Ka Nupepa Kuokoa, Volume XLI, Number 24, 12 Iune 1903 — Ua Make Powaia anei Oia? KI KUHIHEWAIA ME KA MANAO O KA ENEMI IA. MAKE LOA OIA I KA HALA ANA HE MAU HORA. [ARTICLE]

Ua Make Powaia anei Oia?

KI KUHIHEWAIA ME KA MANAO O KA ENEMI IA.

MAKE LOA OIA I KA HALA ANA HE MAU HORA.

O Katstata Muira he lapana. ke kanaka hoi i kiia ai i ka pu panapana iaia e hele ana ma ke alanui Moiwahine i ka po Poalima ua make loa oia mahope iho o ka hala ana o kekahi hora. Ua hiki aku ka make iaia i ka > auwina ia. o ka Poaono ae i ka horaf ekahi. j Ma ka hoike a ke kanaka i kiia i ka pu t i ka makai, oiai oia e ola ana no,' e hele ana oia ma ke alanui Moiwahine kokoke i ke alanui Papu, oia hookahi waie iho no, e iho ana i ke taona mai kona wahi noho aku, a iaia e hele hookahi ana a me ka nanea no hoi ka hele ana ua loaa mai la oia i kekahi mea ma ka pa ana iho iloko o kona kua. Ua noonoo koke ae la oia ua kiia mai la| oia e kekahi mea a i ka huii koke anaj ae e nana i ka mea kumakaia aole i ! halawai aku me kekahi kino kanaka e maopopo ai iaia ka mea nana i ki. Ua olelo ae o Muira aole oia i hoopaapaa me kekahi kanaka a aohe no ona enemi ana e hoomanao ae a no keia mano i loaa iaia, ua manaoio iho oia o ka poka i kiia iaia ua ki kuhihewaia paha iaia me ka manao o ka mea pepehi oia k e kanaka ana i manao ai e lawe i ke ola. Ma ka loaa ana aku o ka poka iloko o ke kino o ua lapana nei i maopopo ioa ai he poka pu panapana ka mea make i hoohanaia. Ua hoike ae no o Muira aia he hoaloha lapana ke noho pu nel me ia iioko o ka lumi hookahi, a he hana ka ua hoaloha nei e hana nei maluna o ka mokuahi Kinau a oiai o kona ku ana mai no ia i ke kulanakauhale nei i ka Po&ono nolaila ua hala ole ke kokoolua o ka lumi iloko o keia pilikia mai ka imi Biku o na makai a o keia no hoi ka lohe mua ana o kona makamaka ma ka hoi ana mai ka moku mai. Ma keia hana a ma keia pilikia aole he loaa iki o kekahi wahi meheu o ka mea nana ka hana puuwai eleele. Aohe mea i ike i ke kiia ana o keia kanaka a aohe no he mea I kokoke aku i kahi i hanaia ai o keia hana menemene oie. O Muira ua ikeia he kanaka hana oia no luna o ka mokuahi Mauna Loa,