Ka Nupepa Kuokoa, Volume XLI, Number 18, 1 May 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

 

Nuhou Kuloko,

 

     Ma ka hookuku kinipopo i malamaia mawaena o ke kula Punahou ame kula Kiekie, ua haule ka inoa hope.

     Ma ka hoike a Kauka Shorey o ke aupuni, ua hookomo nui ia ka wai iloko o ka waina o ke taona nei i keia mau la.

     Eia ke kula Iolani i keia wa ma ka hale mua iho nei o Punahou liilii ma alanui Beretania.

     Ua noho hou ka Ahaolelo i neihnei, a o ka la mua ia o ke kau kuikawa. O ka bila haawina wale no ke noonooia ana.

     E paniia ana ka halehoikeike mea kahiko ma Kamehameha no kekahi mau mahina no ka hoonohonoho hou ana i na mea oloko.

     Ulolohi hoi na hana e pili ana i ke dala pauahi.  He nui ka olelo e wawa hele nei a mea haawiia mai, eia nae, aohe pela.

     E weheia ana ma ka la 8 o keia mahina ma ka luakini o Kawaiahao he ahamele no ka pono o ka Ekalesia ame ka Papa Himeni.

     Ma ka Poaha o ka pule i hala i piha ai ia Kiaaina Dole na makahiki he 57 o kela ola ana.  Malaila ka bana kahi i haaawi ahamele ai.

     Ma ka Poakahi nei i loaa aku ai ia Zerrubbabel Kakina he laikini loio mai a Lunakanawai Gear aku.  O Kauai kona wahi noho.

     Ke hanaiia nei kekahi mau holoholona kolo ma ka pa kanu laau o ke aupuni no ke nalinali ana i ka lanatana.  No Mekiko mai keia ano holoholona.

     J. R. Mills, Notari a Luna Hooiaio Palapala Kanawai o na ano apau.  He akahele a noeau ka lawelawe hana ana.  Keena Hana, Pearl City, Manana, Ewa.

     O Chang Tso Fang ke Kanikela Pake hou ma Hawaii nei.  He kanaka oia i hoonaauao kiekieia ma Kina, a he manaoio i na hana holomua no ka pono o kona aina.

     He nui ka poe e hele nei e makaikai i na mokukaua Pelekane e ku nei ma ke awa.  Akahi no a ike pono kakou i ke ano o na moku topedo o ka liona ulaula.

     Ma ka Poakahi nei i loaa mai ai kekahi telegarama mai Kapalakiko mai e hoike mai ana ua make o Kapena Erokaw, ke kapena mua iho nei o ka okukolo Makauole.

     Inehinei i piha ai na makahiki he kanakolu-kumamaha o ke ku ana o ka Ahahui Kristiano o na Opio Kane (Y.M.C.A.) ma Honolulu.  Hookumuia keia Ahahui i ka la 30 o Aperila, 1896.

     Ua oleloia ae ua loaa kekahi mau kinaunau e pili ana i ka Bila Kalana.  Oia no paha, ma keia hope aku no paha e hooponoponoia ai keia mau mea.  O ka pono o ke ko o ka makemake o ka lehulehu mai Hawaii a Niihau.

     He nui na Pake i hele aku e ike ia Kakauolelo Carter no na mea e pili ana i ka waihona o na Pake ma ka Poakolu nei.  Au olelo mai o Carter e loaa ana no ka lakou dala, aia nae a pau na palapala koi i ke paiia.

     He iwakalua o na hoa o ka ahaolelo ka i haawi ahaaina ia e ka Nupepa Buletina ma Mauna Ohia ma ka Lapule nei. a o Lunamakaainana Fernandez, lunahoomalu o ke komike Pa'i o ka Hale, ka hoaaina hanohano o ia la.

     Ua holo aku o George Haia, hope luna nui o ka Hui Keaka Imiola o ke kahua hoomalu ma Waiakamilo, no Maui no ka hoolala ana i ka wa e wehe ai keia hui i ka lakou hana hoikeike o ke au kahiko ma Wailuku.  He maikai ka lakou mau hana i ikeia ma Honolulu nei.

 

W. W. Dimond, ua Hala

     Mahope o ke kaa ma'i ana no elima pule, ua make ma ka hora 7:15 o ke ahiahi Poaha nei ma kona home ponoi o W. W. Dimond, ka ona o ka Hale Oiwi ma Alanui Moi kokoke i ka Hale Leta, a he kanaka hoi i komo iloko o na hana hookele waiwai o keia kulanakauhale.

     Ua hanaui oia ma keia kulanakauhale ma ka la 8 o Augate 1862, a ua kokoke hoi e piha iaia na makahiki he kanaha-kumamakahi.  He keiki oia na Generela W. H. Dimond, he kamaaina kahiko no keia Paeaina, ame Elinor Waterhouse, he kaikuahine no Hanale Walakahauki.

     Ma Punahou oia i hoonaauaoia ai i kona mau la opio, a i ka pau ana malaila ua hele aku oia no ke kula nui ma Cedar Rapids, Mikikana.  I kona hoi ana mai ua hana oia me ka hui o J. T. Walakahauki, a i ka make ana o mr. Walakahauki ua kukulu oia i halekuai nona ponoi.

     He kanaka oia i komo iloko o na hui kalepa nui o Honolulu nei, a i kona wa i make aku la, oia ka peresidena o ka /Ahahui o na Kanaka Kalepa.  He elua ona manawa i mare ai, a he elua ana keiki e ola nei.

     Ua puhiia kona kino make i ke ahi, a ma ka hora 4 o ke ahiahi Poalima nei i malamaia ai ka hoolewa.

     He nui na hale kalepa i pane ae i ko lakou mau puka ma ka auwina la o ka Poalima nei.

 

     O KA MA'I HI, e pono ia e maka'uia mamua o ka ma'i eha ma ka puu.  He ma'i keia e loaa ana i na makua ame na keiki.  No ka loaa ole o ka laau kupono, ua nui ka poe i make mai keia ano ma'i mai.  O ka Laau Nahu o ka Opu, Kolera, ame Ma'i Hi a Chamberlain, he laau keia i kupono no keia ano ma'i, a ina e haawiia i manawa nona e hoohanaia ai, e ikeia no ka pono.  He laau maikai keia no ka lawe ana.  E pono e hoolawaia na home apau me keia laau.  E kii i omole ma keia la.  E hoolaia no kekahi ola kanaka.  Benson, Smith & Co., na aena nana e kuai nei.

 

MEA HOU O KA HALE AHAOLELO.

(Mai ka aoao 1 mai.)

     Kauka Alvarez i Lunahoohana.  E kukulia kela haukapila ma Kaneohe.  Aponola ka olelo hooholo.  21 ae, kue ia 7 hoole.  He olelo hooholo na Pulaa no ka holo ahu ana i ke ma'i lepera ma'i ole.  Aponoia ka olelo hooholo.

     O ka hana i ka auwina la oia ka noonoo ana i ka vito ana o ke Kiaaina i ka bila Hale pili i na kukui kaaheliwawae ame na kaa e ae.  Kakooia ka vito a ke Kiaaina malalo o na kumu i hoikeikeia mai.

     Mai ka Senate mai e hoike mai ana i ka hooholoia o ka bila uwila o ka Hawaiian Electric Companu ma ka heluhelu ekolu ana.  Hoihoi hou ia mai ua bila la i ka Hale.

     Hooholoia ka oelo hooholo a ka Senate pili i ka oihana mahi kope e noi ana i ka Ahaolelo Nui pili i keia kumuhana.  Hoike komike kuikawa pili i kahi hoomalu i Kalihi "Waiokamilo" no ke kualia aku e ke Aupuni.  Waihoia ka hoike a noonoo pu ia me ka bila.

     Hoike komike pili i ka bila koi a Cummins, a waihoia ma ka papa a noonoo ou ia me ka bila.

     Na Harris he olelo hooholo e kauoha ana i ke Aupuni e ae aku mai a Chas. S. Dickey mai i palapala kuai no na alanui kokoke i Kawaiahao.  Aponoia ka olelo hooholo.  Holo ka bila Hale Helu 187.   19 ae i ka 9 hoole.  Hoopanee loa ia ka bila mahelehele apana no na lunakanawai hookolokolo apana no ke kue o ua bila la i ka bila kalana ke kumu o ka haule ana.

     Lawela mai ka bila hookuu paani kinipopo i ka Lapule a hooholoia e like me ke koho ana a keia poe:  'Na ae - Aylett, Chillingworh, Damiena, Gandall, Greewell, Haia, Harris, Jaeger, Kealawaa, Knudsen, Kupihea, Lewis, Long, Vida, Wright, ame Mr. Lunahoomalu - 16.

     Hoole - Kaili, Kaniho, Kumalae, Oili, Paele, Pali, Pulaa ame Purdy - 9.

     Holo ka bila pili i ke kukulu haukapila no na ma'i lepera no ka nana ana ame ka lapaau ana.  Holo ka bila uwila a Gear ma ka heluhelu ekolu ana.  Holo ka bila pili i ka hoopau ana i na rula o ka Papa Ola.  Pepehila ka bila hookuu paahao.  15 kue la 13.

     Holo ka bila kanawai banak a Brown ma ka heluhelu elua ana mahope iho o ka hapaiia ana mai no ka noonoo ana.

     Hoopaneeia ka Hale a noho hou.

 

ILOKO O KA SENATE.

     Aperila 25. - Hapaiia mai na bila o ka Hale o na Lunamakaainana helu 111, 183, 119, 170, 171, 176, ame 26 i hoholoia ai i ka Poalima i hala i loaa mai i ka Senate a ua pau lakou i ka heluhelu ekahiia.

    Ma ke noi a Brown ua hapai hou ia mai ka bila opiuma a Vida mai ka papa mai.  Hapaiia mai ka bila haawi kuleana hoohana uwila i ka hawaiian Electric Companu a hooholo loa ia ma ka heluhelu ekolu ana me ka lokahi loa.  He 14 ae kakoo i ke kumuhana.  Hookahi aole i hiki ae.

     Hoike komike na Paris pili i ka hui kelepona Standard.  Kakoo ke komike no ka hooholoia o ka bila.  He elua hoike maluna o kela bila a waihoia a noonoo pu me ka bila. 

     Na Paris he olelo hooholo he noi i ka Ahaolelo Nui pili i ka oihana kope.  Aponoia ka olelo hooholo.  Mahope iho o ka hapaiia ana mai o ka bila a Long a noonooia a waiho houia, ua hoike ia mai ka leka a ke Kiaaina e hoike mai ana i ka bitoia o kekahi bila. 

     Holo ke kumuhana pili i ke telegarapa uwea ole ma ka heluhlelu ekolu ana.  Noonooia ka bila ukumau o 18 mahina a holo i ka heluhelu ekolu ia mahope iho o ka nui hooponopono ana.

     He olelo hooholo na Woods e kahea ana i ka Ahaolelo Nui e malamaia e ia na halekukui ame ka uku ana i na lilo mai ka wa hoohulaina mai.  Aponoia ka olelo hooholo.

     Hoopaneeia ka Aha a noho hou mahope iho o ka heluhelu ana i ka leka a ke Kiaaina maluna o ka bila kiure.

 

HALE O NA LUNAMAKAAINANA.

     Aperila 27. - O ka hana mua o ka Hale oia ka noonoo ana i ka vito a ke Kiaaina maluna o ka bila pili i ke kanawai Lunahooponopono waiwai.  Ua kakooia ka vito a ke Kiaaina maluna o ua bila la.  He 29 kakooo i ka ole. 

     O ka bila a Gamewell Company no ka pahu pauahi iloko o ka Hale Mana Hooko ua waihia aku i ke Keena o na Hana Hou he bila o $150 oiai ua lawe mua ia i ka Loio Kuhina.  Ua waiho aku ke Kakauolelo Carter i ka Lunahoomalu i ka leka a ua hoihoi hou ia mai.

     Mai ka Senate mai he olelo hooholo pili i na halekukui ame na awakumoku, a mahope o ka noonoo ana ua hooholoia ka olelo hooholo.  Mai ka Aha Senate mai no ka bila pili i ka ukumau o 18 mahina a mahope o ka noonoo ana ua hoohooia ma ka heluhelu ekahi ana.

     Hoike komike oihana koa maluna o ka olelo hooholo a ka Senate pili i ka uku o na keiki puhi ohe ame ka manawa paani i na mokuahi a mahope o ka noonoo ana ua hooholoia ka olelo hooholo.  Ua loaa mai ka vito a ke Kiaaina maluna o ka bila kulanakauhale a mahope o ka noono ana, a ma ke noiia ua hoopaneeia no ka noonoo hou aku i ka vito.

     Holo ka bila Senate helu 156 ma ka heluhelu ekolu ana.  17 kue ia 12.  Noonooia ka bila Senate 192 a waihoia i ke komike hookolokolo.  noonooia ka bila Senate helu 135 a ma ka hooikaika a Paele e kinai ana i ka bila, pela i hookoia ai.  13 ae kue la 15.

     Holo ka bila a Kaohi ka bila Senate helu 37.  23 kue ia 5.  O ke kumuhana e pili ana i ka uku ana i na koi kumupaa ame ka ukupanee o na koi pauahi ua hooholoia.  17 kue ia 9/  O na Home Rula ka poe kamailio nui maluna o keia kumuhana.

     Holo ka bila pili i ka ai maemae me ka lokahi loa ia.  Haule ka bila hookama keiki.  15 kue ia 14.  Holo ka bila laikini kuai waiona.  24 kue ia 5 hoole.  O na hoole oia keia malalo iho:  Kaili, Kaniho, Pulaa, Paele ame Vida.

     Na John Gandall ma ka aoao o ka Hale o na Lunamakaainana ua haawi aku oia i ka mahalo piha ame ka hoomaikai i ka Lunahoomalu o ka Hale no ka noeau o ke alakai ana i na hana o ka Hale ame na hoohana ana me ka nana ole ae i na aoao kalaiaina.  A ma ka aoao o ka Hale ua waiho aku ke komike i kohola no ia hana he uwati gula makana e hoike ana i ka maikai o kana mau hookele ahaolelo ana.  Eia ke komike:  Lewis, Harris Keliinoi ame Gandall.  Ma ka aoao o ka Lnahoomalu Beckley (Kahapula) ua hoopuiwa loa ia ola mamuli o keia lokomaikai o ka haawi mahalo a hoomaikai ana ke kumu o ka haawi ana o ka Lunahoomalu i kekahi mau manao hoolana maikai.

     Noonooia ka bila i ke alahao uwila o Hilo a hooholoia me na hooponopono.  Noonooia ka hoike, komike maluna o ka bila pakui kanawai kalana.  He elua hoike maluna o keia kumuhana, o ka hapanui ame ka hapauuku.  Waihoia keia mau hoike a noonoo pu ia me ka bila.

     Hapaiia mai ka noonoo ana o ka bila waoia lahilahi a holo oiai nae ua hooikakaika nui o Lunamakaainana Oili e kapaeia kela kupuino.

     Holo ka bila Senate 149 ma ka heluhelu elua ia ana.  Noonooia ka bila hoaie a mahope o ke kamailio nui ana ua hooholoia ka bila ma ka heluhelu elua ana.

     Haule ka bila pili i na auhau pooleka maluna o na palapala hooia hui.  O ka bila pili i na la kulaia ua hoohooia.  24 kue la 3.  ma keia wahi ua hooholoia he ekolu mau bila a he hookahi i hoopanee loa ia.

     Mai ka Senate mai ua hoihoi hou ia mai ka bila a Long me na hoololi.  Maluna o keia kumuhana ua noonoo aku ka Hale a mahope o ka noonoo ana ua hooholoia na hooponopono a ka Senate i waiho mai ai.

     Hoopaneeia ka Hale.

 

ILOKO O KA SENATE.

     Aperila 27. - Mai ke Kakauolelo Carter mai he hoike e hoike mai ana i ke kakauinoaia o kekahi mau bila.  Holo na bila Hale ma ka heluhelu ekahi ana; oia keia mau bila malalo iho:  Ka bila helu 27 ame ka bila helu 146 ame ka bila pili i na hui.

     Loaa mai ka Hale mai na bila haawi kuleana hoohana uwila o Maui ame ka bila hooponopono rula o ka Papa Ola ame ka bila uwila a Gear a ua hooholoia ma ka heluhelu ekahi ana.

     Hoomoeia ka olelo hooholo pili i ka telegarpa uwea ole ma ka papa.  Hoike komike a Baldwin maluna o ka olelo hooholo e pili ana i ka noi a Cummins no ka uku ana i ka huina o $5000 he hoopai no ke kipi. Ua kakoo ke komike e hoomoeia ka olelo hooholo ma ka papa.  Aponoia ka hoike komike.  Kakalaia mai no ka hoomaha o ka Aha no ke pa'i kii ana.  Hoike komike maluna o ka bila launahele ame maile.  Waihoia ka hoike komike a noonoo pu ia me ka bila

     Hoike komike kue i ka apono ana i ka olelo hoohoo pili i ka haawi i na pa kaia i na Keikialii oiai, wahi a ke komike, he waiwai ia no ka Teritori o Hawaii a e pono e hoihoiia i ka Hale Hoikeike o Kamehameha no ka malama ana.

     Heluheluia mai ka lekka a ke Kiaaina pili i kana vito ana i ka bila kanawai kulanakauhale.  Na Dickey he bila pili i na kanawai kiure e like me ka hooaiai a ke Kiaaina a holo ma ka heluhelu ekahiia.

     Lokahi ka manao o ka Senate me ko ka Hale pili i ka olelo hooholo maluna o ke kumuhana bana puhi ohe.  Na C. Brown he noi e hapai hou ia mai ka bila a Long oiai wahi ana ua vitoia ka bila kulanakauhale, a e noonooia kela bila i hiki ke hoolawa aku i noohalahala a ke Kiaaina.  Mahope iho o na hooponopono ana ua hooholoia ka bila ma ka heluhelu ekolu ana.

     Holo ka bila waihona o na Pake ma ka heluhelu elua ana.  Noonooia ka bila pili i ke kukulu kula mahiai a waihoia i ke komike hoonaauao.  Holo ka bila pili i ka hookuu ukuhana ana ma ka heluhelu ekolu ana.  Ma ke noi a Brown ua hapai hou ia mai ka bila waihona o na Pake a noonoo hou ia.

     Holo na bila pili i ka paka o Puna ame ko ka hana apuka ma ka heluhelu elua ana.

     Hoopaneeia ka Aha a noho hou.

 

HALE O NA LUNAMAKAAINANA.

     Aperila 28. - Holo ka bila pili i ka inisua.  Holo no hoi ke kumuhana pili i ka hoike o na aha hookolokolo kiekie.  20 ae i ka 7 hoole.  Pela no hoi ka bila pili i ka oihana koa.  21 ae i ka 8 hoole.

     O ka bila pili i ka oihana kawili laau lapaau ua hooholoia.  23 ae i ka 5 hoole.

     Holo ka bila pili i ka hui alahao o Kau Kona mahpe iho o ka walaau ana pili i ua kumuhana la.  Holo no hoi ka bila pili i ka Ilamuku Ahi iloko o ke kanawai.  O Kaniho wale no ka mea hoole.  Noonooia ka bila pili i ke koi a ka poe i hoopaahaoia i ka makahiki 1895 aole i pau ka noonoo ana ua hoomaha e ka Hale mahope iho no nae o ka hookomo ana mai o Harris he olelo hooholo pili i ka lawe ana mai o ke Aupuni i na alanui Dominis, Anapuni, College, ame hastings mai ia C. S. Deskey mai.

     Loaa mai ka bila auhau pooleka a noonooia a hooholoia no hoi.  Pepehiia ka bila pili i ka hoopakele ana i na kamalii mai na hana ino mai.  Hoike komike hui maluna o ka bila pili i ka laikini kuai waiona a aponoia.  Ma ke noi a Kiliniwoki ua kaupalenaia ka manawa haiolelo o na hoa i ka elima minute, no ke koena manawa i koe o ka ahaolelo.  He olelo hooholo na Keliinoi pili i ke pa'i ana i mau kope ma na olelo a elua maluna o ka moolelo o ka Hale.

     Mai ke Kakauolelo mai e hoike mai ana i ke kakauinoaia o na bila 39, 40, 42, 42, 43, 44, 45, 46, 47, 48, 49, 50, 51, 52, 53, 54 ame 55.  Mai ka Senate mai he hoike e hoike ana i ka hooholoia o na bila Hale helu 184, `88, 78, 79 ame 167. 

     Laweia mai ka bila pili i ke kuleana wai o Pahoa a noonooia a hooholoia.  25 ae i ka 4 hoole.  Pepehiia ka bila pili i na waiwai lewa mai ke kuai ia aku.  Holo ka bila pili i ke kanawai o ka makahiki 895 pili i ke kipi.  Holo ka bila pili i ke kuai waiona i na kamalii ame ka poe i kupono oe e haawiia Holo no hoi ka bila pili i na pakui ame ka hoopau ana i kekahi mau mahele o na kanawai hui. 

     Lokahi ka manao o ka Hale me na hoololi a ka Senate i hookomo ai iloko o ka bila pili i ka haawi mana ana i ka mea nona ka waiwai hoolimalimaia e hoopau i ke kuleana hoomalimalima maluna o na hale, no na kumu maikai ole i hanaia e ka mea hoolimalima.

     Pepehiia ka bila pili i na kanawai alahao.  Holo ke kumuhana pili i ka hooponopono ana i na hui kuwaho.  Holo na bila pili ia Hilo, oia hoi ke kukulu kula kiekie ame ke keena no laila.  Holo ka bila pili i na hana kolohe a haule no hoi ka bila pili i na mea hoopahu.

     Holo ka bila i na banako.  Holo ka bila pili i ka hoopau ana i ke kanawai o ke Aupui Kuikawa e pili ana i na mea kaua.  Holo ka bila pili i kahi hoolulu no na holoholona.  Holo ka bila pili i ka palapala hopu ano Lou maluna o ke kino o ka paahao.  Pili keia kumuhana i na hana aha hookolokolo.  Holo ke kanawai auhau waiwai lewa.  Ua hoopauia ke kanawai e pili ana i na waiwai i hookomuia me na ma-ka Hawaii.  O ka bila pili i ka luna kakau o ke Aupuni ame kona Hope ua holo. 

     Hapai hou ia mai ka noonoo ana i ka bila pili hoopaahao o ka makahiki 1895 ame 1896 a mahope o ka noonoo ana ua aponoia ka hoike, he hoike e noi ana e hoopanee loa ia ke kumuhana.  Holo ka bila pili i ka nana pono ana i ke kuai o ka aila mahu.  Holo no hoi ka bila pili i na mea hoopii.  24 ae i ka 5 hoole.

     Haule ka bila pili i ka haawima e hoihoi hou ai a pani hoi i na loaa i poholaloia.  Pili keia i na waihona alanui.  13 ae i ka 15 hoole.  Hapai hou mai ka bila pili i na kanawai alahao a pepehi hou ia no.

     Pepehiia a make ka bila pili i na hoa hui.  Holo ka bila pili i ka haawi bona maluna o naluna aupuni.  zmai ka Senate mai he hoike i ka aponoia o elua mau olelo hooholo helu 1 ame 9.

     Mai ke Kakauolelo Carter mai he hoike pili ke kakauinoa o ke Kiaaina i na bila 56, 57, 58, 59, 60, 61, 62, 63, 64, 65, 66, 67, 68, 69 ame 70.  Hoike komike makai maluna o na hoa hoopii pili i ke kipeia iloko o na hana unuhiolelo ame na mea e ae.  Ma ka huli ana o ke komike aole hookahi hooiaio i loaa no ke kakoo ana i ka manao ua kipeia a ua kue ikaika loa ke komike i na hoolaha pili i ua kumuhana kipe la, a maloko o ka olelo hooholo ua waiho mai ke komike i ka manao e pakuiia ke kanawai panalaau i kaa ai keia ano hoolaha malalo o ka hoomalu ana a ke kanawai me ke kakoo o ke komike e aponoia ka olelo hooholo.

     Ma ke noi a Harris ua hapai hou ia mai ka vito a ke Kiaaina maluna o ka bila kuleana wai o Pauoa e kakooia ka vito a ke Kiaaina.  Eia nae ae. - Andrade, Kiliwoki, Gandall, Greenwell, Harris, jaeger, Knudsen, Long ame Vida.

     Hoole - Damiana, Fernandez, Haia, Kaili Kalama, Kaniho, Kealawaa, Keliinoi, Kou, Kumalae, Kupihea, Lewis, Nakaleka, Oili, Paele, Pali Pulaa, Purdy, Wright ame ka Lunahoomalu.  9 ae i ka 20 hoole.

     Noonooia ka vito a ke Kiaaina maluna o ka bila kanawai kulanakauhale, o ke noi e hoole ana i ka vito a o keia malalo iho ka poe ma ka ae ame ka hoole.

     Ae - Damiana, Fernandez, Haia, Kaili, Kalama, Kaniho, Kealawaa, Keliinoi, Kou, Kumalae, Lewis, Long, Nakaleka Paele, Pali, Purdy, Vida ame Wright. - 18.

     Hoole - Andrade, Kiliniwoki, Gandall, Greenwell, Harris, Jaeger, Knudsen, Kupihea, Oili, Pulaa ame ka Lunahoomalu. - 11.

     O ke koho ana i ka vito maluna o ke kuleana wai o Pauoa ua noi hou ia no ke koho hou ana a o ke noi e kue ana i ka vito a ke Kiaaina ua hooholoia ke noi ma 20 kue ia 9, ma ka hoololi ana o ka Lunahoomalu Beckely e olelo ana he kue mau ka Hale i ke Kiaaina a e koho kue aku oia.

     Na Keliinoi he olelo hooholo pili i ke pa'i i ka moolelo o ka Hale a aponoia ka olelo hooholo.  Hoike komike no na huahelu hoolilo o ka Hale.  O ka hoolilo ua emi iho ia i ko ka Hale o ke kau i hala a eia no hoi ka heluna no keia kau $37,363.70.

     Aponoia ka moolelo mahope iho o ka laweia ana mai ke kumu o ka aponoia. 

     Mamua o ka hookuu ana o ka Hale ua waiho mua mai la ka Lunahoomalu Beckely he mau olelo e hoike ana i kona hapaiia e na hoa o ka Hale ma ka malama ana i ka maikai o ka Hale, a no ia kumu - haawi aku ai oia i kona mau hoomaikai i na hoa i koo mai iaia ma ka noho lunahoomal ana, me ka manao, wahi a ka Lunahoomalu, o ka moolelo o ka Hale he moolelo alakai ia a oi ae i ko na Teritori e ae.

     Mahope iho o ka pau ana o na olelo a ka Lunahoomalu ua waiho mai o Vida i kona palapala waiho oihana o ke kuilana hoa no ke Hale me ka hoike ole i na kumu o ka hana ana pela iloko o kana palapala noi waiho hana, a mahope o ka noonoo ana ua hoike mai ka Lunahoomalu aole oia e nana ana i ka palapala noi oiai ua aponoia ka moolelo o ka Hale a ua pau ka hana ma la mea, a ma ke noi a ka Lunahoomalu e hoihoi hou o vida i kana palapala waiho hana ua hookoia pela.

     Ma ke noi a Knudsen ua hoopaneeia ka Hale, oia hoi ka pau ana o na hana o ke kau ahaolelo iloko o ka Hale o na Lunamakaainana.  Ua hookuuia ka Hale me ka pule hookuu.

 

ILOKO O KA SENATE.

     Aperila 28. - Hoike komike na Baldwin maluna o ka olelo hooholo pili i ka hana hoikeike ma Sana Lui.  Hoopaneeia ka noonoo ana.  He hoike komike na McCandles pili i ke Keena Aina.  Hoike komike pili i ka bila waiona pililaula a mahope iho o ke koho ana i komike hui ui hoomaha ka Aha.

     He olelo hooholo na McCandless pili i ke pa'i ana i ka mooelo o ka Aha a hoolawa aku i na hoa.  Aponoia ka olelo hooholo.  he olelo hooholo na Achi no ka haawi manawa hana ana i ke kakauolelo no ka hoopau pono ana i ka moolelo o ka Aha.  He kanaha la,.  Aponoia ka olelo hooholo. He olelo hooholo na Achi pili i ka uku paku o ke kakauolelo a waihoia i ke komike o na huahelu.

     O na bila Hale pili i ka hookamakama ame ke kukulu hou ana i ka Papa Ola ua hoopaneeia ka noonoo ana.  O ka bila Hale pili i ka oihana kinai ahi o Wailuku ua hooholo loa ia ma ka heluhelu ekolu.  O ka bila Hale pili i ka paka o Puna ua hooholoia pela no hoi ka bila pili hana apuka.

     Hookomoia mai ka olelo hooholo a ka Hale pili i na alanui a C. S. Deskey o Punahou a aponoia ma ke noi a McCandless.  Hoihoiia mai, mai ka Hale mai na bila Senate helu 89, 127, 149, 135 ame 166.

     Holo ka bila pili i ka waihona o na Pake ma ka heluhelu ekolu ana me ka lokahi loa.  He 15 ae kakoo i ke kumuhana.  He hoike mai ke Kakauolelo Carter mai pili i ke kakauinoa o ke Kiaaina i ka bila a ka Hawaiian Electric Company ame kekahi mau bila e ae.

     Hoike komike hui maluna o ka bila waiona pililaula a aponoia ka hoike.  O ka bila Senate 22 uya waihoia ma ka papa.  O ka bila pili i ka hoopai o ka poe imi loaa ua hooholoia ma ka heluhelu ekolu ana.  aWihoia ma ka papa ka bila pili i ka hoano hou ana i ka papa Ola.  Hoopaneeia ka noonoo pili i ke kukulu haukapiia ma'i lepera a Kauka Alvarez e noho luna hoohana aku ai ke holo.  Mahope iho o ka hoomoe ana i kekahi mau bila Hale ame na olelo hooholo mailaila mai, ua aponoia ka olelo hoohoo e pili ana i ke kahea ana i ke Aupuni no ka lawe ana mai mai ia Deskey mai i na alanui o Kewalo.

     He olelo hooholo na Crabbe pili i ke kanawai kulanakauhale i vitoia no ka haawi ana i na makaainana no ka apono ame ka apono ole i ua kumuhana la.  Apono loa ia ka olelo hooholo.  Aponoia ka olelo hooholo pili i ka hoikeike i Sana Lui no ka hele ana ilaila me ka hui himeni.  Hoike mai ka Hale mai i ka hooholoia o na bila Senate helu 167 ame 168.  Na ke Kakauolelo mai he hoike e hoike mai ana i ke kakauinoa o ke Kiaaina i kekahi mau bila.

     Noonooia ka vito a ke kakauinoa o ke Kiaaina maluna o ka bila pili i na waipuna o Pauoa a ma ke kuka ana ua kakooia ka vito ma ke koho ana e hooholoia ka bila:  A Na ae - C. Brown, J. T. Brown, Isenberg, Kaiue, kalauokalani, Nakapaahu, Woods, Crabbe, 9.

     Hoole - Ahi, Baldwin, Dickey, Wilcox, McCandless ame Paris.

     Kakooia ka vito o ka bila pili i na kukui o na kaa hehiwawae ame na kaa e ae pela no hi ka vito o ka bila pili i na lunahooponopono waiwai o ka heluhelu.

     A-ekuia ka vito a ke Kiaaina maluna o ka bila kanawai kulanakauhale.   Hoike na ke Kakauolelo Carter i ke kakauinoaia o kekahi mau bila e ke Kiaaina.  Hoihoi hou ia mai he mau bila i hooholoia.  Mahope iho o keia ua hoike hou mai ke Kakauolelo i ke kakauinoa o ke Kiaaina i kekahi bila.  Ma keia manawa ua noonooia na olelo hoohoo i waihoia mai.

     Na Dickey he olelo hooholo pili i ka hoihoi aku i na waiwai apau o ka Senate i ke Kakauolelo o ka Teritori o Hawaii ma ka manawa e hookuu ai ka Aha Senate.  Aponoia ka olelo hooholo me ka pakui a Baldwin, oia hoi, mahope iho o ka pau ana o ke kau kuikawa. 

     Na Brown he olelo hoohoo e kohoia i komike no ka hoike aku i ke Kiaaina i ka makaukau o ka Aha e hoopanee no ka pau loa ana o kana hana.  Kohola ke komike.  Na Achi he kono e hele e nana i ka banako.  Na Isenberg he hoike aole e kakauinoa ke Kiaaina i kekahi bila ke hiki aku i kona hora 12 10.

     Heluhelu ia ka moolelo a aponoia.  No ka ponoo ke komike e hoike aku ai i ke Kiaaina ua hoike mai o Brown aohe he mau hana a ke Kiaaina i koe e waiho mai ai i ka Aha.  Aponoia ka hoike. Ma keia wahi ua hoike mai o Brown i kona hoomaikai i ka Peresidena no ka lokahi o na hana i hanaia iloko o ka Aha a pela no hoi oia i pahoia aku ai ia haawina hookahi i ke Kakauolelo.  Na Baldwin he olelo hooholo haawi mahalo i na luna o ka Aha. 

     Ma ka hora 1:35 ua noi mai la o Brown e hoopanee ka Aha a mamua o ka hooko ana ua haawi mai la ka Peresidena Crabbe he mau olelo hoolana ame na mahalo i na hoa i ke koho ana mai iaia i alakai no ka Aha ane ka hana lokahi ana.  Mahope o ka pule a Senatoa kaohi ua hoopaneeia ka Aha i ka hora 12:40 mahope iho no nae o ka haawi ana he ekolu huro no ka Peresidena a o keia no hoi ka hoopanee no ka pau o ke kau Ahaolelo ma ka aoao o ka Senate.

 

Hoopaiia na kahuna Haole.

     Arnold ame Dickson, na kahuna haole i hopuia e Hope Makai Chillingworth ma ka Poalua o ka pule i hala ka i hoopa'iia ma ka Poaono nei e Lunakanawai Wilikoki, a me ke noi a ka Hope Makai Nui, ua kapaeia ka hoopai no umi-kumamakolu mahina.  Ua manaoia e haalele mai ana keia mau haole ia Honolulu nei no Kapalakiko.

     He nui ka hoakaaka o na olelo hoike i loheia ma keia hihia.  Ma ka olelo hoike a Hope Makai Nui Chillingworth ame Makai Mulleitner, ua ike maopopo ia aku he hoopunipuni maoli no na hana a keia mau haole, a aohe hoi he pololei o na mea i ha'iia mai.  Ma ka Mulleitner olelo hoike, ua olelo mai oia ua haawi aku oia i kekahi ninau ina he oiaio ke aloha nei no kana wahine iaia, a ua nui ko lakou kamailio ana e pili ana i ka wahina a Mulleitner, o ka mea apiki no nae, aohe a Mulleitner wahine.

     Ma ka Arnold olelo hoike, ua olelo mai oia he kahunapule oia i poniia o ka "Hoomana Uhana Baibala Manao Kuokoa" o Kaleponi a aia hoi ma kona ilima kekahi palapala hookohu misionari e ae ana e hele oia e hoolaha aku i ka euanelio o kona hoomana, ame ka malama ana i kekahi mau hana e hiki ai ke kamailio pu me ka poe i make.  I kona ninauia ana aku heaha la koria mea i hewa aia i ka hana ana ia Chillingworth ma, a ua olelo mai laua aohe i ha'i pololei mai na uhane.

     I ka wa e ninaninauia ana ua mau haole nei, ua olelo ae kekahi poe loio e ninau ae o Chillingworth ina he mea hiki ia laua ke hoike mai mamua o ka manawa heaha ana la ka Lunakanawai Wilikoki hooholo no ko laua hihia, a no keia mea, ua akaaka ka poe makaikai o ka hale.

 

HE ILI NANI, LIMA A'IAI'

ME KA

LAUOHO ULIULI

KA HUA O KE

KOPA CUTIKURA.

     HE MILIONA A OI ka uni o na wahine e auau mau nei me keia KOPA CUTICURA no ka malama ana, hoomemae ana, a no ka hoonani ana i ke lakou ili, i pau ai ka papaa o ke poo, ka unahi-pii, a i mea no hoi kekahi e pau ai ka helelei ana o ka lauoho, a i hoopalupalu, hoa'ia'i a me ka hoou'ilike me na lima, a pela no hoi e hoopau ai i na ehak ma ka holoi ana i na hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu i loa no hoi keia kopa no na wahi auau a pau.  O ka poe i ikemaka i ka maikai o keia kopa, aole loa lakou e ae iki ana e hoao i kekahi kipa okoa aku, ke koiia mai; ina no e oleloia ana, he kupono ia ano okoa aku no na mea e pili ana i ka ili, ke poo a me ka lauoho o na bebe a me na keiki.  Ua loaa mai keia waiwai nui o ke KOPA CUTIKURA mailoko mai hoi o kela laau hoo;a ikaika loa i kapaia, zkuTIcuRA, oia ka laau ikaika loa ma ka hooia ana i na popilikia a pau e pili ana i na mea ika loa i ka pale ana i na mea ino, a he loaa no hoi ke ala maikai o na puailoko o keia kopa.  Aole loa a hiki ke hoohalikeia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-lama, hooia, a me ka hoou'iu'i ana i ka ili, a pela aku.  Pela hoi i ka ili oke poo, ka lauoho a me na wahi e ae. 

     Aole no i lihi launa mai na kopa ona aina e me keia, no ka auhau ana a me ka hana o na keiki liilii.  Pela ihoia i lilo ai ka waiwai o na kopa a pau i HOOKAHI no ke KUMUKUAI hoo@, a he helu Ekahi keia Kopa no na poino o ka ili a me kahi auau, a hehelu ekahi no hoi no na kamailii a puni ke ao nei.

     NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ke kopa CUTICURA i pau ai ka paapaa lepo a ano e ae paha o ka ili, a pela hoi ke poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA i mama ae ai ka akiaki ana a ka hu'i a me ka ehaeha, a pela hoi e hoohana ai ka laau i kana hana a oia ka eha, alaila, e inu ka Laau Inu CUTIKURA i mea e maemae ai ke koko maloko.  Ke kuaiia ne keia laau ma na wahi a pau o ka honua nei.  Ma Aukekuiia:  o R. Towne & Co., o Sydney, N. S. W. ko laila Agena; ma Aferika Hema Depot;  Lennon, Ltd.  Na "Hoakaka no ka Hoola ana i na Bebe a me ko lakou mau kinaunau," he loaa wale no me ke kuai ole.

 

Na Mea

PAANI AME HOOIKAIKA KINO

Ma Kahi o

Pearson & Potter Co.,

LIMITED.

ALANUI HOTELE ME UNIONA.

 

Eono Omoomo Palaoa Makai i ka 25c.

MA KA HALEKUAI PALAOA

SUNRISE BAKERY

     Alanui Nuuanu kokoke i Alanui Vineyard.

     Ke hoike aku nei makou i ka maikai o ka makou palaoa, no ka mea ua ike no makou i ka maikai, a ua makemake makou ia oukou e ike ko lakou maikai e like me makou i ike ai.

     He hana pu no hi makou i na meaono i hana rolaia, he meaono i ike nu ia e na haole.  Ua hanaia lakou ma ko makou rula hana meaono iho, a o ka poe i ai i ka makou meaono aole e nele ko lakou kii hou mai.  E pono oe e hoau nou oho, a aohe no he pii o ke kumukuai.