Ka Nupepa Kuokoa, Volume XLI, Number 14, 3 April 1903 — Page 2
| This text was transcribed by: | Lovey Slater |
| This work is dedicated to: | May Marie Iwalani Wilcox |
Ka Nupepa Kuokoa
KE KILOHANA POOKELA NO KA LAHUI HAWAII.
KA
Nupepa Kuokoa
No ka Makahiki $2.00
No Eono Mahina 1.00
Kuike ka Rula
NA PUKA 1 2 3 1 2 3 1
ANA Pule Pule Pule Mal. Mal Mal. Mak
1 Iniha $1.50 $2.00 $2.50 $3.00 $5.00 $6.75 $12.00
2 Iniha 2.00 2.75 3.50 4.00 7.00 9.00 18.00
3 Iniha 2.50 3.50 4.50 5.00 9.00 12.00 24.00
4 Iniha 3.00 4.00 5.00 6.00 11.00 13.00 30.00
5 Iniha 3.50 4.75 6.00 7.00 12.00 15.00 36.00
6 Iniha 4.00 5.50 7.00 8.00 13.00 16.00 42.00
O NA OLELO HOOLAHA APAU E HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU A INA AOLE, AOHE NO E HOOKOMOIA
O na Dala apau o ka Pepa nei e hoouna pololei mai i ka HAWAIIAN GAZETTE COMPANY.
HOOPUKAIA E KA
HAWAIIAN GAZETTE CO
Hookomoia ma ka Hale Leka o Honolulu, Pa nalaau o Hawaii, ma ke ano mea o ka Papa Elua.
DAVID L. A-I, Lunahooponopono A.W. PEARSON, LUNA NUI Honolulu,Oahu
POALIMA APERILA 3, 1903
KA MAKANA A KE KUOKOA.
Ma keia helu a ke Kuokoa e puka aku nei ke puka pu aku nei oia me kana mau makana i kona mau hoa heluhelu kumau. E like no me kana pane mau no ka haawi makana i ka hapaha a oiai o keia ka hoomaka ana o ka hapaha pela i pulelo hou aku ai oia me kana makana.
E like me ka mea i hai mua ia aku he mau kii pena o ke ano maikai a no ke kumukuai kupono no hoi, a he mau kii kupono no hoi no loko o na hale noho oi loa aku ka nani o ka hookomoia lakou iloko o na laau kii i paa i na aniani pela i panaiia aku ai no ka manawalea.
Ua hala ae nei he mau hapaha o ka haawi makana ana i kona mau hoa heluhelu kumau a ua hauoli piha oia no ka hooko ana ia manawalea a ma ko makou aoao he hauoli piha ia no makou ke lohe mai kahi mai o kona mau hoa heiuhelu kumau i na manao pili i keia mau kii e haawi makana ia nei. Pehea la ia?
Na ka luna nui o ka Hawaiian Gazette Co., o ke kuokoa keia makemae manawalea a malalo no o kana hoolala ana.
KE AO OMAMALU MALUNA O WILIKOKI.
Ma ka Poalima o ka pule i hala, la 20 o keia mahina i lalau aku ai na lima kakauha o ke kanawai maluna o Charles Wilikoki, ka hoahanau ponoi o ka Elele Wilikoki o kakou, ma ka hopuia ana e ka Loio Aupuni Andrews malalo o ekolu palapala hopu no na kumu like ole, a ke hoohui ae i keia mau kumu ua piha aku la ka huina i ka $2,337.85, he huina dala no ke aupuni i nalowale, a ka Loio Kuhina i hoopii ai no ka hewa apuka maluna o Wilikoki. Nolaila, ma keia Manawa aia o Wilikoki ke uhiia la e ke ao omamalu o ke ano pohihi a e mau aku ana ia ano poluluhi a hiki i ka manawa e maopopo ai mahope iho o ka pau ana o ka hoolohe ana a ka aha i kona hihia pili I keia hoopii.
E like me ka hoolaha mea hou e puka aku nei e pili ana i keia keiki o ka aina, ua hopuia oia i ka Poalima i hala, a mamua o ke kau ana mai o ka haawina hoopii maluna ona ua lohe e iho la ua kanaka opio la e hanaia aku ana ia ano hana maluna ona, nolaila ua hele e aku la no oia i ke keena o ka Makai Kiekie e kali ai o ka hanaia mai pela, eia nae aole i hookoia i ke manawa ana e kali ana oiai aole I makaukau ke aupuni e lawelawe i ka hana, nolaila, ua haalele iho la oia a hoi aku la; a ia la hookhi no, mahope koke iho no, ua hookoia aku la ka hana a kau kakauha ana na lima o ke kanawai maluna ona, ke kumu hoi e omamalu nei kea ao maluna ona. Ua kaa aku oia malalo o ka bela o $4,500 bona.
O ka pokole o ke dala o ke aupuni he kumuhana koikoi loa ia i kau iho maluna o ka lehulehu, no ka mea, na ka lehulehu ia waiwai aole no ke kanaka hookahi. He poho nui keia maluna o ka lehulehu. Mama aku nei ua lohe nui kakou i ka pokole o ke dala a oia mau no ke ko o ia ano omamalu a hiki mai ia no i keia manawa ke kumu hoopii hoi a ke aupuni i ka mea hoopiiia no ka huina dala o $2,337.85. O ka nalowale ana o keia dala, ua hooia aku no ka mea hoopiiia ua hoaieia e ia a I mea e maopopo loa ai keia mau hihia, e lawelawe mai ana ke aupuni malalo o keia hoopii, a ina e ku I kahi o ka hewa aole e nele ka hoopaiia, a ina e hala ole alaila e mahae ae ana keia ano omamalu. He hookahi mea maopopo loa ua hopuia ke kanaka opio a o ka hopena o keia hoopii, aole i maopopo aka e kau aku no nae na maka i ka panina o na hana hookolokolo.
Eia ka manao o ke Kuokoa ma keia kumuhana, he mea pono i na luna aupuni, ka poe e lawelawe ana i ke dala o ke aupuni e noho malalo o na bona o kekahi huina dala mahuahua kupono ka mea hoi e kakoo ai i ka aoao o ke aupuni, ka mea hoi nona ke kuleana waiwai, i kaa aku malalo o ka malama ana a ua kanaka la. Ina o ka hoea ana o keia mau hihia pokole o ke dala o ke aupuni, ua paa mua na luna aupuni malalo o na bona me keia aole e pilikia ka waihona a he maalahi hoi ia ma ka aoao o ke aupuni e hana ana ia ma ka aoao o ke aupuni e hana ana ia ma ka aoao o ke aupuni a he hilahila hoi ia ma ka aoao o ke karaka e hana ana i ka hana apuka. A oiai hewa ahaolelo keia o kakou he mea pono e hanaia kekahi bila o ia ano no ka hoopakele ana i ko kakou Teritori no keia mua aku, a mamuli o keia hemahema i ikeia iho la, aole he kumu kupono e hoohemahema hou aku ai no ka hana ana i keia ano bila e hoopakele ana i ke aupuni no keia mua aku.
KE KANAWAI KALANA
Iwaena o na bila i hookomoia iloko o ka Ahaolelo o ka bila kanawai aupuni kalana kekahi e noonooia nei, a o kela bila i noonooia iloko o ka Senate oia ka bila kalana i puka pono mai ma ka heluhelu ekou ana. He nui ka manawa i haawiia no ka noonoo ana e ka Senate ame ka poe na lakou i hoolala a haku i na manao e piha ai.
Ma ka manawa i noonoo nui ia ai keia kumuhana maloko o na komike ua puka mai ka hua, oia na hoike a na komike pili I ua kumuhana la, a i ka nana ana i ka lakou mau hoike aia ua kanawai la ma ke alanui o ka maikai. Aole nae o ka holo ana i ka Senate oia ka puka laelae loa mai, no ka mea, aia ia iloko o ka Hale o na Lunamakaainana ikahi i waiho ai no ka noonooia mai e lakou. Ma ka aoao no nae o ka Senate ua pau kana hana ke kumu e hiki ai i ka lehulehu ke ike iho ua maikai io ua kanawai kalana la. O ka hooholo ana ke kumu i maopopo ai ka maikai, a o ka pepehi ana ke kumu e maopopo ai ka maikai ole.
He mea oiaio no aole e nele ka puka mai o na hoohalahala mai kekahi poe mai oiai he mea mau no ia, a aohe no he kumuhana i hooholoia i nele i na hoohalahala pili I keia kanawai kalana, e pono no nae, e hoopukaia ia mau hoohalahala no ka holoi kinaunau ana iloko o ua kanaai la, a ke hanaia pela oia iho la no ke alanui e hoohaiki mai ai a holoi pau I na hoopilikia e ulu mai ana mailoko mai o ua kanawai kalana la.
He hookahi mea i maopopo loa oia hoi e hooholoia ka bila aupuni kalana e like me ka pana o na aakoko o ka manao o ka lehulehu maluna o keia kumuhana, he pana hoi I kapalili mau mai ka manawa i hoomakaia mai ai keia mahele hooponopono o ka noho aupuni ana. Mamuli o keia kapalili mau pela i pipili loa iho ai ka noonoo o ka lehulehu e hooholoia ia e pono ai.
Eia ka lua, he mea pono e noonoo pono ia a e hooikaika na hoa ahaolelo e kapae ae i na kinaunau, a o ka hemo nui aku o lakou oia ka maikai loa ae o ke kanawai. A ina ua hala i ka ike a ka maka, a ka noonoo paha, a puka a holo lea, a kakauinoaia e ke Kiaaina, a lilo i mea mana, a mahoe ulu mai na hemahema e nele ole ai ka puka mai o na hoohalahala, alaila he mea hiki no ia o ka holoi ae ia mau hemahema i kahi kau ahaolelo e aku. Oia ka mea maikai loa o ka makaala loa e huli i na kinaunau no ka manao e unuhi mai ia mau ino aole no ka manao e pepehi kanawai.
Ke manao nei ke Kuokoa ua maikai ua bila la a ua kau aku kona manao maluna o ke kulana o na noa ahaolelo o ka Aha Senate, a ina e loaa aku ana he mau kinaunau ma keia hope aku, o ka ke Kuokoa e pane nei aole ia he kumu kupono e pepehi kanawai ai aka he hana maikai ia o ka mawehe ae ia lakou. Aole he hookahi manawa alaila pau loa na hemahema, a e like me ka oiaio o ia mea pela e pili aku ai i ke kanawai kalana a i na kanawai no apau ame na kumuhana no apau.
NUI KA MAKAUKAU O KA OIHANA
MAKAI.
Ma ka hana a ke komike o ka Hale o na Lunamakaainana pili i ka manao ame ka makemake e ike pono i ka makaukau o ka oihana makai o ke kulanakauhale o Honolulu nei,i maopopo loa ai i ka lehulehu ka makaukau piha o na makai.
Ma na mea i loaa mai ua ikeia aole i hoike mua ia aku keia hana i na makai a oiai lakou iloko o ka nanea ua loaa koke mai la ia lakou ke kauoha ikaika loa a he kauoha o ke ano koikoi loa e hoike ana aia he haunaele o ke ano koikoi loa, a e pono e nanaia aku ia mea, a me ka manaoio i loaa iloko o ka poe i moeuhane mua ola he hana hoao keia, ua hana aku lakou I ka hana me ka wiwoole ame ka hikiwawe a iloko o ka manawa pokole aia na makai ke ku la ma kahi I makemakeia ai lakou e hiki aku.
Eia nae ka mea apiki aole he haunaele aka he hana hoao i ikeia ka makaukau o ka oihana makai. Ma na mea apau i hanaia, aohe he mea e hoohalahala ai a ma ka aoao o ke komike ahaolelo ua paholaia aku ka mahalo piha i ka oihana makai a i kona poo hoi ka Makai Kiekie Brown no ka makaukau ana I kanu ai a I noho alakai ai hoi ke kumu I puka mai ai ia mau makaukau. Ma ka aoao o ke Kuokoa ke hauoli nei oia Ii ka loaa ana o keia makaukau lua ole o ka oihana maikai a o na hana e like me ia aole no e nele ke o mai o na leo mahalo, a ke manaoio nei no hoi ke Kuokoa aia ka lehulehu iloko o keia mahele mahalo mai o a o o ka Paeaina ma o ka ike ana i keia nu hou hoao i kekahi poe ma ka ike maoli ana i na hana o kela po, a i kekahi poe ma ka lohe I hoikeia aku ia lakou a i kekahi poe ma ka heluhelu ana iloko o na nupepa.
Aole o keia wale aka o ka oihana kinaiahi kekahi i komohia aku iloko o keia hana hoao i ikeia aku ko lakou makaukau ame ka hooko kauoha i ka manawa pokole, a i ka hoaoia ana no nae, ua ku i’o aku no i ka hooko kauoha. Ina pela na hana o na keena oihana apau o ka Teritori o Hawaii aole io i kanamai o ka holomua.
Mamuli o ke kaawale ana o ko makou hoaloha B.H. Kelekolio no kana hana o ke aupuni ua malele pu mai ka unuhi ana o ka moolelo o na Ona Miliona i Lawe Malu ia i ka Aina Mehameha mai iaia mai a ua kaa iho ia hana iloko no o ke keena hooponopono o ke Kuokoa. E hoomauia aku no ia moolelo a hiki i kona panina, aole nae ma ka unuhi ana a Kelekolio e like me ka ke Kuokoa i hoopuka ai I kekahi o kona mau helu i puka koke iho nei.
Ina he nui loa ke kumukuai o ke kuleana wai o na wai mapuna o Pauoa ame kela o Pahoa he hana maikai loa e noonoo pono na hoa ahaolelo me ke akahele loa. Hookahi mea i maopopo loa e pono e loaa i wai no ka lehulehu. E pono e lilo mai kela mau kuleana wai no ke kumukuai kupono, a ina aole e hanaia pela alaila he hana naauao ia na na hoa ahaolelo e kapae I ka noonoo ana ia mau kuleana wai a noonoo hou aku i mau kuleana wai kupono. Aia no o Nuuanu. He hana naauao ia o ka huli aku ma ia wahi o ke kualono.
O ka nui ino o na hui e noi nei I mau kuleana hoohana i ko lakou mau hana maluna o na alanui o ka lehulehu maloko nei o ke kulanakauhale oia kekahi kumuhana maikai e noonoo pono ia e na hoa ahaolelo. O ka ae ana aku i keia mau hui hou he mau hihipea ia o na uwea ame na paipu hooholo ea kukui a he hoohaiki ana mai ia i ka hele lanakila ana o na kanaka maluna o na alanui aupuni ko lakou waiwai ponoi. Ke manao nei makou aole ia he hana naauao o ka hoohihipea hou ae o keia mau hui i ko lakou mau pono poni iho maluna o ka waiwai o ka lehulehu a hoopoino hoi I ka poe non aka waiwai.
Mamua o ka hooholo ana i kela mau bila pili i keia mau kuleana o na hui hou e noi nei e pono a he hana naauao ia na na hoa ahaolelo e koho i komike a i ole e hana i kekahi hana nana i na auhau a keia mau hui e kau ai maluna o ka poe e lawe ana i mau kuleana no lakou. E like paha me keia ka hui kelepona hou e pono e maopopo kana auhau ana i kana kelepona maluna o ka poe e lawe ana i mau kuleana kelepona na lakou, ina he emi maikai e hookaumaha ole ai i ka hoakanaka a e hoopoho ole ai no hoi ia lakou. Aole o ia wale aka e nana pono ia ina he auhau pololei keia ano hui kelepona e like me ka hui kelepona o kakou e ku nei, ina paha he auhau like lakou maluna o na mea apau ma ke ana kaulike. Ina he hana lakou pela a i ole he hoemi i kekahi poe, e nele ole ke kaumaha maluna o lakou? I mea e loaa ai keia mau mea apau he mea pono e huli ia keia mau kinaunau i mohala ae ai ka pua a ala i ka honi aku. Aka, ina e ku i kahi o ka hohono alaila he hana naauao ia o ka hoopau loa ana i ka noonoo ana no lakou.
O KA EHA MA KA UMAUMA, oia ka hoailona e hoike mai ana e loaa ana oe i ka numonia. E hooma u i kekahi apana huluhulu me ka Laau Hamo Eha a Chamberlain, (Chamberlain’s Pain Balm), a wili ma kahi o ka eha a o kekahi apana hoi ma ke kua mawaena o na poohiwi. E loaa koke no ka oluolu i ke kau ekahi ana. E hoao. Benson, Smith & Co., LTd., na Agena e kuai nei.
Hoolaha Mana Hookolokolo
PALAPALA KII.
ILOKO O KA AHA HOOKOLOKOLO
APANA O HANA, MAUI.
Meinert H. Reuter, Hope Luna Ohi o na Auhau ku e ia J. Maunaloa. Hoopii Dala.
I ka Makai Kiekie o ka Teritori o Hawaii, kona Hope, a i kekahi makai iloko o ka Apana o Hana, Mokupuni o Maui Aloha:
Ma keia ke kauoha ia aku nei oe e kii aku ia J. Maunaloa, o Kawaloa, Hana, Maui, Teritori o Hawaii, ina e loaa ana oia iloko o keia Apana e hele mai imua o’u ma kuu keena iloko o Wananalua, ma ka la 19 o Feberuari, 1903, ma ka hora 9 a.m. a malaila e pane mai ai ia Meinert H. Reuter, Hope Luna Helu o na Auhau o a no ka Apana o Hana, Mahele aina Auhau Elua o ka Teritori o Hawaii ma ka hoopii kahi a ka mea Hoopii i hoike ai e olelo ana:
O ka mea Hoopilia J. Maunaloa ua aie oiai keia mea hoopii ku i ke kanawai ma kona kulana oihana i hoike mua ia ae nei i ka huina o kanakolukumamakolu dala ($33.00) no na Auhau i heluia maluna o ka waiwai o ka mea hoopilia , ma ka buke o ka Luna Helu o na Auhau no ka Apana o Hana, Mokupuni o Maui, no ka makahiki 1899. 1900. 1901, 1902. A o ka mea hoopiiia, ua haiia aku oia no keia mea a ua haule a hookuukuu wale a hoole mau i ka uku ana i ua auhau la a i kekahi hapa o ua auhau la,ke kumu e koi nei ka mea hoopii no ka olelo hooholo kue i ka mea hopiiia i oleloia no ka huina o kanakolu kumamakolu dala ($33.00) i oleloia hui pu me umi pa keneta ame ka lilo o ka hoolaha ana i hoopiliia mai e like me ka ke kanawai i hana ai no keia mea, a no na koina o ka Aha.
Ma ka ikeia ana ia J. Maunaloa i oleloia no kona hiki kino ole i’o ana ae ma kahi, ma ka la ame ka hora i hoikeia maluna ae, e haawiia ai ka olelo hooholo ku e iaia no kona hiki kino ole i’o ana ae (ex parte).
Malalo o ka’u haawi ana i keia la 14 o Feberuari, 1903.
J.K. HANUNA,
Lunakanawai Apana o Hana, Maui.
ILOKO O KA AHA HOOKOLOKOLO
APANA O HANA, MAUI.
Meinert H. Reuter, Hope Luna Ohi o na Auhau ku e ia J. Maunaloa. Hoopii Dala. (Kauoha no ka Hoomau ame Hoolaha ana.)
O ke noi a ka Mea Hoopii i Hoikeia maloko nei no ka hana ma ka hoolaha ana, a o keia hihia e hoomauia a hiki i ka la 18 o Aperila 1903, e hiki mai ana no ka hoolohe ana mahope iho o ka noonoo ana i keia noi i olelola, ame ko ka palapala hoike hoohikiia i hoopili pu ia mai a lilo i hapa no keia mea ame ka hoike a ka makai maluna o ka palapala kii i hoikeia maloko oonei, a i ikeia maloko o ka hoike i oleloai i ka loaa ole o ka mea hoopiiia i hoikeia maloko nei, iloko o ka Apana o Hana Mahele aina Auhau Elua, a mai ka palapala hoike hoohikiia i oleloia e olelo ana aole ka mea hoopiiia he kamaaina a mea noho paa no ka Mahele aina Auhau i oleloia.
Ua kauohaia e pa’iia a hoolahala ke kope oiaio a pololei o ka palapala kii kumu iloko o ka nupepa Kuokoa, he nupepa puka pule, pa iia a hooiahaia iloko o Honolulu, no ekolu manawa neepapa, o ka hoolaha hope i umi la mamua o ka la e hooloheia ai,a o ka ninia i oleloia e mau aku ia a hiki i ka la 18 o Aperila, 1903.
J. K. HANUNA,
Lunakanawai Apana o Hana, Maui. Hanaia ma Hana Maraki 20, 1903. 2956 Mar. 27 Apr.3, 10.
PALAPALA KII
ILOKO O KA AHA HOOKOLOKOLO
APANA O HANA, MAUI
Meinert H. Reuter, Hope Luna Ohi o na Auhau ku e ia Naiwalau (w). Hoopii Dala.
I ka Makai Kiekie o ka Teritori o Hawaii, kona Hope, a i kekahi makai iloko o ka Apana o Hana, Mokupuni o Maui Aloha:
Ma keia ke kauoha ia aku nei oe e kii aku ia Naiwalau (w) Wailua, Hana, Maui Teritori o Hawaii, ina e loaa ana oia iloko o keia Apana e hele mai imua o’u ma kuu keena ma Wananalua ma ka la 19 o Feberuari, 1903, ma ka hora 9 a.m. a malaila e pane mai ai ia Meinert H. Reuter, Hope Luna Helu o na Au hau o a no ka Apana o Hana Mahele aina Auhau Elua o ka Teritori o Hawaii ma ka hoopii kahi a ka mea Hoopii i hoike ai e olelo ana:
O ka mea Hoopiiia Naiwalau (w) ua aie oia i keia mea hoopii, ku i ke kanawai ma kona kulana oihana i hoike mua ia ae nei i ka huina o eha dala ($4.00) no na Auhau i heluia maluna o ka waiwai o ka mea hoopiiia, ma na buke o ka Luna Helu o na Auhau no ka Apana o Hana, Mokupuni o Maui no ka makahiki 1898, 1899, 1900, 1902. A o ka mea hoopiiia ua haiia aku oia no keia mea a ua haule a hookuukuu wale a hoole mau i ka uku ana i ua auhau la a i kekahi hapa o ua auhau la ke kumu e koi nei ka mea hoopii no ka olelo hooholo ku e i ka mea hoopiiia i oleloia no ka huina o Eha dala ($4.00) hui pu me umi pa keneta ame ka lilo o ka hoolaha ana i hoopiliia mai e like me ka ke kanawai i hana ai no keia mea, a no na koina o ka Aha.
Ma ka ikeia ana ia Naiwalau (w) i oleloia no kona hiki kino ole io ana ae ma kahi ma ka la ame ka hora i hoikeia maluna ae e haawiia ai ka olelo hooholo kue iaia no kona hiki kino ole io ana ae (ex parte).
Malalo o ka’u haawi ana i keia la 14 o Feberuari, 1903
J.K. HANUNA
Lunakanawai Apana o Hana, Maui.
ILOKO O KA AHA HOOKOLOKOLO
APANA O HANA, MAUI.
Meinert H. Reuter, Hope Luna Ohi o na Auhau ku e ia Naiwalau (w). Hoopii Dala (Kauoha no ka Hoomau ame Hoolaha ana.)
O ke noi a ka Mea Hoopii i hikeia maloko nei no ka hana ma ka hoolaha ana, a o keia hihia e hoomauia a hiki i ka la 18 o Aperila, 1903, e hiki mai ana no ka hoolohe ana mahope iho o ka noonoo ana i keia noi i oleloia, ame ko ka palapala hoike hoohikiia i hoopili pu ia mai a lilo’i hapa no keia mea ame ka hoike a ka makai maluna o ka palapala kii i hoikeia maloko oonei, a i ikeia maloko o ka hoike i oleloia i hoikeia maloko nei, iloko o ka Apana o Hana, Mahele aina Auhau Elua, a mai ka palapala hoike hoohikiia I oleloia e olelo ana aole ka mea hoopiiia he kamaaina a mea noho paa no ka Mahele aina Auhau I oleloia.
Ua kauohaia e pa’iia a hoolahaia kekope oiaio a pololei o ka palapala kii kumu iloko o ka nupepa Kuokoa, he nupepa puka pule, pa’iia a hoolahaia iloko o Honolulu, no ekolu manawa neepapa, o ka hoolaha hope i umi la mamua o ka la e hooloheia ai, a o ka hihia Ii oleloia e mau aku ia a hiki i ka la 18 o Aperila, 1903
J.K. HANUNA
Lunakanawai Apana o Hana, Maui.
Hanaia ma Hana Maraki 20, 1903.
2956 Mar. 27 Apr. 3, 10.
PALAPALA KII
ILOKO O KA AHA HOOKOLOKOLO
APANA O HANA, MAUI.
Meiner H. Reuter, Hope Luna Ohi o na Auhau ku-e ia Estate Kaaiohelo Hoopii Dala.
I ka Makai Kiekie o ka Teritori o Hawaii, kona Hope, a i kekahi makai iloko o ka Apana o Hana, Mokupuni o Maui Aloha:
Ma keia ke kauoha ia aku ni oe e kii aku ia Estate Kaaiohelo o Muolea, Hana, Maui, Teritori o Hawaii, ina e loaa ana oia iloko o keia Apana e hele mai imua o’u ma kuu keena ma Wananalua ma ka la 19 o Feberuari, 1903, ma ka hora 9 a.m. a malaila e pane mai ai ia Meinert H. Reuter, Hope Luna Helu o na Auhau o a no ka Apana o Hana, Mahele-aina Auhau Elua o ka Teritori o Hawaii ma ka hoopii kahi a ka mea Hoopii i hoike ai e olelo ana: O ka mea Hoopiiia Estate Kaaiohelo ua aie oia i keia mea hoopii, ku i ke kanawai ma kona kulana oihana i hoike mua ia ae nei i ka huina o Umikumamakolu dala me iwakalua keneta ($13.20) no na Auhau I heleuia maluna o ka waiwai o ka mea hoopiiia, ma na buke o ka Luna Helu o na Auhau no ka Apana o Hana Mokupuni o Maui, no ka makahiki 1897, 1898, 1899, 1900, 1901, 1902. A o ka mea hoopiiia, ua ha’iia aku oia no keia mea a ua haule a hookuukuu wale a hoole mau i ka uku ana i ua auhau la a i kekahi hapa o ua auhau la, ke kumu e koi nei ka mea hoopii no ka olelo hooholo kue i ka mea hoopiiia i oleloia no ka huina o Umikumamakolu dala me iwakalua keneta ($13.20)i oleloia hui pu me umi pa-ke-neta ame ka lilo o ka hoolaha ana i hoopiliia mai e like me ka ke kanawai i hana ai no keia mea, a no na koina o ka Aha.
Ma ka ikeia ana ia Estate Kaaiohelo i oleloia no kona hiki kino ole io ana ae ma kahi, ma ka la ame ka hora i hoikeia maluna ae, e haawiia ai ka olelo hooholo kue iaia no kona hiki kino ole io ana ae (ex parte).
Malalo o ka’u haawi ana i keia ia 14 o Februari, 1903.
J. K. Hanuna,
Lunakanawai Apana o Hana, Maui.
ILOKO O KA AHA HOOKOLOKOLO
APANA O HANA, MAUI.
Meinert H. Reuter, Hope Luna Ohi o na Auhau ku-e ia Estate Kaaiohelo. Hoopii Dala. (Kauoha no ka Hoomau ame Hoolaha ana.)
O ke noi a ka Mea Hoopii i hoikeia maloko nei no ka hana ma ka hoolaha ana, a o keia i ihia e hoomauia a hiki i ka la 18 o Aperila, 1903, e hiki mai ana no ka hoolohe ana mahope iho o ka noonoo ana i keia noi i oleloia, ame ko ka palapala hoike hoohikiia i hoopili pu ia mai a lilo i hapa no keia mea ame ka hoike a ka makai maluna o ka palapala kii i hoikeia maloko oonei, a i ikeia maloko o ka mea hoopiiia i hoikeia maoko nei, iloko o ka Apana o Hana, Mahele-aina Auhau Elua, a mai ka palapala hoike hoohikiia i oleloia e olelo ana aole ka mea hoopiiia he kamaaina a mea noho paa no ka Mahele-aina Auhaui oleloia.
Ua kauohaia e pa’iia a hoolahala ke kope oiaio a pololei o ka palapala kii kumu iloko o ka nupepa Kuokoa, he nupepa puka pule, pa’iia a hoolahaia iloko o Honolulu, no ekolu manawa neepapa, o ka hoolaha hope i umi la mamua o ka la e hooloheia ai, a o ka hihia i oleloia e mau aku ia a hiki i ka la 18 o Aperila,, 1903.
J. K. HANUNA,
Lunakanawai Apana o Hana, Maui.
Hanaia ma Hana Maraki 20, 1903.
2956-Mar. 27-Apr. 3, 10.
Hoolaha Hooko Moraki
HOOLAHA MANAO PANIKU A KUAI
A KA MEA PAA MORAKI
Ma keia ke haawla aku nei ka hoolaha mauli o ka mana kuai iloko o kekahi moraki i hanaia ma ka la 26 o Iune, A. D. 1897, i hanaia e Amoy Silva wahine mare a M. E. Silva o Honolulu, Mokupuni o Oahu, Teritori o Hawaii, ka Mea Moraki mai, ia Maria L. Hoffmann o Honolulu i oleloia, ka Mea Paa Moraki (make mahope mai) a i kopeia iloko o ke Keena Kakau Kope o ke Aupuni, ma Oahu iloko o ka buke helu 170 aoao 396 7, Owau, o W. O. Smith, Kahu ooko Kauoha o ka Palapaia Kauoha hope loa a Maria L. Hoffmann i oleloia, ka mea i make, ke manao nei e paniku i ka moraki i oleloia mamuli o na kumu i uhaiia, e hoike ana no ka uku oleia o ke kumu@aa i ka Manawa e uku ai.
Ke hoolaha pu ia aku nei no hoi o ka waiwai i hoopaaia maloko o keia moraki i oleloia e kuai kudalaia aku ana ma ke akea maloko o na keena kudala o James F. Morgan, Alanui Moiwhaine iloko o Honolulu i oleloia, ma ka Poaono, la 25 o Aperila; 1903 ma ka hora 12 awakea o ka la i oleloia.
O ka waiwai i hoopaaia maloko o ka moraki I oleloia a i manaoia e kuai kudala aku e like me ia i hoike mua ia ae nei oia kela apana a mahele aina e waiho la ma Kamakela. Honolulu i oleloia, i apoia a i hoakakaia e like me ia malalo iho:
E hoomaka ana ma ke kihi Komohana-Akau o keia Apana ma ke ana hui na o na apana elua a holo:
1. Hem. 4º Hik. 46-¼ kapuai ma ka Alanui Front (Alanui Alo.)
2. Akau 70½ Hik. 135 kapuai holo ma ka hapa Hema o keia pa-hale,
3. Akau 30º Kom. 36 kapuai holo ma ka pa-laau
4. Hem. 75º Kom. 115.4 kapuai holo ma ka hapa Akau o keia pa-hale a hiki i kahi i hoomaka ai, nona hoi ka iliaina o 115-1000 o ka Eka, a oia no hoi ka hapa o ka Palapala Sila Nui Helu 1758, L. C. A. 980, a oia no hoi ka pa-hale i hooliloia ia Amoy Silva i oleloia ma ka palapala kuai a J. D. Holt onio i hanaia ma ka la 9 o Maraki, 1894, a i kopeia ma ke Keena Kakau Kope o ke Aupuni, ma Oahu, iloko o ka buke helu 146, aoao 195-196.
Pau pu me na hana hou apau, na kuleana amen a pono apau i pili ilaila.
Aia he hale noho ke ku ia maluna o ua aina la a i inisuaia hoi no $800.
Ma ke kuike a ma ke dala gula Amerika no hoi ka makemake.
Ma ka aoao o ka mea kuai main a lilo palapala apau.
No na mea aku i koe e ike ae ia W O Smith, Judd Building, (Judd Ha@@ Honolulu. Hanala ma Honolulu, Maraki 24 @@@ WILLIAM O. SMITH Kahu Hooko Kauoha o ka P@@@@ Kauoha a Maria @@@@@@@@@ make. 2956Mar. 27 Apr. 3, 17 24
HOOLAHA MANAO PANIKI A @@@
A KA MEA PAA MORAKI
Ma keia ke haawila aku n@@ @@@ laha mamuli o ka mana kua@@@@@ kekahi moraki i hanaia ma @@@@@ o Augate, 1900, i hanaia e E@@@@@ ford no Honolulu, Mokupuni @@@@@ Teritori o Hawaii. Mea Moraki M@@@@ W.O. Smith. Kahu Malama W@@@@@S. W. Wilcox o Honolulu i @@@@@@ Mea Paa Moraki, a i kopeia @@@@@ Keena Kakau Kope o ke Au@@@@@@ Oahu, iloko o ka buke helu 2 @@@@@@ 154156 ke manao nei ka Mea Paa Moraki e paniku i ka moraki i @@@@@ na kumu i uhaiia e hoike ana @@@@ oleia o ke kumupaa ame ka u@@@@@ ka Manawa e uku ai.
Ke hoolaha pu ia aku nei n@@@@ ka waiwai apau i hoopaaia m@@@@ ka moraki i oleloia e kuai keuda@@@@@ ana ma ke akea ma na keena @@@@ o Jas. F. Morgan, Alanui M@@@@@ iloko o Honolulu i oleloia ma k@@@@@@ aono la 25 o Aperila, 1903 ma k@@@@ 12 awakea o ka ia i oleloia.
O ka waiwai i hoopaaia maloko @@@ moraki i oleloia a i manaoia e kua@@ like me ia i hoike mua ia ae nei @@@ keia malalo iho:
Akahi: O keia apana a mahele @@@ e waiho la ma Alanui Quarry. Ma h@ iaokahua iloko o Honolulu. Mokupu@ o Oahu, non aka iliaina o 6000 kapu@ kuea emi a oi iki a oia no hoi ka pa@ hale i kuai liloia ia W. H. Wincheser ma ka palapala kuai a W. E. Fost@@ Kahu Malama Waiwai i hanaia ma@@@ ia 21 o Augate 1895 a i kopeia ma @@ Keena Kakau Kope o ke Aupuni na Oahu iloko o ka buke 155 aoao 272 @ hoakaka pno ia hoi ma ke an@ @ hapa o ka Palapala Sila Nui @@@ Helu 3564 i apoia a i hoakakaia @@@ me ia maialo iho:
E hoomaka ana ma ka ma ka @@@@ aoao makai o ke Alanui Quarry 2@@@ kapuai mai ka aoao hema mai @@@@ Alanui Alapai hooloihiia a holo @@@ me ia malalo iho:
Hem. 37º 31' Kom. 120 kapuai @@@
Pa-hale o ke Kalabu (Club) o @@@ kiki: maiaila aku hoio.
Hem 52º 30' Hik. 50 kapuai @@@ Apana 511 malaila aku holo:
Akau 37º 30' Hik. 120 kapuai a @@@
Akau 52º 30' Kom. 50 Kapuai @@@ Alanui Quarry, non aka iliaina @@@ kapuai kuea.
Elua: O keia mau apana @@@ aina he mau apana a mahele o ka a@@ e waiho la ma ke Alanui artwright kokoke i kahale noho o J. M. McDonald ma Waikiki iloko o Honolulu i oleloia oia no hoi na apana helu @ 36 ame 37 o Kekio Tract (Mahele a@@ o Kekio) non aka @iaina o 15000 kap@@ kuea nona kea lo e holo la ma ke Alanui Cartwright i oleloa he 150 kapuai a 100 kapuai ka hohonu a he hapa o ka Palapala Sila Nui Helu 5667 @ C. A. Helu 5931 a o na aina no hoi ia i kuai @ ia W. H. Winchester ma ka palapala kuai a W.C A@hi Kahu Malama Waiwai ame C.B. Maile. Kahu Malama Waiwai i hana aim aka la @@ o M@@ 1897, a i kopeia ma ka buke aupuni hela 167, aoao 442.
O na pa-hale apau i hoikeia maluna ae ua hooliloia i ka Mea Moraki M@@ i oleloia, ma kekahi palapala kuai a W. H. Winchester i oleloia i hanaia @@ ka ia 3 o Augate, 1900, a i kopeia maloko o ka buke aupuni helu 210 aoao 104
Pau pu me na hana hou na kuleana amen a pono apau i pili @a@a.
Aia he hale maluna o ka pa-ha@@@ ku la ma ke Alanui Quarry, i ini@@@@ no $400.
Ma ke kuike a ma ke dala gula Amrika no hoi ka makemake.
Ma ka aoao o ka mea kuai main a @@@ palapala apau.
No na mea aku i koe e ike ae ia W. O.@ Smith. Judd Building, (Judd Hale Honolulu
Hanaia ma Honolulu, Moraki @@ @@
WILLIAM O. SMITH Kahu Malama Waiwai o S.W. Wilcox Mea Paa Moraki. 2956 Mar. 27 Apr. 3, 10, 17, 24.
HOOLAHA PANIKU A KUAI A KA
MEA PAA MORAKI
I kulike ai me na mana kuai i hanaia maloko o kekahi mau moraki elua i hanaia e Wilhelm Kelle, no Honolulu Mokupuni o Oahu, Teritori o Hawaii ia Pioneer Building and Loan Association of Hawaii, i hanaia ma ka la 22 o Maraki, 1897, a ma ka ia 24 o Feberuari 1900, he mau ia no laua i hana pukahi ia ai, a I kopeia, no laua pakahi iho iloko o ke Keena Kakau Kope o ke Aupuni ma Oahu, iloko o ka Buke Heia 170, aoao 145-147, a iloko o ka buke @@@ aoao 273-275, ke haawila aku nei ka hoolaha ke manao nei ka mea paa maraki e paniku i na moraki i oleloia mamuii o na kumu i uha iia, e hoike @@@ ka uku ole ia o ka ukupanee, kum@@@@ na auhau amen a uku-makahiki i ka Manawa e hookaa ai a malina o keia paniku ana, e kuai kudala @ a ma ke akea ma na keen kudala o James F. Morgan ma alanui Moiwhaine, M@@@
o Honolulu i oleloia ma ka Poaoao ka ia 11 o Aperila 7903, maka hora 12 @@@ kea o ka la i oleloia na pa-hale i @ akakaia i iloko o na moraki i oleloia e like me ia malalo iho:
O keia mahele aina apau lo e w@@@ la i Kaila, Waikiki, Honolulu I @@@ mua ia ae nei, i apuia e like me ia malalo iho:
E hoomaka ana ma ke kihi Hema @ keia mau apana am eke kihi Hikin@@ ka apana i ikeia ma ka helu @ @@@@@ e R. W. Bennett, ma ka aoao Komohana o ke alanui mahele-liilii maiaila aku holo
Akau 27º 40' Kom ma ka apana o @ W. Bennett i oleloia 100 kapuai. Akau 49º 50' Hik 100 kapuai. Hema 27º 40' Hik holo ma ke alanui nui Waikiki 100 kapuai.
Hema 49º 50' om holo ma ke alanui mahele-liilii I oleloia a hiki i kah@ hoomaka ai;ola no hoi na apana @@@@ ma keia mau helu 1 ame 2 e like @@@ i hoikeia ma ka palapala aina a @@@@ Waring & Co., a oia no hoi ka a@@@ kuaila ia Wilhelm Kelle i oleoia m@@ a J. A. Magoon mai ma kekahi palapala kuai 1 hanaia ma ka la 22 e Maraki 1897. PIONEER BUILDING AND LOAN ASSOCIATION OF HAWAII
Ma o kona loio la
A.G. M. Robertson
Hanaia, Honolulu, Maraki 17, 1903
2956 Mar. 20, 27 Aperila 3, 10