Ka Nupepa Kuokoa, Volume XLI, Number 23, 5 Iune 1903 — I Hewa i ka Pao ana i ka Huewai. [ARTICLE]

I Hewa i ka Pao ana i ka Huewai.

Ma ka po Poaono nei. ua loaa aku i ka makai e ku ana ma ka huina o na Alanui Alakea ame Moi ua hemo na puka o ka halekuni mea al o Camarinos, a ua hoouna mai oia i keia lohe i ka halewai. Ua hoounaia aku o Makai Keopuhiwa e kiai i ua wahi nei. Ma ka hapalua hora elua paha o ka wanaao Lapule nei. ua hiki aku la o Sam Kepano malaila, ka makai e ku uwaki ana ma ia kihi, a loaa aku la o Keopuhiwa iaia e nahu ana i ka a-i o kekahi omoie wiseke. Ua kono mai la 0 Keopuhiwa i kona hoa makai e ahaaina laua, a i ko laua maona ana, ua hoao ae la laua e hoike i ko laua kau ma ka oihana makai a ike i ke ki pu ma ke kii ana aku i na hua moa o loko o ka halekuai a Keonuhiwa e kiai ana a hoomaka iho la e kiki maka ma ke alanui hele wawae. I ke ku ana mai o kekahi makai i ke kakahiaka nui, ua loaa Iho la iaia ua hooliloia o waho iho o keia halekuai i papalai hua, a ua hoouna koke mai oia 1 keia lohe i ka halewai. Ua hopu koke ia ua mau makai kolohe nei, a ma ka nqli pono ia ana aku, ua maopopo ae la he «walu kakini hua i pau i ke koloheia e keia mau makai. Ua ae laua i ko laua hewa.