Ka Nupepa Kuokoa, Volume XLI, Number 24, 12 June 1903 — Ua Hoao iho Oia e Mahuka. [ARTICLE]

Ua Hoao iho Oia e Mahuka.

Ma ka hoao ana o Grant Snow, kekahi o na paele powa i hopuia a hoopa'iia i keia mau mahina aku nei, e mahuka mai ka laina paahao mai, ua ki ia oia 1 ka pu e na luna a eia oia ke moe nei i ka eha i loaa mai ma ia hoao ana e hanu hou i na ea huihui o ke kuokoa. Eia o Snow ke paa nel no i ka hewa wawahi hale ma ke degTee ei kahi, a he umi-kumamalua makahlki . ka loihi o kona manawa hoopa'i. Ma ka Poalima, oia kekahi o na paahao i laweia aku e hoohana mauka o Makiki. la lakou e huli hoi mai ana no ka halepaahao i ka hora eha o ke ahiahi, i ka hikl ana o ka laina paahao ma Puowaina, ua lele aku la o Snow maluna o kekahi pa-hale a na!owate me ka manao aole e ki aku ana na luna no ka nui o na hale ma ia wahl. Ua alualu koke aku na luna a hoomaka e ki i ko lakou ike ana aku i ua paele nei, a ua ku aku oia ma ke poo. No ka paakiki no paha o ke poo o keia ' ano kanaka. ua pahia ka poka, a o ka aiualu wale no kai poino. Ua paa hou oia a hoihoiia no ka halepaahao. Aol.e i ano kukonukonu loa ka eha i loaa aku iaia.