Ka Nupepa Kuokoa, Volume XLI, Number 19, 8 May 1903 — Ikeia he Hoku lele ma Hilo. [ARTICLE]

Ikeia he Hoku lele ma Hilo.

Ma ka hapalua i hala o ka hora elima o ke kakahiaka Poaha nei. ua hoohikileleia ae ka. 'poe o Hilo mai ko lakou hiamoe ae i ka lohe ana i kekahi pahu e like me k e kuu ana a ka hekili, a i ole, e like me ka olai. O ka poe i ala mua, ua maopopo ia lakou ke kumu 0 keia halele. Ua ike aku keia poe i kekahi hokulele i ka lele ana a kokoke mai i ka. honua me kekahi huelo ahi lie elima haneri kapuai paha ka loihi. I kona kokoke ana mai i ka honua nei, ua pahu ae la ua hokulele nei, a ua uhi ia ke kulanakauhale o Hilo no kekahi nianawa e ka uwahi. Aohe i ikeīa ka haule ana o kekahi apana o ua hokulele nei i ka honua nei, a i ole, iloko paha o ke kai. O Mr. Kuhns o Kaumana ka i ike pono loa i keia mea kupaianaha. Ua olelo a e oia ua ike oia 1 ka lele ana"a.e o kekahi mea poepoe he ekolu kapuai paha ke anawaena maluna o ke kulanakauhale o Hilo, a i ke kaa ana iho malalo o na ao uo. hoomaka ae la e pahu, me ka punonohu ana ae o ka uwahi no kekahi mau minuke, a ua piha paha he hookahi minuke mahope o ka pahu ana. ua lohe aku la oia i ka pahu e like me ke kui ana a ka hekili.