Ka Nupepa Kuokoa, Volume XLI, Number 22, 29 May 1903 — La Hoomanao no ke Kau Pua ana. [ARTICLE]

La Hoomanao no ke Kau Pua ana.

No iwakalua manawa hoomanao o ka la kau pua, he hana i malama mau ia no ka hoomanao ana i ka poe i make iloko o ke kaua kuloko huliamahi o Amerika Huipuia no ka haawi ana i ke kuokoa i ka poe i hookauwa kuapaaia e na Amerika o ka Hema, e malamaia ana ia hana i ka la apopo. E like no me ke ano mau o na hana e hana mau ia ai i kela ame keia makahiki pela no ko ka ia apopo, o ka maki ana o na koa, ka hoowehiwehi i na ilina o na make me na pua, ame na hana hoomanao e hanaia aku ai imua o ka le- ( hulehu o lakou na hana e maiamaia ai. E like no me na makahiki i hala pela no keia a ma ka hora 2:30 p. m. o ka la apopo e akoakoa ae ai ka poe apau e komo ana iloko o keia hana malalo o ka hooponopono ana o ka George W. De Long- Post ma ka Holo (hall) o na Elks (hui malu) ma ke alanui Beritania, a ma ka hora 3 e hoomaka ai ke ka'i o ka huakai mai ke alanui Beritanla aku a pii i ke alanui Emma a kaha ae ma ke alanui Kula, malaila aku pii ma ke alanui Nuuanu e hiki aku ai i ka pailina o Maemae kahi e malamaia ai na hana hoomanao. • Ma keia huakai e hui pu mai ai na koa ame na lioa ahaolelo ame ka poe apau i kono ia no ke komo' mai iloko o keiahana. j I ! j