Ka Nupepa Kuokoa, Volume XLI, Number 24, 12 June 1903 — Page 5
| This text was transcribed by: | Richard Tavares |
| This work is dedicated to: | For the Keohuloa Family |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, IUNE 12, 1903. ELIMA
-----
Nuhou Kuloko.
-----
Ma ka la 6 o Iulai e hoomaka ai ke @ a o kumu a pau i ka la 21 o Au@
-----
Ken oho nei ke Komkina Koi Pauahi @ i kekahi mau nninau e pili ana @ koi kaa hope.
-----
Ea imua o Lunakanawai Gear e noo@ nei ke kupono am ke kupono ole o ke Kanawai Kalana i ke Kumukanawai Panalaau.
-----
Ua hiki mai Kauai mai maluna o ka Mikahala ma ke kakahiaka Lapule nei @ wahine pupule, a ua lawe loa ia aku a ka Hale Pupule.
-----
Ma Keanae, Maui, ia Kaina e lawaia ina me ke kiana pauda, ua pahuia a make loa. He kanakolu-kumamaono ka @ o kona mau makahiki, a he ma@ kana hana.
-----
Ma ka Poalima nei i hoomaka ai na kana ma ka uwapo Oceanic a ma ka uwapo alahao ana e ku ai na mokuahi o ka laina Oceanic ma keia hope aku a @ i ka manawa e pau ai ka hana ana.
-----
E loaa no na pono lole hou, gita, au@apa ame Koliana me ke kumukuai haahaa loa ma mka halekuai hou o Goo Kima, kihi o na alanui Hotele ame Nuuanu.
-----
Ma ke ahiahi la apopo (Poaono, Iune @ e haawiia ai kekahi mau @abolo ame na hula Hawaii like ole ma ka halekeaka Opiuma e ka Imoile Dramatic club o Waiakamilo.
-----
Ka loheia mai ua mahuka mai ke Kula Hanalima mai o Waialae he mau keiki ma ka Poaono nei o ka pule i hala. Aohe no nae i maopopo pono loa @ olalo o keia lohe.
-----
Ma kekahi o keia mau ia iho nei, ua akoakoa ae ma Waiakamilo he heluna e 100 paha poe kanaka a hooholo i kekani olelo hooholo i kekahi olelo hooholo e noi ana i ke Kiaaina e hookohu o E. Wintosn ka Lunanui o na Hana Hou.
-----
Ua wehe nae nei o “Tom,” he mea i hana ma Makapolena ma mamua iho nei, i halekuai nona iho ma ka helu @ Alanui Moi, kokoke i Maunakea. Ke kono aku nei oia i kona mau hoaloha apau ne hele mai e ike i kona wahi hou.
-----
No na mea e pili ana i ka ahaaina @ na Home Rula ma Wailuku no ka hoohanohano ana i ka hoea ana aku o ka Moiwahine Liliuokalani, ua loheia mai e kukalaia ae ana o R. W. Wilikoki ka peresidena o ka aoao kalaiaina Home Rula a o Bila Walta ka moho Makai Nui no Maui o ka aoao Home Rula.
-----
Ua hiki aku ma ka halewai kekahi mea o Manuela Freitas ka ina a olelo aku i na makai aohe oia i ai no ekolu la. Ua komo ke aloha iloko o na makai a hanaiia oia, a haawiia mai i lumi nona maloko o ka halewai. E waihoia aku ana no hoi oia imua o Lunakanawai Wilikoki ina he mea hiki iaia ke kokua mai ma ka haawi ana mai i hana na keia kanaka ma ka Halepaahao o Oahu.
-----
NUHOU O KO NA AINA E
Mai ka Uwea Telegarapa mai.
-----
HIKI KE TELEGARAPA I GUAMA.
MANILA, Iune 2. --- Ua pau ka hoomoe ana o ka uwea telegarapa a hiki i Guama. E hoomaka koke aku nana ka hoomoe ana mai Guama aku a hiki i ka mokupuni o Midway
UMI-KUMAMAONO TAUSANI HAALELE AKU.
ARMOURDALE, Iune 2. --- Umikumamaono tausani poe i haalele mai i kea taona, He mau tausani o na kaa o na hale hana i poino a ua hiki aku ke poho ma kahi o na miliona dala.
KANSAS CITY, Iune 3. --- Ke emi aku nei ka muliwai Misouri me ka hikiwawe.
KA INO MA ALABAMA.
GAINESVILLE, Iune 3. --- Ma na papahelu hou ne pili ana i na hana a ka makai ino tonado ua ikeia iho he 110 poe i make ame 300 i eha. He ewalu hanei ka hui o na kanaka i hooneleia me na home.
ILI KA MOKUAHI DEUTSCHLAND.
NU IOKA, Iune 4. --- Ua ili ma ke kowa o Gedene ka mokuahi Deutschland ka nmoku holo loa o ka Moana Atelanika.
ALAHAO N OKA ATIKA.
SEATTLE, Iune 4. --- Eia nmaanei ke waiho nnei no ka hoounaia aku na mea hana o ke alahao e holo ana a hiki i Kulanakauhale Solomona ame Kulanakauhale Council, a mahope aku, hiki i na Lao Ioka ame Nome.
NA MOKU HEIHEI PELEKANE.
FAYAL, Iune 4. --- Ua holo aku ma keia awa aku na moku heihei Shamrock elua ame ka mokuahi holo lealea Krina.
HE MAU MILIONA I LILO UWAHI.
NU IOKA, Iune 4. --- He mau Miliona dala ke poho i hoomaopopoia ma o ka pau nana o na ululaau ma Kanada ame Enelani Hou i kea hi.
EHIKU I MAKE.
STILLWELL, Nu Mekiko, Iune 4. --- kekahi hooku’i kaaahi ma ke alahaoKana Fe he ehiku poe i make.
HOOPILIKIA NA IUDAIO.
St. Petersburg, Russia, Iune 4. --- Ua hoopukia a eke aupuni Rukini i kekahi nkanawai e papa ana i na Iudaio aole e noho ona maluna o ka waiwai paa akoe ma na taona i aela.
KA WI MA KINA.
KANATONA, Iune 4. --- Ma na lono i loheia mai ka mahele aina mai o Kuana-si, ke pii mahuahua ae nei ka wi. Ua poino na mea ulu. a aia ma kahi no ka miliona kane, wahine ame na keiki i nele i ka ai.
HOAKOAKOA NA MOKUKAUA.
WASINETONA, Iune 5. --- Ke hoakoakoa nei ke aumokukaua o Adimarala Evana ma na kai o Kina. Ke manao ia nei ua hanaia keia mea no ke ano kupikipikio ma Manakuria.
PAA HOU KEKAHI KOLOHE.
WASINETONA, Iune 5. --- Ua hopuia o McGregor. ke poo o ka oihana Lawe Leta Kuaaina, no ka hoolaia ana e apuka i ke Aupuni ma ke kuai ana i na eke leta ili.
PAUAHI MA NA ULULAAU.
NU IOKA, Iune 5. --- He nui nap oho i loaa mai na pauahi ululaau mai ma na mokuaina he nui wale. He nui ka makau o na kanaka.
KA MAKE WAIKAHE MA TOPEKA.
TOPEKA, Iune 5. --- He 78 ka heluna pau o ka poe i make mai ka waikahe mai.
WAIKAHE MA KA MULIWAI MISISIPI.
SANA LUI, Iune 5. --- He nui na taona liilii i uhi paa ia e ka wai. He mau haneri o na ohana maanei i hooneleia me na home a ke mau nei ka pii ana o na popilikia.
HE MAU HANERI I NELE.
GAINESVILLE, Alabama, Iune 5, --- He umi-kumamalima haneri poe o onei i pilikia i ka ino tonado a eia ke hilinai aku nei lakou maluna o na kokua ia mai.
KA PERESIDENA MA KA HOME.
WASINETONA, Iune 5. --- Ua hiki hou mai ka Peresidena ma kona home i keia la.
PAUAHI MA MAINE.
PORTLAND, Me., Iune 6 --- Ua pau i ke ahi na ululaau paina ame hemeloka e kokoke mai ana i keia kulanakauhale. He nui na wahi hookuonoono liilii i pau, he mau haneri hale i na nka, a he mau ola no hoi kekahi i make. Ke mau nei no ka a ana a ke ahi a he nui ka maloo o na mea apau.
-----
Ma ka auwina ia Poalua nei i loheia ae ai ma ka la 4 o Iulai e hakaka ai o Billy Woods ame miller ma ka Opiuma, no ka makana o $1,200.
-----
Ma na nuhou o Maui, ua wawaia mai e holo ana o Lunakanawai Kalua i Makai Nui no ke Kalana o Maui ke hiki mai i ka manawa koho.
-----
Aohe i ano oluolu pono loa o Theodore Cooper, a no ia kumu halewai no ka nana ana i na Poke Riko i hopuia iho nei e na makai ma ke ano hoohuoi.
-----
Ma ka ia apopo i manaoia ai e malamaia na hana kinipopo mua loa ma ke kahua kinipopo hou ma Kamoiliili. E holo loa aku ana na kaa uwila a hiki malaila.
-----
No ka nui o na hana powa a na Poko Riko ua kauoha aku o Makai Kiekie Baraunu i na makai e hopuhopu i na Poko Riko e loaa aku ana e hele wale ana me ka maopopo ole o ka hana e loaa ai ko lakou pono.
-----
Ua make i keia mahina iho nei ma ka mokuaina o Uta, Amerika Huipuia, o Mrs. Kaauamo Makuahine. Ua hanauia oia ma Kawainui, Hilo, Hawaii, i ka makahiki 1830, a i ka makahiki 1897 kona haalele ana mai ia Hawaii nei.
-----
Ma keia helu e loaa no kekahi hoolaha ma kekahi wahi e ae e pili ana i kekahi mau pepa Koi Pono Pauahi i nalowale mawaena o ka Hale Aupuni am eke Keena Oihana o Allen & Robinson. E loaa no ka uku makana kupono i ka mea e loaa ana a hoihoi mai ia Allen & Robinson.
-----
Ua hiki mai maluna o nka W. G. Hall mai Hawaii mai he elua apana koa o 3700 ame 3110 paona pakahi koa, a e hanaia aku ana i papa no kekahi piano e manaoia nei e hana.
-----
No ka lilo o Professor Berger ame na hoa him eni o ka bana Hawaii iloko o na hana o ka hele hoomoana o na koa, aohe hiki ke malamaia na hana o ka Ahamele mHookuku Nui ma Progress Hall i keia po. Ua hoopaneeia na hana a keia Poalima ae, Iune 19.
-----
Emi ka Make Iwaena o Kakou.
-----
Ma ka hoike make, hanau ame mare o ka mahina o Mei iho nei, ua maopopo ae nei mai loko ae o kanahiku-kumamalua make, he iwakalua-kumamaha o lakou he poe oiwi Hawaii, he heluna hoohalike i emi mai malalo o na heluna hoike mahina ni ike ole ia mamua aku nei.
Eia iho ka papa hoonohonoho o n a lahui like ole:
Pake, 1; Pukiki, ao; Iapana, 12; Pelekane, 3; Amerika, 8; lahui e ae, 2.
He iwakalua-kumamaiwa mare ame kanaha hanau i hoikeia mai ma keia mahina iho nei. He nui ka heluna make iwaena i na keiki opiopio, he umi-kumamalima make iwaena o na kamaiki malalo iho o hookah makahiki.
-----
MAKE I KA MA’I BUBONIKA.
MILANA, Italia, Iune 6. --- Ua make i keia la maanei o Kauka Sachs iaia e hoao ana e loaa na mea ame na kumu e ulu nui nei ka mai ahulau bubonika.
KUPILIKII KE KULANA WAIKAHE MA SANA LUI.
SANA LUI, Iune 6. --- Ke pii mai nei ke kupilikii o ke kulana o ka waikahe i na hora apau. Ke maun nei ka pii ana o ka nwai o ka muliwai, ua uhiia he nui o na eka aina a eia he nui o na ola iloko o ka popilikia.
KE KULANA MA MAN AKURIA.
Ke hana nei o Rusia i kekahi maualanui ma Manakuria. Eia ke hoohanaia nei he tausani o na paahana Pake. Ke manao ia nei he hana keia na Rusia i mea e hiki ai iaia ke lawe i kona mau koa i o a la nei o ka aina me ka maalahi i ka manawa kaua. Ma na olelo a Rusia e haalele ia Manakuria i ka mahina o Sepatemaba, he hana ia e houlolohi nmai ana i loaa ko lakou manawa e hoomakaukau ai no ke kaua.
-----
E HOAO I NA IAPANA.
JOHANNESBURG, Aferika Hema, Iune 6. --- Ke hoao nein a ona o na luaeli e hookomoia mai i hookahi haneri tausani limahana Iapana no ka hana ana ma na luaeli Rand.
HOOPAAKIKI O GEREMANIA E KIPAKU I NA MOREMONA.
BERELINA, Geremania, Iune 6. --- Ke kupaa nei o Geremania i kana mea i hooholo ai e kipakuia na misionari Moremona mai laila mai, a i keia manawa ua kipakuia aku na lunakahiko mai ka aina aku. Aohe i hooloheia ke kue a na Moremona o Amerika Huipuia i keia hana a ke aupuni Geremania.
MAI KA POPE.
ROMA, Italia, Iune 6. --- Ua loaa mai ka lohe mai ka Vatikana mai ua mai ia ka Pope. Ke emi liilii aku nei ka maikai o kona ola kino.
HOOKAHI HANERI OLA I POINO.
MASEILE, Iune 7. --- Ua hooku’i na mokuahi Libon, he moku e hookomo mai ana, ame Insulaire, he moku e holo ana no waho, ma keia la a mai loko ae o ka heluna o 200 ohua, he 100 i poino. O ke kumu o ka hookui ana, oia no ka huikau ana o na hoailona a lilo i mea e maopopo pono ole ai i keia mau moku i kokoke ai i ka mokupuni o Maire, he wahi mawaho koke iho o kahi e hookomo ai i ke awa. Na na mokuahi kaalo ae i hoopakele he 100 haneri o na ohua o ka mokuahi Libon e kupaka ana iloko o ke kai, a hoihoi mai ia lakou i ke kulanakauhale. Ua kokua no hoi ka Insulaire i ka hoopakele ana a hoi hou mai i ke kulanakauhale.
PUHIIA I KE AHI KEKAHI KUMUKULA PAELE.
BELEVILE, Illinoi, Iune 7. --- Mahope o ka hoao ana e wawahi i ka halepaahao e kekahi poe hoohaunaele i hiki aku ka heluna i kekahi mau haneri o ke kulanakauhale ame na wahi kokoke mai, ua hoopuka mai lakou a nakiikiiia i kekahi pou me ke kaulahao he paele kumukula ma na kula aupuni a puhiia i ke ahi. Ua hopuia oia no ka pepehi ana a make ke pookumu o na kula aupuni, a no ka ukiuki loa o na kanaka, ua hana lakou i keia mea. Mamua aku nei, ua nui ke kue mawaena o keia pookumu ame ka paele.
HOOMAINOINO NA TUREKE I NA BULUGARIANA.
SALONIKA, Iune 7. --- Ke mau nei no na hana hoomainoino a na Tureke maluna o na Bulugariana ma ka panalaau o Macedonia. I na la apau, ke loaa mai nein a lohe hakaka mawaena o na Tureke ame na Bulugariana, a o ka aoao mua ka mea e lanakila mau mai nei.
EKOLU MILIONA DALA KE POHO.
SANA LUI, Iune 8. --- Ua hu ae ka muliwai Misisipi a oi aku mamua no ka palena kupono. Ua a’e aku ka wai maluna o na palenawai a he nui na oka i poino. E hiki aku ana paha ke poho ma kahi o ekolu miliona dala. Ke emi aku nei ka wai o ka muliwai.
HANA HOU I NA POINO.
TOPEKA, Iune 8. --- E kaheala ana paha i ahaolelo kuikawa no ke koua ana i a poe i pilikia i ka waikahe ame ka hana hou ana i na uwapo i poino. Ke manao wale ia nei aole e loihi ka manawa a hiki hou i na kanaka mahiai ke hooulu i na mea ulu ma na wahi i uhiia iho nei e ka wai.
LOUBET AME KA POPE.
ROMAQ, Iune 8. --- E hele aku ana paha ka Moi Emanuela o Italia no Farani a e hele mai a nap aha o Peresidena Loubet o Farani i oma nei ma kei mua iho. Ke manao wale ia nei aole oia e hele aku ana e ike i ka Pope no ke kipakula ana o na hui hoomana mai Farani mai.
EPIKOPO NO MANILA.
ROMA, Iune 8. --- O Makua Harlin o Sana Lui ka mea a ka Pope i olelo ia i Epikopo no Manila. Ua hooleia keia kulana e Bihopa Montgomery o Kapalakiko.
MAU HANERI ILOKO O KA POLOLI.
SANA LUI, Iune 9. --- Ke pii hou ae nei ka wai o ka muliwai a ke inoino hou mai nei ke kulana. He mau haneri o na kanaka i hooneleia nme na home ame ka ai a he lohi hoi ka loaa ana mai o na kokua.
APUKA HOU MA WASINETONA.
WASINETONA, Iun e 9, --- Ua hopuia iho nei o Watson Clark ka nLuna Hooia Apana no ke apuka in ka huina o @ o ka waihona o ka Apana o Columbia.
KE ALAWAI O PANAMA.
WASINETONA, Iune 9. --- Ina aole e ae ana na Mokuaina i Huila o Colombia e apono i ke kui kahi o ke Alawai o Panama, e noonoo hou ia aku ana ka hana no ka wehe ana i ke aia ma Nicaragua.
PAUAHI NUI MA FOLORIDA.
WESTPALTO, Fla. Iune 9. --- Ua pau ia keia taona i ke ah ii keia la a ua hiki aku nke poho ni a huina a $750,000.
MAHUKA KEKAHI LUNA AUPUNI.
KIKAKO, Iune 9. --- O Herman Wickersham, ka Peresidena mua iho nei o ka Papa Paka o Linekona, he mahuka oia. Ua apukaia e ia he kanalima tausani dala o ka waihona o ka lehulehu.
KAHEAIA NA KOA KIAI O ARIZONA.
PHOENIX, Iune 9. --- Ua kahea aku o Kiaaina Brodie i ka mahele koa holookoa o ka Teitori e hele aku no Morenci, kahi e noho nei ka poe eli e hooki hana nei o 3.00 ka heluna.
UKU NA PAELE I KA HOOPA’I.
FORREST, Misisipi, iune 9. --- He elima paele i pepehiia a make loa a he un ii pepehiia a eha loa no ka lawe ana i ke ola o kekahi anaka keokeo ma kekahi wahi oneeanea.
-----
Hoike Hui o na Kula Sabati.
-----
Ua malamaia ka Hoike hapa makahiki o na kula Sabati o Kauai Komohana ma ka Luakini o Hanapepe ma ka la 7 o Iune 1903 a ua hoea ae na Kula Sabati o Lihue, Koloa ame Waimea e like me ka leo kahea a ke kahu Kula Sabati Nui Wm. Ellis.
Ua hoomaka na hana ma ka hora 10 15 A. M. ma ke mele ana ka pule a Rev. J. B. Leleiwi.
Hoolaha a na kahu Ekalesia, ame mke Koho ana i mau komite no ka la, a ua koho lokahi ia na keonimana, Jude Kapuniai ame W. Sheldon o Waimea.
Na ka papa opio o Hanapepe i wehe ae i ke kahua hana o ka la, no lakou ka huina umi-kumamakahi haumana, maikai ka paio ana no ka pono uhane a he kapena opio ko lakou o miss Norah Leleiwi.
O ka elua mai o na papa, na opio o Waimea no lakou ka huina o eiwa opio wahine, ma ke alakai ana a Miss Kawelu---o ka lakou mau himeni ame na haawina ua paneia ma ka olelo Enelani.
Na makua o Hanapepe, he umi-kumamaha ka huina i alakaiia e ka makua J. B. Leleiwi, a mahope o keia ua malama ia ka lulu dala o na kula Sabati. A oiai ka aoao hema o ka hale e mele ana i ka aoao 220 H. A. N., ala hoi ka aoao akau e hele ana e lulu. A i ka aoao akau e mele ana ma ka aoao 197 H. A. N. ua huli like ae ka aoao hema o na makua me na keiki i kahi o ke pakaukau e lu ana ka akau ame ka hema---a i ka hoohuiia ana ae ua piha ka huina o $17.70 nui ka mahalo.
Ua pii a eke Kula Sabati o Koloa i ke nkahua, he ekolu no haumana, he mau makuakane lakou apau, a hookah o lakou he haole malihini, akua nae ua hooikaika no nae oia e pane i kana haina ma ka olelo Hawaii, nui ka huoli.
Ua kani hou ae ka bele, a emoole aia ke kula Sabati o Lihue i huiia na makua me na Opio ke pii ae nei no ke kahua, no lakou ka huina o iwakaluakumamakolu ke huiia me ko lakou kapena opio. Wm. Pa, maikai na leo himeni, a eleu na haawina. E hoomau aku e ke Kapena Opio i ka hana maikai.
Koele hou ana ka bele, a ke Kahu Kula Sabati Nui e hea ana i ka waiula me ka waikea e kahe ae i ke kahua kaua, a e pai no ka pono a ko kakou mau uhane, ma ke alakai ana a ko lakou Makua Rev. J. L. Kopa, no lakou ka huina he kanakolu-kumamakolu, a na lakou i mele mai i na mele maikai, ame na haawina e hoolana ai i ka manao. O ka pau kela o ia papa.
A ua haawiia na olelo paipai ame ka hoike a na komite o ka la e mahalo ana i na hana o na Kula Sabati apau, a e haawi ana i ka helu kiekie ma ka papa o na Opio---i ka papa. Opio o Hanapepe---aka, ma ka olelo hooholo a ke K. K. Sabati Nui. W. Ellis, e haawi ana ina helu nkiekie i na Kula Sabati elua, oia hoi i ka poe apau i komo iloko o keia Hoike Hui ka helu ekahi, a i ka poe apau i komo ole i keia hoike ka helu elua. Nolaila e pono e komo kakou apau i ke Kula Sabati i loaa like la kakou ka makana helu ekahi.
Ka poe apau i komo pu iloko o na hana o keia la, ma ke ano haumana a kumu papa he @.
CHAS. KAHEE,
Kakauolelo.
-----
Mahuka mai Keoneula mai.
-----
He umi-kumamalua mau keiki nui o ke kolohe i hoopaaia iloko o ke Kula Hoopololei Hou i kukulu@ iho nnei i Waialee, ua o@loia ua mahuka keia mau keiki i ka Poaono a i ole Poakahi. Ua loaa mai no kela hoike i Honolulu me ka hoopioloko nui ana i keia mau kiai, aka ua manaoia ae aole paha e pololei loa ana ia hoike.
He mea oiaio no ua ulu ae he mau pilikia iwaena o na keiki ame na kiai, a mamuli o keia ua oleloia ae, i ka manawa i hoikeia mai ai ka moolelo, ua hoeha aku he iwakalua kaiki i ka k@
-----
HE ILI NANI, LIMA A’IA’I
ME KA
LAUOHO ULIULI
KA HUA O KE
Kopa Cutikura
HE MILIONAA OI ka nui o na wahine e auau mau nei @ keia KOPA CUTICURA no ka malama ana hoomaemae ana a no ka hoonani ana i @ lakou ili, i pau ai ka papaa o ke poo, ka unahi-pii, a i mea no hoi kekahi a pau ai ka helelei ana o ka lauohe a i hoopalupalu, hoa’ia’i a me ka hoou’iu’i ana i ka ili o na wahi i hele a manoanoa i ka hooikaika i ka hana, a like me na lima, a pela no hoi e hoopau ai i na eha, ma ka holoi ana i na wahi eha me kia kopa, i ole oi e ike i ka aai me ka welawela; i ole no @ hou nui, ma ka holoi ana i na wahi peh a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i pili i na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau. O ka poe i ikemaka i ka maikai o keia kopa, aole loa lakou e ae iki ana e hoao i kekahi kopa okoa aku, ke kolia mai; ina no e oleloia ana, he kupono ia ano okoa aku no na mea a pili ana i ka ili, ke poo a me ka lauoho o na bebe a me na keiki. Ua loaa mai keia waiwai nui o ke KOPA CUTIKURA mailoko mai hoi o keia laau hooia ikaika loa i kapaia, KUTICURA, oia ka laau ikaika loa me ka hooia ana i na popilikia a pau e pili ana i na mea ika loa o ka pale ana i na mea ina a he loaa no hoi ke ala maikai o na pua iloko o kela kopa. Aole loa e hiki @hoohalikeia mai kekahi ano kopa e ae i hoohulihulia e ke akamai o kanaka me kia kopa, ma kana mau hana ma-lama, hooia, a me ka hoou’iu’i ana i ka ili,a pla aku. Pela hoi i ka ili oke poo, ka lauoho a me na wahi e ae.
Aole no i lihi launa mai na kopa ona aina e me keia, no ka auhau ana a me ka hana o na keiki liilii. Pela ihola i lilo ai nka waiwai e na kopa a pau i HOOKAHI no mke KUMUKUAI hoo@, a ae Helu Ekahi keia Kopa no na poino o ka ili a me kahi auau, a hehelu ekahi no hoi no na kamalii a p@ kea o nei.
NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ka poo, i pau ai ke kepia a me ka papaa piele, alaila, e hooma-u i kahiu eha me ka Aila Hamo CUTICURA @ mama ae ai ka akiaki ana a ka hu’i a me ka ehaeha, a pela hoi e hoohana ai ka laau i kana hana a ola ka eha, alaila, e @ ka Laau Inu CUTIKURA i mea e maemae ai ke koko maloko. Ke kuaiia @ keia laau ma na wahi a pau o ka honua nei. Ma Aukekuiia: o R. T@w@ & Co., o Sydney, N. S. W. kolaila Agena; ma Aferika Hema Depot: Lennon, Ltd. Na “Hoakaka no ka Hoola ana i na Bebe a me ko lakou mau @naunau.” He loaa wale no me ke kuai ole.
-----
NA MEA
PAANI AME HOOKAIKA KINO
Ma Kahi o
Pearson & Potter Co., LIMITED.
ALANUI HOTELE ME UNIONA.
-----
Eono Omoomo Palaoa Maikai i ka 25c.
MA KA HALEKUAI PALAOA
SUNRISE BAKERY
Alanui Nuuanu kokoke i Alanui Vineyard.
Ke hoike aku nei makou i ka maikai o ka makou palaoa, no ka mea ua ike no makou i ka maikai, a ua makemake makou ia oukou e ike ko lakou maikai e like me makou i ike ai.
He hana pu no hoi makou i na meaono i hana rolaia, he meaono i ike nuiia e na haole. Ua hanaia lakou ma ko makou rula hana meaono iho, a o ka poe i ai i ka makou meaono aole e nele ke lakou kii hou mai. E pono oe e hoao nou niho, a aohe no he pii o ke kumukuai.
-----
Mukula, a hoomaka iakou e holo ma ka alo ana i na maka o na kiai a kamoe mai ia ka lakou huakai no Honolulu nei, me ka hooweliweli ana i ka poe hele o ke alanui.
Ma ka Poalua nei, ua hopuia ae he hookahi keiki, i ke kakahiaka nae, eia nae aole oia i hoike mai i na ano hooweliweli a mai keia keiki mai i ikeia ai ke kumu o ka pilikia.
Ua hoike aku oia i ka Makai Kiekie ua mahuka mai he umi-kumamalu keiki mai kekula mai i kekakahiaka o ka Poaona. E auau ana lakou iloko o ke kapu nui iloko o ka pa a malaila aku ka holo ana. Aka aole nae lakou i hoeha i ke kumukula wahi a ke keiki i hoike ai.
Ma kekahi moolelo hoi e hoi kana ua holo aku he umi po keiki mai kahi auau aku a maloko o na malako ka holo ana.
Ua hoikeia aku kela moolelo i ka oihana makai o Waialua oiai nae aole i piha pono loa ka moolelo aka e loaa ana he wahi uwiuwiki malamalama no ia oihana ke hoomeheu naku. Ma kekahi aoao o ka moolelo he ekolu wale no keiki i mahuka a he hookah i paa i na makai o Waialua a oiai he hookah i paa i Honolulu nei alaila he hookah wale no ik koe e huliia aku ai.
Ua kauleoia aku ka Lunakula Nui, eia nae, aole i loaa mai iaia a halawai olelo hoi me na luna o ke kula hoopololei.
-----
Ua Hipuu hou ia ma ka Mare.
-----
He eiwa mau paa Iapana i mareia ma ka uwapo Hoomalu ma ke kakahi aha Poaha nei o kia pule i hala. He eiwa mau wahine Iapana i hiki mai Iapana mai e olelo ana ua hiki mai lakou malalo o ke kauoha o ka lakou mau kane, eia nae, o ka mea apiki, aohe kekahi o lakou i ike i ka lakou mau kane mamua.
He mea oiaio ua mareia no keia poe mamua ma ke ano o ka mare ana a na Iapana, aka nae, no ka ikaika o ke kanawai hoopae mai i ka poe o na aina e. I keia manawa, a no ka hookomo maumai o na Iapana i na wahine me na hana pono ole, ua hooholo na luna hoopae mai e mareia kela poe mamua o ke keehi ana i ka lepo o Hawaii nei.
No ka olelo ana mai o keia poe wahine he poe kane ka lakou maanei, ua kauohaia aku lakou e apono mai, a i mea hoi e @ua loa ai ua kiiia aku kekahi kahunapule Iapana e hipuu hou i kelam poe malalo o na rula o ke kaua-o@ wai o na aupuni karistiano. I ka pau ana o keia hana, ua aela ua poe wahine nei e lele mai iuka nei.
Ma keia hanaia ana, ua loaa iho la aohe i mareia kekahi o keia poe ma Iapana, notaila, i kela manawa, he eiwa poe Iapana e noho nei me na wahine me ke kaa pu anaaku o ke koikoi e malama aku i ke kau ai am eke kau wi, ina he makemake a m akemake ole ko lakou i keia mau wahine.
-----
Ua loheia mai ua hoea mai kekahi palapala kii ia Mrs. Ema Nakuina me ka hele ana aku imua o ke Kiure Kiekie o ka Aha Kaapuni Elua. Ke manaoia nei he mea keia e pili ana i ka mea i hanaia e na makai ma Kaunakakai, Molokai, a i hoopiiia hoi e Mrs. Nakuina.
-----
O KA HAKEKUAI @LOLE O
Goo Kima
ma Alanui NUUANU am HOTELE o ia wale no kahalekuai kahi e loaa ai ua Lolo Hou, Gita, Otobapa, ame Koliana no ke kumukuai haahaa loa.