ana i ka manawa o ka bila haawina o na pilikia kuikawa, ka bila haawina no na buke pa`i hakahaka ame ka bila o na hoolilo o ka Senate.

Ma keia manawa ua noho ae la ka Hale ma ke ano komike holookoa a noonoo i ka bila ukuhana o eono mahina. Noonooia na ukuhana o ka oihana makai o Maui maloko o ka hoike komike o elua mahele – ka hoike hapanui ame ka hoike hapauuku.

Ma ka noonoo ana ua hi-o aku la ka hilinai o na hoa maluna o ka hoike hapauuku ke kumu o kona hoaponoia ana.

Ma keia manawa ua noonooia ae la ka hoike o ka oihana koa ame ka bana puhi ohe. Ua nui no ka noonooia o keia kumuhana aka ua hooholoia ae no e like me na mea i hooponoponoia.

Ma keia manawa ua noonooia ae la ka ninau pilia i na lunanana i`a a ma ka noonoo ana ua hooholoia i elua lunanana i`a a kapae loa ia ka hope luna nana i`a. Elua lunanana i`a $360 o ka luna hookahi.

Noonooia na ukuhana o ka poe pailaka aka no ka ikeia aia ia hana iloko o ka lima o ke komike nolaila ua waihoia ia kumuhana. Hooholoia ka haawina o $800 no ke keena kinaiahi o Wailuku me ka loaa ole o kekahi hoohalahala.

Noonooia na ukuhana o ka poe pauma mea ino a hooholoia e like me ka papa hoonohonoho. Na Harris he noi e hookomoia i mau itamu no ke kakaupokole ame ke kakaumikini iloko o ke Keena Oihana Mahiai. Aponoia me ka loaa ole o kekahi hoohalahala.

Mahope o ka hookomo itamu ana o Vida iloko o ka bila pili i ka ukuhana o ka Paumawai o Pahoa ua hookuuia ke komike Hale. Ma keia manawa ua noonooia ae la ka leka a ke Kaaina e pili ana i ka vitoia ana o kekahi mau itamu.

He noi na Harris e waihoia ka noono ana Poaha aka i ka ninauia ana ua haule ke noi. Ua hoomaka hou ka noonoo ana a i ka hiki ana i ka panina ua hooholoia mamuli o ke noi e ui aku i ka Loio Kuhina no na mea e pili ana i keia vito ana. Hoopanee ka Hale a noho hou.

 

ILOKO O KA SENATE.

 

 

Iune 22. – O ka hana mua a ka Senate mahope iho o ka pau ana o na hana oia ka noonoo ana i ka leka a ke Kiaaina e pili ana i ka vito ana i kekahi mau itamu o kka bila haawina o na bila uku ole ia.

Na  J.T. Brown he ui i ke Kakauolelo i ka manawa i waihoia ai ka bile i ke Kiaaina. Ua hoike mai la ke Kakauolelo ua waihoia ka bila i ke Kiaaina i ka la 10 o Iune, i ka hora 10 a.m.

Na C. Brown e hoike ana i kona manao aole he pilikia ma ka manawa na ka mea ua kaa no ke Kiaaina maloko o kona manawa o umi la a ke kanawai i haawi ai non. Ua noi mai la oia e hoopaneeia ka noonoo ana i ka vito a ke iKaaina a ka Poaha me ka hoolakoia o na hoa me na kope o ke leka a ke Kiaaina i maopopo ai ka manao piha. Ma keia manawa ua ku mai la o Kaohia hoike mai i kona hoohalahala nui iloko o keia hana, oia hoi o ka manawa i hoohalaia e ke Kiaaina. Ua wehewhehia aku kekahi mau mea i pau ai na pohihihi aka ua hoomau no ka senatoa i ka haiolelo no kekahi manawa. Mahope o ka noonoo ana a ma ka ninauia ana no ka hooko ana i ke noi ua hoopaneeia ka noonoo ana i ua kumuhana nei.

Mai ka Hale mai o na Lunamakaainana he leka e hoike mai ana i ke kohoia o kekahi mau hoa i lala no ke komike hui me ka Senate a ma ka noonoo ana ua haule ke noi a ka Hale.

Mai ka Hale mai o na Lunamakaainana he leka e hoike mai ana i ka hooholoia o ka bila aie. I ka manawa i loaa aku ai ua heluhelu ekahiia a kauohaia e pa`i.

Na Baldwin he hoike komike waha pili i ka olelo hooholo a ka Ahaolelo Oihana Kalepa e noi ana i ka Ahaolelo e nanaia aku ka hana hoomaemae o na uwapo ma ka haawi haawina ana no na lunana ola. Ma ka noonoo ana ua aponoia ka hoike.

Hoopaneeia ka Aha a noho hou.

 

HALE O NA LUNAMAKAAINANA.

 

 

Iune 23. – Mahope o ka pau ana o na hana kumau ua waihoia mai he noi hoakea alanui i ke alanui Likeke a ma ka noonoo ana ua waihoia ke noi i ke komike aina aupuni.

Ma keia manawa ua noho ae la ka Hale ma ke ano komike holookoa a noonoo maluna o ka bila ukuhana. Hoike komike no Oahu. Noi mai o Kupihea e hookomoia i itamu no ka mea malama luawai. Mahope o ke kamailio nui ana ua hooholoia he itamu e like me na hooponopono.

He noi na Lewis e hookomoia i itamu o ka mea malama luawai o Hilo eia nae aole he mea nana i kokua mai i kana noi a haule pu wale ia noi.

Ma keia hooponopono ana i na itamu o ka bila ua komo aku la na hoa i ke kamailio ana maluna o ka bila kalana i hooholoia iho nei i ke kau mau a e noonooia mai nei hoi e na aha hookolokolo, i ke ku i ke kanawai ame ka ole.

Ua olelo ae kekahi poe ina e haule mai ana ka mila alaila ua lawa ia haule ana i mea nana e koi ikaika i ke Kiaaina e kahea i kau kuikawa hou. Ma ka panina o ka noonoo ana ua hookuu ke komike Hale a waiho aku i ka hoike i ka Hale e heluhelu elua ia ka bila,

Ma ka manawa i hoomaka hou ai ka hana oiai ua hoomaha iho ka Hale ua loaa mai la ka hoike mai ka Senate mai i ka apono o ke komike hui maluna o ka bila Hale helu 3. I ka manawa i loaa mai ai keia leka `oia no ka manawa i wai ho aku ai o Harris i ka hoike komike pili i ua kumuhana la. Ma ka noonoo ana i ka hoike ua aponoia mahope iho o na kamailio ana.

Ma keia manawa ua loaa mai ka leka a ka Loio Kuhina e hoike mai ana i na mea pili i ka vitoana a ke iKaaina i na itamu. Ua a`o mai ka Loio Kuhina e noonoo pakahi ia kela ame keia vito a ke Kiaaina.

Mahope o ka hoopaa ana i ka leka ma ka moolelo ua noi mai la kekahi e hoopanee i ka Hale aka aole nae i ko e like me ke noi, nolaila ua hapaiia a noonooia ka itamu o Wright i vitoia a ma ke koho ana ua haule ua itamu la.

Ma ke noi a Fernandez e hoopanee i ka hana a Poaha a mahope o na hooponopono a ma ke koho ana ua aponoia ke noi

Hoopaneeia ka Hale a noho hou.

 

ILOKO O KA SENATE.

 

Iune 23. – Mahope o ka pau ana o na hana kumau o ka Senate ua hapai koke ia mai la ka heluhelu elua ana o ka bila Hale helu 2. O ka itamu mua i laweia mai a noonoo oia ko na uwapo nona ka huina o $250,000 a ma ka hooponopono ana ua hoopii hou ia ae ua itamu nei i ka $400,000. No Honolulu wale nei no keia huina.

Ma keia mahele no ua noonooia ae na uwapo na awakumoku a hooholoia ko lakou mau haawina e like me na hooponopono. Waihoia i ke komike aina aupuni ka itamu o $75000 no ke kukulu hale ana no ka waihona buke o ke Aupuni.

I ka manawa i hiki mai ai na hoa i ka noonoo ana i na itamu no na kalona ua noonoo nui ae na hoa no ka mea aole i maopopo ka puka pono mai o ke kanawai kalana a o ka lakou i hava ai ua waihoia uak umuhana la i ke komike hookolokolo.

Mahope o ka noonoo ana i kekahi mau itamu ua noi mai la o Baldwin e waihoia ka itamu o $50,000 no ke alanui o Nahiku a Kailua ame ka $3,000 o ke alanui o Keokea a hiki i Kihei, a hookoia e like me ke noi. Noonooia ke ana ana o ke alanui Kula e wehe ia aku ai, a ma na kukai kamailio ana ua aponoia ke noi e kapae i ke kumuhana.

Ma ke noi a Nakapaahu ua waihoia ko Kauai mau itamu i ka papa elele o Kauai. Hoike komike hui o na Hale a elua maluna o ka bila haawina o eono mahina a aponoia ka hoike.

Hoopaneeia ka Aha.

 

Hana Powa ma

Pap@aloa Hawaii

Eia na makai o Hawaii ke hoao nei i keia mau ia e loaa ha meheu e hiki aia i ka lima o ke kanawai ke kau aku maluna o ka mea nana i hana kekahi hana puuwai menemene ole i hanaia ma ka mahiko o Papaaloa.

Ma ka la 31 iho nei o Mei, ua loaa aku ke kino make o kekahi Iapana o Konde Kumigero ka inoa maloko o kekahi awawa a malalo pono hoi o ka ha-wai. Ua loaa aku ua kokoke e lele ke poo mai ke kino ae, a he nui no hoi na eha e ae a puni ke kino. Ua ino ke kino i ka loaa ana aku, a ua hiki ole i ke kauka ke nana pono i ke kumu o kona halawai ana me ka make.

Ua kaheaia kekahi aha koronero a he ekolu manawa a lakou i noho ai, Mei 31, June 2 ame June 15. Ma ka la hope loa o ka lakou noho ana, ua hooholo lakou ua halawai keia Iapana me ka make ma o ka pepehiia ana e kekahi mea i maopopo ole i ka aha koronero.

Ma o ka ninaninauia ana o kekahi mau hoike, ua ikeia iho he wahi kanaka ano noho malie ka mea i make. Ma ka po o ka la 14 o Mei, ua ikeia ka mea i make me elua Kepani okoa iho ma ka hale o kekahi kanaka Hawaii. a he ano kaawale keia wahi mai ka halewili mai. Ua ano ona keia poe Kepani. Ma ka hora 10 o ka po, ua haalele aku lakou i ka hale o ke kanaka Hawaii, o Konde ka mea no nae i hoi mua. O keia kona wa i ike hope loa ia ai.

Ua oleloia ae, mahope mai, hiki hou mai na hoa hele o Konde ia po ma kahi o ka hoike a noi mai e alakai aku ia laua no kekahi hale kanaka okoa aku, a olelo ae ua hele aku o Konde no ka ha-wai a ua make. Eia keia mau Iapana ke paaia nei e na makai.

Ma ka manao o na mea i ike i kahi i waiho ai ke kino, ua manao lakou aole ka Iapana i haule mai ka ha-wai aku, aka, me he mea la ua haule aku oia mai luna mai o ka pali, a i ole, ua olokaaia aku paha mai luna aku o ka pali.

Ua manaoia no hoi, aole i kokoke e kaawale ke poo mai ke kino mai ma ka olokaa ana mai luna mai o ka pali, me he mea la ua okiia ke poo a kokoke e lele mamua o kona hoolokaaia ana ilalo o ka pali. Aohe i maopopo ke kumu o ka hanaia ana o keia karaima.

 

Ua Kakooia o J.K. Sumner

 

 

Ua hoole o Lunakanawai De Bolt i ke noi a W.S. Ellis e hoopukaia kekahi kauoha e kaohi ana aole e haawiia e ka Aha ia John K. Sumner ka huina o $48,025 ina e apono mai ana ka Aha Kiekie he kuleana ko Sumner i keia huina dala. Ua noi mai no hoi o Ellis he hemahema o Sumner i ka malama ana i kona (Sumner) waiwai a o kekahi no hoi, he ano opulpule oia a he mea pono e kohoia i Kahu Malama Waiwai nona.

He moopuna hanauna o W.S. Eliss no John K. Sumner.

No ka mea e pili ana i ke ano opulepule o Sumner, ma ka noho ana o kekahi hihia e pili ana no Sumner mamua aku nei, ua hoikeia mai hiki ole o Sumner i ka malama pono i kona waiwai, eia nae, aole i manao ka aha pela.

Ua olelo ae ka aha aohe ona hilinai i na olelo ua ano opulepule a hiki ole paha ia Sumner ke malama i kona waiwai.

 

Na Kauka Huki NihoNoeau,

 

hana pololei a hiki i keia manawa, a he haahaa ka auhau o ka huki ana. O ko laua no hoi ke keena kauka huki niho nui hookahi iloko o ka Paeaina Hawaii nei, a lawa pono no hoi me na lako oihana o ke ano hou loa a maikai no hoi.

He hukiia kou niho me ka eha ole a iloko no hoi o ka lawelawe noeau a maiau ana no hoi e hanaia ai, a o ia no hoi ka makou e ake nei. Aohe auhau no ka nana ana. He wahine Hawaii ke kokua iloko o ke keena hana.

Keena hana ma Arlington Block, Helu 215, Alanui Hotele, ma o aku a Alanui Union.

 

Na Haawina Maule

 

HE MAU MEA IA E HOIKE MAI ANA AIA KE OLAKINO ILOKO O KEKAHI  KULANA MA`I KUKONUKONU.

 

O na Wahine i Loaa i Keia Ano o Lakou ka Poe i Loohia i Kekahi Ano Ma`i a Lakou i maopopo Ole Ai.

 

O ka mauleule mau ana, ka hoomaka mai e maule ina e pii mai ke ano pihoihoi e pili ana i kekahi wahi mea ano ole, he mea ia e hoike ma ana e pono e imi koke ia ke ola no ka mea aia ke kino iloko o kekahi pilikia. O ka hapanui o ka poe e loaa ana i keia ano ma`i oia no na wahine, a@o ke kumu, mai ka ma`i no ia e loaa mau nei i na wahine, he mea i loaa ia lakou no ka wa hoihi a i kekahi manawa hoi me ka maopopo ole. “Ua inoino a emi pu mai ko`u olakino.” wahi a ka olelo a Miss Catharine J. Ball o Helu 375, Avenue Bates, St. Paul, Minn., “a e maule mau ana wau. Ua haikea mai wau a hohoma no hoi a e loaa mau ana wau i kekahi eha ma ke poo a ma ka aoao akau malalo iho o ka puhaka. Aohe o`u wahi ikaika i koe, ina e hana iki ae, pii mai ka naenae. I kekahi manawa hoi, eha ano e mai ko`u opu, a aohe he loaa iki ia`u ka maha e like me kekahi kanaka kino maikai. Ua kauka ia wau no ekolu mahina a he ole o ka loaa mai o ka oluolu malalo o ka lawelawe ana a ke kauka, a aole no hoi i loaa iki ia`u ka olu a hiki wale no i ko`u lawe ana i ka Huaale Akaia a Kauka Williams no ka Poe Haikea, a mai ia manawa mai, ua pii mai ko`u oluolu. Iloko wale no o hookahi pule o ko`u lawe ana, ua ike iho la wau ua loaa mai ia`u ka maha a mahope koke mai ua ola loa ae la wau. Ua hoi hou mai ko`u mau helehelena ame ko`u ikaika e like me na la mua a ua nalohia aku no hoi na ano ehaeha apau. Aohe o`u loaa hou i ka eha i keia mau la, ua nalowale loa aku ka maule mai a`u aku, a i keia wa ua ikaika a oolea wau ma na ano apau.”

Ua hiki i ka Huaale a Kauka Williams ke hoola i ke ano ma`i e like ae la me keia no ka mea ua hiki i keia laau ke imi a loaa ka mole o ka ma`i. Aole keia laau i hoola he mau haneri ma`i e like ae la me ko Miss Ball, aka, ua aponoia mai ua hiki loa ke hoolaia ke ana ma`i apau e ulu mai ana mai ka loaa ana i ke koko ino, ame ke koko lahilahi, a pela pu no hoi me na aalolo nawaiwai-he mau kumu elua e ulu mai ai na ano ma`i apau i ili mai maluna o na kanaka apau o ke ao nei. He laau haule ole keia no ka locomotor ataxia, ma`i lolo o hookahi aoao, St. Vitus Dance, sciatica, neuralagia, rumatika, eha nalulu, ma`i garipa. pana kapalili o ka puuwai, helehelena haikea ame hohoma ame na ano ma`i apau e loaa ana i kekahi kane a wahine paha.

Iloko wale no o ke poho e kuaiia nei ka Huaale Akala a Kauka Williams no ka Poe Haikea no ke kanalima keneta o ke poho, a i ole eono poho no elua dala me ka hapalua, a e loaa no ma na halekuai laaui apaau apau, a i ole ia, mai na mea hana laau mai no ma ka hoouna ana aku i ke kumukuai ia Dr. Williams’ Medicine Company, Schnectady, New York. Aohe he kuaiia o ka huaale oiaio ma ka haneri a kakini paha.

 

Ka Halekula Kiekie.

 

He anaina nui ka i hiki ae ma ka Progress Hall i ka po Poaono nei e ike ai i na hana hoike o ka papa e hemo ana i keia makahiki ma ke Kula Kiekie mai o Honolulu nei. Ua hoowehiwehi maikai ia o loko o ka hale, a he maikai na hana apau i ikeia aku e ka poe makaikai.

Ua hoomaka na hana ma ka pule a ka Rev. G.L. Pearson, a na Miss Codie Carden i haawi mai ka haiolelo aloha i ke anaina.

Mahope o kekahi mau himeni ame na haiolelo e ae, ua ku mai o Ernest N. Smith a haawi mai i ka haiolelo aloha hope loa.

Eia iho ka inoa o na haumana i puka i keia makahiki.

Clara May Cameron, Codie Marion Carden, Agnes Gertrude Dunne, Ellis Lando, Ethelinda Florence Schhaefer, Elsie Kamoani Smith, Blanche Ethel Soper, Clara May Thomas, Rebecca Hull Thompson, Anna Woods Tucker, Alice Mamie Ziegler, Ella Sophie Ziegler, Ernest Nathaniel Smith.

 

Hoolaha i ka Poe Aie.

WAIWAI O WILLIAM H. McGREGOR

 

Mamuli o ka hookohuia ana o ka mea nona ka inoa malalo iho he lunahooponopono no ka waiwai i hoikeia ae la maluna, nolaila ma keia ke kauohaia aku nei ka poe apu he mau koi ka lakou e waiho mai ia mau mea i ka mea nona ka inoa malalo iho ma kona keena, ma Aliiolani Hale, Honolulu, iloko o eono mahina mai keia la aku, o hoole loa ia auanei.

A o ka poe i aie i ka waiwai o ka mea i make, e oluolu lakou e hooponopono koke me ka lunahooponopono me ka lohi ole.

Kakauia ma Honolulu, T. H. May 28, 1903.

                                                                                    HENRY SMITH,

                                                                        Lunahooponopono Waiwai.

                                                            2965-Mei 29-Iune 5, 12, 19, 26

 

MA KE KAUOHA

 

NA HOOLAHA WAI.

 

I kulike ai me ka Pauku 1 o ka Mokuna XXVI o na Kanwai o ke  M. H. 1800 e hoike ana:  O ka poe apau i loaa na kuleanan wai pela me ka poe e uku nei no ka wai, ke hoolahaia aku nei ma ke akea o na uku wai apau no ka manawa e pau ana i ka la kanakolukumamakahi (31) o Dekemaba, M. H. 1903, e uku ae ma ke Keena Oihana Wai o Honolulu i ka la ekahi (1) o Iulai, M. H. 1903.

O na uku wai e uku ole ia ana no umi-kumamalima la mahope o ke manawa i oleloia e kakiia no he 10 pa-ke-neta paku`i.

O na kuleana wai e uku ole ia mai ana i ka la umi-kumamalima (15) o Augate, M. H. 1903 (30 la mahope o ka manawa) e paniia ana ka wai me ka hoike hou ole ia aku.

E ukuia ka uku wai ma ke Keena Wai ma ke keena malalo o ke Kapitala (Halealii).

                                                                                     ANDREW BROWN.

                                                                        Luna Nui o ka Oihana Wai.

                                                                        Honolulu, Iuine 20, 1903.

                                                                        2969 – Iune 26 – Iulai 3, 10.

 

HOOLAHA AINA AUPUNI.

 

Ma a mahope aku o ka la iwakaluakumamalima (25) o Iulai A. D. 1903. a ma ke Keena o J. Kaelemakule, @@@@@ Kona Akau Hawaii, e waiho ae ai i na noi malalo o na kahua o na Kanawai Aina o 1895, no ka loaa mai @ ka pono Kuai Hoolimalima; i hoomoakaka pono loa ia no nae a hoopaaia malalo o ka Mahele VII o ke Kanawai Aina i oleloia.

1.  O na apana apau loa i lawe ole ia e waiho la iloko o ka Mahele Aina Hookuonoono o Kiolakaa-Keaa, Kau, Hawaii

Kumuwaiwai Kaupalenaia: - Mai ka $1.00 a ka $4.00 no ka Eka hookahi.

2.. He Apana iloko o Ooma2. Kona Alau, Hawaii, nona ka iliaina o @@@@ Eka.

Kuwaiwai Kaupalenaia: -$1.00 o ka eha hookahi.

O kela ame keia mea noi aina e wahio mai oia i kana noi no hookahi wale no apana a e loaa na ano kupono apau @ ka Mahele VII o ke Kanawai Aina i oleloia i ua mea noi la.

A ma ka hora 12 awakea, o ka la @ hoikeia ae nei maluna, a ma ke Keena no hoi o W. O. Aiken, Maui, e ku @ kudalaia aku ai ma ke ake malal@ @ na kahua maopopo o ka uku ana a@@ ko na hana hou, he mahele aina Aupuni nona ka iliaina o 360.0 Eka e waiho la iloko o Kahakuloa, Maui.

Kumukuai Haahaa: - $4.00 no ka e@@ hookahi.

No na mea aku i koe pili i na aina i hoikeia maluna ae nei, na palapala a@ na a pela aku e ike ae i ke Keena @ J. Kaelemakule, Kailua, Kona Ak@@@@ Hawaii, W. O. Aiken, Paia, Maui a@@ ole i ke Keena Aina Aupuni, ma Honolulu, E ikeia no ka Palapala Aina @ ka Mahele Aina Hookuonoono o Keikei-kaa-Keaa ma ka Hale Hookolokolo @@ Waiohinu, Kau, Hawaii.

Keena Aina Aupuni,                                                               E.S. BOYD.

Komikina o na Aina Aupuni

Iune 23, 1903.

2969. – Iune 26. – Iulai 3, 10.

 

HOOLAHA HUI I HOOHUILA.

 

TERITORI O HAWAII.

KEENA O KA PUUKU, HONOLULU,

OAHU.

MA KA HANA O KA HOOPAU LOA

ANA I KA JUDD & COMPANY,

LIMITED, (KAUPALENAIA)

 

Oiai ka Judd & Company, Limited, he hui i hoohuiia a i ku malalo ame ka maulu o na kanawai o ka Teritori o Hawaii, mamuli o ua Kanawai la, a e like me ia i hoikeia malaila, ua waihoia mai ma keia keena he Palapala noi e hoopauia ua hui la, me ka Palapala Hooia i hoopili pu ia i kulike ai me ke Kanawai.

Nolaila, Ma keia ke hoolahaia aku nei i ka mea a i ka poe apau i kuleana a e kuleana nei ma na ano apau iloko o ua hui la i oleloia e waiho mai i na kumu ku-e i ka aeia o ua noi la i oleloia ma keia keena ma ka la a mamua ae paha o ka hora 9 a.m. o ka la umikumamalima (15) o Iulai, A. D. 1903. a o kela ame keia mea e makemake ana e loheia ma ia hana e hele kino ae ma ke keena oihana o ka mea nona ka inoa malalo iho ma ka Hale Mana Hooko, Honolulu, ma ka hora 9 a.m. o ua la la i oleloia e hoike mai no ke aha la e ae ole ia ai ia noi.

                                                                                                A. N. KEPOIKAI.

                                                                                    Puuku Teritori o Hawaii.

Honolulu, Mei 6, 1903.

2963 – Mei 15, 22, 29, - June 5, 12, 19 26 – July 3, 10.

 

J. R. MILLS

Notaria a Luna Hooiaio Palapala Kanawai o na ano apau. He akahele a noeau ka lawelawe hana ana.

Keena Hana ma Pearl City, Manana, Ewa.

 

JOHN M KEA.

 

He Notari no ka Lehulehu: he mea hana i na Palapala Kanawai, a he mea huli i na kuleana aiaa. O la kauoha mai na mokupuni mai e hookoia no me ka pololei.

Keena Hana:  Ma ka Loio Kuhina.

Hala Mana Hooko.

Honolulu, Mei 22, M. H. 1903.