Ka Nupepa Kuokoa, Volume XLI, Number 14, 3 April 1903 — Page 5

Ka Nupepa Kuokoa

KE KILOHANA POOKELA NO KA LAHUI HAWAII.

Nuhou Kuloko.

            Ma kekahi ahamele e malamaia ana ma Waialua i ka po Poaono, Aperila 4, o na kaikamahine kula o Kamehameha kekahi e komo pu ana.

            Ua hele hoomoana aku na keiki o ke kula o Kamehameha ma Makua, ma ke kakahiaka o ka Poakahi nei a e hoi mai ana i ka la apopo.

            Ma ka la 28 iho nei o Maraki, ua make ma Lahaina o Mrs. Pali, wahine mare a Rev. Pali a makuahine hoi o ka Mea Hanohano Philip Pali o keia kau Ahaolelo.

            Ua hoopukaia ae kekahi olelo hoolaha e hoihoiia mai na hookohu luna hooia o na palapala noteri i haawiia mamua aku o Iune, 1900. E loaa hou no ka hookohu in a e noi hou.

            Ke hana hou ia nei na Alanui Vineyard ame Kukui ma ka aoao Ewa o ke Alanui Nuuanu. He inoino maoli @ ke kulana o keia mau alanui no hookahi a elua ae nei paha makahiki.

            Ma keia po Poaono iho e ikeia ai ma ka halekeaka Ofiuma owai la ka oi ma ka ike hoolele puupuu. O Jack Weday ame Lon Agnew na kaeaea e hoolele ai ana.

            Ma ka po Poakahi nei, ua hoomaka ʻ uka ʻ u aku o Henry Kalolo i kekahi poe Pake ma ke Alanui Muliwai me kekahi pu panapana bull dog, Ua hopuia oia a i ka nanaia ana o ka pu, aohe poka o loko. Ua hoopilia no nae oia no ka paa i ka mea make.

            Ua waiho mai ke komite kuwaena o ka aoao Rupubalika o ka Apana o Kawaihau, Kauai, i ka inoa o S. W. Meheula i Luna Makai no ia Apana. Aia ua noi nei ma ka lima o ka Makai Kiekie Brown. Manaoia o Meheula ana ka Luna Makai no Kawaihau.

            E malamaia ana ma Waialua, Aperila 5, kekahi hoike Kula Sabati. O na papa o Kaumakapili, Ewa, Waianae ame Waialua ke komo ana i ka lawelawe ana i na hana o ia ia. E hoemi hapaia ana ka uku kaa-ahi i keia poe ame ko lakou mau hoaloha.

            Ma ka po o ka Poalua nei, Maraki @ i malamaia ai ma ka home o Mr. @kane ma Alanui Kuakini he ahaaina hoomanao i ka piha ana o ka hookahi makahiki o ke ku ana o ka Ahahui Kokua a Hookuonoono o na Oiwi Hawaii. He nui na mea ai maikai i hoonuuia ma ia po. Malaila pu ae ka Elele. Keikialii Kalanianaole. He hui keia i kukuluia no ka pomaikai o na oiwi Hawaii. He mea nana e kokua i kou wa ma ʻ i ame kekahi mau popilikia e ae. E pono e komo ai na Hawaii a lawelawe pu i keia hana maikai. O Mr. Sam Dwight ka peresidena o keia ahahui i keia wa.

            O ka Herbalo A. Bro. Benjamin oia kekahi o na laau hoola kupaianaha. Oia kekahi o na laau lapaau hope loa i loaa iho nei mai na mea ulu mai. He kupaianaha na mea e loaa mai ai ma ka hoomau ana i ka lawe ana i ka Herbalo. Mai manao oe e ola koke no kou mai i loaa ia oe no na makahiki loihi i ka pau ana o ka omole mua. E haawi oe i manawa no ka Herbalo ma ka lawe mau ana, a e oluolu no oe.

            O keia ka laau hoomaemae koko helu ekahi ma ke ao nei. He laau maikai keia no ka opu. He hiki ke hookaawaleia aku ma ko ʻ e ame na anoano o ka mai mai loko aku o ke kino. He maikai no ka hoohemo lepo, no ke Akepaa ame ka Puupaa, o na mea e loaa mai ana he maikai no kou ola kino. E lawe e like me ke kuhikuhi, a na ka Herbalo oe e hoola. Ua hoohiki mai o Bro.Benjamin i keia mea.

            He maikai kau lau kunu a Bro. Benjamin no ke Akepau, ame na pilikia o ka Puu, Umauma, ame ke Akemama.

            Ka aila kupaianaha a Bro. Benjamin no na ano eha apau.

            Ka laau Cattarrh Jelly a Bro. Benjamin aole on a lua e like ai no ka mai Cattarrh.

            Ka Salve a Bro. Benjamin, he hiki ke hoola i na moku, pau i ke ahi, eha, a pela aku.

            E pono e laweia e ka poe apau ke Kopa Ili ame ka Pauda Niho a Bro. Benjamin.

            Ua hanaia keia mau laau ma Cincinnati, O., e ka Bro. Benjamin Remedy Co., -- E loaa no na kuhikuhi ma ka olelo Hawaii ke noiia aku ma kahi o Hebron Drug Co., -- 2 Halekuai, Ehlers Block ame Sachs Bldg., Alanui Papu, Honolulu, T. H.

            Na Hobron Drug Co., e kuai nei keia mau laau.

Pii ia e ke Kaa a Pepe.

PEPE KE POO, A HAKI HOI KA POOHIWI.

PUIWA KA LIO O KEKAHI IAPANA I KA MAHU ROLA POHAKU.

            I kekahi o keia mau la aku nei, ua make iho la ka wahine a kekahi Kepani o T. Kurawa ka inoa. He malihini oia ma Hawaii nei, he wa pokole wale anei no kona hiki ana mai mai Iapana mai. He malihini no paha ka @ iaia; aole no paha he hiki iaia ke hoomaopopo i kinohi mahea la e hookomo ai ke kaula waha. Aka, he hookahi wale no mea maopopo iaia, he hiki i ka lio ke huki i ke kaa. I ka make ana o kana wahine, ua hele aku oia e noi ia Seuga, kekahi o kona mau hoaloha, e haawi mai i kona lio ame kona kaa lawe ukana i kaa e hoolewa ai i kana wahine.

            I ka makaukau ana o na mea apau, ua hoomaka aku la oia e hana i kana apana hana. Iaia i hiki aku ai ma ke kihi o ke alanui Malawaina ame Liliha, ua ike aku la ka lio ana e kalaiwa ana i kekahi kaa Mahu rola pohaku o ke aupuni, a hoomaka ae la e puiwa. No ka ike ole o keia kepani i ke kalaiwa, ua hiki ole iaia ke hookele ponoi ka lio. Ua holo kokoke loa aku la keia lio ma ke alanui helewawae, a pii aku la maluna o kekahi wahi keiki hapa Pake. I ka hala ana aku o ke kaa, ua hapaiia ae la ua wahi keiki nei e na lima kokua a hoihoiia i kau hale.

            O keia kepani hoi, aohe oia i ku iho a nana i ka hana poino ana i hana ai. Ua hopuia oia a laweia i ka halewai. O ke keiki i pepe, ua pilikia loaia oia, a aohe maopopo o ke ola.

 

 

MEA HOU O KA HALE AHAOLELO,

(Mai ka aoao 4 mai.)

ILOKO O KA HALE O NA SENATE

            Maraki 27. -- He leka na ka puuku e hoike mai ana e noonooia ka huina dala o $3,758. no ka pono o ka waihona puuku. Waihoia i ke komike huikau.

            Na ka Hale he hoike no ka hooholoia o ka bila kaapi ʻ o, a he mau olelo hooholo pili i na kiure Hawaii ame ke komike hui no ka bila o na pilikia kuikawa. Kohoia na lala o ua komike huiia.

            Aponoia ka manao hele i Kalaupapa ma ke Kinau ame ka mahalo o ka Aha i ka hui o ke Kinau. Na Baldwin he hoike pili i na bila 113, ame 10. Waihoia ma ka papa.

            He hoike komike o na aia ame loaa na Baldwin pili i na bona o na banako. Ua kakoo ke komike i ke kumuhana.

            Hoike komike o na ala ame loaa e kakoo ana i ka uku aku i ka huina o $54 i ka hui halelio o Kohala Akau. Na Wood he bila e pili ana i ke kuleana wai o Pahoa. Na C. Brown he bila pili i ke kukulu alahao ame pakui kanawai o ka makahiki 1878. Na McCandless he hoolaha hookomo bila pili i na hui. Na Wood he olelo hooholo pili i ka hoihoi hou i ka huina o $936 a L. C. Ables ame D. Dayton.

            Na Kalauokalani he hoike pili i ka ike ana i ka Hale no ka holo ana i Kalaupapa a ma ka noonoo ana ua koho ka Peresidena i na hoa e hele ai.

            Na Crabbe he bila hookuu auhau no ka hui alahao uwila o ka Pakipika Kiekie. Na Kaiue he olelo hooholo pili i ka haawina dala o $58,000 iloko o ka bila haawina.

            Holo kekahi mau bila pili i kekahi mau hoololi kanawai pili i na hui ua holo ma ka heluhelu ekolu ana. Holo ka bila pili i na waiwai hookomoia mai ma ka heluhelu elua ana.

            Noonooia ka bila hookuu auhau o ka hui alahao o Kona-Kau a mahope o ke ku-ka ana ua hooholoia ka bila ma ka heluhelu elua ia. Noonooia na bila 21, 38, ame 112. He poe bila wale no keia i pili i ka waiona. Ma ka noonoo ana i na bila 38 ame 112 ua kakooia mai e na komike pakahi iho e waihoia ma ka papa.

            Hookuu ka Aha a noho hou.

HALE O NA LUNAMAKAAINANA

            Maraki 28. -- Ma ka hoomaka ana o ka Hale ua heluhelu ia na leka a na luna upuni. Mai a Kupa mai he leka wehewehe a pane i na ninau a Lunamakaainana Pulaa pili i ke alanui mai Pahala aku a hiki i ka Luapele. Aole o keia wale, aka o ke alanui kekahi o Hamakua.

            Na ka Senate i hoouna mai i ka bila kalana i heluhelu ekoluia a ma ka noonoo ana o ka Hale ua hooholoia ka bila ma ka heluhelu ekahi; a ma ke noi a Keliinoi ua hooholoia no kona noonoo hou ia aku no ka Poakahi, la 30.

            Na Vida he hoike pili i ka oihana makai a mahope o ka noonoo ame ka wallau ana ua waihoia ka hoike a noonoo pu ia me ka bila. Ma keia hoike ua imi pono ia ka oihana makai mai na ke keena makai o Kuapapanui a i na oihana makai o na apana e ae ame ko Kawa. Mahalo nui ia ka oihana makai.

            He hoike komike pili i ka hana apuka dala ua wahoia ma ka papa a ua hoomoe pu ia no hoi ka noonoo ana i ka bila 70, a mahope o ka noonoo ana i kekahi mau bila ua hoopaneeia ka Hale.

ILOKO O KA HALE O NA SENATE

            Maraki 28. -- Mai ka Hale mai o na Lunamakaainana he mau hoike pili i ka hooholoia o kekahi mau bila, ka hooholoia o ka palapala hooia pili i na gula ame dala, ke koho komike ana no ka bila helu 70 ame ka hoihoi ana i na bila Senate i like na manao me na bila i hooholoma ia e ka Hale. O na bila i hoihoi hou ia mai i ke Senate ua hooholo hou ka Senate e hoihoi hou aku ia mau bila i ka Hale.

            He leka mai ia C. S. Wight mai e hoike mai ana i ka nui ino o ke awa o Kalaupapa ke kumu e hiki ole ai na hoa komike ahaolelo ke holo, a hoopaneeia ka holo ana a hiki i ka la 5 o Aperila. Aponoia ka manao o ka leka.

            Na McCandless he hoike komike pili i ka oihana hoomoe paipu. Ua waihoia ka hoike a noonoo pu ia me ka bila.

            He hoike komike na Dickey pili i ka puhi rama. E kue ana ke komike mamuli o ka pau ana o kona mau manao iloko o ka bila Senate 21. Aponoia ka hoike.

            Na Kaiue he bila pili i ka oihana kinaiahi no Wailuku. Heluhelu akahila ka bila.

            Na Crabbe he mau bila e pili ana i ka malama ana i na ola o ka lehulehu ame na hooponopono no ka malama akahele ana i ka uwila. Kauohaia e pa ʻ i.

            Na Isenberg he mau bila pakui kanawai ame na mea pili i ka piliwaiwai. Nana no he olelo hooholo e pili ana i ka oihana paipu hookuu mea ino o ke kulanakauhale no ka ninau ana i ka luna nui o ka nui o ka poe i hookaa i ko lakou mau kuleana pili i keia mau paipu. Ua hoike ae ka Senatoa ua hele aku kekahi a hoike aku i kona hoonuinuiia e na luna no ka hookaa aa i ka bila aie a in a aole e hookaa ana alaila e okiia no kona paipu mai ke paipu nui aku. Aponoia ka hoike. Ma keia ninau hookahi ua hoike mai o Crabbe he manao hookomo bila kanawai kana e pili ana i keia kumuhana.

            Na Dickey he hoike komike pili i ke alahao o Winston.

            O ka bila e pili ana i ke ganisi ua haule ma ka heluhelu ekolu ana a no ka noonoo hou ana ke lawe ia mai pela.

            Hoopaneeia ka Aha a noho hou.

HALE O NA LUNAMAKAAINANA

            Maraki 30. -- Hoomaka na hana ma ka hoolohe ana i ka leka mai ka Loio Aupuni mai e pili ana i ka pane o ka bila e pili ana i ka hoouna ana i ka poe opio i na aina e no ka hoonaauao ana. Pau ia ua hooloheia ka leka a ke Komikina Aina Aupuni e pili ana i kekahi mau aina hookuonoono no ka hoolilo aku i na makaainana manao hookuonoono.

            Na ka Senate mai he mau hoike pili i ka hooholoia o kekahi mau bila o ka Hale -- hooholoia ka bila no ka haawi kuleana hoohana i ka hui alahao o Hilo maluna o ka waiwai o ka lehulehu, he mau pakui kanawai kekahi i hooholoia

 

 

âme pakui kanawai pli i na kanawai kivila.

            Na Knudsen he hoohalahala hoopau wale i ka manawa mamuli o ke komo palua o na bila maluna o ka manao hookahi.

            Na ke Kakauolelo Carter he hoike e pili ana i ke kakauinoa o ke Kiaaina i na bila helu 5, 6, ame 7.

            Mahope o ka hoolohe ana i ka hoike e pili ana i na loaa o ka uwapo ma ka aoao Ewa o ke awa-kumoku o Kou nei ame na hoike pili i na noi like ole ua hoike mai ka Lunahoomalu he mau olelo paipai i ke komike Aina Aupuni no ka hooholomua aku i kana hana.

            Na ke komike kuikawa he hoike pili i ke kanawai aupuni kulanakauhale me ka uuku loa o na wahi hoololi.

            Holo ka bila kalana ma ka heluhelu elua ana mahope no nae o kekahi mau kamailio ana, a haawi hou ia no ka noonoo hou ana.

            Ma ka noonoo ana ua hoike mai ka Lunahoomalu e noiiia ka bila helu 1 o ka Senate ame ke noi a Kumalae ua hooholoia e waihoia ka noonoo ana o ua bila helu 1 nei a ka Aha Senate ame ka bila helu 3 a ka Hale i ka manawa hookahi e ke komike kuikawa. wa.

            Laweia a noonoo ka bila helu 5 a mahope o ke kamailio ana ua hooholoia ma ka heluhelu ekolu ana.

            Na Vida he hoike komike o na loaa aupuni pili i ka hoohanaia o na mea hana o ke aupuni maluna a malalo o ka pa-hale o Cooper ame Isenberg a ma ka noonoo ana o ka Hale ua aponoia ka hoike oia hoi e kue ana i ka hoohanaia o na mea hana a ke Aupuni no ka pono kuakahi o ke kanaka.

            Hoopaneeia ka Hale, a noho hou.

ILOKO O KA AHA SENATE.

            Maraki 30. -- Ma ke noi ua hapai hou ia mai ka noonoo ana i ka bila pili ke kanisi.

            Na na Pake he noi kue i ka bila kaapio a ka Hale i noonoo ai. Na Dickey he hoike pili i na halekuai waiona.

            Na ke komike hookolokolo e pili ana i ka hoolaha ana i na hoike a ka aha hookolokolo apana o Amerika Huipuia. Kakoo nui ke komike.

            Na Isenberg he mau bila i ka paniku ana i na piliwaiwai ame ka hookakoo ana i na makai no ke kaomi ana ia mau ano hana haihai kanawai.

            Holo ka bila pili i ka hookuu auhau maluna o ka hui alahao o Kona-Kau ma ka heluhelu ekolu ana. Hoike komike pili i ka bila Senate 46 e pili ana i ka haawi mana i na banako no ka ohi hoolimalima ma ke ano kahu. Kue ke komike i ka bila. Holo ka bila pili i ke ganisi; a holo no hoi ka bila pili i ka uku auhau ana ma ka heluhelu elua.

            Holo ka bila pili i na palapala kauoha ma ka heluhelu ekolu ana. Noonooia ka bila pili i ka moraki a ua hoopanee hou ia ka noonoo ana. Noonooia na bila helu 13 ame 7 a hoopanee hou ia ka noonoo ana. Noonooia ka bila pili i na koi a ka poe no lakou na poho o ka makahiki 1895, a hooholoia ma ka heluhelu elua ana. Holo ma ka heluhelu elua ana ka bila pili i ka hookohu ana i mau kahu malama waiwai o ka waihona loaa aupuni o na Pake.

            Holo ka bila pili i na hooilina ame na olelo hooholo ma ka heluhelu ekolu ana.

            Na ke Kakauolelo i heluhelu mai i ka leka a ke Kiaaina pili i kona kakauinoa ana he ekolu mau bila. O ka bila pili i na hana ino ame na hana kolohe ua waihoia i ke komike hookolokolo. O ka bila pakui Papa Ola ua waihoia i ke komike ola. O ka bila pili i ka oihana kinai ahi ua waihoia i ke komike hookolokolo.

            Holo ka bila kaapi ʻ o a ka Hale o na Lunamakaainana ma ka heluhelu ekahi ana.

            Holo ka bila ma ka heluhelu ekolu ana pili i ke kanawi aina torene.

            Na McCandless he bila pili i ka waihona loaa o na Pake a mahope o ka pa-ee ana ua hooholoia ka bila ma ka heluhelu ekahi ana.

            Hoopaneeia ka Aha a noho hou.

HALE O NA LUNAMAKAAINANA

            Maraki 31. -- He leka mai ke Kakauolelo Carter e hoike mai ana i ke kakauinoa o ke Kiaaina he elua mau bila.

            He hoike komite ola na Kiliniwoki pili i ka bila helu 25 a mahope o ka hoike ana ua waihoia a noonoo me ka bila.    

            Hoike komite hookolokolo pili i ka bila paniku i ka hana ino i na keiki. He bila keia na ka Senate. Aponoia ka hoike.

            Na Kupihea he hoike pili i ka bila helu 61 a haule pu.

            He mau hoike komite pili i ka hoike ake Komikina Aina Aupuni pili i ka bila Senate no ka bila hoaie o $5,000, 000.00 a waihoia i ke komite pa ʻ i.

            Hoike komite pili i ka hoihoi i ka huina dala o 956 ia L. C. Ables. Kue ke komite i ke kumuhana. Aponoia ka hoike.

            Hoike komite kue i ka bila a Kumalae pili i ka haawi laikini kuai waiona i na haleaina o Honolulu, Lahaina, Wailuku ame Hilo, no $500 no ka makahiki. Aponoia ka hoike.       

            Hoike komite hookolokolo maluna o kekahi mau bila a ua aponoia lakou apau, koe ka bila pili i ka ululaau ame ka Kupihea bila pili i ka paniku i ka lawaia o ka poe kupa ole iloko o na kai o keia mau mokupuni. Ua waihoia keia mau bila a noonooia me ko laua bila pakahi iho. He hookahi i kakooia a o kekahi aole.

            He mau olelo hooholo na Keliinoi pili i ka haawi manao hoalohaloha o ka Hale o na Lunamakaainana i ka Lunamakaainana P. Pali no ka make o kona makuahine. Apono loa ia na olelo hooholo.

            He mau hoike komite na Kupihea pili i ka Paka o Makiki. Ua kakoo ke komite ia kumuhana. Aponoia ka hoike. Hoike pili i na alanui o Honolulu a waihoia ma ka papa. Ua kakoo ke komite ia kumuhana. Hoike pili i ka bila helu 61 a ma keia manawa ua holoponoia ia oiai i ka manawa o ke kakahiaka ana i hoike ai ua kueia a haule mamuli o na hemahema.

            Hoike na Andrade pili i ka bila o ka buke kanawai e hoike kakoo ana, i ka hookahi o ka Hale ame ka Senate maluna o ia kumuhana. Waihoia ka hoike a noonoo pu me ka bila.

            Ma keia manawa ua hoomaka iho la ka Hale i na hana o ka la, oia ka noonoo ana i kekahi mau bila Senate ame ko ka Hale no ka heluhelu elua ana, a ua holopono na bila, a ma ka noonoo i ka bila pili i na kuleana wai o Pahoa ame ko Pauoa ua komo aku na hoa iloko o na kuka nui ana ua waihoia i ke komite aina aupuni.      I ka pau ana o keia, ua hele hou

 

 

aku la no ka Hale ma ke ala o ka maikai ma ka heluhelu ana i na bila, a i ka hiki ana mai i ka bila e pili ana i ka hookuu auhau o na aina mahi no ka hoeueu ana i ka poemahiai, a ma ka noonoo ana i kona hoike ua aponoia ka hoike pela no hoi i heluhelu elua ia ai ka bila.

            I ka pau ana o keia, ua mau aku la no ka Hale ma ke alanui o ka maikai a ma ka bila hookuu auhau maluna o na loaa ua paee iho la na hoa a haule ka hoike komite pili i ua kumuhana la, eia nae, holo ka bila nona iho ma ka heluhelu ekolu ana.

            Hoike komite pili i ke kanawai kalana a mahope o ka hoolohe ana i ka hoike ua aponoia ka hoike a heluhelu elua ia no hoi ka bila kalana.  

            Hoopanee ka Hale a noho hou.

ILOKO O KA AHA SENATE.

            Maraki 31. -- Na ke Kakauolelo i heluhelu mai i ka leta mai ke Kakauolelo Carter mai pili i ke kakauinoa o ke Kiaaina i na bila helu 8 ame 9.

            Na Wilikoki he hoike komite kakoo i ka bila e kakoo ana i ka papa loa ana i ka hoololiloli ana i na ai ame na pono laau lapaau. Aponoia ka hoike.

            Na McCandless he hoike pili i ka bila bona o na luna aupuni a ma ka noonoo ana ua waihoia ka hoike a noonoo pu me ka bila.

            Na McCandless no he olelo hooholo pili i ke kuai kuleana wai o Pauoa ame Pahoa e ninau ana i na Luna Nui o na Hana Hou ame ka Luna Nui o ka Oihana Wai a ma ka noonoo ana ua waihoia ka olelo hooholo i ke komite kuikawa.

            Kauohaia ke Kakauolelo e kakau mikini i ka bila hoaie i umi kope. Holo ka bila pakui kanawai pili i na ui kuwaho.

            Make ka bila hookuu o na aina mahi kope. Holo ka bila o ma ka heluhelu ekolu ana. Holo ka bila pili i ka waiu-bata. Holo na bila o ka Hale helu 2, 6, 26, 78, 99 ame 81 ma ka heluhelu ekahi ana.

            Noonooia ka bila pili i na paipu hooholo mea ino a iloko o ia manawa hookahi, ka hoike komite a McCandless pili i ka olelo hooholo a Isenberg. Ma keia manawa hookahi no i noonooia ai ka bila pili i na palena no ka hoomoe ana i na paipu hooholo mea ino ame na mea apau i pili ilaila a mahope o ka noonoo ana ua waihoia i ke komite a noonoo hou ia i ka manawa e waihoia mai ai ka hoike pili no i ua kumuhana la.

            Noonooia ka bila kanawai aupuni kulanakauhale a holo ma ka heluhelu ekolu.

            Hoopaneeia ka Aha.

HALE O NA LUNAMAKAAINANA.

            Aperila 1. -- He leka ma ka Luna Nui o na Hana Hou pili i na lilo o ka uwapo o Waipiula. He leka kono na R. C. L. Perkins no ka nana ana i na mea kolo nalinali mikinolia.

            Hoike komike hookolokolo pili i ka paniku i ka lawaia o ka poe kpa ole. Waihoia ma ka papa. Kapaeia ka hoike komike hui maluna o ka bila haawina o na pilikia kuikawa.

            Hoike komike na Kupihea pili i na kalapaea aila o Iiwilei a waihoia ma ka papa. Hoike komike kuai kuleana wai o Pauoa ua aponoia. Ma keia manawa ua holopono kekahi mau hana a i ka hiki ana mai i ka bila helu 94 pili i ka hoeueu hanalima ma ka hookuu auhau aina mahi malina ua komo nui aku na hoa ma ke kamailio ana, a mahope o ka holopono ana o kekahi mau bila Senate ua hoopaneeia ka Hale a noho hou.

ILOKO O KA SENATE

            Aperila 1. -- Na R. C. L. Perkins he kono i na hoa no ka nana mikinolia ana. Hoike komike na McCandless pili i ka bila hoomoe paipu hooholo mea ino a waihoia a noonoo pu me ka bila. Na Paris he hoike komike pili i ka bila 119. Aponoia ka hoike. Hoike komike maluna o na bila helu 145, 144 ame 143. Apono ia ko lakou mau hoike apau.

            Na Kaiue he olelo hooholo pili i na haawina dala halekula ame hale noho o na kumu no Maui. Waihoia i ke komike hoonaauao. Na Achi he itamu o $20,000 iloko o ka bila haawina no ka hoomoe ana i paipu hooholo mea ino no Kalihi kokoke i ke kula o Kamehameha. Na Nakapaahu he olelo hooholo i haawina dala o $5,300 no na alanui o Kauai. Ma ka hoike komike pili i ka bila haawina ua noonooia ka bila a holo ma ka heluhelu ekolu ana. O keia ka bila pili i na pilikia kuikawa. Holo ka bila 105 ma ka heluhelu ekolu ana.

            Noonooia ka bila pili i ke koho kahu malama o ka waihona o na Pake a holo ma ka heluhelu ekolu ana. Ma ka manawa i hoomaha ai ka Aha a noho hou ua holomua ka heluhelu elua ana o kekahi mau bila. Noonooia ka bila hoaie dala ma ke kuka ana i na itamu hoolilo pili i na mea apau pili i ka oihana hookolokolo, pili i ka halepaahao hou no Oahu, pili i na oihana wai, pili i na alanui ame na uwapo ame na mea e ae apau oloko o keia bila hoaie.

            Hoopaneeia ka Aha a noho hou.

Nowai ka Hewa?

KA HANA KULOKO E HOOHAUOLI AI I KO HONOLULU POE HELUHELU HE NUI.

            Ina e kani mai ka pu i ka manawa e nu ana ka ino maluna o ka moana oiai ka ohu e uhi paa ana maluna o ka aina ame ka moana, he pu hoi e kani ana no ka hoike ana aku i na moku e holo no ka moana i pakele ai alaila hoomau no ka moku e mo-ku ma kapakai, ke kumu i poino ai ua moku a, eia ka ninau, nowai ia hewa?

            Ina e a ana kekukui ulaula, ame ia a no a holo aku no kekahi kaaahi a hookui aku i kekahi kaaahi alaila he mea maopopo e hoahewa i ka wiliki. I ka manawa e hoao ai kekahi kanaka hana e helu i ka nui o na niho o ka pahiolo mikini e niniu poahi ana alaila hookomo aku i kono lima i mea e hiki ai iaia ke helu pono a loaa oia i ka poino ma kona lima, alaila o ke kanaka ka mea pono e hoahewaia aole o ka pahiolo mikini.

            Ina ua ike kekahi kanaka ma ʻ i i ka laau on a e ola ai a hookuuwale alaila e hoahewa i ke kanaka ma ʻ i aole i ka laau lapaau. Ina o ka poe o Honolulu nei i loaa i ka ma ʻ i puupaa ame kuahaneenee e lawe ole ana i na Huaale Kuahaneenee ame Puupaa a Doan i hooiaio mau ia aku hoi e iwakalua kamaaina oonei iho alaila e hoahewa i kanaka aole i ka poe na lakou i hooiaio aku i ka maikai o ka laau. E heluhelu iho i keia:

            O Mr. John E. Bush, ka mea e noho nei ma ke alanui Puowaina o keia kulanakauhale he kamaaina no ka aina, he oiwi Hawaii, he kanaka oia i ike mau ia iwaena o na aha hookolokolo kiekie ma ka oihana maheleolelo ma ka olelo Beretania a i ka Hawaii a pela no hoi i ka Hawaii aku a i ka Beritania. Eia kana pane:

            "He ma ʻ i puupaa ko ʻ u a ma ka hooaiai ana mai a kekahi hoaloha ia ʻ u i ka laau ana i hoao ai a loaa io ka maha iaia ua hele io aku la wau e kuai a loaa ia ʻ u na Huaale Kuahaneenee ame Puupaa a Doan ina ka halekuai o Hollisster ma, ma Honolulu. I kuu ai ana ua loaa na pomaikai ia ʻ u i loaa ai i kuu hoaloha. He mea pono e ike nui ia ka mana hoola o keia laau e ka lehulehu, oiai he mau huaale maikai io no keia i kupono no ka ma ʻ i puupaa ame Kuahaneenee."

            He kuaiia na Huaale Kuahaneenee ame Puupaa a Doan e ka poe kuai laau apau no 50 keneta  o ke poho hookahi a he eono poho i ka $2.50. He hookoia no ka kauoha ke kau leka aku ia Hollister ma o Honolulu na agena no ka Paeaina Hawaii nei.

            E hoomanao i ka Doan aole i ka ha ʻ i.

            Ua hoopanee ka noho ana o ka Aha Kiekie o ka Teritori a hiki i ka la 20 o keia mahina.

HEAHA LA KA PAIN BALM?

            He laau hamo eha ka Chamberlain's Pain Balm, a ua loaa iaia na pono i loaa ole i kekahi mau laau e ae. He maikai keia Pain Balm no ka ma ʻ i rumatika. He tausani o na ma ʻ i i hoola ia mahope o ka hoao ana i kekahi mau laau e ae me ka loaa ole o ka oluolu. Ua hiki ke kakooia aku he mea hiki loa i keia laau i ka hoola ana i na ma ʻ i i kuluma ia oe ame ka rumatika eha loa.

            Ua hiki i ka Pain Balm ke hoola i ka eha moku, pau i ke ahi, a wela paha i ka waiwela i ka manawa pokole loa mamua ae o kekahi ano laau e ae. He laau hoomaemae no hoi keia, oia hoi, he mea pale i na palaho, a no keia, aole e loaa kekahi linalina mahope o ke ola ana i ka eha. No ke kua haneenee, hu ʻ i ma ka puhaka, ame ka hu ʻ i ma na aa lolo, aohe lua e loaa aku ai ka Pain Balm. Aia iaia ka mea e ola ai ka ma ʻ i. E pono i na mea apau i loaa i na ano ma ʻ i i like ae la me keia e hoao i keia laau. E loaa no ka maha i ka lawe ana i ka wa mua. E hoao. Benson Smith & Co., Ltd., na agena e kuai nei.

E Loaa ka Ikaika

            I mea e loaa ai ka pomaikai ame ka hauoli e pono e loaa i ke kanaka ka ikaika averika kupono. O ka poe nawaliwali o lakou ka poe i nele mau i na momona aalolo a ke ao nei e haawi ai iaia. Iloko no hoi o keia haawi no la a ka ao nei he nui maoli no ka poe nawaliwali iloko o ke ao nei. Ua haawi lakou ma ko lakou aoao i na mea apau ko lakou ikaika iho i mea e loaa mai ai ke ano maikai o ke ola kino e ikaika ai hoi ke kanaka, eia nae, o lakou @ ka poe e haule ai ma ke kulana o ke ano maikai ole o ke ola ana, ke komo hoi e emi mai ai o na paona kaumaha o ke kino.

            O ke ano nawaliwali e hoikeia mai no ia mamuli o keia mau ano-ono ole mai ka ai, nawaliwali ka oihana hoowali ai o ka opu inoino mai ke kokua nele no hoi i na waiwai o ke koko. O ka pilikia maoli mamuli noia o @ koko ame ka oihana hoowali ai. O ka laau lapaau no keia mau mea, oia @ ka laau ikaika hoomaemae a hoo@ io e like me ka WAMPOLE'S PRPARATION he laau e hooikaika ai a loaa ke kulana ikaika i ke kanaka nawaliwali. He laau maikai keia a he ono i ka ai ana he ano like me ka hone meli, a he maa waiwai hoola kona iloko iho on a mailoko mai o ka Aila Maemae o ke Akepaa o ka I ʻ a Cod mai na i ʻ a Cod makamaka Syrup of Hypophosphites ame ka Extract of Malt ame Wild Cherry.

            He laau keia no keia mau la e hele nei. O na ano maikai loa o na ano laau maikai apau o lakou na waiwai iloko o keia laau, a he laau hooulu ikaika iloko o ka poe i nohoia e ka nawaliwali mamua. Hookahi no omole laau o ka lawa no ia o ka makemake. Eia ka Kauka F. Hangetier o Canada pane: "Ua ike wau i ka waiwai nui @ keia laau au, no ka hoola ana i ka poe nawaliwali mamuli o na ma ʻ i o ke ano haalulu mailoko mai o ka ma ʻ i pilikia o na aalolo ame ka eha o ka opu. Ua hoohana aku wau i keia laau i @ poe ma ʻ i a i ko ʻ u ohana no hoi a ua ike wau i ka waiwai nui mai ka ia mua no aʻu i hoohana ai. He ikaika @ iloko o na maʻi o ke koko ame ko @ @kemama. Aole oe e hoohokaia. He kuaiia keia laau ma na wahi apauo ka honua.

 

 

HE ILI NANI, LIMA A ʻ IA ʻ I

ME KA

LAUOHO ULIULI

KA HUA O KE

KOPA CUTIKURA

            He miliona a oi ka nui o na wahine e auau mau nei me keia Kopa Cuticura no ka malama ana, hoomaemae ana, a no ka hoonani ana i ko lakou ili, i pau ai ka papaa o ke poo, ka unahi-pii, a i mea no hoi kekahi a pau ai ka helelei ana o ka lauoho, a i hoopalupalu, hoa ʻ ia ʻ i a me ka ho ouʻi u ʻ i ana i ka ili o na wahi i hele a manoanoa i ka hooikaika i ka hana, e like me na lima, a pela no hoi e hoopau ai i na eha, ma ka holoi ana i @ wahi eha me keia kopa, i ole oi e ike i ka aai me ka welawela; i ole no @ hou nui, ma ka holoi ana i na wahi pehu a palahehe; a he oi loa aku ka waiwai nui o keia kopa i na makuahine e lawelawe ana i na hana lehulehu @ pili i na keiki a me lakou iho no hoi, a i na wahine no a pau; a he kupono loa no hoi keia kopa no na wahi auau a pau. O ka poe i ikemaka i ka @ kai o keia kopa, aole loa lakou e ae iki ana e hoao i kekahi kopa okoa @ ke koiia mai; in a no e oleloia ana, he kupono ia ano okoa aku no na mea e pili ana i ka ili, ke poo a me ka lauoho o na bebe a me na keiki. Ua loaa @ keia waiwai nui o ke KOPA CUTIKURA mailoko mai hoi o keia laau hoo@ ikaika loa i kapaia. KUTICURA, oia ka laau ikaika loa ma ka hoola ana i na popilikia a pau e pili ana i na mea ika loa i ka pale ana i na mea ino a he loaa no hoi ke ala maikai o na puailoko o keia kopa. Aole loa e hiki @ hoohalikeia mai kekahi ano kopa e aei hoohuihuiia e ke akamai o kanaka me keia kopa, ma kana mau hana ma-lama, hoola, a me ka hoou ʻ i uʻi ana @ ka ili, a pela aku. Pela hoi i ka ili oke poo, ka lauoho a me na wahi @.

            Aole no i lihi launa mai na kope on a aina e me keia, no ka auhau ana a me ka hana o na keiki liilii. Pela ihola i lilo ai ka waiwai o na kopa a @ i HOOKAHI no ke KUMUKUAHI hoo@ a he Helu Ekahi keia Kopa me na poino o ka ili a me kahi auau, a hehelu ekahi no hoi no na kamalii a @ ke ao nei.

            NO KA HOOLA LOA ANA I NA ANO PEHU A POHAKA PALAHU MA NA WAHI A PUNI KE KINO, e hoomaemae i ka palapu me ka kopa CUTICURA i pau ai ka paapaa lepo a ano e ae paha o ka ili, a pela @ poo, i pau ai ke kepia a me ka papaa piele, alaila, e hooma-u i kahi eha me ka Aila Hamo CUTICURA i mama ae ai ka akiaki ana a ka huʻi a me ka ehaeha, a pela hoi e hoohana ai ka laau i kana hana a ola ka eha, alaila, e @ ka Laau Inu CUTIKURA i mea e maemae ai ke koko maloko. Ke kuaiia @ keia laau ma na wahi a pau o ka honua nei. Ma Aukekuiia: o R. @ & Co., o Sydney, N. S. W. ko laila Agena; ma Aferika Hema Depot: @non, Ltd. Na "Hoakaka no ka Hoola ana i na Bebe a me ko lakou mau @naunau," he loaa wale no me ke kuai ole.

            O POTTER DRUG AND CHEM. COMP., Boston, U.S. A., na On a o @ laau CUTICURA a pau loa.

Eono Omoomo Palaoa Maikai i ka 25c.

MA KA HALEKUAI PALAOA

SUNRISE BAKERY

Alanui Nuuanu, kokoke i Alanui Vineyard.

            He Palaoa maikai loa keia iloko o ke Kulanakauhale nei.

            He kaa ko makou a ua hiki loa ia makou ke hoolawa aku i ko oukou mau hale pakahi iho ke waihoia mai na kauoha Palaoa ia makou. E hoao mai ia makou a e hookoia no e like me ke kauoha. Ua hiki ia makou ke hoolawa aku ia oukou me ka Palaoa oi ae ka maikai mamua o ko na wahi e ae.

            Maanei pu ka Meaono âme ka Hau ono (Ice cream) âme na Pai.