Ka Nupepa Kuokoa, Volume XLI, Number 12, 20 March 1903 — Page 6
| This text was transcribed by: | Angela |
| This work is dedicated to: | Charles Nalii |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA, MARAKI 20, 1903
O KA MAI NAHU O KA OPU ua wai hoowali ai o ka opu-aiai. Ina e ho no ka holoi ana i kela ano ma’i alaila ka nele mau i ka wai hoowali ai o ka aku o na ai hanai io paahana mailoko @oni ia iloko o ka opu-aiai. Ina e h mai alaila ua maopopo loa ka hopena kumu o ka hiki ana aku ia hopena ma aka ina e nalinali aku keia ano mai a lo kino mai ka puuwai aku alaila e loaa k Ina ua loaa oe ia ano ma’i alaila mai h @opo no hoi. E hoao oe i ka laau lap loaa mai ia mailoko mai o ka nele i ka opalalehaia ka nanaia ame ka makaala e mau ana ka aiia a lilo i mea aai o opu, ino mai ke keko ame ke pale ia mai o ka ai e aiia ana e ke kanaka a oohala oie oe i ka lapaau ana i keia o keia ano mai oia no ka make. O ke muli o ka nele o ka opu i ka ai ole, aa na aakoko hooholo koko iloko o ke koke ana oia i ka make hikiwawe loa, oopanee oe ia pilikia ou a mai hopoaau.
Kikapu Sagwa
Ka Hoolapanai o ka Mai Nahu o ka Opu
H laau hiki keia ke hoola i kela a no hoehaeha i na manawa apau. He hoomaemae oia i ke koko inoino a he hooponopono hou i na wahi a ka ma’i i komo ai ma na wahi paahana o ka opu-aiai, a hoonui mai i ka wai hoowali ai o ka opu-aiai a hoihoi hou mai i kona ano e like me mamua.
“He mea wau i loaa i keia ano ma’i, o ka ma’i nahu o ka opu no 13 mahahiki, ma ia manawa i loaa ai ia’u ke kulana nawaliwali moali e hiki ole ai ia’u ke hana aku i kekahi hana, aka ua hoano hou ia wau e keia laau lapaau Inikini Kikapu Sagwa. Ua hoihoi hou mai oia i ko’u ola o ke ano mamua ame ka hiki ia’u ke hana me ka ikaika kupono, nolaila ua loaa mai keia noonoo ia’u he mea kupono ia’u e huna ole i keia pomaikai aka e kukala aku i ke akea i loaa aku ia i ka poe i loohia i keia pilikia ka lapaau ana a ka iaau Kikapu Sagwa me ka loaa pu aku o ka pomaikai, he pomaikai hoi i loaa mai ai ia’u. Ma ko’u aoao ke hoike aku nei au i ke akea me ka hauoli nui i ka hooko io ia o ka mea i hoikeia no keia laau.” Ka hoike keia a William R. Donahue, Westcott, Nebraska.
Aia he poe lehulehu e ae kekahi no lakou ka huina ma kahi o na kaukani e ola nei i keia la i hoolaia e keia laau. E Loaa no keia laau lapaau ma na halekuai laau lapaau apau no hookahi dala o ka omole hookahi ke kumukuai a eono omale laau no elima dala. E hoounaia aku no na palapla kuhikuhi o ua laau lapaau nei me ka auhau ole ke kauoha ia mai.
Kikapoo Indian Medicine Co., New Haven, Conn., a loaa pu i kahi o Hobron.
E LOAA NO MA NA HALE KUAI LAAU APAU MA KAHI O HOBRON.
He Panai Kupono
HE KUA HOU, MA KAHI O KE KUA KAHIKO, MA HONOLULU NEI E HANAIA AI.
I kahi wa e loaa ana i keia kikala haneenee, ke ano naluea, hoihoi ole; kahi wa holo ae la ka eha ma ka iwikuamoo, e kokoke ana ma kahi o ka puupaa, a me na hookuina, a he ano maui la, aole i kana mai ka eha ke kulou. Makehewa ke kau ana i ka makeke, a anaanai ana i ke kua. Aohe loaa kahi o ka eha. No ko loaa ana he kua hou a ikaika, e oluolu e hoao e hahai i na kuhikuhi ana a keia makaainana o Honolulu nei:
Mr. A. J. Cahill o ke alanui Papu, ma keia kulanakauhale, kiai po kana hana ma kahi o Messrs. T. H. Davies & Co., Kaupaaenlia, wahi ana: He @ela moku au i ko’u mau la opio, a i kahi manawa, ua hana au no ka Hui Moku Piliaina. Mamuli o keia loaa ana o’u i ke kikala haneenee me ka mai ma ka puupaa ua haalele au i ko’u hele ana i ke kai.
No keia kumu, ua hoao au i na ano laau a pau, a o ka laau nana au i hoomama keia mau luuluu i loaa ia’au, oia no kela Huale a Doans no ke Kikala Haneenee me ka Puupaa. Eia ke kuai ia nei ma ka halekuai laau o Hollister’s. Ola loa ko’u mai, pau na ehaeha i loaa ia’u. Ina e manao ana kahi mea e ike ia’u, e loaa no au ma kahi kuai iako moku, o Van Dorn’s, alanui Papu.
E loaa no ia oe, ka laau i ola ai o Mr. Cahill, me ka nana pono ana i ka inoa piha like me keia ma ka wahi: -
Doan’s Backache Kidney Pills, ke kuai ia nai ma na hale haawi laau a pau ma ke 50 keneta o ke poho, 6 poho $2.50, a i ole e leta mai no i ka halekuai laau o Hollister Co., ma Honolulu, Agena no ka Pae Aina Hawaii.
O ke Ola ame ka Make Mahea Oe?
O keia ninau e kau ae la maluna nona keia kino lahilahi uhane ola, oia kekahi o na ninau ano nui loa a kekahi senatoa hanohano e noho nai i keia ahaolelo e pono e lawe a noonoo nona iho. Ua upu mai ia’u keia ninau mahope o kekahi noonoo ana maluna o ka bila kanawai e papa loa ia ka lawe ia ana mai o na i’a liilii mai loko mai o ke kai. O ka makuahine ponoi o keia bila oia hoi ka mea hanohano S. W. Wilcox o ka mokupuni kihapai o Kauai ua ike maopopo le’a oia i ka hua momona e hua mai ana ina e hoomana ia ana keia kanawai maluna o keia paeaina, he hua momona hoi e ike ai, ka lahui a e poina ole ai i ka inoa nana ka bila. Ua hapaiia mai keia bila iloko o ka senate a hooholo elua ia aka ia ka manawa o ka heluhelu ekolu ana, ua lohe ia aku la na leo ku-e e nakolokolo ana iloko o ka paia ihiihi o ka lumi, a mahope o kekahi mau kamailio ana ua waihoia ka noonoo ana o keia bila no hookahi pule. O na kumu ku-e a kekahi mau senatoa, o pilikia na kanana Hawaii i na i’a liilii ole kekahi ua makemake oia e pepehi puuwai eleele i keia bila, wahi ana, “o na i’a liilii he maunu lawaia ia na na kanaka Hawaii.”
Maluna iho la o keia kahua au i kukulu ai i keia ninau nona hoi keia kino e olino aku nei imua o oukou, na hoa hanohano o ka Aholelo ame ka lahui e noho kiai mai nei. Ma keia bila e waiho ia ana na i’a liilii me ka maluhia aole loa lakou e hoopa ia aku aka i ko lakou manawa e hookino ae ai a lilo i mau i’a nunui oia iho la ka manawa kupono e lawe ai ia lakou no ka ai ana. O na Iapana ame na Pake, na lahui e ulupa nei i na i’a liilii me na upena makika a no ka mea ua ike maka keia mea kakau i keia mau lahui aneane i na kakahiaka apau e hana ana i keia. “Makemake anei oukou e hoomau i ko lakou hanu ola i lilo ae ai hoi lakou i mau i’a nunui?” O ke kanana noonoo maikai e hoike mai ana oia e hoomau ia ke ola o na i’a liilii aole hoi e pepehi wale ia, a i ole haawi ia aku i na holoholona.
O na kumu ku-e i waihoia ia mai e kekahi mau senatoa i hoakaka mua ia ae nei mamua no na mea, e pili ana, i keia bila, he mau kumu aa ole ia. Maluna o keia bila e lana ai ko kakou manao e ka lahui e hoonui a e hoolaupa’i hou ia ko kakou mau kai me na i’a nunui a emi mai no hoi ke kumukuai o ka i’a aka i pepehi ia keia bila i ka manawa e hapaiia mai ai no ka manawa ekolu o ka ae na aku no ia ame ka olelo ana aku i na Iapana ame na Pake.
“E na Iapana ame na Pake, na makou nei i pepehi i ka bila e hoopakele ana i na i’a liilii, a no keia mea ua ae malaelae ia oukou (o lakou no ka hapanui) me ka hoomaka’uka’u ole ma ko oukou aoao, e ulupa, a e lawe aku i na i’a liilii mailoko aku o ko lakou home wai, e hana aku e like me ko oukou makemake, no ka mea ma ko makou inoa nei (na hoa e ku-e ana i keia bila) ua loaa ia oukou ka palapala o ke ke’ake’a ole ia. Me keia manao pokole, ke waiho nei au i keia ninau imua o na hoa kau kanawai o ka Teritori me ka manaolana e hooholoia keia kanawai, a hoopakeleia hoi na i’ai liilii.
BERNARD H. KELEKOLIO.
Nuhou o na Aina E.
(Mai ka aoao 1 mai.)
PII KONA KUMUKUAI
MINNEAPOLIS, Maraki 14.-Ua hoole aku ka ona o Dan Patch, ka lio heihei kaulana i ka kuai ana no $70,000. Pii no ke kumukuai o keia lio.
KA NEGRO PEPEHI KANAKA.
FILIDELEPIA, Maraki 15.-Ma o ka hopuia ana o Hase, he kauka Negero hoomemea, ua wehe moakaka ia ae la ke po’i o kekahi mau karaima eleele i hanaia e ia. O ka hoopii imua o ua Negero nei oia no kona pepehi ana i na wahine he 34 a make me ka puuwai eleele.
NUI KA LILO O WALE.
LADANA, Maraki 15.-Ua hoikeia ae iloko o kekahi ana pepa i malamaia ua lilo aku ke keikialii Wale he $14,000 a oi.
POWA IA KA HALEAINA.
PUEBLO, Col., Maraki15.-Ua powa ia aku ka hale aina i keia la ma ke awakea i na kanaka e ai ana i ko lakou aina awakea. Ua palulu ia ka helehelena o keia mau kanaka powa, a ua kipoka ia aku he elua mau kanaka, he hookahi i hoeha kuhohonu loa ia.
KE MAU LA NO KA LANAKILA.
CARACAS, Maraki 15.-Ua lilo hou mai ke kulanakauhale o Coropano i na koa aupuni mahope o kekahi hoouka kaua weliweli ana o ekolu hora. Ua hoauhee ia aku na koa kipi me ka haalele ana i na make maluna o ke kahua kaua. He 63 mau koa kipi i paa i ka hopuia.
HU KA MULIWAI MIKIKIPI.
MEMPHIS, Maraki 16.-Ke kahe nai ka muliwai Mikikipi a ke a’e nei maluna o na palewai. Ke kau nei ka weli maluna o na mea apau.
HOUHEWA NA MOKU ILOKO O KA OHU.
VANEKOUA, Maraki 16.-Mamuli o ka hooku’i ana o ka mokuahi City o Seattle ame ka moku kia kolu Pelekane Bankleigh i ka manawa a ka ohu e hoopouli ana, ua hoopoinoia aku ka moku kia kolu ma kahi o $50,000.
LIULIU O PERESIDENA RUSAWELA.
WAKINETONA, Maraki 16.-E hoomaka ana o Peresidena Rusawela i kaan huakai ma ka la 1 o keia mahina ae o Aperila a e huli hoi mai ana ma ka la 4 o Iune.
E hoea ana oia ma Kapalakiko a noho ilaila ma ka la 12 o Mei ame ka la 14.
KAUA KULOKO MA IURAGAFAEA.
MONTEVIDEO, Maraki 16.-Aia he kaua kuloko ke olale la iloko o ekolu mahele o Iuragawaea.
KE KUIKAHI PANAILIKE O PANAMA.
WAKINETONA, Maraki 16.-Iloko ka Aha senate i keia la ua pepehi ia iho a make loa ka hoololi a Bacon no ka hoomaluia ana o ke alahele moana wai o Panama malalo o Amerika Huipuia. Me he la e apono ia ana keia kuikahi i ka la apopo.
KA INOA O KA MOKU HEIHEI.
NU IOKA, Maraki 16.-O ka inoa o ka moku heihei hou, ke kupale o ke kiaha, ua hea ia aku ma ka inoa o Reliance.
APONONIA KE KUIKAHI.
WAKINETONA, Maraki 17.-I keia la ua hoapono aku ka senate i ke kuikahi panailike o ke alahele moana wai o Panama me kekahi wahi hoololi ole. Ma ka ninau ana no ka hoapono ana i keia kuikahi, ua ae mai 73 a hoole 5. Ua hoaponoia aku ke kuikahi e like me ia i waiho ia mai ai e ke komike hama o na aina e.
PII KE KULANA O WALLER.
WAKINETONA, Maraki 17.-Ua hookiekie hou ia ae nei o Meia Littleton W. T. Waller o ka pualikoa Marina o Amerika Huipuia ma ke kulana Lukanela Konela.
MAKA’U O MONTEVIDEO.
MONTEVIDEO, Maraki 17.-Ua loli ae nei ke kulana o ke kaua. Ke akoakoa nei na pualikoa kaua kipi o 8,000 kokoke ma ke kulanakauhale nei a ke hopohopo nei ke kulanakauhale no ko lakou lele kaua ia mai. Ua pau na alahao i ka wawahiia a ke hopohopo nei na makaainana mai o a o.
POINO NUI MA MEMPHIS.
MEMPHIS, Maraki 18.-Ua panikuia na kukai kamailio ana ma na alahao ame keia kulanakauhale mamuli o ka waikahe.
HE HOOKI HANA.
KAPALAKIKO, Maraki 18.-Aole i loaa kekahi mau aelike ana mawaena o na kanaka hana o ka hui ame na haku, a ke manaoia nei e haalele ana lakou i ka hana ma ka Poaono.
HOOKOHUIA I HOPE PUUKU.
WASINETONA, Maraki 18.-Ua hookohuia aku nei o Hamilton Fish i hope puuku no ka waihona dala o Amerika Huipuia ma ka mokuaina o Nu Ioka.
OLUOLU MAIKAI O SCHWAB.
NU IOKA, Maraki 18.-Ua huli hoi mai nei o Charles M. Schwab ma Europa mai iloko o ke ola kino maikai.
KA PANAILIKE O KUBA.
WASINETONA, Maraki 18.-Apopo e laweia ai na koho ana maluna o ke kuikahi panailike o Cuba.
Mea hou o ka hale Ahaolelo.
(Mai ka aoa@ 5 mai)
Ma ka olelo hooholo a Kupihea e noi ana i $15,000 no na pilikia kuikawa o na uwapo o Ewa ame Wainae ua hoike mai ke komite aohe he mau hemahema iloko o ia mau wahi koa wale no ka uwapo o Kalauao.
Hoike komite pili i na laikini bia a ua kakoo ke komite i ka bila a Kiliniwoki e hooholoia me ka pakui i hoaponia e ka Puuku ame ka Maikai Kiekie.
Hoomoeia ka bila a Kumalae e pili ana i na koi poho pauahi no ka mea ua hooholoia e ke Senate he bila o ia ano hookahi.
Hoike komite pili i ka hui inisua na Andrade, wahi ana, he mea pono e waihoia ia hana iloko o ka lima o ke komite hookolokolo oiai he mau mea pili kanawai ia.
Hoike komite pili i ka hoopau loa ana i na auhau kino, kula ame alanui, ua kakoo loa mai ke komite e hoopau loa ia ka noonoo ana ia manao hoopau auhau. Ma ke noi a Kaniho ua waihoia ka hoike ma ka papa a noonoo pu ia me ka bila pili ilaila.
Hoike komite pili i na laikini bia ua ua waihoia mai no ke kakoo ana e hoike ana ua lawa no ka $250. Manao o Kumalae e hoonui ae eia nae, ua waihoia ma ka papa no ka noonoo hou ana.
Na ke komite aupuni he hoike pili i ka pokole o ke dala aupuni a Wilikoki a waihoia i ke komite pai.
Na Kiliniwoki he noi e noonooia ka bila kalana. Heluhelu elua ia ka bila a waihoia i ke komite o eiwa lala mahope o kekahi papa leo ana.
Holo ka bila helu 51 pili i na kula hoopololei, ma ka heluhelu ekolu.
Holo ka bila helu 52 ma ka heluhelu ekolu.
Holo ka bila helu 54 pili i na aha hookolokolo.
Holo ka bila helu 55-27 ae i ka hookahi hoole.
Holo ka bila helu 59 me ka lokahi.
Holo ka bila helu 50-20 ae i ka 7 hoole.
Noonooia ka bila o na loaa kuikawa no na pilikia kuikawa a hooholoia 25 ae kue ia 3.
Hoomoeia ma ka papa bila pakui helu 18 ame 74.
Hoopanee ka Hale a nono hou.
MA KA HALE O NA SENATOA.
La hana 25, Maraki 18.-Na Brown he hoike komite o na ala ame loaa e kakoo ana i ka bila hoopau i ke pooleta 20 keneta auhau maluna o na mahele kuleana hui. Hoaponoia ka hoike komite.
Hoike komite a Baldwin kue i ka hoololi uku hana o na pailaka. Ua kakoo ke komite e nanaia i eha mau pailaka mai ka $200 a $300 o ka mahina. Aponoia ka hoike a hoomoeia ka bila ma ka papa.
Hoike komite aina Aupuni a McCandless pili i na palapala hookuleana hoohana a W. W. Dimond ame A. L. C. Atkinson e pili ana i na kukui ea. Aole i kakoo mai ke komite aka e waiho hou ia no ka noonoo ana.
Na Wilikoki he hoike komite e kakoo ana i ke noi e kukuluia i halekula no Olaa ame ka bila haawina o $4,200 no ia hana.
Na Wilikoki he hoike komite ola e kue ana i bila hoopau i ko o ana a nana no he bila hou pili no ilaila ma kahi o ka bila hoopau o. Waihoia ma ka papa.
He hoike na Dickey e kakoo ana i ka bila koho balota kuai waiona. Waihola ka hoike a noonoo pu ia me ka bila.
Hoike komite huikau e kakoo ana i ka bila alahao a Winston mai Honolulu aku a Makapuu. Waihoia ka hoike a noonooia me ka bila.
Hoike komite hookolokolo a Brown e kakoo ana i ka bila Senate helu 93, ame na bila e ae e hoaponoia lakou a pau.
He makemake na Achi pili i ke kakau mikini no ka bila aupuni kulanakauhale. Ua hookoia.
Na C. Brown he bila no ke pai ana i na olelo hooholo o ka Aha Hookolokolo Apana o Amerika Huipuia no ka hoolawa ana i na luna aupuni nui ame ke Teritori. A ua manaoia i haawina dala o 1,700 no na hoolilo a he 750 buke i manaoia e pai. Kauohaia ka bila e paiia.
Na Crabbe he bila e haawi mana ana ike aupuni pili i ka lua wai o Pauoa.
Na Dickey he olelo hooholo bila haawina o $400 no ka uku hou ana i na lunaleta. Waikoia i ke komite o na ala ame loaa.
O ka bila e kaupalena ana i ka aeia o na loio pili i ka Aha Kiekie ua hooholoia me ka pakui mai ia Paris mai e hoopii ana i ka uku maia ka $10 a ka $25.
Na Dickey he manao pili i na Masons no ka ulu komo o $50.
Holo ka bila pili i na hoolaha e hanaia aku ai e na papa hoopaainoa.
Make loa ka bila helu 34 a ka Hale o na Lunamakkaainana e pili ana i ka haawi mana i na hoa hui o na hui no ka mana koho.
Mahope o ka noonoo ana maluna o kekahi mau bila ua hopanoeeia ka Aha.
Iloko o ka Lua Mimilo.
Ka Piholo ana o ka Moku Strecker.
Pakele mahunehune ke ola o na ohua. Na mea a kekahi kaikamahine o Rockester i ike ai-ka moolelo o kona hoopakeleia ana.
O ke kapena o ka mokuahi George Strcker i piholo aku hoi iloko o ka lua mimilo o ka muliwai Green Rapids, oiai ka ino ame ka makani e hana mao ole ana i kela manawa, ua kamaainaa piha oia i keia muliwai a ua holo mau ia e ia no iwakalua makahiki a oi mamua aku o keia pilikia. Ua loaa mai keia pilikia mahope koke iho no o ka paina kakahiaka ana o na ohua, a nui no hoi na ohua e noho nanea ana iluna o ka oneki me ko lakou mau maka e haliu ana maluna o ke kai kupikipikio. Iwaena o keia poe e noho nanea ana o Miss G. E. Redferu kekahi, he kaikamahine no Rochester, Helu 98, alanui Ambrose, Nu Ioka; a o kana mau hoike e pili ana no keia pilikia i loohia iho maluna o lakou, he mau hoike ia e hooiaio mai ana ua paio ikaika i’o na ohua apau no ka hoopakele ana i ko lakou mau ola pakahi iho.
“I ka manawa o ka moku i piholo ai,” wahi a Miss Redferu, “ua lekei aku kekahi o na kanaka ilko o ka wai a au aku la no uka o ka aina. O kekahi poe ua paa aku lakou i na bela ukana e lana ana a hoopakeleia ae ia kekahi o lakou e kekahi mau kanaka iloko o ka waapa loihi. Ua paa aku ku’u wahi lele i kekahi wahi kui lou o ka moku a ua kaulako pu ia aku la au iloko o ka papaku o ka muliwai me ka moku. Ua luu mai la he luina a nana hoi au i hapai hou aku iluna a i keia manawa no ua kiolaia mai la he apo hoolana imua ona e kekahi mea. Ua kokuaia he bela pulupulu, a ma keia ua pae maalahi aku la au iuka o ka aina.”
I ka manawa i loohia ai ka moku i keia pilikia, e huli hoi ana o Miss Redferu i Rochester mai Kenetaki mai aka mamuli o keia ulia pakalaki, ua hoea aku oia i ka home me ke kulana kupilikii.
“Ua paa pu kuu kino me ka hau,” wahi ana i olelo ae ai, “i kuu manawa i laweia ai iuka o ka aina. Ua hele mai la kuu kino a eleele a polu no hoi mamuli o na eha i loaa ia’u a ua hoike ae kuu ohana aole au e ola ana. No kekahi manawa loihi a hiki wale no i kuu lawe ana i ka Huaale Akala a Dr. Williams, ua hooliloia kuu kino i moepuu na ka eha. Aole i loaa ia’u na kokua ana mai na kauka lapaau mai, a ua hele no hoi au a uluhua. O kuu ola kino maikai ua ulupaia a hiki i ka onawaliwali loa ana, a wiwi no hoi, a ua hele mai la no hoi au a haalulu. Aka ua hoololi mai ka Huaale Akala a Dr. Williams i keia mau popilikia o’u, iloko o ka manawa pokele mahope iho o kuu hoao ana i keia laau.
Ua loaa mai la ia’u ke kulana maikai a mahope o kuu lawe ana i kekahi mau pahu ua hoi hou mai la kuu ikaika ame kuu maikai e like me mamua.
Ua kaulana aku keia mau Huaale a puni ke ao no ka lakou mau hana hookalakapua, nui a ka liilii. Ua hoola aku lakou i kekahi mau ma’i i oi aku mamua o ko Miss Redfern a ua hiki no hoi ke hoola i na ma’i malalo mai o keia.
E loaa no keia laau ma na halekuai laau apau, a i ole mai ka Dr. Williams Medicine Company, Schenectady, N.Y. kanalima keneta o ke poho hookahi; eono poho $2.50.
kai loa aka nae oia ka’u i olelo ai. O heaha keia?
E hele i kahi o na kauka huki niho noeau, Helu 215 alanu Hotele, ma o aku o ke Alanui Uniona ma ke alo iho o Young Hale. Hemaikai na lawelawe hana ana a emi no hoi ka auhau. He maikai na mea hana o ke ano hou loa. Aohe auhau no ka noho ana, a he wahine Hawaii ke kokua.
Hoopiha me ke Kala - - 50 keneta
Hoopiha me ka Gula $1.00 a pii aku
Papa Niho Gula - - -
Papa Niho Kala - -
Papa Niho Maoli - - -} $5
Papa Niho piha pono - - - $5.00
Huki ana i ka Niho - - - - 50c
NO PLATES REQUIRED
NA KAUKA HUKI NIHO NOEAU
W. E. Allen, D.D.S. F. L. Ferguson, D.D.S
He Pauahi i ke Kuiu Aumoe.
I na kini apau o ke kulanakauhale nei e hoonipo ana iloko o ka hiamoe nanea i ka po Poakahi la 16 nei a mamua hoi o ke kuhi ana o ka manamana uwati ma ka hora 12 oia po aia hoi ua ikeia ae la ka alelo ula o ke ahi e hoao ana e ale i ka pauku kino kahi mokukuna Mahukona. Ua hoea mai ma ka la 10 o keia mahina a mamuli o kona ku ana iwaho ma na laina e ku mau nei na mokukaua ua nui na hana i hooneeia ia po no ka hoopakele ana i ua wahi moku nei. O Kapena Salverson ka mea nana i ike mua i keia ahi a oia no ka manawa ana i hoike aku ai i name mea apau i kolke ahu ai i na mea apau i ko lakou poino. Mamuli o ke kani koele mau o ka bele ua puiwa mai la hoi na luina o na moku e pili koke ana, a iloko o ka manawa pokele, ua ike ae la na mea apau i ke ahi e holapu ana me ke kuihe ole. Ua hoea ae o Chief Thurston ilaila me kona poe keiki punahele no a mai iaia aku ua kelepona aku la oia ia kapena Olsson o ka molu kolo Fearless, a aole i loihi @ pili aku ia ua moku wiwoole nei ma ka aoao o ka mokku poino, a aia na tona wai awaawa o ke kai ke hana mao ole la maluna o ke ahi, a o ka hopena ua haawii pio mai la ke ahi malao o ka mana o ka wai.
Ka Hoolewa nui o ke Alii.
(Mai ka aoao 1 mai.)
Ka Hae Lahui ame ka Hae o na Puali.
Ka Puali Haukapila, N. G. H.
Ke Ke’a ame na Ihoiho Kukui.
Ka Papa Himeni Kakolika ame na Ahahui Haawi Manawalea.
Pro Vicar Libert, na makua Valekino a me ka maku Kivini.
Hookahi Haneri ame Iwakalua Poola huki ana i ke kaa kupapau.
Alekanekelo Iliha, Kamehameha (Moopuna a Kamehameha V.), Henry
Peter Mikona ame Kauhola Kahoalii, maluna o ke kaa kupapau elua mamua a elua mahope me ka ahuula ame na laau kapu.
Na Hapai Pahu: David Hopili, Jessie Makainai, St. Clair Piinaio, Hon. Fred Kahapula Beckley, Curtis Iaukea, Hon. James Lewis, A. K. Palekaluhi ame Hon. George Beckley.
John Baker, Hapai mea Makamae o ka Moi.
Kanakolu Kahili Liilii ame Kahili Nunui.
Na Paa Kahili ma ka aoao o ke Kaa Kupapau.
Wahine Kane Make, Mrs. Kunuiakea ame Mrs. Grace Kahooalii.
Mrs. Maiulani Piinaia ame Mrs. Keomailani Cockett.
Mrs. Kaoanaeha ame Mr. Kahooalii.
Kaa o ke Keikialii Kawananakoa.
Mrs. Peleuli Amalu ame Mrs. Theresa Wilikoki.
MissesTaylor ame Miss Kekuanohi
Miss Lucy K. Peabody ame Mrs. P. Mikona.
Mrs. Elizabeth Booth ame Mrs. Lucy K. Herriques
Mrs. Kahaawelani Kehea ame Mrs. Annie Kaikioewa.
Mrs. K. Nahaolelua ame Mrs. Kekai Kuihala Mahaulu.
Mr. ame Mrs. Willie Simonson.
Mrs. Kahakuhaakoa ame Mrs. Maluhi Reis.
Mrs. E. S. Boyd ame Miss K. Kamaiopili.
Gorge Rooke.
Na Hope o ke Kiaaina.
Kakauolelo o ka Teritori Carter ame ka Lunakanawai Kiekie Frear.
Peresidena Crabbe ame Hope Peresisidena Paris o ka Aha Senate.
Hope Lunahoomalu Knudsen o ka Hale o na Lunamakaainana.
Lunakanawai Kiekie Galbraith ame Perry.
Meia McLellen, o ka Pualikoa Amerika ame Lukanela alakai Rodman o ko Amerika Mau Aumokukaua.
No Lala o ka Senate ame ka Hale o na Lunamakaainana.
Na Kanikela.
Hon. John Cummings.
Mrs. Julia Afong ame Mrs. A. A. Montano.
Mrs. Kamaka Stillman.
Lala o ke Komite.
Ka Lehulehu.
Ua nee aku keia huakai ma ke alanui Moi a pii ma ke alanui Alakea ame Ema a i ke alanui Waina, a mai Waina aku i ke alanui Nuuanu a hiki i Maemae. Ma na alanui apau ua piha wale no me na kanaka a i ka hoea ana iuka ua hapiia aku ka pahu iloko o ka hale. Mahope o ka hana a ke kahunapule ua melia mai la ka himeni “E pili i ou la Wau.” E moe oe me ka maluhia.
Hoolaha Mana Hookolokolo
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKA@@’O KA TERITORI O HAWAII.
($2.00 Pooleka)
Isabella K. Winston kue ia Theodore A. Winston. Palapala Kii.
Ka Teritore o Hawaii:
I ka Makai Kiekie o ka Teretore o Hawaii, a i kona Hope; i ka Maka Nui o ka Mokupuni o Oahu, a i ole ia i kona Hope.
Ke kauohaia aku nei oe e kii akku ia Theodore A. Winston, ka mea i hoopina. ina he makemake e waiho mai oia i kana palapala pane iloko o na la he iwakalua mahope o ka hooko ia ana o keaia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomakaaana ma Honolulu. Mokupuni o Oahu, i ka Poakahi, la 2 o Feberuari e hihi mai ana, i ka hora 10 kakahiaka, a e hoike mai oia i kana mau kumu kue i ke koi hoopii a Isabella K Winston. ka mea hoopii a no ke aha la e hiki ole ai e hooholo ia’ku ai e like me ke noi maloko o kana Palapala Hoopii Oki Mare.
A e lawe ia’ku malaila ia manawa keia Palapala Kii me kau hoike apau no ia mea.
IKEA ka Mea Hanohano J. T. De Bolt Lunakanawai Ekahi o ka Aha
(Sila.) Kaapuni o ka Apana Kaapuni Ekahi ma Honolulu, Oahu, i keia la 22 o Ianuari, 1903.
(Kakuinoaia) GEORGE LUCAS.
Kakauolelo.
Teretore o Hawaii. )
Honolulu Oahu. )ss
He kope pia a oiaio loa keia o ka palapala kumu ma ia hihia, a me keia ke hooia nei au ua hoopaneeia ua hihia la a hiki aku i ke Kau o mei, A. D. 1903. E nee mai nei a e hoolahaia keia Palapala Kii mamuli o ke kauoha a keia Aha.
J. A. THOMPSON.
Kakauolelo o ka Aha Hookolokolo Kaapuni o ka Apana Hookolokolo o ka Apana Hookolokolo Kaapuni, Ekahi, Teritori o Hawaii.
Honolulu, Feberuari 10, 1903.
2950-Feb. 13, 20, 27. – Mch. 6, 13, 20.
ILOKO O KA AHA HOOKOLOKOLO KAAPUNI O KA APANA HOOKOLOKOLO KAAPUNI EKA@@’O KA TERITORI O HAWAII.
($2.00 Pooleka)
Lydia R. Allen, kue ia George C. Allen.
Palapala Kii.
Ka Teritore o Hawaii:
I ka Makai Kiekie o ka Teretore o Hawaii, a i kona Hope; i ka Maka Nui o ka Mokupuni o Oahu, a i ole ia i kona Hope.
Ke kauohaia aku nei oe e kii akku ia George C. Allen, ka mea i hoopilia, ina he makemake e waiho mai oia i kana palapala pane iloko o na la he iwakalua mahope o ka hooko ia ana o keia palapala kii, e hele mai oia imua o ka Aha Kaapuni i oleloia ma ke Kau o Feberuari e nee mai nei, e hoomakaaana ma Honolulu. Mokupuni o Oahu, i ka Poakahi, la 2 o Feberuari e hihi mai ana, i ka hora 10 kakahiaka, a e hoike mai oia i kana mau kumu kue i ke koi hoopii a Lydia R. Allen, ka mea hoopii a no ke aha la e hiki ole ai e hooholo ia’ku ai e like me ke noi maloko o kana Palapala Hoopii Oki Mare.
A e lawe ia’ku malaila ia manawa keia Palapala Kii me kau hoike apau no ia mea.
IKEA ka Mea Hanohano J. T. De Bolt Lunakanawai Ekahi o ka Aha
(Sila.) Kaapuni o ka Apana Kaapuni Ekahi ma Honolulu, Oahu, i keia la 22 o Ianuari, 1903.
(Kakuinoaia) GEORGE LUCAS.
Kakauolelo.
Teretore o Hawaii. )
Honolulu Oahu. )ss
He kope pia a oiaio loa keia o ka palapala kumu ma ia hihia, a me keia ke hooia nei au ua hoopaneeia ua hihia la a hiki aku i ke Kau o mei, A. D. 1903, e nee mai nei a e hoolahaia keia Palapala Kii mamuli o ke kauoha a keia Aha.
J. A. THOMPSON.
Kakauolelo o ka Aha Hookolokolo Kaapuni o ka Apana Hookolokolo o ka Apana Hookolokolo Kaapuni, Ekahi, Teritori o Hawaii.
Honolulu, Feberuari 10, 1903.
2950-Feb. 13, 20, 27. – Mch. 6, 13, 20.
He ano holopapa no ka ma’i influenze ma ke kau o ka makahiki e like me keia. Ua ano like lea aku no keia ma’i me ke anu ikaika a ina e hookuukuu wale ia alaila e lilo ana i mea nui loa. O ka laau kupono loa no keia oia no ka Chamberlain’s Cough Remedy. Ina a lawelaweia keia laau malalo o na ruia aole e nele ka loaa o ka maha me ka hakalia ole. He mana kona e hoihoi hou mai ai ke kino i kona ano mau a ola maikai no hoi. Aole e nele ka loaa o ka maha me ka hakalia ole. Aia ma ka halekuai o Benson Smith & Co., Ltd., e loaa ai no ke kumukuai kupono.
O kou mau niho kou mau hoaloha maikai
O ka hoohemahema ia lakou oia koku ehaeha, e maeele ana iloko o ke kino, ka noonoo ame ke ano e o ka helehelena. Ina he manao kou no ka hana ia aku, e kipa mai i o makou nei no ke kuka pu ana me ka auhau ole. O na hana apau me ka maikai wale no e lawelaweia ai a eha ole no hoi a nui no hoi ka peo i ike ia makou o ko Honolulu nei ame ko no mokupuni a lawa ko lakou makemake a na lakou e hoike no makou.
Na auhau no ka Hana ana.
Papa Niho Gula...............$5.00
Papa niho pono.................$5.00
Hoopiha me ka gula..$1.00 a pii aku
Hooiha me ke dala.....50 keneta
New York Dental Parlors
Helu 1057, Alanui Papu mawaena o na Alanui Moi ame Hotele.
Ma ko William Pa’i Kii ipuka no e komo ai a loaa ko makou keena.