Ka Nupepa Kuokoa, Volume XLI, Number 23, 5 June 1903 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

NUPEPA KUOKOA, IUNE 5, 1903

 

 

EONO

He alau hoopaiupalu keia i na aa i o olea ame na io i hoopaakikila. O hana mau hana hoopumehana ana no ka hooko ana i kana hana e komo ana ia iloko o ko kakou kino ma na wahi li ke ohe. I na e hamola ka laau Kikapu maluna o ke aa i oolea a i ola paha i a maluna o ka io i hoopaakikila aole e nele ana ke ola ame ka malaelae, oi a hoi. e hamo ma na kakahiaka ame na ahiahi apau. E hoo@@ola ana no kekahi manawa uuku no ka hoola ana i kekahi mai o keia ano aka. o ke Kiokapoo Indian Oil ola maoli no ka laau mana oe e hoola me ka hakaila ole.

 

AILA KIKAPU

Ka Laau Hoopalupalu i na Aa Oolea.

" Ua hoehaehaia au me kekahi eha i loaa iau oia hoi ka maui ana o kuu kuekue wawae a no ia kumu ua oolea ae la kuu mau aa, kuu mau ami ame kuu mau io no 3 makahiki, a ua hoao a ku mau i na laau apau au i lohe ai aka aole i loaa iau ka oluolu. Aole i loihi ae nei ua heluhelu au i kekahi mau mea e pili ana i ka laau Kiokapoo Indian Oil a ke hauoli nei au i ka hoike ana ia oe ua hoola ia kuu ku ekue wawae ame na eha apau loa au i hoomanawanui ai no keia mau makahiki ki i haha ae nei." - Mrs. Huntley, 28 Houston Ave., Newport, R.I.

KENETA NO KA OMOLE HOOKAHI A E LOAA NO MANA HALEKUAI LAAU APAU.

KUAHA E HOBRON DRUG CO. HONOLULU, T.H.

 

Nuhou o ko na Aina E.

MAI KA AOAO EHAKI MAI

wai o ka Muliwai Misouri no kanakakolu kapuai a ua hiki aku i ka heluna o 500 hale i uhiia e ka wai.

            TOPEKA, Kas. Mei 31. - He elua hameri ola i poino maanei, a he mau miliona ke poho. He nui ka pilikia o na kanaka, aohe ai ame kahi e noho ai.

            WASINETONA, D.C., Mei 31. - Ke hoouna aku nei ke Aupuni i na kokua ana i kapoe pilikia o ke Komohana Waena.

           

MAKE MAINOINO MA KE ALAHAO PAKIPPIKIA HEMA.

            SANA BABARA, Kaleponi, Mei 31. - He kanalima poe i eha maanei i keia la, elua mea e make ana, ma o ka hu ana o kekahi kaaahi o ke alahao Aekai o ka Pakipika Hema. He ekolu kaa ohua i haule mai ka pali aku a iloko o ke kai.

 

RUSAWELA KA MOHO.

            NU IOKA, Mei 21. - Ua hoopuka ae ka nupepa Tribune, ua loaa he mau balota maikai iwaena o na ahahui Repubalika o na Mokuaina e kakoo ana ia Rusawela no ka moho holo balota o keia makahiki ae.

 

HOOPAIIA E MAKE.

            MANILA, P.I., Mei 31. - Ua hoopaiia o Rios., ke kipi Pilipino, e make no ka hewa pepehi kanaka ia umi-kumamawalu poe koa.

 

HEPELA MA LOKO PAAKAI.

            KULANAKAUHALE LOKO PAAKAI, Iune 1, - Aia ma kahi o ke kanalima poe maanei i loaa i ka mai he pela.

 

KIPI MA KOKINI KINA.

            SAIGONA, Iune 1. - Ua ulu ae kekahi haunaele kipi maanei. Aia ke ola o na kanaka Farani iloko o ke kupilikii i keia manawa.

 

NUHOU WAIKAHE MA KE KOMOHANA WAENA.

            TOPEKA, Kan., Iune 1. - Ke pii ae nei ke kulana maikai o ka waikahe maanei. Ke emi aku nei ka wai a mua pau ke kulana kupilikii. He iwakalua @ no make pakui i loaa aku i keia kakahiakaka.

            SANA LUI, Mo., Iune 1. - Ua kokoke ka muliwai Misisipi e hiki aku ma ke kulana e kokoke aku ai e hu ma ke alo o ke keulanakauhale Sana Lui. Ke hooneeia nei na kanaka o kahi e manaoia nei he hula ana e ka wai no kahi maikai.

            KANSAS CITY, Iune 1. - O ka lono hope loa i loaa mai na wahi waikahe mai ua hoikeia mai he 200 poe i make ma ke piholo ana i ka wai. eha uwapo i lilo i ka wai, a he 20,000 poe i hooneleia me na home.

 

            KA WAIWAI MAA MAU.

            O NA MANAO MAHALO A KA LEHULEHU HE WAIWAI IA NA KA LEHULEHU.

            @ POMAIKAI NO KO HONOLULU NEI POE MALOKO O NAIKE KUKOKO.

            E kamailio aku ana ka poe maikai.

            O ka lakou ike he pomaikai ia no ka lehulehu.

            Hapaoi nui ko Honolulu nei poe i ka maikai o na Huaale Kuhaneenee ame Puupaa a Doan.

            He loaa ka maha ma o lakou la na mai puupaa apau.

            E heluhelu iho i na olelo a keia kpua malalo iho:

            Ua hoike mai o Rev. J. Nua o Kawahao i kona mano ia makou maluna o keia mau huaale kuahaneenee ame puupaa a Doan.

            "Ua loaa iau ka ehaeha nui ma o ka mai ia o na puupaa au hoi i manaolo ai ua loaa mai kela pilikia iau mamuli o ka hapai nui ana i na mea kaumaha i kou wa opiopio. O na ma@ele ame ka eha ma kuu kua o lakou na hoai@enae hoike ana i ke ano o kuu pilikia. O keia mau pilikia ou ua hoomaka mai lakou mai ka mawa ou he @@ makahiki, a hiki wale i keia manana ua piha iau he 49 makahiki e hiki ole ai ia kakou ke hoohewahewa iho i ka loihi a la manawa. A iloko o kiea mau makahiki i noho ai a@ iloko o keia ehaeha ma kuu kua. Mamuli o ka hoomau ana o ka ehaeha o keia mai iau ua koila mai au e ike aku i na kauka aole wale o lakou aka o ka ai ana he mau laau okoa aku aole mae he loaa iki o ka maha iau e like me ka maikai loa @ loaa iau mai na HUAALE KUAHANEENEE AME PUUPAA A DOAN mai. Ua loaa maoli no iau ka maha kamahao lua ole mai ka mawa au i lawe ai i keia mau huaale. Ua oluolu maoli no kou uhane ma o ka lakou hua maikai la ia loaa mai ai iau he mea hoi nou e malama mau ai ia mau huaale iloko o kou poli ianei a i na aina o ka hema ke hele au no ka oihana haieuanello. Aohe he laau lapaau kupono loa no na mai puupaa ame kuahaneenee e like me na Huaale Kuahaneenee ame Puupaa a Doan."

            E loaa no keia ano laau na Huaale Kuahaneenee ame Puupaa a Doan ma na halekuai Laau apau, he 50 keneta ko ke poho, a he eono poho no $2.50. E kakau mai ia Hollister Drug Co., na Agena o keia laau ma Hawaii ne a e hookoia no na kauoha ma ke kuike no

 

Ke Nemaia mai ko Makou Mau Luna

            Mr. Lunahooponopono, aloha oe: Oia i ua ike iho kou mea kakau ma ke "Kuokoa Home Rula" o ka la 16 o keia mahina i kekahi manao e pili ana i ko makou Luna Nui, Hope Luna Nui, ame ke Kauka, ame na mea like ole e ae he nui wale e pili ana i o makou nei, i hoopukaia hoi e Hoku ma ia Pepa, a mamuli o na manao pili kino wale no i hoopukala ai keia mau manao; aka, mamuli o keia mau mano hakuepa wale, pela i loaa ai i kou mea kakau ka manaolana, e hoike pu aku i ke akea i ka oiaio ole o na olelo ame na hana i hanaia a ua Hoku nei i hoike ai ma ua Pepa ia, a i hooiaioia mai paha hoi e ka poe heluhelu o ia Pepa i ike a hoomaopopo ole i ke ano o ko kamou noho ana ma keia Kahua Maii; a oia keia, ua hoike ae ua Hoku nei malaila, no ka nui o ka Suwaipa ame ka Ona laula o ka Panalaau nei, a e ninau pu iho ana no ua Hoku nei, penei:

            Aia no ke Kanawai i ka Panalaau nei; aole loa he wahi poopoo a kuono o ka ili o Hawaii i nele i ke Kanawai, au e Hoku e ninau lalau nei, e hoomanao oe, mamuli anei o ka hooko ole ia ana o ke Kanawai ma ka Panalaau nei, pela anei oe e ninau ai, a i ole ua nalowale aku anei ia mai ka Panalaau aku, a hele i Honolulu no kekahi manawa a hoi mai, a oia iho la ka wa Kanawai; a i ka wa hele, alaila, aohe Kanawai o ia wa, e ku ai ka ninau: Auhea ke Kanawai ea? a e Ku ai ka ninau ana pela i ke akea; ma keia e ike maopopo loa ia ai kou lalau e Hoku, aole ke Kanawai he mea nalowale a moe paha, a pau paha, me ka nele ana o ka aina i ke Kanawai ole, aole loa pela; e hoomanao pu no hoi oe, o ka hana ia a na Senetoa ame na Lunamakaainana e kohoia nei e ka lehulehu i kela ame keia elua makahiki, no ka hoololi, pakui, a hoopau ana paha i kekahi mau pauku o ke Kanawai, aole he nele ka aina i ke Kanawai, ina pela, ina la aole o kakou hoakoakoaia ana ma keia wahi ma o ka maii i loaa ia kakou, he Lepera; a ina la hoi ua nalowale no elua, ekolu pule, a mahina, ina la ua hiki ia kakou ke hoi e ike i na ohana a hoi mai mamua ae o ka hoi ana mai o ke Kanawai; nolaila, mai nainau lalau hou pela, ina paha o ka ninau. Auhea la na Luna Hooko o ke Kanawai ea? ina la aohe olelo ana; ina nae oia ka ninau, eia no ka nane; aohe lawa o ka Oihana Kiai Maluhia o ke Kahua o ka lawa ole, aia ma ke Kahua Mai nei he aneane i ke Tau@ani ka nui o ka poe mai a aia he nui hewahewa o na mai he poe hana suwaipa ma kela ame kela wahi; aka, ke hoao mau nei no keia oihana kiai maluhia uuku e hooemi mai i ke palahalaha nui ana aku o keia kupu ino, a oiaio hoi o kahi nui o ka oihana Kiai Maluhia aole nae he mea e pau a@ o kela ano hana like iwaena o na kanaka.

            O kekahi no hoi he mau manao la@au wale no kela o ua Hoku nei, ka olelo ae i ka nui o ka ona laula o ka Panalaau nei, e hoomanaola, ina io pela ka o@a@o, aole anei o ke keehina mua ia o na hana Karaima manao ka mea kakau pela no: nana aku i na hana a ka poe inu @uwaipa laula o Kakaako ma Kikihale a nui wale aku, ame na hana i hanaia ma ia mau wahi mamuli o ke @uwaipa a oiai o keia mau whi ae ia he hui na lima hooko o ke kanawai, a he oki loa hoi kela; aka nae, aole loa he mau hana karaima @ puka mamuli o keia ona laula e like me ka ua Hoku nei e hoopunipuni nei.

            Eia hou keia olelo a ua Hoku nei i ka nui pu o ka opiuma, omole kini e komo nei i ka Panalaau nei ma ka Pali mai, he mea olalo no ia; aka, o ka ike ia ana nae o ka poe nana e hana nei ia mau hana, ma ke kiai ia ana o na wahi maa i ka piila ame ka ihola, he neo i ho la no ka mea loaa i keia mau wahi makai uuku, a i kekahi wa ua hoolimalima maoli ke Kapena Makai i kekahi poe me kona kaia ponoi no ke kokua ana i ka oihana makai ma ke kiai ana i ka pali, a oiai, ua manaowale ia o ka poe no nana e hana nei keia mau hana oia no ka poe kamaaina kahiko o keia wahi i pau ai@ i ke kipakuia mamua. He mau makahiki ae nei i hala, no ka mea, aole wahi i koe o keia mau pali i nele i ka ikeia e kia poe, a pela no hoi e loaa ole ai i keia mau wahi makai uuku; a pehea la hoi o Amerika ame kona mau Panalaau e komo nui ia nei e na waiwai hoopae malu a ka poe hoopae o ia mau ano, oiai nae, he mau miliona dala ka Amerika e lu nei no ia mau ano, aole naeia he mea e pau ai o ia ano hana; a ina pela iho la ka nui hewahewa o na dala a Amerika e luia nei no ia mau hana aupuni kona mau palena, alaila pehea la e hiki ai i ka Luna Nui ame ke Kapena Makai ame kona poe uuku ke hoopau i keia mau ano hana o ke Kahua Mai nei, oiai hoi o Amerika me Kona poe nui hewahewa ma kela ame keia wahi e ku makaukau ana me ka makaala a aole nae ia he mea e akakuu mai ai o ia ano hana hoopae malu i na waiwai; nolafila , e noonoo pono i ka mea kupono, aole o ka hakuepa wale iho no.

            Eia hou ka paina ma kahi o ka Hope Luna Nui, he mea oiaio, he paina io malaila; aka, aole i pau keia poe i ka luhe i ka wai o Maleka, e like me ka ua Hoku nei e olelo nei; he hookahi ponoi, mai kahi e mai i luhe ai a komo ana ilaila, a oia hookahi wale no ka mea i luhe i ua wai la, aole o ka Luna Nui, Hope Luna Nui ame ke Kapena na hoaloha ame na Lede.

            Eia hou, ke ninau pu nei ua Hoku nei penei: Aole anei he mau hana Kanawai ka hele mau ana o ka Luna Nui, ka Hope Luna Nui, ame ke Kauka i ke kiki kao i na pali, ame ka malama ana i na ano pu like ole, a malia, ua manao paha o Hoku mamuli o na rula o ka Papa ola; ua kapu keia mau mea, aole loa i aeia kekahi o na Mai e malama i ka pu ma keia Kahui Mai; aka, e hoomanaoia o n Luna Aupuni ua aeia lakou e paa ia mau mea ma ke Kanawai; a ina ma o ka uhakiia o ka Rula Papa Ola ke kumu ou e Hoku i ku-eai, alaila ke ninau nei ka mea kakau, owai la ka oi o Kanawai paha a i ole o Rula Papa Ola paha, a malia o loaa ka pne o Kanawai; a ina pela, pehea iho la e pili ai ke Kanawai ia lakou, a i ole Rula hoi no ka mea, he poe Luna Aupuni lakou apau; nolaila, lalau loa keia, hookahi no kumu nui o keia mau manao apau ou e Hoku i hoopuka ai i keia mau manao mamuli no ia o ka hoopau ole ia o J. K. Waiamau mai ka noho Hope Luna Nui ae, a hoonoho ae ia oe ma ia ahi, a o kekahi no hoi, heaha la ka mea hoike pololei ole ae i ka inoa i ke akea.

            Me na keiki hoonoho hua ka welina.

                        Owau no me ka Oiaio,

                                    C.J. N. KIAAINA.

Kalaupapa, Mei 2th, 1903

 

 

Loaa i ka Ulia Eha Kukonukonu.

MA KA HOLOIA ANA E KE KAAAHI I EHA AI.

NA ANOAI E AE O LAHAINA AME HOIKE KULA SABATI.

            Mai ka nupepa mai o Maui. -- Ma ke kono a na luna o ka mahiko ua hai mai he heluna nui o na kanaka a kau aku la maluna o ke kaahi i hookakaukauia no ka holo ana i kaanapali i ke ahiahi Poaono i hala. O ke Kaaahi ame eono kaaohua ua hoowehiwehiia a ohuohu i na launahele ame na lei a he nani maoli ke nana aku.

            Ua hoomaka na kaa e haalele i ka halewiliko i ka hora 7 a i ka manawa i hiki aku ai ke kaaahi i Kaanapali ua huro mai la ko Kaanapali poe me ka piha hauoli no ka hookipa ana i na malihini. Ua hoopuniia na hale me na kukui kepani a ua luluu na paaina i na mea ai a ua hoomakaukauia he wahi kupono no ka lealea hulahua.

            Ma ka manawa i pau ai na hana ua huli hoi aku la ke kaaahi no ka Maluulu o Lele i ke kakahiaka nui o ke Sabati ae. I ka manawa i hiki aku ai o ke kaaahi i ka halewiliko ma kahi o ka hora ekolu ia, ua loaa koke iho la kekahi ulia pilikia mamaua o ka pau ana o ka holo ana o na kaaohua elua o hope loa.

            Ma keia manawa i hoikelia ae la maluna ua haule iho ia o Ernest Gilbert Cockett mai ke kaaohua mai a holo aku ia na kaaohua elua hope loa maluna o ke keiki. I ka manawa pokole ua hiki mai la ke kauka a mahope o ka hoohanuia ana i ka laau hoohiamoe ua huli pono ia iho na palapu. Ua eha io no ke keiki a i ka manawa kupono ua hoihoi ia aku ia oia i kauhale.

            Ma ke noi a ka ohana aole i okiia ke keiki aka ua hooponoponoia ae no na palapu a i ka pau ana ua emi mai ka nui o ka ehaeha i ka opio.

            Ma ke Sabati i hala aku ua malamalama he hoike kula Sabati hookuku ma ke Kulanui o Lahainaluna. He nui ka poe i akoakoa ae mai ko Wainee poe ame ka poe o ka hoomana naauao.

            He aha hoohauoli ka i haawiia ae no ka manawa hope o ka kumupoo o ke kula o Lahaina Mr. W.E. reavis. Ua hoolilo aku o Mr. Reavis i kona mau pono hale apau no ka hoomakaukau ana no ka hoi aku i Amerika.

            Ma Ka Poaono i hala i ku mai ai ka mokupea Aloha i Lahaina a aia a pau kana hoolei ukana ana e holo loa ai oia no Kaanapali no kolaila mau ukana.

            O Wa Sin, @@ Pake i hopuia no ke kuai opiuma me ka laikini ole, ka i hoopalia e Lunakanawai Wilikoki e p@a ma ka halepaahao no eono mahina ma ka Poalua nei.

 

            J.R. Mills

            Notrai a Luna Hooiaio Palapala Kanawai o na ano apau. He akahele a noeau ka lawelawe hana ana.

            Keena hana ma Pearl City, Manana, Ewa.

 

 

Moolelo o na Hale Kau Kanawai.

(Mai ka aoao 5 mai)

HALE O NA LUNAMAKAAIANANA.

Iune 3. - Ma ka manawa i noho ae ai ka Hale ua noonooia ka ka @@a helu @ o ka Hale a ka Senate i hoihoi mai ai me ka nui o na hooponopono a ma ka noonoo ana ua wailia ka hana no ia kumuhana a hala elua la. Na Kumalae keia noi a ua aponoia ke noi.

            He hoike komike aina aupuni e pili ana i ka olelo hooholo no ke koi a Mrs. Kamakahekuli no $260 no kona aina i laweia i pono alanui aupuni a aponoia ka hoike komike a hookomia ka itamu iloko o na bila i uku ole ia.

            Noonooia ka ukuhana o ka Luna Nui o na Hana Hou a hooholoia e like me ko ka Loio Kuhina he $1,800 mahope iho no nae o ka nui kamailio ana ame ka noonoo ana. Ma ke noi ua noonoo hou ia ka ukuhana o ka puuku no ka hooemi mai a like me ko na luna apuni -- Loio Kuhina ame Luna Nui o na Hana Hou, aka, i ka hana ana ua haule ka hooikaika ana no ka mea ua kaulike na oo koho maluna o ke kumuhana a o ke koho a ka Lunahoomalu he kumu i oi ai ka aoao e hoole ana i ka hooholoia.

            Ma ka noi a Kupihea e kapaeia ka haawina o ka Hope Luna Nui o na Hana Hou ua hoomaka iho la ke komike Hale e noonoo i ke kumuhana a ua hui na manao o na hoa ahaolelo i puka e kapaeia a he mau hoa no hoi kekahi i hooikaika e kakoo ana i ka manao he mea pono e loaa ona hope. Ma ka panina o na hana i hanaia maluna o keia kumuhana ua kapaeia ka itamu ma keia kulana koho he 16 ae a he 7 hoole.

            Mahope o ka pau ana o keia kumuhana ua hookuu ke komike a ua hoomaha ka Hale.

            Ma ka manawa i noho hou ae ai ka Hale ua noonooia ka ukuhana o ke Kakauolelo kiekie a ua hooemiia mai no e like me ko na poo a pela no hoi kekahi poe kakauolelo eae. Ua olelo ae o Harris o ka hana hoomakauliioiaio oia no ka haawi uku kupono ana i ke kanaka hana kupono a o ke oki i na limahana i malele wale aku.

            Ma keia manawa ua noonooia ka papa hookaa ukuhana pili i na alanui ame uwapo, a hooholoia e like me na hooponopono. Ua noonoo pu ia no hoi ke kumuhana lawe opala a ma ka noonoo ana ua hooholoia ka itamu o $18,120.

            Ma keia wahi ua nee mua aku na hana a hiki i kahi o na uku o ka poe kukui uwila ua noonooia ia kumuhana a waihoia i ke komike kuikawa. Ua nee aku ka hana imua me ka maikai. Ma keia hana ua hoopiiia ae ka uku o ka hope luna malama makeke o Honolulu i ka $300. Ua nui ka hoopaapaa no ka luna malama makeke o Hilo a ua hooholoia ae kona uku i ka $300.

            Hooholoia ka ukuhana o ka Lunawai Nui i ka $1,500 a ua haule ka manao e hoopii ae i ka uku o ke kakauolelo. Mahope iho o ka hooholo ana i na ukuhana o na wiliki pauma wai ame na hana e iho o ua keena wai nei ua hookuu ke komike a hoopane no hoi ka Hale.

 

 

ILOKO O KA SENATE.

            Iune 3. - Mai ka Hale mai o na Lunamakaaianana he leka e hoike mai ana i ka lokahi o kona manao o ka Hale, a he hoike no hoi ka i loaa mai ke Kakauolelo Carter mai e hoike mai ana i ke kakauinoaia o ka bila e ke Kiaaina.

            Na Isenberg he hoike komike kuikawa pili i ka bana puhi ohe. Ma ka hoike a ke komike e hoike ana he mea pono e nanaia ka pono o ka oihana koa. A pela no hoi ko ka bana puhi ohe a e noho hoomaluia ka bana malalo o ka hoomalu a ka Terotri aole malalo o ke kalana. No ka mea wahi a ke komike o ka bana e ku nei i keia manawa aia malalo o ka hoomalu ana o ka Teritori a malalo o na rula oihana koa o Amerika a ina e hooonohoia aku malalo o ke kalana alaila e papalua ana na haku o keia kumuhana. Ma ka noonoo ana i ka hoike komike ua aponoia.

            Ma keia wahi ua hapai hou ia mai ka bila haawina o umi-kumamawalu mahina no ka heluhelu eula ana. Mahope o ka noonoo ana ma ka hooponopono pauku hou ana ua hooholoia ka bila ma ka heluhelu elua ana.

            Na Achi he noi e pai ia ka bila i loaa ona kope a mahope o ke kamailio ana ua ua hooholola ke noi no ke pa i ana.

            Hoopanee ka Aha a nho hou i ke kakahiaka Poalima no nae.

 

            O KA LOLI MAU o ka wai oia kekahi kumu e loaa ai i ka mai hi. Mamuli o keia, i hele mau ka poe kaahele honua me ka paa pu me ka omole laau kolela ame hi a Chamberlain i hiki mai ka manawa e loaa ai i keia ano pilikia alaila ua loaa no ka mea nana e hoola ae ia ino. Aohe he lua e like ai me keia laau pili i na pilikia i ka manawa iluna o na kaa a maluna o na moku, a oia io no kahi i kupono loa aku ai keia ano laau. He mea pono e kuai kekahi i laau o keia ano mamua o ka hele ana. Ma kahi o Benson Smith & Co., e loaa ai keia ano laau na Agena nui e kuai nei.

 

Na Kauka Huki Niho Noeau,

 

            hana pololei a hiki i keia manawa, a he haahaa ka auhau o ka huki ana. O ko laua no hoi ke keena kauka huki niho nui hookahi iloko o ka Paeaina Hawaii nei, a lawa pono no hoi me na lako oihana o ke ano hou loa a makai no hoi.

            He hukiia kou niho me ka eha ole a iloko no hoi o ka lawelawe noeau a maiau ana no hoi e hanaia ai, a o ia no hoi ka makou e ake nei. Aohe auhau no ka nana ana. He wahine Hawaii ke kokua iloko o ke keena hana.

            Keena hana ma Arlington Block, Helu 215, Alanui Hotele, ma o aku o Alanui Union.

 

George W. Outcalt.

Kana Hanaoka Hookaawale ana Iaia iho mai kekahi Pili@ia Kukonukonumai.

O ka hana a George W. Outcalt he kanaka kalepa kamaaina no Wellston, Oklahoma, no ka hookaawale ana laia iho mai kekahi pilikia kukonukonu mai, oia kekahi moolelo ana nui e paiia nei ma na nupepa.

            "Ua nui kou hoopapau i ka hana ana." wahi ana i kamailio mai ai i kona hahai ana mai i ka moolelo." No kekahi manawa loihi kou haawi ana i kou mau manao apau maluna o kau oihana a aole wau i hoomaopopo ae i ka hopena e ili mai ana maluna ou. Eia nae, mahope mai, ike iho la wau ke emi mau aku nei kou oiakina--emi pu kou kino--maluhiluhi i na manawa apau a pii mai ka naenae, inoino ke koko, a inoino no hoi ka opu. I kekahi manawa, pii mai ka nalulu a ina e hoomaka ae e lawelawe i ka hana ana i kekahi wahi mea, maluhiluhi mai ke kino a puni. He kanaka mai wau, oia ka hoopokole ana i ka hoakaka piha e pili ana i kou kulana.

            "I kekahi la, ua ike iho la wau i kekahi hoolaha e pili ana i ka Huaale Akala a Kauka Williams no ka Poe Haikea, a ua hoao wau i ka lawe ana. Ua like ka hana ana a keia huaale me ka uwila. Ua loaa koke ka oluolu lau iloko o na la he kakaikahi wale no. Ua pii hou mai kou kino a loaa hou kou kaumaha mua, ono hou mai kau ai a ua oi ae ka makai o kou olakino mamua o na makahiki i kaa hope ae nei. Ua haawi aku wau i ka hoomaikai ana i ka Huaale Akala a Kauka Williams i kou mau hoaloha he nui wale ame ka hahai ana aku i kou hauoli i kou hoolaia ana e keia laau."

            O ka pono i loaa aku ia Mr. Outcalt ma ka lawe ana i ka Huaale Akala a Kauka Williams, e ili aku no ia pomaikai maluna o ka poe apau i loaa i ka haawina e like me kona. Ua like ole keia huaale me na laau e ae, no ka mea, e hoomaemae koke ia no ke koko ame no aalolo. Ua hoolaia e keia iaau kekahi mau mai paakiki e like me ka locomotor ataxia, mai lolo o hookahi aoao, St. Bitus Dance, sciatica, neuralagia, rumatika, nalulu, haalulu, garipa, pana pinapinai o ka puuwai, helehelena haikea ame hohoma ame na mai i kuluma mau i na kane ame na wahine. -- Ina oe i loaa i ka mai a ola ole i ke kauka, e kakau mai ia makou a na makou ia e hahai piha aku ia oe me ka pololei ame ke kanalua ole i na mea apau e pili ana i ka pono ame ka pono ole o ka Huaale Akala a Kauka Williams no kou mai. Aole makou e olelo aku ana ua pono keia huaale no na ano mai a makou e ike ana aole i pono no ko lakou hoonaia ana.

            Ke kuaiia nei ka Huaale Akala a Kauka Williams no ka Poe Haikea e ka poe kuai laau lapaau a pau, a e hounaia aku no ma ka leta me ka uku pu ia o na lilo ke loaa mai he kanalima kaneta no ke poho, elua dala ame ka hapalua no eono poho, (aohe kuaiia ma ka haneri) ma ke kakau ana aku i ka Dr. Williams Medicine Company, Schenectady, N.Y.

 

He mau hana Apuka anei kekahi?

            Eia ma ka lima o ka Loio Apana Amerika Breckons he mau koi pauahi i haawiia aku e ka Agena McClennan no ka huli ana i na mea e pili ana i keia mau koi. Ma keia mau koi, ua hiki ae he elua aoao e koi ana i ke dala, o kekahi hoi e olelo ana ua loaa mai keia koi iaia ma ke kuai ana me ka ona o ke koi, a ma ka olelo hoi a ka ona, ua aihueia kana koi a o kekahi poi hoi, ua olelo mai ua naowale kana koi a oia keia e koiia nei e ka mea okoa. O kekahi mau koi hoi, ua hana hoooliloia ma ke ano apuka, a oia kekahi o na mea a ka Loio Amerika e noii nei.

            Iloko o keia mau koi e paaia nei, no na Pake ka hapanui, a he elua no kekahi mau kanaka Hawaii. Ina e hiki ana i keia poe ke apono mai a i ole e loaa aku ana paha ua hanaia kekahi mau hana apuka, alila, e kau koke mai ana no ka lima o ke kanawai maluna o lakou.

            I ka hoomaka ana iho nei e ukuia na dala pauahi, ua komo aku ka papa a kekahi poe ia Agena McLennan aole i uku i kekahi mau koi pauahi, a no ia kumu ua waiho aku oia i keia mau mea ma ka lima oka Loio Amerika i ka pololei ame ka pololei ole o keia mau me.

            Eia ke noii akahele nei o Loio Breckons i keia mau mea, a eia ola ke ninaninau nei i ka poe i komo iloko o keia mau koi no ka hoapono ana i na mea apau e pili ana i keia kumuhana huikau.

 

JOHN M KEA.

            He Notari no ka Lehulehu: he mea hana i na Palapala Kanawai, @ he mea huli i na kuleana aiaa. O @a kauoha mai na mokupuni mai e hookoia no me ka pololei.

            Keena Hana: Ma ka Loio Kuhina, Hale Mana Hooko.

            Honolulu, Mei 22, M.H. 1903.

 

MA KE KAUOHA

MA KEKAUOHA

NA NOTARI O KA LEHULEHU

            O na Palapala Konuikina o pa Notari a Luna Hooiaio Palapala no iako@ na inoa malalo iho nei, no na A@an@ Hookolokolo Kaapuni Elua, Ekolu, ame Eha o ka Teritori o Hawaii ma ke@@ ke hoopau loa ia nei a holoi loa ia kakou a o ka lakou mau buke moolelo ma keia oihana e waiho mai i ke Kakauolelo o ka Aha Hookolokolo Ka@puni@ na Apana Kaapuni a lakou pakahi e noho nei:

APANA KAAPUNI ELUA:

            Aukai, D.H.

            Haia, W.P.

            Kunukau, Geo, H.

            Kaleihuia, W.K.

            Nishwit@, Joseph H.

            Zumwait, J.L.W.

            Bailey, E.H.

            Kahokuoluna, P.H.

            Kaiwiaea, B.K.

            Mossman, W.F.

            Nakaleka, Joel

APANA KAAPUNI EKOLU:

            Haanio Jr., Samuel

            Hart, E.H.

            Lazaro, S.

            Pulas, Chas. H.

            Wilder G. K.

            Heyd@mann, A.W.

            Holstein, E. H.

            Lenhart, J.C.

            Vresdenburg, Vilmot

APANA KAAPUNI EHA:

            Estep, E.W.

            Jakins, Geo. V.

            Le Blonds, Chas. M.

            Porter, D.

            Richard, W.J.

            Wilder, G.K.

            Washburn, F.M.

            Hitchcock, Chas. H.W.

            Kamakawiwoole, C.M.

            Malterre, Leon

            Paakiki, Z.

            Winter, F.L.

            Wakefield, F.M.

                        LORRIN ANDREWS

            Loio Kuhina Teritori o Hawaii

            Keena Loio Kuhina, Iune 8, 19@@

            2966---Iune 5, 12, 19

HOOLAHA AINA AUPUNI

Ma keia ke haawiia aku nei ka @ laha i na lala apau o ka Ahahui He@ Hookuonoono Samuel Kauhane, @@ Palapaa Noi no ko lakou mau ap@@ pakahi iho iloko o na aina o Kiolak@@ Paumakaa, Paapohaku, ame Puu@o@@ ko o Kau, Hawaii, ma ke Ke@na o @ Kaelemakule lakou e hanaia ai, he k@@@ na iloko o Kailua, Kona Akau. Hawaii ma a mahope aku o ka hona elua @@ kakahiaka Poaono, la kanakolu (30@@) Mei, 1903.

 

E.S. BOYD,

            Komikina o na Aina Aupuni Keena Aina Aupuni, Mei 19, 1903.

            2964----Mei 22, 29.---Iune 5

 

HOOLAHA HUI I HOOHUILA.

TERITORI O HAWAII.

KEENA O KA PUUKU, HONOLULU, OAHU.

MA KA HANA O KA HOOPAU LOA ANA I KA JUDD & COMPANY, LIMITED, (KAUPALENAIA.)

            Oia ka Judd & Company, Limited, he hui i hoohuiia a i ku malalo ame ka malu o na kanawai o ka Teritori o Hawaii, mamuli o ua Kanawai la, a e like me ia i hoikela malaila, ua waihola mai ma keia keena he Palapala noi e hoopauia ua hui la, me ka Palapala Hoo@@ i hoopili pu ia i kulike ai me ke Kanawai.

            Nolaila, Ma keia ke hoolahala aku nei i ka mea a i ka poe apau i kuleana a e kuleana nei ma na ano apau iloko o ua hui la i oleloia e waiho mai i na kumu ku-e i ka aeia o ua noi la i olelola ma keia keena ma ka la a mamua ae paha o ka hora 9 a.m. o ka la umikumalima (15) o Iulai, A.D. 1903. @ o kela ame keia mea e makemake ana e loheia ma ia hana e hele kino ae ma ke keena oihana o ka mea nona ka inoa malalo iho ma ka Hale Mana Hooko Honolulu, ma ka hora 9 a.m. o ua ia la i oleloia e hoike mai no ke aha la e ae ole ia ai ia noi.

 

A.N. KEPOIKAI

Puuku Teritori o Hawaii

Honolulu, Mei 6, 1903

2963--Mei 15, 22, 29, -- June 5, 12, 19, 2@--July 3, 10.

 

Hoolaha a ka Lunahooponopono Waiwai.

            Oiai ua hookohu pono ia mai ka mea nona ka Inoa malalo iho i Lunahooponopono no ka waiwai o ka mea i make nolaila, ke hoike ia aku nei ka lohe i na mea apau ina he koina ko lakou i ka waiwai o ka mea i make e hoike mai me na hooiaio kupono iloko o na mahina eono i ole ia e hoole loa ia ao a o ka poe i ale i ka mea i make e hookaakoke mai.

J.D. KEAMO,

Lunahooponopono Waiwai O Wm. Keamo i make no Keoneolo Honuaula Maui.

2964--Mei 22, 29,--Iune 5, 13.

 

Hoolaha i ka Poe Aie.

WAIWAI O WILLIAM H. McGREGOR

            Mamuli o ka hookohuia ana o ka mea nona ka inoa malalo iho he lunahooponopono no ka waiwai i hoikeia ae @a maluna, nolaila ma kela ke kauohaia aku nei ka poe apau he mau koi ka lakou e waiho mai ia mau mea i ka mea nona ka inoa malalo iho ma kona keena, ma Aliiolani Hale, Honolulu iloko o eono mahina mai keia la aku, o hoole loa ia auanei.

            A o ka poe i ale i ka waiwai o ka mea i make, e oluolu lakou e hooponopono koke me ka lunahooponopono me ka lohi ole.

            Kakauia ma Honolulu, T.H. May 28, 1903.

Henry Smith.

Lunahooponopono Waiwai

2965--Mei29--Iune 5, 12, 19, 2@