Ka Nupepa Kuokoa, Volume XLI, Number 20, 15 May 1903 — Page 6
| This text was transcribed by: | Joseph B. Badis |
| This work is dedicated to: | I Kaʻu Wahine Aloha...Uluwehikalunaokaʻala |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, MEI 15, 1903.
He ola ke ano kuli, oia hoi, ke kulana kuli i emi mai ka lohe ana e komo ai ka manaolana no ka lapaau ana. O na ma'i kuli i hoikeia ae me ka loaa ole o ke ola eia nae he ola no i ka Aila Inikini Kikapu, a ina o oe kekahi iloko o ia kulana, mau kuihe ka manao aka e hoohana. Aole he nui o ka lilo ma ka hoao ana a aohe he poino e loaa ana ia oe ma ka hoao ana a e loaa io ana ia oe ka pomaikai.
KA AILA KIKAPU
Ka Laau Hoola o na Eha Hu'i o na Kuli
Aia he mau manawa iloko o na makahiki i hala aku i komo ai au iloko o ka ma'i kuli o ka pepeiao, ka mea i hooulu mai i ka pilikia nui ma ko'u aoao. Ua lapaau mai kekahi poe laau lapaau ia'u aohe nae he loaa iki ia'u ka maha a hiki wale i ko'u lawe ana i ka Aila Inikini Kikapu a oia ka mea nana i hoihoi mai i ka lohe o kuu mau pepeiao. Ua hoihoi mai oia i ka lohe maolu o kuu mau pepeiao. he mau makahiki ka loihi ae nei o keua mau mea a oia mau ka maikai o ka lohe o kuu mau pepeiao a hiki wale i keia manawa." - H Hemingway, no Montrose, N.Y.
HE 25 KENETA NO KA OMOLE HOOKAHI A HE LOAA I NA HALEKUAI LAAU LAPAAU.
Nuhou o ko na Aina E.
(Mai ka Aoao Elua mai.)
PILIKIA NUI NO NA TUREKE
SOLONICA, Mei 8, No ka hookaawaleia ana aku o na mokukaua o na aina e, ke manaoia nei e puka hou ana ka haunaele.
BUBONIKA MA PERU
KALAO, Mei 8,- Ua puka maanei ka ma'i bubonika.
ONI O RUSIA.
PEKINA, Kina, Mei 8. - Ua hana hou ae o Rusia i kekahi hana ano hooulu ino ma ka lawe hou ana ia Niu Kuana, kekahi o na awa o Manakuria.
KU-E O IAPANA.
YOKOHAMA, Iapana, Mei 8.- Ua waihoia ae o Iapana i kana ku-e e pili ana ia Rusia no ka hoao o Rusia e kaihi i ka mana hooponopono aupuni o Korea. Ua nui ka hoopaapaa mawaena o Rusia ame Iapana no na mea e pili ana i keia kumuhana.
HAULE MAI LUNA IHO O KA LIO
MADERIDA, Sepania, Mei 9.- Ia Aliiwahine Isabela e holo lio ana ma keia la, ua haule oia, a ua pekuia ka waha. Aohe i kukonukonu kona mau eha.
AOLE O KILIVILANA KEKAHI MOHO.
PRINCETON, Nu Iese, Mei 9 - Ua kaku o Presidena Kilivilana i pau i kekahi palapala e hoike ana aohe ona makemake o hookomoia kona inoa i moho holo presidena ma ka aoao kalaiaina Demokarata. Ma keia, ua manaoia, ua pau ke kamailio ana no kona noho peresidena ana no ekolu kau.
HOOKUUIA O CZOLGOSZ
LOSO ANAGELESE, Kal., Mei 9- Ua hookuuia e na makai mai ka hoopaaia ana ka hoahanau o Czolgosz, ke kanaka i hopuia mamua iho o ka hiki ana mai o Peresidena Rusawela. FRONT
PAUAHI NUI MA OTTAWA
OTTAWA, Kanada, Mei 10, - Ua pau i ke ahi kekahi hapa o keia kulanakauhale i keia la. He mau haneris home i pau loa i ka a ia, a ua oi aku paha maluna o eono haneri poe ohana i hooneleia i ka home. Ke komo mai nei na kokua ana a na kulanakauhale kokoke mai. Ke manaoia nei he ahi puhi kolohe keia.
KOLERA MA PILIPINE
MANILA, Mei 10- Ke pii mahuahua ae nei ke kolera ma ka mokupuni o Luxona. Ua hoomaluia na moku lawe koa e holo aku ana no Kapalakiko. Iloko no nae o ke ino o ke kulana o ke ma'i kolera ua holomua no nae ka hana a na makai i ke ku-e ana aku i na hui powa i keia mau la iho nei a ua manaoia ua maikai ae ke kulana hoomalu malalo o na koa.
KA PELE MA MEKIKO.
KULANAKAUHALE O MEKIKO. Mei 10- Ke a hou nei ka pele ma ka Luapele Kolima, a eia ke kiloi nei i ka lehu, a-a, ame ka pohaku pele maluna o na aina kokoke mai. he nui na kauhale e kokoke ana i ka luapele, ua oneoneo no nae i keia mau la.
KE KULANA MA MANAKURIA
LADANA, Mei 11.- Ua kukalaia ae ma ka Hale o na Makaainana ke maikai ae nei ke kulana ma Manakuria.
SANAHAI, Mei 11.- Ua a oia aku ma komisina hoololiloli aole e hui hou me na komisina Amerika no ke kukakuka ana i na mea e pili ana i ka wehe hamama ana i na awa o Manakuria no ka hookomo ana mai i na waiwai o na aina
KANAHIKU TAUSANI I NELE I KA AI
HONGKONG, MEI 11,- He kanahikukumamakolu tausani poe i nele i ka ai i keia manawa ma ka mahele aina o Kwangai
E HIKI MAI ANA KA INO
TOKIO, Mei 11,- Ua olelo ae o Ma@@@@@ @@@, ke kuhina mua iho nei o Iapana @ @ @@ alakai hoi o ka aoao ke @@@@@@@@@@@@@@@ e ulu ae ana kekahi pilikia, no ka mea, e paa ana o Iapana i ke kuikahi i hanaia maluna o Manakuria.
MA'I AHULAU O KA MOKUKAUA MOANA
NU IOKA, Mei 11,- Ua puka ae ka fiva ulaula i waena o hookahi tausani sela maluna o ka moku Columbia. Aia ke ku nei keia moku ma ka pa mokukaua ma Burukelana.
LILO KA EO I KA SHAMROCK III.
GOUROKA, Sekotia, Mei 11,- Ua hauleleia ka Shamrock I e ka Shamrock III ma kekahi heihei i malamaia ma keia la ma ke ala heihei ma ke kaikuono o Kalaida. Ua hana hou ia na kia amena pe'a o ka Shamrock III, no ka loaa ana o kekahi popilikia iaia ma Weymouth ma o ka loaa ana i kekahi makani ikaika, a ma ka heihei i keia la,ua oi aku kona holo mamua o konamau holo hoomaamaa mua iho nei. E hanaia aku ana keia mau pono hou me ka awiwi, a aohe e hoomoe ia ana ka manawa heihei.
EKOLU HANERI MORO I MAKE
MANILA, Mei 11, - Ua lawepio ia o Taraka e na koa o Pershing, a ua make ekolu haneri Moro. He kakaikahi o na Amerika i pilikia
KE KULANA KAUA MA SALONICA.
SALONICA, Mei 11,- Aia maanei he umi mokukaua i keia manawa a aia ke kulanakauhale malalo o ke ano hoomalu. Eia na koa ma na wahi apau, a ke mau mai nei no ke komo ana mai
KA HOOLAHA A RUSIA.
PEKINA, Kina. Mei 12,- Ua hoolaha ae o Rusia aole oia e hana mai ana i kekahi hana keakea i ka wehe ana i na awa o Manakuria i ka poe makaikai mai na aina e mai. O ka Rusia mau hana i keia manawa, he hoao ana ia e hoemi iho i na hoohuoi ana i kana mau hana mamua iho nei.
KAKOOIA O BULUGARIA,
PARISA, Mei 11, - Ua olelo ae o Farani, Austuria ame Rusia e kakoo ana lakou ia Bulugaria i kona hakaka ana me Tureke a aohe lakou e ae ana i ke Suletana e hana hou i na hana hookahe koko ma Salonica.
Nui ka Poe Ohumu
-----------
E PAU NO NA OHUMU KE HOOLOHE
KO HONOLULU NEI POE I KEIA OLELO A'O.
ke kuahaneenee oia ka mea mua o ka ohumuhumu ame ka uiha.
O na puupaa mai ke kumu o ia pilikia ke nana pono ole ia.
E nana pono i na pilika oiai e hiki i'o mai ana lakou.
Na eha o ka puumimi ame na puupaa ame na pilikia e ae.
ua hanaia na HUAALE KUAHANEENEE AME PUUPAA A DOAN no ia mau ma'i apau.
He hiki lakou ke hooia i na ano ma'i puupaa a pau. Eia na hooiaio no na ike o ko Honolulu nei poe.
Eia kehai ma'i i pili loa ilaila. Hoike mai la o Mr. Metcalf o loko nei o keia kulanakauhale penei: "Ua loohia au i kekahi eha ma kuu kua no na makahiki elima a oi aku. O na laau he lehulehu wale a'u i hoao ai, aole loaa ia'u ka pono, a hiki wale i ka hoike ana mai a kahi hoaloha (oia o Mr. W. J. Maxwell) ia'u i kahi laau maikai loa, a ua kuai aku la au i ua laau maikai loa nei, oia hoi Huale a Doan no ke Kikala Haneenee ame na Puupaa ma kahi o Hollister Drug Co. Aole i pau loa na huale o ua poho mua la, ua kaawale aku la hoi au mai kela eha weliweli i loaa ia'u. Mamuli o ka malama ana i poho o ua mau Huaale la iloko o ka hale, he mea la e hiki ai ia'u ke akeakeaaku i ka lapu hou ana mai o ua eha la maluna o'u. He kohu hana mana maoli ke kaawale ana 'ku o keia eha mai a'u aku. O ka poe apau i eha ia ko lakou mau kua, he mea pono kekuai i na Huaale a Doan no ke Kikala Haneenee ame na puupaa."
E kulia aku ana na Huaale a Doan no ka Kikala Haneenee me na Puupaae na poe kawili laau lapaau apau ma ke 50 keneta no ke poho, a he $2.50 no 6 poho, a i ole e hoounaia aku no make Eke Leta e Hollister Drug Co. Honolulu, ke loaa mai ke kumukuai.
Na Bila Kanawai i Kakauinoaia
Na Kanawai i Aponoia
a i Haule hoi
I ke kani ana o ka hora 12 o ka po o ka Poalua la 28 o Aperila, ua pau ka hana a ka Ahaolelo, oia hoi, ka hana e pili ana i ka Ahaolelo ma ko ke Kiaaina aoao. Mahope iho o ke kani ana o ka hora i oleloia ae nei, ua hoole ke Kiaaina i ke kakauinoa ana i na bila i koe, a ma ka Poalima ae, ua hoike mai oia i ka poe i hui me ia aole oia e kakauinoa ana i kekahi o na koena bila he umi e waiho nei ma kona lima.
Aia ke waiho nei he umi bila ame ekolu olelo hooholo hui i kakauinoa ole ia e ke Kiaaina, a he mau bila anonui kekahi o keia huina, ao kekahi hoi, he nui ka huikau a aohe i loaa iaia ka manawa e noonoo akahele ai mamua o kona haawi ana i kona ae a hoole paha. Aohe oia i apono i kekahi mau olelo hooholo hui no ke ano ku-e i na kanawai e mana nei i keia manawa.
O na bila i kakauinoa ole ia, aia iwaena o lakou kekahi o na bila i hooikaikaia me ka hahana o ke kaua ana. Ma keia, ua haule ka bila Kaapio, ka bila Kulanakauhale a Long, ka bila e pili ana i ke kuai ame ka hana ana i na waiona, ame ka bila e pili ana i ke kuai ana i na wai o Pauoa. Elua bila o Hilo i haule, ka bila kukulu Kula Kiekie ame ka bila hoomana kukulu alahao uwila. Haule no hoi ka bila hoololiloli a ka Senate e pili ana i ka bila waiona lahilahi i vitoia e ke Kiaaina mamua aku nei, a i a'e kuia hoi. Haule ke kanawai e pili ana i na Banako, ka bila e pili ana i na hui Kahu, he kanawai no ka hoopii koi poho no ka make ana ma kekahi hana hewa,he kanawai e pili ana i ka uku o nakiure ame ke kanawai oki mare ma'i lepera.
He eono olelo hooholo i aponoia e ke Kiaaina, penei: E noi ana i ke aupuni Mokuaina, e ku-e ana i ka hooliloia o Molokai i kahua Ma'i Lepera no Amerika Huipuia, he noi i haawinano ka hana hou ana i na awa ame na kukui, ka aina hoolulu ma Olaa, ame ka hoomalu ame ka hookele ana i kabana Teritori. Ua a'eia maluna o ka vito ka olelo hooholo e pili ana i ka hoohanaia ana o ka olelo Hawaii ma na oihana aupuni.
Eia iho ka papa piha o na kanawai i kakauinoaia:
O na kanawai mua ekolu e pili ana i ka haawina dala o ke kau, ame ke kanawai no na hoolilo koi Pauahi. Ke apono ana i hae no ka Teritori o Hawaii.
E pili ana i ka hoolala pa'i ana Hoopau ana i na kanawai e pili ana i ka mahuka. Hoololi kanawai e pili ana i na kula hanalima ame hoopololei.
E pili ana i ka mana o na Lunakanawai Apana a me Kaapuni. E pili ana i ka hoopau ana i ka hookolokoloiaana o na hihia karaima malalo iho o ka feloni.
E pili ana i ke apuka
E pili ana i ka malama ana i na waiwai i aihueia.
E pili ana i ka wawahi hale.
E hoopau ana i kekahi mau kanawa o ke Aupuni Kuikawa e pili ana i ka hookomo ana mai ame ke kuai hoolilo ana i ka opiuma.
E pili ana i ka aihue.
E pili ana i na kahu ame na keiki hanai
E pili ana i ka hakaka ame ka pepehi.
E hoopau ana i ke kanawai o 1901 e pili ana i ka hookohu ana i na makai o ka aha hookolokolo.
E hoopau loa ana i ka paa ana i na waiwai ma ke ano noho hui ana ame ka hookuleana ana, koe no nae no kekahi mau kumu.
E pili ana i ka hoowahawaha aha.
E pili ana i ka mare hookaawale ame ka hoopau ana i ka noho mare ana.
No ka hookuu ana i kekahi mau koi e pili ana i ka Auhau Kuikawa malunao na waiona lahilahi.
No ka hooponopono ana i ke ano o ka hoolaha ana i na manawa halawai o na Papa Kakauinoa.
E hoololi ana i na pauku 1292, 1295,ame 1296 o ka Kanawai Kivila, e pili ana i na wahine mare.
E pili ana i ka Monakuke.
E hoololi ana i ka pauku 1326 o ke kanawai kivila.
E hoomana ana ia W.W. Dimon ame kona mau hoahui no ka hana ame kekuai hoolilo ana i na mea e a ai ke ahi ame ka ea hoomalamalama ame kekahi mau mea e ae e loaa mai ana mai keia mea mai.
E pili ana i ka hooponopono ana ame ke kukulu ana i na Aupuni Kalana.
E hoololi ana i ka Mokuna LVII o na Kanawai o 1892, "He Kanawai no ke kukulu hou ana i ke Keena Hookolokolo;" a me na hoololi apau.
E hoakaka ana i na feloni ame na mikamina.
E pili ana i haawina dala no ka palekai ame ka uwapo ma Kalaupapa.
E haawiia i elua la uku hana o ka mahina no ka poe hana no ka lehulehu.
No ka hooponopono ana i ka ohi ana i na limahana o na hana o ka lehulehu.
No ha hooponopono ana no ka ohi ana i na hoa o ke Kiure Kiekie ame ke kiure hookolokolo.
E pili ana i ka lawelawe ana i na hihia karaima ame ka hooholo ana i na hana.
E hooponopono ana i ka lawelawe ana i ka oihana hana niho
E hoololi ana i ka pauku 1 o ka mokuna 37 o ke Kanawai Kivila.
E pili ana i ka hoaie lehulehu.
E hoomana ana ia H.M. Von. Holt ame kona mau hoahui no ke kukuluana i alahao ma Kauai.
E pili ana i ka hooikaika ame ka hoomalu ana i ka oihana mahiai, mahipua ame kanu laau.
No ke koho ana i Komisina hoohuihui kanawai.
E hoomana ana i na lunakanawai apana e haawi i komisina no ke kakau ana i na olelo hoike i hoohikiia.
No ka hoomakaukau ana i ke pa'i ana i na olelo hooholo a ka Aha Apana o Amerika Huipuia.
No ka Haawi mana i ka Hawaiian Electric Company.
E pili ana i ka uku ana i na bona Koi Pauahi
No ke ku-e ana i ka hoohuihui ana i na mea ai ame na laau.
He kanawai e pili ana i na hui i hoohuiia.
E pili ana i ka hookuu ana i ka uku o na limahana ame ka poe e hana ana no ka uku mai ka hoopaa waiwai ana ame ka mana kuai hoolilo ana
E hoololi ana i ke kanawai no ka hoawiwi ana i ka ohi ana i na aie mai na mea i hoopomaikaiia e ke aupuni.
E hoololi ana i ke kanawai e pili ana i na Auhau Kuloko.
E hoololi ana i ka pauku 1, kanawai 66 o na kanawai o ke Kau o 1896.
E hoomakaukau ana no ka hoopaa ana ame ka hooia ana i na kuleana o na aina.
E hoololi na i ke Kanawai 18 o na kanawai o ke Aupuni Kuikawa e pili ana i ka Papa Ola.
No ka hoolilo ana i ka aina ma Ponahawai, Hilo i wahi hooluolu no ka lehulehu.
No ke kukulu hou ana i ka oihana koa o ka Teritori.
No ke ku-e ana i na hana apuka a na luna aupuni.
E hoopau loa ana i ka dute poo maluna o na palapala hooia waiwai kumupaa o na hui i hoohuiia.
E keakea ana i ka haawi ana i na waiona i ka poe ona ame na keiki oo ole.
No ka hooponopono ana ame ka hoakaka ana i ka uku o na hoike.
No ka hoopau ana i ka ʻIlamuku Kinai Ahi," a e hookomoia "Poo Wilikio ke keena Kinai Ahi."
E pili ana i na apuka ame ke kuai hoolilo ana i ka waiu bata a mau mea paha i like me ke ano o ka waiu bata.
No ka hooikaika ana i ke alahao Kona-Kau.
E hoopau loa ana i na kanawai o 1895 e pili ana i ke keakea ana i ka laweia ana mai o na hoopii e ku-e ana i na luna aupuni no na hana i hanaia no ke kinai ana i ke kipi.
E hooponopono ana ame ka laikini ana i ka oihana inisua.
E hooponopono ana i ka oihana hoohuihui laau lapaau.
No ka hoomakaukau i ka malama ana ame ke kia'i ana i ka waihona o na Pake.
E hoomakaukau ana i na hoopa'i no ka poe e loaa ana ame ka poe hoolimalima hale no na hana paumaele.
E pili ana no na paipuwai ame na lako kinai ahi no Wailuku.
E pili ana i ka noho ana, ae ana ame ka kakauinoa ana i na kauoha ame na ku-e iloko o kekahi mau hihia.
Kanawai kokua 1 ka Telegarapa Uweaole.
E hoopau ana i kekahi mau kanawai e pili ana i ka hookomo ana mai i na waiwai o na aina e i makaia he waiwai Hawaii.
E pili ana i na hoololi o ka hana ma ke kanawai, noi ana ame ka hana ana.
E pili ana i na palapala hookuu kino.
E pili ana i ke Keena Kinai Ahi o Hilo.
Haawina dala no ka uku hou ana i na waihona no na alanui.
E pili ana i ka nana ana, hoahu ana ame ke kuai hoolilo ana i ka aila mahu.
E hoopau ana ke kanawai o ke Aupuni Kuikawa e pili ana i ka nana ana i na lako pu.
E hoolilo ana i na kanawai e pili ana i na hana hoopilikia wale.
He kanawai e hoopau ana i na kanawai e pili ana i ka hooloheia ana e na mea uwao.
E pili ana i na auhau kuloko a e hoopau ana hoi i kekahi mau kanawai.
E hoololi ana i ke kanawai e pili ana i ke koho ana i ka puuku ame ka hope puuku o na waihona o ka lehulehu.
E hooololi ana i ke kanawai e pili ana i na hui i hoohuiia o na aina e.
Ma ka loaa ana i ka ma'i, ua nui ka manawa ame ke dala i lilo wale a poho hoi. Poho kou manawa a lilo wale hoi kou dala no ke kuai ana i na laau lapaau, a ma keia, ua papalua ia kou mau hoolilo. Ua hiki loa leia mau hoolilo ke paleia ina e loaa mua ia o e he laau kupono i kinohi, i ka wa akahi no a hoomaka mai ka ma'i. I ke kuai ana i hookahi omole Laau Nahu o ka Opu, Kolera ame Ma'i Hi a Chamberlain, he hana naauao ia, no ka mea, ma ka lawe ana i keia laau i ka wa e naha nui ai, a i ole, nahu paha ka opu, e pale koke ua ae ana o keia mau haawina kukonukonu a hoopakeleia ae hou oe mai ka moe ana ma kahi moe no kekahi mau pule he loihi me ka loaa ole o kahi hana. He mea pono loa e hoomakaukau na home apau i omole o keia laau. Aole e haule ka hana a keia laau, a he maikai hoi ka hoao ana.E kaui i omole i keia la. E hoopakeleia no kekahi ole, Benson, Smith& Co.,Ltd., na agena nana e kuai nei.
Na Kauka Huki Niho Noeau,
hana pololei a hiki i keia manawa, a he haahaa ka auhau o ka huki ana. O ko laua no hoi ke keena kauka huki niho nui hookahi iloko o ka Paeaina Hawaii nei, a lawa pono no hoi me nalako oihana o ke ano hou loa a maikai no hoi.
He hukiia kouniho me ka eha ole a iloko no hoi o ka lawelawe noeau a maiau ana no hoi e hanaia ai, a oia no hoi ka makou e ake nei. Aohe auhau no ka nana ana. He wahine hawaii ke kokua iloko o ke keena hana.
Keona hana ma Arlington Block, Helu 215, Alanui Hotele, ma o aku o Alanui Union.
MA KE KAUOHA
HOOLAHA AINA AUPUNI
Ma ka poaono, la umi-kumamakolu (13) o Iuna, 1903, a ma ka hora 12 awakea ma ke alo iho o ka Hale Hookolokolo, e kuai kudala ia aku ai ma ke akea malalo o na kahua i hoomaopopoia no ka uku ana ame na hana hou, keia apana aina malalo iho e waiho la i Lualualei, Waianae, Oahu. Kumuwaiwai
Helu Apana Iliaina haahaa
7 589 Eka $1,178.00
O ka mea e kuai mai ana i keia apana aina i hoikeia ae la maluna, i mea oia nona na makahiki i kaa aku maluna o umi-kumamawalu (18) makahiki a he kupa hoi no Amerika Huipuia.
No na palapala aina, na kahua ame na mea apau e pili ana i keia apana, ame na kahua o ke kuai ana ame na mea no apau e pili ana i keia mea e ike ae i ke Keena Aina Aupuni, ma Honolulu.
E.s. Boyd.
Komikina Aina Aupuni
Keena Aina Aupuni
Mei 13, 1903.
2963-May 15, 22, 29.
HOOLAHA AINA AUPUNI
Ma ka Poaono, ka la umi-kumamakolu (13) o Iune, 1903, ma ka hora 12 awakea, a ma ke alo iho o ka Hale Hookolokolo e kuai kudala ia aku ai ma ke akea ka hoolimalima o ka aina o Kawailoa-uka, iloko o Kailua, Koolaupoko, Oahu, nona ka iliaina o 525 eka oi aku a emi mai.
Manawa: 10 makahiki
Ukuhoolimalima haahaa: $100.00 no ka makahiki hookahi, uku mua i keia ame keia hapa-makahiki. Eia na kahua o ka hoolimalima malalo iho:
E hookoe no ke Aupuni i ke kuleana o ka lawe ana i kekahi hapa a mau hapa paha o ka aina i hoikeia ae nei maluna no ke kuai hoolilo ana a no na pono e ae no apau o ka lehulehu.
E hoike ana ka palapala hoolimalima e malama ma ia ka maemae o ka aina mai na laau lanatana mai iloko o ka manawa apau o ka hoolimalima i oleloia, a e pa ia ua aina la me kekahi palaau maikai a kupuno
E.S. Boyd
Komikina Aina Aupuni.
Keena Aina Aupuni,
Mei 13, 1903.
2963-May 15, 22, 29.
MAHALO NUI I KA NUPEPA KUOKOA
I ko'u nana ana i ka Nupepa Kuokoa ke Kilohana Pookela a ka Lahui Hawaii ua ike au i na manao waiwainui iloko o ka Nupepa Kuokoa, a ua lilo hoi i mea na'u e poina ole ai i kou mau kolamu, mamuli o na manao naauao. He nui wale a'u i ike ai, e pili ana i na manao kalaiaina, ame ka mea pili i ka Hoomana, ame na nuhou o na Aina E mai- a he nui ko'u pomaikai i kou mau manao, ke nana iho i ka Lunahooponopono ke Kilohana, he Opioio loa kou mau nanaina he ikaika nae ka oiaio iloko ou. I na manawa e noho wale ai au o ka la ua lilo koʻu manawa i ka heluhelu ana i kou mau kolamu aloha i mahalo nui ia.
E hoopomaikai nui ia ke kanaka opio maluna o kau Oihana, he lunahooponopono no ka Nupepa Kuokoa. J.E. KEKIPI.
MOOLELO O KA AHAOLELO
(Mai ka aoao 5 mai)
kuhana o ka luna hana paipuwao he $3,600.
Na ke kiaaina i waiho mai i na lala o ka Papa Ola a oia keia malalo iho: Dr. Charles B. Cooper. Mark P. Robinson, Dr. W. H. Mays, Samuel K. Kane, Fred C. Smith ame F. C, Winston aka ua hoomaha ka Hale no ka hoihoi hou ana i ua mau inoa nei i ke Kiaaina mamuli no o ke noi e hoihoi hou aku no ka hooponopono hou ana.
Noohoola ka ukuhana o ka luna nana ola o ke kulanakauhale nei a hooholoia he 3,250 dala. Ma keia manawa ua waiho hou ia mai la na inoa i waela no ka Papa Ola mai ke Kiaaina mai a ma ia hoounaia ana mai i maopopoai o Kauka Cooper ka Peresidena o ka Papa Ola.
Ma ka noonoo ana i na inoa ua aponoia keia poe me ka nui no nae o ke kamailio ana.
O ka ilamu o na lunanana o ka Papa Ola ua hooholoia, nona ka huina o $21, 600. Hooholoia ka uku o na lunanana ia he $1,350 a no kona pohe he $900. Kapaeia ka lunanana o na pa-ilina mahope iho o ka noonoo ana i kekahi mau itamu e ae ua hoomaha ka Aha.
M aka auwina la ua noonooia ka itamu o ka luna Kiai Lahui a ua hoopii hou ia ae ika $2,250. Na McCandless he noi no ka itamu o 24,500 no ka uku ana i ka poe e komo paikau ana iloko o ke kanawai paikau o Amerika Huipuia. Aponoia.
Makemake o Dickey e hoemi mai i na iatamu o ka hana puhi ohe. Noi i Dickey e hoemi i ka uku o ka Luna Hoola. Ma ke noi a Wilikoki ua hapai hou ia mai ka noonoo ana i na itamu pili i ka uku i na lunakula. Aponoia. Hoopiiia ka ukuhana o ke kumu o ke kula hanai i ka $2,700. Hooholoia ka ukuhana o na kiai o ke kula hoopololei i ka $3,000.
Hapai mai o Aohi i ka noonoo ana no ka oihana hookolokolo a maluna o keia kumuhana i kamailio nui ai ka Aha a waiho okoa ia ka hana oloko o ka lima o ka Loio Kuhina a hoopanee no hoi ka Aha.
MA KE KAUOHA
HOOLAHA HUI I HOOH@@@@
TERETORI O HAWAII KEENA O KA PUUKU
HONOLULU OAHU.
MA KA HANA O KA HOOPAU LOA
ANA I KA JUDD & COMPANY
LIMITED (KAUPALENAIA.)
Oiai ka Judd & Company. Limited @@ hui i hoohuiia a i ku malalo ame ka malu o na kanawai o ka Teritori o Hawaii mamuli o ua Kanawai la, a e like me ia i hoikeia malaila, ua waihoia mai ma keia keena he Palapala noi e hoopauia ua hui ia me ka Palapala Hoo@a i hoopili pu ia i kulike ai me ke Kanawai.
No laila, ma keia ke hoolahaia aku nei i ka mea a i ka poe apau i kuleana a e kuleana nei ma na ano apau @@@@ o ua hui la i oleloia e waiho mai i na kumu ku-e i ka aeia o ua noi la i oleloia ma keia keena ma ka la a mamua ae pahe o ka hora 9 a.m. o ka la umikumamalima (15) o Iulai, A.D. 1843 a o kela ame keia mea e makemake ana e loheia ma ia hana e hele kino ae ma ke keena oihana o ka mea nona ka inoa malalo iho ma ka Hale Mana Hoo@@@ Honolulu, ma ka hora 9 a.m. o ua la la i oleloia e hoike mai no ke aha la e ae ole ia au ia noi.
A.N. KEPOIKAI,
Puuku Teritori o Hawaii
Honolulu, Mei 6, 1903
2963-Mei 15 , 22, 29, - June 5, 12,19,26-July 3, 10.
NA NOTARI O KA LEHULEHU
O na Palapala Komikina o na Notari a Luna Hooiaio Palapala no lakou na inoa malalo iho nei, no ka Apana Hookolokolo Kaapuni Ekahi o ka Teritori o Hawaii, ma kela ke hoopau loa ia nei a holoi loa ia lakou a o ka lakou mau buke moolelo ma keia oihana e waiho mai i ke Kakauolelo o ka Aha Hookolokolo Kaapuni o ka Apana Kaapuni Ekahi:
Andrews, Lorrin
Boyd, W. P.
Castle, W. R.
Case, D. H.
Davies, Eleanor W.
Horner, J. Louis
Kaulukou, J. L.
Kalakiela, J. S.
Long, C. A.
Merry, F. T.
Peachy, F. S.
Poepoe, J. M.
Vivas, J. M.
Walker, John S.
Boyd, E. S.
Camara, Jr., J. M.
Chase, Chas. D.
Dowsett, David A.
Gasset, Walter
Jones, J. W.
Kentwell, L. K.
Mott-Smith, E. A.
Kellett, Jr., P. Danson
Neumann, Pauline E.
Pratt, J. G.
Strauch, P. E. R.
WIlder, G. K.
Lorrin Andres
Loio Kuhina Teritori o Hawaii
Keena Loio Kuhina, Mei 4 1903.
2962-Mei 8, 15.
O kou mau niho kou mau hoaloha maikai
O ka hoohemahema ia lakou oia kou ehaeha, e maeele ana iloko o ke kino, ka noonoo ame ke ano e o ka helehelena. Ina he manao kou no ka hana ia aku, e kipa mai i o makou nei no ke kuka pu ana me ka auhau ole o na hana a pau me ka maikai wale no e lawelaweia ai a eha ole no hoi, a nui no hoi ka poe i ike ia makou o ko Honolulu nei ame ko na mokupuni a lawa ko lakou makemake a na lakou e hoike no makou.
Na auhau no ka Hana ana
Papa Niho Gula…………………..$5.00
Papa niho Pono…………………..$ 5.00
Hoopiha me ke gula……$1.00 a pii aku
Hoopiha me ke dala……….500 keneta
New York Dental
Parlors
Helu 1057, Alanui Papu mawaena o na Alanui Moi ame Hotele.
Ma ko Willia Pa'i Kii ipuka co e komo ai a loaa ko makou keena
J.R. Mills
Notari a Luna Hooiaio Palapala Kanawai o na ano apau He akahele a Noeau ka
lawelawe hana ana
Keena Hana ma Pearl City, Manana, Ewa
O KA MAI HI e pono ia e maka'uia mamua o ka ma'i eha ma ka puu. He ma'i keia e loaa ana i na makua ame na keiki. No ka loaa ole o ka laau kupono, ua nui ka poe i make mai keia ano ma'i mai. O ka Laau Nahu o ka Opu, Kolera, ame Ma'i Hi a Chamberlain, he laau keia i kupono no keia ano ma'i, a ina e haawiia i manawa nona e hoohanaia ai e ikeia no ka pono. He laau maikai keia no ka lawe ana e pono e hoolawaia na home apau me keia laau. E kii i omole ma kela la e hoolalaia no kekahi ola kanaka. Benson Smith & Co., na aena nana e kuai nei.