Ka Nupepa Kuokoa, Volume XLI, Number 19, 8 May 1903 — Page 6

Ka Nupepa Kuokoa

KE KILOHANA POOKELA NO KA LAHUI HAWAII.

 

"Ua loaa ia ʻ u ka ma ʻ i La Gripa, he ma ʻ i ikaika, ka mea hoi i noho ai au i kauhale no kekahi manawa, i ka manawa he mau hihia ka ʻ u ma ka aha hookolokolo. O kekahi o ko ʻ u mau hoa ua olelo mai ia lakou ia ʻ u e hoao wau i ka laau Kikapu Inikini Sagwa, a ua hooko i ʻ o aku no wau. Maloko o 24 hora ua emi mai la ka fiva a loaa mai ka oluolu ia ʻ u. O ko ʻ u hoomaka aku la no ia i ka inu ana i ka laau a iloko o elua pule ua pau loa ae la kuu kino holookoa, hoonui mai i ka ono o ka ai a hooikaika i ka mana hoowali ai o kuu opu. He mea manaoio loa w           AILAKIKAPU

 

           

ka pane keia a Hon. Geo. P. Kelly, Peresidena o ka South End Bar Association, Chicago, Ill.

            Kikapu Sagawa

 

ka hoola hikiwawe no ka ma ʻ i la garipa-Display line  O ka lanakila kamahao o ka laau lapaau Kikapu oia no ka hiki iaia ke alaa pu ae i ke kumu o ka ma ʻ i. Oia ke kumu o kona lakanila a haule hoi kekahi mau laau e ae. He laau keia o na mea maoli i hanaia ma na aa@au mai, ame na mea pili i na laau ulu a he hoohana akahele oia ma kana hana hoola e like na hana me ke kanawai o na mea maoli. E loaa no ia oe ka maha i ka oolopu mua no au e inu ai a he ola no hoi ka mea loaa ia oe mahope mai ma ka hoomau ana. Mai kanalua no keia laau aka e kuai koke i omole laau nou i keia la. E hoomanao he hooko aku keia laau i na mea apau a makou i hoakaka ai a i ole ehoihoiia aku no ke ka dala ke loaa ole ke ola. Aole e hoohala wale ia ka manawa e pau wale ai me ka waiwai ole, aka e hoopiha ia no me ka waiwai ni, ma ka lawe ana i ka laau Kikapu Sagwa. He loaa keia laau ma na halekuai laau apau a ma ka halekuai o Hobron Drug Co., Alanui Moi, Honolulu.

 

Nuhou o ko na Aina E.

(MAI KA AOAO EKAHI MAI.)

 

Ike ana mai oia kekahi. Ua haawi haiolelo aku o Rusawela, Kilivilana amena poo aupuni ame kekahi poe hanohano i hiki ae malaila.

HAAWI MAKANA IA NO KE KUPAA.

 

LOSO ANAGELESE, Mei 1.- Ua haawi makana aku o Henry E. Huntington, ke poo o na lanui hao o na kaa holo alanui o keia kulanakauhale, i ka poe hana i hoole i ke kauoha hooki hana ina ka hoopii ana ae i ko lakou ukuhana.

 

            KANAKOLI TAUSANI POE HOOKI HANA.

 

NU IOKA, Mei 1.- Ua hooki i ka hana ana he kanakolu tausani poe Italia e hana nei ma ke alahonua.

 

MAKEMAKE E HOOPIHA KA UKU.

 

KAPALAKIKO, Mei 1.- Ua koi aku he 4.000 poe hana o ka Halehana Hao Uniona e hoopiha ae ko lakou uku i ami pa-keneta.

 

HOOHAUNAELE POPILIKIA.

 

HALIFAX, Mei 1.- Ua loaa mai ke Awa o Sepania mai kekahi lono ua ulu ae kekahi haunaele malaia, a ua make he umi-kumamalima kanaka o ka mokukaua Pelekane Palas.

 

HOPUIA O RIOS.

 

MANILA, Mei 1.- Ua hopuia o Rios, ke alakai kuhihewa. Ua manaoia e malu ana ke kulana kipi ma ka mokupuni o Luzona. Ua loheia mai ke haawi pio mau mai nei na kipi o ka mokupuni o Minidanao a ke maikai mai nei ke kulana maluhia.

 

            KA TELEGARAPA MOE  MOANA.

 

NU IOKA, Mei 2.- E kamailio ana o Peresidena Rusawela ame Kiaaina Taft ma ka uwea telegarapa moe moana ma ka la 4 o Iulai.

 

KE DALA A CARNEGIE.

 

NU IOKA, Mei 2.- Ua apono mai o Carnegie i ka lohe e hookomo ana oia i mau huina dala no ka hoohui ana i na alahao i loaa kekahi ala mai Kanaka., Amerika Akau, a hiki i Palagonia, Amerika Hema.

 

HUINA DALA NO KA HOOKIPA ANA I KA PERESIDENA.

 

KAPALAKIKO, Kaleponi, Mei 2.- He waihona o $13,000 ka i hoouluia ae no ka hookipa hoohanohano ana i ka Peresidena.

 

KE KULANA E PILI ANA NO TUREKE.

 

BERELINA, Kelemania, Mei 3. - Ua hui kamailio o Emepera Wiliama ame Lunakanawai Kiekie Von Buelow no na mea e pili ana i ke kulana ma Macedonia, a o ka hopena o ia hui kamailio me ka Pope no keia kumuhana. Ke nana pono nei na poo aupuni o ka Mana e ae i ke kulana a Kelemania e lawe nei. SALONICA, Mei 3. - He hookahi haneri poe Bulugariana i make ma kekahi hoohaunaele ma keia kulanakauhale. Ua loaa i na kipi kekahi, lako dainamaita, a ua nui ka lakou mau hana hoopoino.   SOFIA, Mei 3.- Mahope o ka hakaka ana no elua la, ua hooauheeia na koa Tureke e na kipi Macedonia ma Logodasa. Ua hoa ona Tureke e hoopuhee i na Macedonia mai kekahi papu aku, aole no nae i holopono, a mahope mai, ua holomua ka hoolala a na kipi ma o ka hakaka ana mai ma na aoao o ka puali Tureke, ua emi hope na Tureke a waiho ma ke kahua kaua he 200 koa ame 6 aliikoa i make.

 

KAMAILIO NA DEMOKARATA NO KALIVILANA.

 

NU IOKA, Mei 3. - Ua malamala kekahi halawai o na alakai o na Demokarata maanei i keia la a ua kamailio lakou no na mea e pili ana i ke kau holo balota e hiki mai ana. Ua kamailio ae lakou e pono e hookomo hou ia e Peresidena Kalivilana i moho peresidena na ka aoao kalaiaina Demokarata. Aole no nae i hooholoia keia mea, a ua oleloia ae e halawai hou ana lakou ma Princeton no ka noonoo ana i keia kumuhana.

 

            HOOPOINOIA KA HALE HANA KAAAHI AME PU.

 

KARAKOFA, Rusia, Mei 3. - Ua hoopoinoia ma keia la ka hale hana kaaahi ame pu. Aia paha ke poho ma kahi o ka hapa miliona dala. Ua piha na hale hana i ke kaa, no ka mea, ka huina keia o ekolu alanuihao. He ahi puhi kolheo paha keia.

 

            HOOPAIIA KA LUNA LETA APUKA.

 

MANILA, Mei 3. - Ua hoopaiia ma nehinei o Miline, ka luna leta o Takalobana, no ka hewa apuka, a he ehiku makahiki ona e paa ai ma ka halepaahao.

 

 KA HAKAKA MA SALONICA.

 

SALONICA, Mei 4. - Ke hoomaka ae nei e nui loa ka haunaele ma keia mahele aina. Ke hakaka mau nei na koa i na la apau me na koa Bulugariana. He nui ka poe i make ma ke kahua kaua, a ua nui no hoi ka poe i hopuia ame ka poe i pepehiia.

 

KELEMANIA AME KA POPE.

 

ROMA, Mei 4. - Ua hooiaioia ae ma keia hakai a Emepera Wiliama ua hooikaikaia ke kulana hoaloha mawaena o Kelemania ame ka Pope no ka pono o na hana hookuonoono a Kelemania ma Aferika.

 

DALA NO PILIPINE.

 

WASINETONA, Mei 4. - Ma keia la ua kuai nui ae ke aupuni i ke dala no ka hana ana i dala no Pilipine.

 

HUAKAI KAAPUNI A MOI ELUENE.

 

KOPENEHAGENA, Mei 4. - E hele makaikai aku ana ka Moi Eluene no St. Petersburg i Iulai a i Berelina ame Kopenehagena mahope mai.

 

KE KULANA MA MANAKURIA.

 

WASINETONA, D. C., Mei 4.- Ua olelo ae na luna aupuni ke maikai ae nei ke kulana ma Manakuria. Pela no ka manao o ke Keena Aupuni e pili ana i keia mea. Ke hoomakaia nei e manao aole e @ ae ana kekahi hakaka mawaena o Rusia ame Amerik Huipuia.

 

NA AUMOKUKAUA MA SALONICA.

 

VIENA, Mei 5. - Ua loaa mai kekahi lono maanei ua makemake na Mana e haalele ko lakou mau aumokukaua ia Salonica. Aia ma na awa Tureke ke ku nei i keia wa he nui o na mokukaua, a no ia kumu ua hiki ole i na kipi ke hoopilikia i ke kulanakauhale. Ke manaoia nei ina e haalele mai ana na moku, e nui mai ana ka hoohaunaele, a e komoia mai ana paha ke kulanakauhale e lilo ma ka lima o na kipi e hoopuni nei i ke kulanakauhale.

 

            NA MOKUKAUA RUKINI MA KOREA.

 

IOKOHAMA, Mei 5. - Ua loaa mai ka lohe maanei ua hiki ae ma ka waha o ka muliwai Yalu he mau mokukaua Rukini. Ke pioloke nei ko onei poe i keia kulana ma ka akau.

 

KA AHAOLELO MALUHIA.

 

ROMA, Mei 5.- Ke hooneeia nei imua kekahi kumuhana no ka hoao ana e hooemiia na hoomakaukau kaua ana iwaena o na mana nui.            Ma ka huakai a ka Moi Eluene ame ka Emepera Wiliama ia nei, ua kamailioia na mea e pili ana i ka hoemi ana i ka heluna o na mokukaua ame na koa.         Ke manaoia nei o Enelani ka mea mua e lawe i keia kumuhana, a e kahea hoi i ahaolelo o na aupuni apau no ka noonoo ana i ke kumuhana hoemi hoolako kaua.

 

PANIIA NA HALE INU RAMA.

 

OMAHA, Neb., Mei 5.- Ma ke kauoha a ka meia, ua paniia na hale inu rama o keia kulanakauhale i keia la. Eia maanei he mau tausani o na kanaka hooki hana, a ua paniia na hale rama i mea e hoohaunaele ole ai lakou.

 

            $50,000,000 NO NA MOKUKAUA.

 

TOKIO, Iapana, Mei 5. - Ma ka papa hoonohonoho mokukaua a Iapana, e hoolilo aku ana oia i elima miliona dala o ka makahiki hookahi no umi makahiki no ka hana ana i mau mokukaua.

 

HOOPAIIA E MAKE.

 

BONA NO NA MOKUKAUA.

 

IOKOHAMA, Iapana, Mei 6. - Ua haalele ka aoao o Makuisa Ito, ka poe e kakoo nei i ka Aha Kuhina Seiyukai, i ka hoopii ana i ka auhau aina i kumu e hoala ai i waihona no ka hoonui ana i ka oihana kaua moana, a ua hookomoia aku i mau bona ma keia wahi. Ua nui ke kueia o keia auhau aina a ka Aha Kuhina.

 

KA MOOLELO O KE KALAIWA KAA.

 

KA MEA I LOAA I KE KANAKA MA KA NOHO O KE KALAIWA.

 

Ua Hiki i ke Kalaiwa ke Hai mai i Kekahi Moolelo hoala Manao.

 

Ua nui na ulia i kau mai maluna ona, a ma keia e ikeia iho ai aole ka hana kalaiwa he hana maalahi e like me ka kekahi poe e manao nei. Ua hiki ia Austin Roe e noho nei ma Helu 20, Alanui West Liberty, Wilkesbarre, Peneselevenia, ke haʻi mai i kana moolelo no kekahi mau hora me ka molowa ole o ka mea e hoolohe ana e pili ana i na mea i hiki mai maluna ona.     "He hana paakiki keia," wahi ana, "a ua nui ka poe o makou i loohia i ka maʻi. Noʻu iho, o ka hele i ka wa ino ame ka loaa ole o ka wa e loaa ai ka hiamoe maikai ana, oia ka mea nana i hoopilikia koʻu ola kino a i keia kau hooilo iho nei, ua wiwi au a kokoke e like me kekahi aka. He nui na manawa aʻu i waiho ai ma koʻu wahi moe me ka loaa ana i ka fiva me ka pii ikaika o ka wela. He nui no hoi koʻu manawa i loaa ai i ke anu, poniuniu mau koʻu poo, inoino ka opu, a la-au na lala. Hoomaka mai au e wiwi, maluhiluhi ke kino i na wa apau, a inoino ka noonoo ana.            "Aole, aohe i loaa iaʻu ka oluolu malalo o ka malama a ke kauka a hiki wale no i ka wa a kekahi hoaloha i olelo mai ai iaʻu e hoao e lawe i ka Huaale Akala a Kauka Williams no ka Poe Haikea. I ke poho mua ua loaa mai iaʻu ka maha, a i ka hoomau ana i ka lawe ana apau kekahi mau poho ua oluolu loa ae la au. I keia wa ua loaa hou iaʻu ka ikaika ame ke ola kino maikai, a ke hoomaikai aku nei wau i ka Huaale Akala a Kauka Williams i ka poe apau e makemake ana i laau hooikaika kino.  O ka laau hooikaika kino maikai loa ma keia honua, oia no ka Huaale Akala a Kauka Williams no ka Poe Haikea. O Mr. Roe, he hookahi wale no oia o ka lehulehu a puni keia honua i ike i keia mea ma kona hoao maoli ana. Aole i like keia laau me kekahi ano laau e ae, ua hiki i keia laau ke hoomaemae i ke koko ame na aa, kukulu hou ana i ke kino a hoola i ola ole i kekahi ano laau e ae. Aole ka Huaale Akala a Kauka Williams no ka Poe Haikea he laau hooikaika kino wale no, aka, ua hiki ke hoolaia na ano maʻi like ole e like me ka locomotor ataxia, maʻi lolo ma kekahi mau lala o ke kino. St. Vitus dance, sciatica, neuralagia, rumatika, eha nalulu o ke poo, nawaliwali mahope o ka haalele ana mai a ke garipa, pana pinapinai o ka puuwai, helehelena haikea ame na ano maʻi e ae e loaa ana i kekahi kane a wahine paha. Ke kuaiia nei ka Huaale Akala a Kauka Williams no ka Poe Haikea e na mea kuai laau lapaau apau, a i ole, e hoounaia aku no ma o ka oihana leta la ina e loaa mai ke kumukuai o kanalima keneta o ke poho a i ole, eono poho no elua dala ame ka hapalua ina e kakau mai ia Dr Williams Medicine Company, Schenectady, N.Y. Aole e kuai hooliloia keia ano laau ma ka haneri. E makaala i na hoohalike, aole e ola ka maʻi ia ano laau.

 

Ohohiia ko Kakou mau Ea Huihui.

 

"Ma na ano apau aohe he mea ma ke ao nei e like me ke ea o Honolulu nei ka oluolu ame ka maikai. O keia ano hookahi no ka i loaa i o makou la. Ua ike au i ka like me ko Los Angeles, aka aole e like me ko ianei ke hookukuia."            O ka pane keia a Mr. J.H.Braley i hoopuka ae ai iaia e noho ana ma ka lanai o kekahi o na hale noho o ka Hotele Hawaii, ma ka auwina la Poakahi i hala iho la. "Heaha la kaʻu mea o ka holo ana mai nei i Hawaii nei," wahi a ua kanaka nei i hoomau aku ai i kana kamailio ana, a wahi hou a ua kanaka nei i hoomau aku ai i kana kamailio ana, "Ka! he kumuhana kamailio mau ia no keia e aʻu me kaʻu wahine. O ka maua moeuhane mau no keia o ka holo ianei e ike ai i keia aina a oia no ka manao nui o ka maua hele ana mai nei a he wahi hapa uuku loa ma kekahi mahele, oia hoi, ka mahele oihana kalepa. Ua hele mai nei maua no ka hoomaha. Ua hai aku wau i na keiki o koʻu wahi e hele ana wau no ka hoomaha ana oiai o koʻu manawa hoomaha keia a e hoi aku no wau i ka manawa kupono no ko lakou hoomaha ana. O ke kulanakauhale aʻu e noho mai nei he wahi piha hana ia a ua nui no hoi kaʻu hana me ka hooikaika nui. He mea kupono loa e hoomaha au."         O Mr. Braley he peresidena ola no ka banako o keia kulanakauhale ma kona inoa no, a o keia no hoi kekahi o na hui banako kuonoono loa ma kona kahua hana a he kulanakauhale ano nui no hoi keia a ka hana.  "Nui koʻu oluolu ma ka manao, no Honolulu," wahi a ua mea waiwai nei i hoomau aku ai i kana kamailio. "Nui ka hauoli no ia mea. Ua loaa ae no keia manao e makaikai i na wahi e ae o na mokupuni aka aohe oʻu makemake e hele i keia manawa ma na wahi e ae, o oonei wale no kaʻu makemake (oia hoi o Honolulu.)         "O! makemake maoli no wau ia Honolulu nei, a ina he manao nui ko oukou maluna o ka hiki nui mai o na malihini makaikai alaila aohe he kumu e loaa ole ai ia oukou ia upu ana.         "He mea oiaio no aia he laina o na hana kalepa no keia aina i ka manawa e hiki mai ana, a he mea pono e loaa ia oukou he mau wahi waiho lanahu ame aila. Oi loa aku ka holomua o keia mau hana ke hemo mai ke ala o ka Puali o Panama."        E haalele iho ana o Mr. Braley ma ka mokuahi Korea ke ku mai a hoi aku i kona wahi i hele mai ai. Eeia me ia kana wahine ame ka laua kaikamahine.

 

MANILA, Mei 6. - O Konela Julian Santos ame Konela Delacring, he mau kipi no Rizal i hoopaiia e make i kekahi manawa i hala ae nei a mahope mai hoohalahala i ko laua hihia, ka i hoopai hou ia e make e ka Aha Kiekie o Pilipine.

 

            RUSIA AME KINA.

 

MOSEKAO, Mei 6.- Ke huli nei ka aha kuka o Rusia i mea e hoomalielie ai ia Kina. Ua loheia mai maanei e hoaoia ana e hanaia kekahi kuikahi e komo like ai o Rusia ame Kina ma ke ano pale a kue paha. Ma keia e hookomo mai ana o Rusia i kekahi o kona mau koa iloko o Kina no ka malama ana i ka maluhia o kona hoa, a ao hoi i na puali koa Pake.

 

OHOHIAIA KA EMEPERA WILIAMA.

 

ROMA, Mei 6. - I ka pau ana o ka huakai makaikai ma na wahi kaulana o ke kulanakauhale nei, ua haalele mai o Emepera Wiliama no kona kapitala i keia la. Ua nui kona ohohiaia e na kanaka mai ka halealii aku a hiki i ka hale hoolulu kaaahi.

 

BUBONIKA MA KINA.

 

KANATONA, Kina, Mei 6. - Ma na hoike a na mana aupuni maanei, ke mahuahua ae nei ka mai bubonika ma na mahele apau o ka Emepaea.

 

Ua Loaa aku na Laikini Bia

 

E like me ka hoike ana a ke Kuokoa i na helu mua aku nei, aia he mau noi laikini ke mo-ku la iloko o ke Keena o ka Puuku o ka Teritori o Hawaii, pela no hoi oia e hoike aku nei i ka hoopukaia he mau laikini kuai bia i ka poe i waiho aku i ka lakou mau noi, aole nae ia lakou apau aka i kekahi poe o lakou.       I ka Poakahi nei la 4 i hoopukaia mai ai he eono mau laikini guai bia mai ai he eono mau laikinikuai bia. O ka poe i loaa aku na laikini ua hoikeia ae aole he mea o lakou i hoohalahala i na mea o loko o ko lakou mau palapala. O na inoa o keia poe i loaa mai ai na laikini ame ko lakou mau hope ma ka bona oia keia malalo iho:   A. Becker, 604 Alanui Moiwahine, A.Hocking ka mea bona nona.   Terence Keven, Alanui Moiwahine ame Likeke. O.A. Hocking ka mea bona.            N. R. Spencer, Iwilei Hale Inu Bia,  A. Hocking ka mea bona.  J. F. Figueredo, Alanui Moiwahine, ma kahi aoao mai o ke Alanui Hema. Fidelity Insurance Co. ka mea bona.   P. W. Lucas Alanui Moiwahine me Mililani.  O J. J. Sullivan ka mea bona.  Ma ka Poalua mai eia na laikini:  A. F. Franca, ma ka aoao mauka o ke alanui Beritania, kokoke i ka muliwai. Fidelity Insurance Co. ka mea bona.    J. W. Miller, makai o ke alanui Moiwahine ma kahi aoao mai o ke alanui Hema.  E. C. Winston, ame J. H. Boyd na mea bona.           J. A. McGuire, Alanui Papu.  A. Hocking mea hoopaa.  F. C. Loomer, Alanui Iwilei. Fidelity Insurance Co. ka mea bona.

 

He Hoomaikai.

 

I ka Lunahooponopono o ka Nupepa Kuokoa.  Welina pu kaua:  Ke haawi aku nei kaʻu makapeni i ka mahalo a nui i ka Lunahooponopono o "Ke Kilohana Pookela o ka Lahui Hawaii," mamuli no ia o kou nui noeau e ka Lunahooponopono hou o ke Kilohana nei ame ka piha pono o na kolamu i kou mau kalai manao naauao ana e ke kanaka opio. Nolaila, i kou wa i lilo ae nei i pailata hou no ke Kilohana nei, ohuohu pono ke Kuokoa me na manao naauao ame kou kanu pu i na anoano maikai iloko o ka kakou nupepa, a e kohu ai o keia mau hooheno ana a kahiko.                       

Ohuohu Halemano i ka lau Lehua,

I kanu no i na pua i Kukaniloko;

Kahe ka wai pii ka lau Akolea,

Aloha ka leo o ka wai i ka hea mai e anu au;

Anu hoi ma ke kua huʻi ma ke alo,

Noʻu hoi kau wahi ua anu au,

Nolaila, he lua ole kou makaukau ma ka piha pono o na kolamu o ke "Kuokoa me na mea hou makamaka o na aina E.

Nolaila, nui koʻu mahalo i na manao o ka Lunahooponopono o ke Kuokoa Kilohana nei.

Nolaila, ke noi nei kaʻu leo pule;

imua a lanakila.

            OLIVER K. PONIAULANI,                        Fish Market, Honolulu

 

No ka Ai ana i ke Kamano Kini.

 

I keia pule iho nei, ua ike kekahi kauka ua loaa ia kekahi poe maʻi i kaa mai malalo o kana lawelawe ana i ka maʻi ma o ka ai ana i na mea ai palahe, a ua manao oia no ka ai o keia poe i ke kamano kini ko lakou kumu i loaa ai.           Ua hoike mai o Professor Shorey, ka mea nana mea ai o ka Papa Ola, aole i loaa iaia kekahi mau kini kamano inoino i keia mau pule iho nei, a aole no hoi i loaa iaia kekahi mau io pipi ino ame kekahi mau ano io e ae. Ekolu ae nei paha pule i hala, ua loaa ia kauka Wahie he maʻi  o keia ano, a kona ninau ana, ua hai mai ka mea maʻi ua ai oia i kekahi mea ai kini i loaa iaia ma ke kuai kudala. Ua laweia aku kekahi o keia mau kini ia Kauka Shorey, a ua ike iho oia ua ino. Ma kana kauoha, ua kiloiia na kini apau e waiho ana maloko o ka hele kudala.

 

Na Kauka Huki Niho Noeau,

 

hana pololei a hiki i keia manawa, a he haahaa ka auhau o ka huki ana.

O ko laua no hoi ke keena kauka huki niho nui hookahi iloko o ka Paeaina Hawaii nei, a lawa pono no hoi me na lako oihana o ke ano hou loa a maikai no hoi.

He hukiia kou niho me ka eha ole a iloko no hoi o ka lawelawe noeau a maiau ana no hoi e hanaia ai, a o ia no hoi ka makou e ake nei.

Aohe auhau no ka nana ana.

He wahine Hawaii ke kokua iloko o ke keena hana.

Keena hana ma Arlington Block, Helu 215, Alanui Hotele, ma o aku o Alanui Union.

 

Ua Nalohia Kona Leo Uhene.

 

Ma ka Poalima o keia pule iho nei i make ai o Ioane Ukeke, a ma kona make ana, ua nalo aku kekahi o na kanaka kaulana o ke au o kanakolu a kanaha ae nei paha makahiki i hala. Ia mau la, e ikeia no o Ioane ma na alanui o ke taona me ka aahu piha o ke kulana keonimana, a ua kuhihewa mau ia oia e na haole malihini he keikialii ola no ka aina, aka, i keia mau makahiki iho nei, ua kau mai ka haawina makapo maluna ona, a ua ikeia oia ma na kapa alanui e hookani ana no i ka ukeke ame ka onou ana i kona papale i o a ia nei no kekahi mau wahi kenikeni e haawi aloha ia aku ana e ka poe hele o na alanui.  O Ioane ke kanaka kaulana loa ma Hawaii nei i ka hookani ukeke. I kona mau la kanaka opio, he aʻo hula kana hana, a ua hele mau oia imua o ke alo o na alii ma ke ano he poo hula. Ia mau la e ikeia no o Ioane ma na alanui me ke kuka veleveta, papale biva, makaaniani ame ke kookoo, a ua kahea ia oia e na haole o "Dandy."

 

He Huaale Maikai

Aole he like o na

"Huaale a Ayers"

 

me na huaale e ae no ka mea he mau huaale kokua keia i ka hana a na naau, a he laau hoomaha maikai loa hoi. Ina he paa kou  hanalepo o na         

"Huaale a Ayers"

ka laau e hemo maikai ai, a e hemo maikai mau ana hoi mahope aku oia manawa.  Aole loa he hiki i kekahi kanaka ke Olelo ae he maikai kona ola kino ina aole he hemo o kona hanalepo he hookahi manawa o ka la, a oi aku paha. Ina i maopopo keia kanawai o ke ola i na kanaka apau, aole loa e like ka nui o ka poe maʻi me ka mea e ike ia nei i keia mau la. Ua hana ia owaho me ke kopaa he maikai loa ka lawe ana.  Aohe mau Huaale i oi ae ka maikai mamua o na

"Huaale a Ayers"

Hoomakaukau ia e Kauka J. C. Ayer & Company, Lowell, Mass., U. S. A. E loaa no keia mau Huaale ma ka Hale Kuai Laau o Hollister, alanui Papu.

 

Hauoli no ke Ola ana.

 

Oia no ka ke Kanaka naauao hookahi a kanaka ano nui maopopo i aoʻ mai ai ia kakou i ka pule ana "E haawi mai oe ia makou i ai na makou no keia la." O na lima na mea o ka kakou e hiki ai ke lawelawe i na mea i makemake ia me ke akamai ame ka noeau, o na maka na mea hoi e hoike mai ai ia kakou i na mea owaho mai a ka malamalama o ka la e pa-olino iho ana maluna o lakou, o na puuwai e pana kapalili nei iloko o ko kakou mau umauma - o lakou na waiwai a na mea ai o luna o ka kakou mau pa i ai oleia e hanai aku ai a hooulu ae ia lakou a hoomau no ko lakou ola. Aole io i kanamai ke kupaianaha o keia oihana hooulu kino.    Na ke kino no e kamana iaia iho. Aohe he mikini e ae e hiki ke hana i kela hana no ua mau mea nei. Eia nae, i ka manawa e nui mai ai na mailo maluna o ke kino a oi aku mamua o ka mea hiki ke hoopuʻipuʻi aku, alaila, ua nawaliwali kakou a lilo i mea hoowaiwai ole.        Ina e hiki ia kakou ke hoopiha i na mea i poho a ola kakou maluna o ko kakou mau puka alaila, ua hiki ia kakou ke hauoli iloko o na la apau o ko kakou ola ana. A o ke kulana ma kekahi aoao oia ka maʻi ame ka nawaliwali. I mea e oni mau ai ka mikini hana o ke kino ame ka hiki ia kakou ke paniku aku i na ano ino apau e hoowiwi mai ai ia kakou i nele ole ai kakou i ka mana ame ka ikaika o ke kino o ka mana ikaika hoola o keia laau lapaau i ikeia ka WAMPOLEʻS PREPARATION, oia ka mea nana e hooponopono ai.  He hikiwawe kana hana ame ka malie no hoi e hana ai iloko o ke kino, ka mea hoi e malele aku ai na ino mai ke kino aku, hoomau i ka oihana hoowali ai o ka opu, kipaku i na ano ino apau mai ke koko aku, a hoihoi hou mai i ke ano maikai apau o ke koko, e loaa ai ka ikaika ame ke ola kino maikai.      Mamuli o ka maikai ame ka momona o keia laau ano like me ka hone ame ke kopaa ua hiki i na kamaiki ame na wahine ke ai i keia laau lapaau me ka maalahi. Aia iloko o keia laau na waiwai hoola ame hooulu kino o ka Aila Akepaa o ka Iʻa Cod i loaa mai ai ia makou mai na akepaa hou o na iʻa cod hou i hui pu ia me ke Compound Syrup o Hypophosphites ame Extra Malt ame Wild Cherry.  Ua kupono loa keia laau i na m@ Akemama, maeele o na aa lolo garipa anemia, ame na maʻi e ae apau pili ana koko ino.  Aole e hoohokaia kekahi ma o @ laau la. Loaa e no ka maha i ka @ lopu laau mua no. Aole e haule kona ikaika hoola. He kuaiia keia laau lapaau ma na halekuai laau lapaau @ puni ke ao holookoa.

 

MA KE KAUOHA

 

NA NOTARI O KA LEHULEHU.

 

O na Palapala Komikina o na Notari a Luna Hooiaio Palapala no lakou na inoa malalo iho nei, no ka Apana Hookolokolo Kaapuni Ekahi o ka Teritori o Hawaii, ma keia ke hoopau loa ia nei a holoi loa ia lakou, a o ka lakou mau buke moolelo ma keia oihana e waiho mai i ke Kakauolelo o ka Aha Hookolokolo Kaapuni o ka Apana Kaapuni Ekahi:             Andrews, Lorrin         Boyd, W. P.    Castle, W. R.              Case, D. H.     Davies, Eleanor W.            Horner, J. Louis          Kaulukou, J. L.           Kalakiela, J. S.            Long, C. A.    Merry, F. T.    Peachy, F. S.         Poepoe, J. M.            Vivas, J. M.    Walker, John S.           Boyd, E. S.     Camara, Jr., J. M.        Chase, Chas. D.          Dowsett, David A.     Gasset, Walter             Jones, J. W.     Kentwell, L. K.          Mott-Smith, E.A.            Kellett, Jr., P Danson              Neumann,Pauline E.   Pratt, J. G.      Strauch, P. E. R.         Wilder, G. K.              LORRIN ANDREWS.          Loio Kuhina, Teritori o Hawaii.  Keena Loio Kuhina, Mei 4. 1903. 2962 - Mei 8, 15.

 

MA KE KAUOHA

 

KEENA O KA PAPA OLA

Honolulu, Hawaii, Aperila 21, 1903.

 

NA RULA AME NA HOOPONOPONO ANA NO NA MAʻI LEPERA AME NA KOKUA E NOHO ANA MA KE KAHUA MAʻI LEPERA MA MOLOKAI.

 

( Hoolahaia e like ai me ka Pauku 9@@ P. L. 1897.)

NA ILIO.

 

PAUKU 31. Aohe maʻi lepera a mea e ae e noho ana iloko o ke Kahua Maʻi Lepera ma Molokai e loaa ke kuleana e malama ilio ai oi aku maluna o hookahi ilio.  A he hana ia na ka lunanui e nana ai i ka malama pono ia o ka manao o keia pauku.  Aole e lilo ka manao o keia pauku i mea mana a hiki i ka la ekahi o Iulai, 1903.          Papa Ola.         Ma o kona Peresidena @. CHAS. B. COOPER, M. D.,              Ikemakaia:       C. CHARLOCK. Kakauolelo, Papa Ola.            Ma keia ke hoapono nei au i ka rula i hoike mua ia ae nei.     (Kakauinoaia)             SANFORD B. DOLE.            Kiaaina o ka Teritori o Hawaii.           2960 - Apr. 24. - Mei 1, 8.

 

            J. R. Mills

Notari a Luna Hooiaio Palapala Kanawai o na ano apau. He akahele a noeau ka lawelawe hana ana. Keena Hana ma Pearl City, Manana, Ewa.

 

O kou mau niho kou mau hoaloha maikai

 

O ka hoohemahema ia lakou ola kou ehaeha, e maeele ana iloko o ke kino, ka noonoo ame ke ano e o ka helehelena. Ina he manao kou no ka hana @ aku, e kipa mai i o makou nei no ke kuka pu ana me ka auhau ole. O na hana apau me ka maikai wale no e lawelawela ai a eha ole no hoi, a nui no hoi ka poe i ike ia makou o ko Honolulu nei ame ko na mokupuni a lawa ko lakou makemake a na lakou e hoike no makou.        Na auhau no ka Hana ana.      Papa Niho Gula............$ 5.00                  Papa niho pono...........$ 3.00  Hoopiha me ke gula..$ 1.00 a pii aku.             Hoopiha me ke dala.....50 keneta.

 

New York Dental Parlors

 

Helu 1057, Alanui Papu mawaena o na Alanui Moi ame Hotele.

Ma ko William Paʻi Kii Ipuka no e komo ai a loaa ko makou keena.