Ka Nupepa Kuokoa, Volume XLI, Number 18, 1 May 1903 — KA AHAOLELO KUIKAWA. [ARTICLE]

KA AHAOLELO KUIKAWA.

Ma ka Poaha iho la, la 30, i weheia ae ai ka ahaolelo kuikawa o ke Teritori o Hawaii no ka hoopau pono loa ana i na kumuhana ano nui, pili loa aku no nae i na bila haawina kalii e loaa ai ke ola i na hana aupuni. Ua hemo ka puka no keia hana kuikawa mamuli o ke kukala ana ae o ke Kiaaina ka mea iaia ke ki e hemo io ai keia puka, a he mea oiaio no ia, aole e hemo wale ka puka malalo o na kumu kupono ole. 0 ke kumuhana nui o keia ahaolelo kuikawa oia no ka noonoo ana i na bila haawina, ke kahua a ke Kiaaina i kukulu ai i kana kuahaua. Ma keia kahea ana a noho iho la ka ahaolelo aia he uku kuwaho e panaiia aku ana ma ka aoao o ke Aupuni no na hoa ame ka poe apau i pili ilaila e kupono ai e ukuia, a ua oleloia aia' ma kahi o $9000 no keia kau no na hoa ahaolelo. 1 ka Poalua la 28 i ka hora o ke aumoe, ka hookuu ana i na hana o ka Ahaolelo oia hoi na Hale Kaukanawai a elua, me ka hauoli no hoi ka hookuu ana, a ma ka aoao o na hoa ua nui no ko lakou hooikaika oi loa aku i keia la 'hana hope loa, no ka mea, o keia paha ka la hookahi o ke kau i oi aku na bila i hooholoia a i kakauinoaia e ke Kiaaina, a ina no hoi pela i hana ai na hoa i na la hana he 59 me nei aole e hemo ka puka no ka ahaolelo kuikawa. Ma ka hana ana i ke kulana o keia kau aole e iiiki ke hookukuia me'kela 0 ka wa i hala ma ka maikai o na alakai hana ana. ma na mahele apau, a hookahi wale no paha wahl mea e ano like ai oia ka hemo ana iho la o keia kau kuikawa, ka mea no hoi a kekahi mau hoa Ahaolel6 i kau nui ai e hana ole pela o ka wehe ae i kau kuikawa, ke kumu hoi e like ai me kela o ka wa 1 hala. O ka nui o ka manawa e hana ai keia kau kuikawa aole i maopopo loa ke kuailo ae, aka, hookahi mea i mappopo loa he hookahi kumu o ka hana oia ka noonoo ana i na bila haawina a aole o ka noonoo 'wale no, aka, o ka hooholo loa aku. Aole wale no hol o keia, aka, o ka noonoo ana no hoi kekahi i ka bila hoaie e like me ka mea i loaa mal a hooholo loa aku. Ma ka nana ana aohe kumu e hooholo ole ai i keia mau kumuhana oiai ua holo pono iho nei ka bila kalana ka mea hoi a ka lahui i upu nui ai e hookoia, a ua ko io no, aka, ina aole he mau haawina ko kela āme keia kalana pakhi no ka malama ana iaia iho, alaila e hakalia ana no ka nee 4tia o ke aupimi kalkna i kau nui ia imua. Ke manao nei ke Kuokoa e hooi loa ia aku ana ka hana o keia kau ahaolelo ma ka hooholomua ana i keia kau kuikawa aole hoi e like me kela o ka hapamua o ke kau mau i hala iho la.