Ka Nupepa Kuokoa, Volume XLI, Number 22, 29 Mei 1903 — Ke Ukuia nei na Dala Koi Pauahi. [ARTICLE]

Ke Ukuia nei na Dala Koi Pauahi.

Ma ka Poaono nei ka hoomaka mua ana o ka ukuia o ke dala koi pauahl, a mamua iho o ke kani ana o ka hora e weheia ai na puka o ka hale Banako Lahui Ekahi ma ke kihi o na Alanui Moi ame Papu, ua hiki mua ae he heluna o kanaha Pake, a i ka hemo ana, ua hoomaka koke mai la e piha. I ka hoomakaia ana e haawi ke daja, ua nui ka hookeke o na Pake no ke ake e loaa koke ka lakou dala mamua 0 ke paniia ana o ka hanako i ka hora ekahi, a no ka nui loa o ka walaau ame ka hookeke, ua hoounaia aku na makai a ua hiki mai o Kapena Paka ame kona mau hope, a ua kukulu laina ia ua poe nei. He nui no hoi ka hana mamua o ka loaa ana mai o ke dala. Aia a loaa he, elua kupono i maopopo i ka poe o ka banako alaila loaa mai ke 'dala. O ka poe i kuai i na koi pauahi. aohe i loaa ka lakou mau dala ala wale uo a loaa na hooia kupono arn«». ka hele pu aku o ka mea nana 1 hoolik mai. Ua hiki ae ma ka 'hanako ka poe <jhi o ke keena auhau, a ua nui ka poe pauahi i uku i ko lakou mau auhau 1 uku ole ia i keia mau makahiki iho nei. Aia paha ma kahi oka J6OO i loaa i ke Keena Auhau i kela la. Aia aku maluna o $100,000 ka huina i ukuia i keia manawa.