Ka Nupepa Kuokoa, Volume XLI, Number 17, 24 ʻApelila 1903 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

NUPEP KUOKOA, APERILA 24, 1903.              3

 

HOOLAHA  KUMAU

 

Ka Hui Alahao me Aina o Oahu

MANAWA HOLO

Mahope aku o Iauuari 1, 1902

MAI HONOLULU AKU

 

HALE

HOOLULU

Na la apau koe ke Sabati

Na la apau

Na la apau koe ka Sabati

Na la apau

Na la apau

                        a.m      a.m.     a.m.     p.m.     p.m.

Honolulu . . . .   7:10    9:15  11:05   3:15  5:10

Manana . . . . .                8:03    9:48  11:40   3:45  5:30

Ewa Mill . . .      8:32  10:08 12:00   4:05  6:10

Waianae . . . .   . . . .    10:50    . . . . .   4:45               . . . .

Waialua . . . . .               . . . .     11:55    . . . .      5:40   . . . .

Kahuku . . . . .   . . . .     12:32    . . . . .    6:15   . . . .

MAI WAHO MAI

 

HALE

HOOLULU

Na la apau koe ke Sabati

Na la apau koe ka Sabati

Na la apau

Na la apau

Kahuku . . . .    . . . .      5:35    . . . .      2:08

Waialua . . . .   . . . .      6:10    . . . .      2:50

Waianae. . . . . . . . .      7:10    . . . .      3:55

Ewa Mill . . .    5:50    7:45    1:05   4:32

Manana. . . . . .             6:15    8:08    1:30   4:52

Honolulu . . . .  6:50   8:35    2:05   5:26

 

G. P. DENISON                        F. C. SMITH,

Luna Nui                         Luna Kuai Kikiki

@  2@

 

Kakela me Kuke

(KAUPALENAIA)

 

  Poe Kalepa ma

         ke Komisina

          :: HE :: A

POE  LAWELAWE  KOPAA

 

POE AGENA NO NA

           LEHULEHU.

 

Ina e makemake oe e hoomdkaulii

i kau loaa e hele

oe e kuai

PAPALE, PALEILI ame na

mea like nou i ka

halekuai o

S. OZAKI,

Helu 178 Alanui Hotele,

He maikai a ano hou mau ka

makou mau waiwai a he

kaawale   mai    na

pilikia mai o ke

ahi ame ka

wai.

 

Bro. Benjamin's Herbalo

HE MAIKAI NO!

E hoola no ia oe--E

hoao.  Ke kuai ia nei o

HOBRON DRUG CO.

Alanui Papu  :   :   :   :   Honolulu, T. H.

 

Poe Akepau i loaa hou

ke Oia Kino Maikai.

  Ke hoike mau mai nei na Kauka ia makou mai na wahi like ole mai o ke ao nei no ka nui o ka poe i aneane e loaa i ka ma'i Akepau i hoopakele ia mai keia ma'i mai mamuli o ka laau.

"AYER'S CHERRY PECTORAL."

  Ke loaa i kela laau e loaa ana i ka ma'i ka maha no ka wa mau loa, a aole no kekahi manawa pokole e like me kekahi ano laau okoa e.

  Aohe Laau Kunu i oi ae o ka maikai mamua o ka LAAU KUNU

"AYER'S CHERRY PECTORAL."

He mea maikai e ike kakou i keia, no ka mea ua hoola keia laau i ka poe i loaa i keia haawina no aneane kanaono makahiki.. E malama mau i keia laau. Ina aole au omole laau kunu o keia ano, e kuai koke mamua o ka loaa ana i ke kunu. Ina ua loaa kekahi iloko o ka ohana i ke anu e hooinu i keia laau a e loaa no ka maha.

  Hoomakaukau ia e Kauka J. C. Ayers & Co., Lowell, Mass., U. S. A.

  E loa no keia mau Huaale ma na halekuai laau a pau.

 

HE  MOOLELO  WALOHIA

--No NA--

ONAMILIONA

I LAWE A HUNA MALUIA

MA KA AINA MEHAMEHA

MOKUNA IV.

HE MAU ULIA KUPAIANAHA.

  Ua hoomau mai la ke kani ana o ka mikini kelekalapa me he mikini humuhumu la, e hoike mai ana ke lilo nei na kea apau ma kahi o 1,000, 4,000, a hiki i ka 5,000 kea i ka wa hookahi. Ke maikai aia no ka makeke i kela manawa, me ka ike ole ia ae o kekahi "ao umamalu ma ka lewa," ame ka nanea ana o na kanaka ma kahi kudala. Aka he pohu wale no nae keia mamua o ka hiki ana mai o ka ino, a i ka po ana oia la, ua hoomaopopoia ae la ka poe eha ame ka poe i make.

  Mamua o ke kani ana o ka hora 4, ua loaa mai la ka lono ia Kent mai na wahi mai apau e hoolilo nei kana mau kea, a ua maopopo iho la iaia ua hookoia kona mau manao apau. Ua nana oia i kela la i kekahi mau hana kupaianaha a he mea hoi e oleloia ai kona inoa ma na keena oihana he nui o ka aina, me ka olelo hoihoino ana ae o kekahi poe iaia no ko lakou poho ana. Aole no nae i kanalua iho o Mr. Kent. Ua kamailio oia i keia kumuhana me kona mau hope, i ke kokoke ana e kani ka hora 4, ua haalele mai la oia i kona keena hana no kona home.

MOKUNA. V.

KA MAKA'U HUHEWA MA WALL

STREET.

  Ma ka mokuna mua o keia moolelo, malaila kakou i ike iho ai i na mea i hanaia ma keia Poalua, ka la hoi i puka mai ai na nuhou e olelo ana ua nalowale na onamiliona koikoi o ke kulanakauhale o Nu Ioka. Ua puka mai ma nepepa kakahiaka oia la na mea e pili'ana i ke kudala ma ka hale kudala kea waiwai o kela ame keia ano ma Wall Street, a ua nui no hoi na kamailio e pili ana i ka hana a Mr. Kent ame kona puka ma ke kudala, a ua noonoo wale, ia aia kona puka i kela la ma kahi o $750,000 a hiki aku i ka $3,000,000, a ua nui no hoi ka huhu o kekahi poe iaia no ka hookomo nui ana i kona mau kea a poho lakou ma ka hoemi loa ia ana o ke kumukuai, a ua olelo ae lakou e hiki mai ana no ka la e mamina ai oia i keia hana ana.

  I kekahi kakahiaka ae hoi, oia hoi ua Poalua nei i oleloia ae nei, ua hoomaka ae la ko Ladana makeke e kuai nui me ka hoomaopopo ole ae i ka emi ino loa ana o na kea ma Nu Ioka. O Kikako hoi ame kekahi mau kulanakauhale e ae o ke komohana, ua hoouna mai la lakou ma ke kelekalapa i na kauoha i ko lakou mau agena e kuai nui i na kea, no ka mea, aohe o lakou maka'u ina no e poho e loaa ana no ko lakou puka ma na mea ai o kela ame keia ano. I ka hiki ana ae i ka hora e weheia ai ka hale kudala, ua piha koke ne la na wahi apau me ka poe makaikai, ka poe hoi e hele mau ana malaila ina e loheia ae ana e nui ana ka pihoihoi ma kela la. I ke kokoke ana ae o na manamana o ka uwati i ka hora 10, ua hoomaka ae la na boroka he mau tausani ka heluna e hookeke ma kahi e kakau mai ana na inoa o na kea maikai no ka hoopukapuka ana.

  I ka hoomaka ana o ke kudala, ua hoomaka nui mai la na boroka o Kent ame Street & Rogers e hookomo nui i ko lakou mau kea i mea hoi e emi iki iho ai ke kumukuai, eia nae aole pela, ua pii ae ke kumukuai. No ka hapalua hora ka mau ana o ke kulana e like me keia. I ke kokoke ana ae i ka hora 11, ua loheia aku ia kekahi mau lono powehiwehi e hiki mai ana ka ino, a ua hawanawana ae kekahi poe ma ke kelepona i na mea i loheia ae. I ka @uka ana ae o keia lono, aohe i manaoio na kanaka, eia nae, ua hoomaka mai la ka makeke e hoemi i ke kumukuai i ka wa i loheia ae ai keia lono., Aole hoi pela o Ladana ame Kikako ame kekahi mau kulanakauhale e ae, aole lakou i maopopo i na mea e hiki mai ana a ua hoomau mai ia no lakou i ke kuai nui ana.

  I ke kani ana o ka hora 11, ua iho iho la ka ino a pahola ma Wall Street.

  Ia wa i lu helelei ia mai ai ma na alanui o ke kulanakauhale kekahi mau apana pepa lenalena liilii i pa'ila e kekahi halekuai pepa mea hou, e i ana:

  "10:45 a. m. Aia la i hea o Anddrus Carmody, Palmer J. Morton, R. J. Kent, ame Simon Pence. Ma ke keena o Mr. Morton ko lakou ike hope loa ia ana ma ka hora eha o nehinei. Aole i maopopo i na ohana o keia poe aia la lakou ihea i keia wa. Ua ha'iia aku keia mea i na maka'i kiu."

  Ia lakou e heluhelu ana i keia mau mea ua hoea mai ia kekahi lono ma ke kelekalapa e hooia ana i ka mea i pa'iia.

  He mea hiki ole ke wehewehe aku i ke ano o ka uluaoa i ulu ae i ka wa i lohe pono ia ae ai ua nalowale na kanaka e hookele nei i na oihana waiwai o ka mokuaina o Nu Ioka, a maloko hoi o ka hale kudala, ua nui ka oioloke. Ua poho na waiwai apau, a o ka poe i kuai i na kea ua poho lakou, a no ia mea ua like kekahi poe me ka pupule a hoomaka ae la e holo hele ma na alanui me ka papale ole. Ua lilo ae la ke kahua mawaho iho o ka hale kudala i kahua no ka poe i like me ka pupule, a i ka puka ana mai o na nupepa kuikawa, ua holo aku la ua poe nei a kaihi ae la i na nupepa mai na keiki lawe nupepa ae me ka haawi ole ana aku i ka uku. Ia wa lakou i maopopo loa iho ai he oiaio na mea apau i loheia mai ai, a ua lawela mai no hoi ka lohe ua pani ae kekahi banako i kona mau puka. He mea oiaio, aohe he oiaio o keia lono, eia nae, no ka nui o ka pioloke, ua laweia ae la kela mea i mea pololei. Ua lohe pu la ae no hoi ua poho na hui nui a Carmody, Pence ame Morton e hookele nei, aia lakou ma kekahi wahi kahi i hui malu ai no ka hoao ana e hoomalimali i ka poe a lakou i ale ai. Ua manaola ae no hoi o Mr. Kent ka mea nana i hoolaha ae i kela lono a i mea oi e hoihoi hou ia mai ai kekahi mau poho.

  I ke ahiahi ana iho ua puka mai la ma na nupepa ahiahi na moolelo like ole e pili ana i keia mea hou. Ma kekahi nupepa hoi ua puka mai la ua hoowalewaleia ua poe nei a laweia e huna malu, kekahi hoi ua pepehiia a make e ka poe anakia, kekahi hoi ua pepehi no ia lakou iho, a ma kekahi nupepa hoi aia no ua poe nei i kauhale kahi i hiamoe ai.

  I ke kani ana o ka hora 1, ua haule ke kopaa he 25 anuu, Baltimore & Ohio 18 anuu, St. Paul 14 anuu, Metropolitan 32 anuu, Jersey Central 17 anuu, a o ke kila ame ka hao 21 anuu. O na kea waiwai hoi i maopopo aohe i komo kela poe onamiliona. aole lakou i haule ino loa, eia nae, ma ka haule ana o na kea nunui ua pilikia na mea apau. Ua hoohuna ia aku ka lohe ma ke kelekalapa i Landana no na mea e pili ana i ke mea hou ma Nu Ioka, eia nae, aohe ia he mea e pakele ai ka poe Pelekane i kuai nui i na kea o na hui malalo o na onamiliona.

  Mahope koke iho o ke kana ana o ka hora 1, ua hiki ae la ma ka makeke na boroka o ka hui o Street & Rogers no ke kuai ana i kekahi mau kea waiwai. a i ka hora mamua o ka emi loa ana o na kea, ua kohoia ae la ua hoolilo aku lakou ma kahi o 300,000 kea, a o na boroka hoi o Kent, ma kahi o 100,000 kea i oi aku mamua o lakou a o ka huina pau o na kea i hooliloia iloko o ka hora hookahi, ua hiki aku i ka 1,280,000, he heluna i ike ole ia mamua.

  Mai ka hora 10 mai a hiki i ka hora 1, akahi no lakou a hoomaka e kuai. Ia manawa, ua hookeke mai la na kanaka ma ko lakou wahi e kuku ana, a hoao mai la e hoolilo i ko lakou mau kea. No ka nui ino loa o ka poe makemake e hoolilo mai, ua emi loa iho la ke kumukuai, a ua kuai aku la lakou i ke Kopaa ma kahi o 20,000 i ka wa hookahi. I ka hora hookahi ua piha ae la ia Street & Rogers he 600,000 kea.

  Ia lakou e nanea ana i keia mau hana, ua puka mai la kekahi mau nupepa a maloko o laiia i ikeia iho ai kekahi, nuhou aia o Morton, Carmody, Pence ame Kent i Piladelefia ma ka. hotele Lafaiete kahi i noho nui ai, a o ke kumu o ko lakou hele ana ilaila, e noonoo ana lakou i kekahi kumuhana i o ka l@oi u' ana i na hui alah@o nui o ka aina, a ua hoike ia ae no hoi maloko o kekahi o ua mau nupepa nei ua hui kekahi mea kakau nupepa me Mr. Morton, a ua hoole mai oia i ka hoike ana mai i ka lakou mau kumuhana a ua minamina loa oia i ka pioloke ana o na kanaka i ko lakou hoao ana e hui malu. I ka loaa ana mai o keia mea hou, ua hoolaulaha koke ia ae la maloko o ka hale kudala a kelekalapaia a puni na wahi apau.

  I ka wa i loaa aku ai keia mea hou i ka noe o loko o ka hale ku laia, ua lilo ao la keia i mea no na kanaka e hauoli ai, a ia wa koke no i pii'koke ae ai ke kumukuai o na kea. Ua aui na kanaka i hoao e kuai i keia manawa eia nae, no ka wa pokole wale no. I ka loaa ana i ka makeke he 10 anuu ka puka, ua hoomaka mai la o Street & Rogers ame na hui o Boseton ame Kikako e hoolilo i ko lakou mau kea, me ka hoemi ou ana mai i ka lakou kumukuai, a ua nui ka poe i kuai i ko lakou mau kea. Ua manaoio loa lakou i ka lohe i kelegarapa ia mai ai mai Piladelfia mai, a he kumu maikai no hoi no ka hele ana o na onamiliona malaila. Ma ka hora elua ua mau ka pii malie ana o ka makeke me ka hoopilikia ole ia e ka hui o Street & Rogers, a i ke kana ana o ka hora 2:30 ua pau loa ae la ka maka'u o na kanaka e hoomaka ae la e kuai nui me ka hopohopo ole. Ua manaoio ih la lakou e nui ana o lakou paha. no ka mea ua pii ae ke kokaa he 7 anuu.

  Ia lakou i manao ai ua pono na mea apau, ua laweia mai la kekahi lohe a hoolahaia ae la ua nalowale honua o John M. Rockwell, ke poo o ka oihana banako, ame Hiram Haven, ke kanaka poo o ka hui hoopukapuka kopaa, Loaa pu mai no hoi ka lohe mai Piladelefia mai he,hoopunipuni kela olelo aia ilaila ma ka hotele Lafaiete na onamiliona he mea hoopunipuni wale no keia i hanaia e kekahi mau kanaka i kumu e hoihoi hou ia mai ai kekahi mau poho o lakou. I ka laulaha loa ana ae o keia mea hou ua pioloke hou ae la na kanaka, a ua hoomaopopo ia ae la ua poho kekahi o na hui i hoao e lawelawe i ka oihana hoopukapuka kea waiwai a ua lawela mai ko lakou mau waiwai apau no ke kudala ana, a ua haule ke kumukuai o ke kopaa he 40 anuu, a pela no hoi kekahi mau kea waiwai e ae. Ua hele aku la kekahi kanaka e ku ma ke alanui a kau ae la i kana pu panapana ma kona poo a lawe ae la i ke kiko.

 

A LAWE AE LA I KE KIKO.

 

  I ka hoomaopopoia ana ae he pololei na mea apau i lohe ia ae ua hoomaka hou mai la ka hui o Street & Rogers e kokua i ka makeke. Ua hoomaka hou ae la lakou e kuai kea mai ka poe mai e makemake mai ana e hoolilo, no ka mea, no elua ia, i ka puka ana mai o na nuhou inoino ua kuai nui lakou, a ma na ia maikai hoolilo aku lakou me ka nui o ko lakou puka. Ua hoomaka hou mai la na boroka o keia hui e kuai nui i na kea Kopaa. B & O., St. Paul, Jersey Central, Metropolitan, Hao, Kila, a pela aku mai na kanaka mai e makemake ana e kuai hoolilo. I ke kani ana o ka bele i ka hora 3, ka hoailona hoomakaukau no ke pani ana i ka puka o ka hale kudala, e mau ana no ke kuku o na kanaka ma kahi o na boroka me ka hoao ikaika ana e hoolilo i ko lakou mau kea. me ke kuai hoopoho ana aku no hoi i mea e lilo ai. Ma ke aumoe oia po akahi no a pau na hana a ua poe boroka nei, a paniia hoi na keena hana o Street & Rogers. Ikeia aku la kekahi poe kanaka ua ano e na helehelena i ka ua mea o ka nihoihoi me ka hoao ikaika ana e lilo ko lako mau kea, a me ka noonoo ole ae i na poho e kau mai ana maluna o lakou

  I ka hoomaopopoia ana o ka puka o ka hui o Street & Rogers ma keia hana ana o lakou, ua kohoia ae la aia ko lakou waiwai io i keia wa ma kahi o $24,000,000. a ua hoole pu ae no hoi lakou i ka haawi ana i na inoa o na kanaka na lakou ke dala. Ua kuai lakou me ka maka'u ole, a aohe hoi o lakou kanalua i ka lohe ana ua nalowale na onamiliona i oleloia ae nei.

  Ma keia ua pau na hana o keia la kaulana ma ka moolelo o ka Wall Street.

MOKUNA VI.

HE MAU MEA POHIHIHI.

  Ina e kaomila na haneri kolamu i puka ae ma na nupepa kakahiaka o Nu Ioka. he mea oiaio he uuku wale no na wahi mea oiaio e pili ana i na mea i hanaia ae nei.

  He eono kanaka koikoi o ka aina i hiki aku ko lakou mau waiwai ina e hulia i ka $800,000,000 a i ole i ka $1,250,000,000 paha, ua nalowale honua lakou, me ka malu loa me he mea la ua hamama ae ka honua a moni ia lakou. He eha o lakou--o Pence, Kent, Haven ame Morton--kai hiki ae ma ke keena o Morton ma ka hora eha o ka auwina la o ka Poakahi. Ua olelo mai ke kakauolelo a Morton aohe keia poe onamiliona 1 malama i kekahi halawai no ka mea, ua haalele lakou i ke keena me ka awiwi. Ua manao oia ua haalele mai lakou i ka wa hookahi, a ua koho wale oia ma na kaa paha lakou i holo ai. I ka nanaia ana aku o na buke kakauleta, ua loaa aku ia ua kakau aku oia i kekahi leta e olelo ana e halawai ana oia me kekahi poe hookele aiahao ma ka hora umi-kamamakahi i kekahi kakahiaka ae, a ua kelapona aku oia i ka poe o kona hale aole oia e hoi aku ana e ai i kona ainawakea i ka hale. Oia wale ae ia no na mea e pili ana no Mr. Morton.

  Maloko no o kona keena o John M. Rockwell mai ka hora 11 o ke awakea a hiki paha i ke kokoke ana o ka hora elua o ka auwina la. Ua hana no oia i kana mau hana maa mau ma ia la ae. Ua kauohaia aku kona kaa ponoi mai ka hale kaahi ma Piladelefia, O Andrew Cormody ka mea e hele pu ana me ia ma keia huakai oihana ana. Ua waiho aku laua i ka olelo ma ko laua mau home pakahi aole laua e hoi aku ana e ai i ko laua ainaawakea. O Hiram Haven hoi, aole oia i haalele i kona keena a hiki i ke kokoke ana e kani ka hora eha. O kona hora maa mau no keia, a aole hoi i loaa aku ma kana mau leta he kauoha e olelo ana aole oia e hiki mai ana i kona keena ma kona hora maa mau ma ke kakahiaka Poalua.

  No ko Mr. Kent hiki ole @a ae ma kona keena, ua kokoke l@ lilo kona poe boroka i poe pupule @a olelo mai lakou ua haawi aku o @ Kent i kekahi mau hana ma ko@kou mau lima, ua hoole no nae @u i ka hai ana ae i ke ano o ke @o e hana aku ai lakou. Haalele oia i kona keena ma ka hora eha o ke ahiahi, me ka olelo ole mai i kona wahi e hele ai.

  O Mr. Simon Pence hoi, o kona wa mua loa keia i hoi pololei ole ai no kona home no na makahiki he kanaka. He kakaikahi loa kona manawa i kaawale aku ai mai kona hoi ana e ai i kona ainaahiahi ma kona home.

  Ua hoouna aku oia i ka lohe i kona home e hookauluaia ana kona hoi ana mai ma ia ahiahi no kona hui ana me kekahi poe, a e hoi mai ana no ia ma kekahi wa o ia ahiahi. No kona hiki ole ana i kona hale i ke aumoe o ia po, ua haawi koke ia aku la ka lohe i ka oihana Makai e huli i ke kanaka i nalowale, a no ka maopopo pono ole o na mea e pili ana i keia kauona, aole lakou i hooko koke, no ka mea, he nui na ano hihia o keia ano ma ko lakou mau lima, a aohe na makai o ka po i hana koke i keia apana hana.

  O keia wale ae la no na mea a@au e pii ana no keia mau kanaka i nalowale kupaianaha.

(Aole i pau.)

 

Ka Poka Nui

ame ka

Poka  Iki

 

He Molelo no kekahi mau Opio Elua

iloko o ke Kua Kuloko wawahi

Mana Kauwauapaa o

Amerika Huipuia,

(Unuhiia e S. K. Nawaa.)

MOKUNA XXX.

PAKELE MA KA APUA.

  E hoomanao iho oe eia oe iloko o ke kupilikii. Aole ia he hana hoohewale kou hoao ana e pakele ae." wahi hou a Kate i pane mai ai.

  "Eia kekahi kiu ke hele laula nei ma keia wahi, a e hai aku ana o Kalekona he kiu oe. Ua lako anei oe i ka mea kaua?" wahi a Mr. Makala i ninau mai ai.

  "Aole. Ina no hoi e loaa mai ana o na punapuna."

  "E lawe aku i ka'u pu, a aia ko'u lio mawaho; e kau aku maluna ona a holo aku no kou ola."

  "Aole. aole: ma ka lawe aku i kou lio oia ka mea e hoohuoi ia mai ai oe: hoi iho. no hoi ua oi aku ka pono no'u e hele wawae aku, oiai ua oi aku, ko Kalekona makemake i ka lio." a ia wa i hopu aku ai wau i ka pu i haawiia mai la'u.

  "Ae! ke lohe nei wau i ka pohapoha mai o na wawae lio," wahi a Kate. "Eia lakou ke hele mai nei e huli ia oe."

  "Ua pololei kau, e kuu lei aloha," wahi a Makala i pane mai ai me kona neenee ana aku no ka puka aniani. "Ke ike nei wau i kekahi mahele koa i ko lakou holo mai maluna o na lio. E Kate. e lawe aku ia Mr. Wilimona mahope o ka hale a hiki aku i ka hale hoahu a@--Ua ike oe i ke alanui e Wilimona, a nau e hana e like me kau i ike ai he pono."

  Ua lohe pono aku la wau i ke pohapoha mai o na kapuai wawae lio ma ke alanui, nolaila, na huli ae la wau a hahai aku la ia Kate. O ka noho ana iho @ oia no ko'u ku ana aku imua o ka make. o ka holo ana aku hoi. oia ka mea nana e hoohoka aku i ka Kalekona hana lapuwale. Ua hele aku ia maua me ka awiwi a hiki i ke kula a malalia maua i ku iho ai.

  Ua iohe aku la maua i ka holo ana mai o keia poe koa maluna o na lio a hiki i ka hale, a lohe pu aku la no hoi maua i ka nunui mai o na leo, a ke hoomaopopo la, maua o Kalekona kekahi iloko oia huina. Ua komo koke mai la ka manao iloko o'u he mea maikai ole ka haalele ana iho i ka opio wahine me keia ano a'u e ike nei. Ua hai aku la wau iaia a ua pane koke mai oia:

  "Mai nana oe i keia mea. Ua oi aku ko papa kulana ma keia wahi e hiki ole ai ia Kalekona ke hana mai i kana hana ino. A nou hoi. aole he hiki iaia ke hoopakele ae ia oe. E like me kana i oleio mai nei o kena lole ou e komo ia oia no ka mea nana e pepehi iho ia oe. E hele koke aku oe i keia wa ano. a pela ke Akua e kiai mai ai ia oe."

  Ua pololei ka Kate. He mea pono io no ia'u ke hele aku. Ua apo aku la wau iaia a no kekahi manawa pokole ua huli ae la wau a hele aku la me ka mahanahana o ka honi ana i haawi mai ai ma ko'u papalina.

MOKUNA XXXI.

PILIKIA  I  KO'U  MAU  HOA  O KA

AUNA  HOOKAHI.

"Manaolana aku i ka pono i o'u mau hoa,

  He ole ka maliu, ka sanana ia mai. 'Hu u?' ka ninau: 'no sabe like pu.'

  I ke kanaka nupepa, oia kamahele."

  Aole i loihi loa keia wahi a'u i haalele iho ai i ka opio wahine mai ke kahawai aku, nolaila aole i nui loa ka manawa i loli ma ka hele ana aku a hiki ilaila, a i ko'u hoea ana aku ma ka'e o ke kahawai, ua hele koke aku la wau ma ke alanui a'u i kamaaina ai. Ua maopopo ia'u i na aole e loaa mai ana kekahi mau kuia ma ko'u alahele. e hoea aku ana wau i kahi o na laina koa kiai o na Federala i kakahiaka nui o kekahi la ae, nolaila ua hele aku la wau me ka awiwi me ka loaa o na manaolana maikai iloko o ko'u puuwai. O ka lono i loaa mai ia'u a i kekahi o ko makou mahele koa ke paa la ia Kalekona, oia ka mea nana i hoike mai ia'u, aole i nele ke kukulu ia ae o na laina koa kiai ma Opekuana, he mau mile hoi ma keia aoao o Hapa Fere. Mamuli o ka pihoihoi i loaa mai ia'u mamuli o ka loaa ana aku ia'u o Kate iloko o ka pilikia, ame ka nui no hoi o na noonoo like ole e hoholo ana iloko o ko'u poo, ua hoopoina ia iho ko'u noonoo ana i ko'u wahi i eha a hiki i ka hala ana ae o kekahi hora okoa. Ua hoomaka hou mai la ko'u wawae e oha a hoomaka hou mai la ke koko e kahi a ke ike la no wau i ka hoholo iho ilalo a komo iloko o ko'u kamaa; me ka hoomanawanui wale no wau i hele ai, oiai oia wale no ka hana kupono e hana ai i loaa ole mai ai wau ia Kalekona ame kona mau hoa. Ua oi aku ka pono e hoomanawanui i ka eha mamua o ka loaa mai i ka enemi a ll ia aku iluna o ka laau: ua oi aku no hoi ke oia ana a panai aku i ko Kate aloha no'u, mamua o ka hoi koke ana aku @ ka opu o ka honua.

  Ua hoomau aku la wau i ka hele ana, aole no nae me ka awiwi, e hoomau ana hoi ma ka aoao o ke kahawai a malalo, iho hoi o ka lalani kuahiwi, a i ka wa i hoomaka mai ai na hoailona o ka hoea ana mai o ka la, ua komo koke mai la ka pihoihoi iloko o'u, oiai aole no i hala hope ae ka poino mahope o'u. He hora mahope mai, ua hoomaka mai la e ahuwale na mea ma ko'u alahele, eia nae aole he mau hoaliona o ka ike ia aku o na lainakoa kiai: ke manaolana la no nae hoi wau aole no hoi lakou i mamao loa aku.

  Ia'u e noonoo nei no na mea i loaa mai la'u mai ka wa o'u i komo ai iloko o ka oihana kaua, ua hoea koke aku la wau i ke kikee ana o ke alanui, a ia wa no hoi i ike aku ai wau i kekahi papu lepo, aole no nae he poe koa malaila, a ia'u no a kaa aku ma kekahi aoao, ua holo mai la elua mau koa a lilo iho la wau i pio. Ia'u i nana pono iho ai ia laua, ua ike iho la wau he mau koa kaulio Federala keia, a komo koke mai la no hoi ka muha iloko o ko'u puuwai.

  "Baigole, mai hea mai nei oe?" wahi a kekahi koa i ninau mai ai.

  "Mai kekahi aoao mai o keia papu lepo," wahi a'u i pane aku ai me ko'u inino aka ana aku i keia ninau.

  "Ua ike no hoi wau la mea. Aka heaha kou mea i hele mai ai? Heaha hoi kou makemake maanei?"

  "O ka regimana hea kou?" wahi a'u i ninau aku ai me ka nana ole aku i kana ninau.

  "O ka Mahele Ekolu o Nu Jese," wahi a ka pane. "Heaha kou mea i ninau mai nei no ia mea?"

  "No ko'u makemake e ike. Ano e lawe koke aku oe ia'u i ko oukou wahi hoolulu: Ua makemake wau e ike i ko oukou alakai."

  "Ua pono kela. Na Hena e lawe aku ia oe i ka mekia." wahi a ke kopala i pane mai ai.

  "O oe ka'u pio," wahi a Hena i pane mai ai me ka lalau ana mai ia'u "Ina oe e hana kolohe mai ana la'u e ki no wau ia oe i ka pu."

  "E haalele aku kaua, e kuu hoaloha Ailiki."

  "Aole wau he Ailiki, he Kelemania wau." wahi a Hena i pane mai ai me ka leo huhu.

  "Ua pono, e kuu hoaloha. Ina he poka nui ka mea e ki ia ai i ko poo alaila lohe oe."

  Ua okalakaia koke mai la o Hena a hopu koke iho la i kana pahikaua: ua pau koke ae nae ia huhu ona a hoihoi iho i kana pahikaua iloko o kona wahi a alakai aku la ia'u no kahi e noho ana ko lakou aiakai. Aole i loihi loa keia hele ana o maua, ua hoea koke aku ia maua i kahi e ku ana ko lakou mau hale lole a lawe loa aku la o Hena ia'u imua o ko lakou aiakai. Ua hoolohe mai la o Meka Rosenabuka i ka'u mau olelo, a hoike mai la i kona manaolo i ka'u mau mea i hai aku ai iaia.

  "He mea pono ia'u ke hoouna aku ia oe imua o ke generala e noho la ma Hapa Fere, a ina e manaoio mai ana kela i kau mau olelo, alaila ua pono. Ua hai mai nei oe he aliikoa oe no ka Federala. aole no nae wau i ike ia oe mamua, nolaila e kala mai oe ia'u,"

  "Oia ko'u makemake. He mea pono ia oe ke hoouna koke aku ia'u oiai ua nui loa ka poino i loaa ia'u a he mea pono e loaa koke mai na lapaau ana i ko'u wahi eha."

  "O ke koa nana oe i lawe mai nei oia no ka mea nana e lawe aku a oe. Hena, e lawe koke mai i kou iio@a lawe aku i keia keonimana imua o ke generala."

  "He nui no anei na koa e noho nei maanei?" wahi a'u i ninau aku ai.

  "E kala mai ia'u: aole e hiki ia'u ke hoike aku ia oe i kekahi mea. Ina e hoapono mai ana ke generala i kou kulana. alaila e lohe ana oe i na mea apau."

  "E kaia mai oe no ka'u ninau. Ua poina wau. oia ka hoi wau ke paa nei i ka lole koa o na Konofedereta. Ua pololei oe, nolaila. e aloha kaua, a me na hoomaikai ana no hoi he nui @a oe." wahi a'u i pane aku ai.

  "Aloha oe." wahi a Rosenabuka i panai mai ai.

  Ua hahai aku ia wau ia Hena a hiki i kekahi kumulaau. a maanei oia i kau ae ai maluna o kona lio, a hele aku la maua. Aole i loihi keia hele ana o maua ua ike mai la o Hena i ka'u pu panapana iloko o ke eke o ko'u lole wawae.

"  Kokami ui he pu panapana kau!" wahi ana i hooho ae ai.

  "Ae: ua poina wau i ka hai ana aku ia oe ia mea."

  "Oia! alaila. heaha kou manao la'u. Manao anei oe la'u he wahi kamipulu?"

  "Ua kokoke oe e like me ia." wahi a'u i pane aku ai me ka pahaohao i kona huhu nui ia'u. "Ke maopopo ole nei wau i kau hoohuhu mai ia'u. e kuu hoaloha. Heaha keia au e huhu nei?"

  "Begora! ua hiki ia oe ke pepehi mai ia'u i na manawa apau e loaa ana ka wa pono, nou e ki mai ai ia'u me kena pu au. E haawi mai oe i kena pu."

  "Ua pono, ina oia kou makemake. Eia mai."

  I loa o a lilo aku iaia la ua pu nei a'u, o kona wa koke no ia i kulai mai ai i ke kiko a hookau mai ia i ka waha maluna o'u.

  "Heaha keia au e hana nei?" wahi a'u i pane aku ai me ka lele pu ana mai i hope i kaawale ae ai mai ka waha mai o ka pu.

  "E ki aku ana wau ia oe i keia manawa."

  "E ki ana oe ia'u? Ua kauoha ia mai nei oe e lawe aku ia'u imua o ke generala. e kahi hupo mai o Kula. Aole anei oe i lohe aku nei i ko'u hai ana aku i ko oukou alakai he aliikoa wau no ka Uniona? E pono ia oe ke hana aku i kau hana i kauoha ia ai e hana aku. Ke kaumaha nei wau i ko'u haawi ana aku nei i kena pu ia oe."

  "O, ke kaumaha nei oe, ea. Weii, e ki ana no wau ia oe."

  E kai kamipulu Kawaihae. Ina wau e ki ia ana, aole anei he mea pono ia oe ke kali a loaa mai ke kauoha mai ko oukou generala mai, alalia ki mai no hoi ia'u a make. Ina oe e ki ana ia'u, ke hai aku nei wau ia oe, e hiki mai ana ka manawa au e ku aku ai imua o na pu i oi aku ko lakou nui i kena."

  "Ke hai aku nei wau i ka'u hana e hana ai maluna ou. E hikii ia ana oe e a'u i ke kaula a hoopaa iho me ku'u noholio," wahi a Hena i pane mai ai me ka huhu nui.

  "Aole o'u nana ia mea, o kou lawe wale aku no ia'u a hiki i Hapa Fere, oia ko'u makemake."

  Ua hana awiwi iho ia o Hena i kekahi kipuka kaula, a hoopaa iho la ma ko'u lima akau a hawele iho la i kekahi poo o ke kaula ma ka omuku o kona noho.

  Ua ike  iho ia wau he mea waiwai ole ka hoopaakiki ana. nolaila ua ae aku la wau e hana mai oia i keia hana maluna o'u. a hoomanawanui aka la wau i ka hahai ana aku iaia e like me ka hiki ia'u ke hele aku. He eha mile mai keia wahi aku a hiki i Hapa Fere, a i hoomanawanui wale ia no e a'u keia loa. O kahi kamipulu hoi keia aole oia la nana mai ia'u, ame he mea la o hoi ua hanau uhane ole ia mai ola i kela ao. No ka nui loa o ko'u ehaeha, ua komo mai ia na manao iloko o'u, ke hiki mai ka wa kupono e hana no hoi wau iaia i kana mea e makemake ole ai e hana ia aku nona.

  I ko maua hoea ana aku ma na alanui o Hapa Fere, ua alakai loa aku, la o Hena ia'u no kahi e noho ana ke kenerala. a ia maua i hoea aku ai i ke alanui e holo ana no ke kahua hoolulu, ua halawai aku ia maua me kekahi kokua aliikoa e holo mai ana maluna o ka lio.

  "Heaha keia au, e Hena?" wahi ana i ninau mai ai.

  "He kipi keia, a ua hoao aku oia e holo aku mai a'u aku," wahi a Hena i pane aku ai.

  E kala mai ia'u: aole wau he Konofedereta, aka he---------------------."

  "O, aole o'u nana ia mea." wahi a ke kokua aliikoa i kahamaha mai ai: "Ua hiki no ia oe ke hooia mai ia mea mahope. E Hena, e lawe aku iaia iloko o ka hale paahao o na pio."

  "Ke makemake nei wau e ike i ke generala." wahi a'u i pane aku ai. "He hana kuhihewa wale no keia. E pono ia'u ke ike i ke generala."

  Konofauna u! e hoopaa i kou waha! He nui loa ka hana a ke generala a aole oia a hoolilo mai ana i kona manawa nou. Na ke koa kiai e nana mai ia oe," a la wa i haalele mai ai oia la maua.

  Mamua o ka hala ana ae o kekahi mau minute. aia wau iloko o ka hale i hoopaa ia ai na pio Konofedereta. Ua hai mai ia lakou ia'u, ua hopupioia lakou i ka wa o lakou e noho kiai ana. i ka po mamua iho. a ke manao nei lakou e lawe ia aku ana lakou no Elima. Ua pahaohao lakou i ko lakou lohe ana mai a'u aku aole wau he Konofedereta: nolaila ua kono ia mai wau e hai aku i na mea apau e pili ana no'u.

  O na koa e kiai ana i na pio Konofedereta, aia lakou malalo o ke alakai ana a kekahi kanaka Ailiki o ke kulana kakaiana, a no ia mea ua komo mai la iloko o'u ka hoomanao ana no Denisa, no ke ano o kana kamailio ana. No ke ano maikai o keia wahi k@kiaua, ua hooholo iho la wau e noi aku iaia e kokua mai la'u i ko'u wa i lawela mai ai no Hapa Fere e kahi Hena puuwai aloha ole, ua haule aku ko'u @aoale: aole no hoi he mea a ao iki mai o ua lapuwale la e ku iho a kii aku i ko'u papale. O keia ka'u kumu kupono e noi aku ai i kona kokua mai ia'u.

  "O ka papale wale no anei ka@ e makemake nei? Sua aole wau e hoole aku ana i kau noi: aka. pehea ia e hiki ai ia'u ke lawe mai i kekahi papale i kupono ia oe," wahi a ke kakiana i pane mai ai me ka leo olulu.

  "E noi aku oe i ke aliikoa iaia ke kiai ana i keia la. e hookuu mai la'u e hele aku malalo o ke kiai ia ana e na koa. no ka hele kuai, a na'u no e koho i ko'u makemake."

  "Ua pono: e hana koke no wau e like me kau noi."

  He hapalua hora mahope mai, ua kahea mai la kekahi o na kopala ia'u e hahai aku iaia, a nana wau i lawe aku no ka hale kuai e ku ana ma kahi mamao ole aku mai ke kahua hoolulu. Ia maua i komo aku ai, ua ike aku ia wau i kekahi puulu o na aliikoa e noho ana iloko, a i ko lakou ike ana mai ia'u ua nana mai ia lakou me ka pahaohao i ko'u ku aku me ko'u lole Konofedereta. Ua hoohauoli ia mai wau, oiai iwaena o lakou i ike aku ai wau ia O@bone, ka mea kakau nupepa.

(Aole i pau.)