Ka Nupepa Kuokoa, Volume XLI, Number 9, 27 February 1903 — Page 2
| This text was transcribed by: | Lianne Hee |
| This work is dedicated to: | Maxine Leinaala Porter Hee |
Ka Nupepa Kuokoa
KE KILOHANA POOKELA NO KA LAHUI HAWAII.
NUPEPA KUOKOA FEBERUARI 27, 1903.
No ka Makahiki $2.00
No Kono Mahina 1.00
Kui@ o ka Rula
NA PUKA 1 2 3 1 2 3 1
ANA Pule Pule Pule Mal Mal Mal Mak
1 Iniha $1.50 $2.00 $2.50 $3.00 $5.00 $6.75 $12.00
2 Iniha 2.00 2.75 3.50 4.00 7.00 9.00 18.00
3 Iniha 2.50 3.50 4.50 5.00 9.00 12.00 24.00
4 Iniha 3.00 4.00 5.00 6.00 11.00 13.00 30.00
5 Iniha 3.50 4.75 6.00 7.00 12.00 15.00 36.00
6 Iniha 4.00 5.50 7.00 8.00 13.00 16.00 42.00
O NA OLELO HOOLAHA A PAU A HOOUNAIA MAI ANA NO KA HOOLAHA MALOKO O KEIA NUPEPA, E HOOUNA PU MAI ME KA AUHAU, A I NA AOLE,
AOHE NO A HOOKOMOIA.
O na Dala a pau o ka Pepa nei e hoouna pololei mai i ka HAWAIIAN GAZETTE COMPANY.
HOOPUKAIA E KA
HAWAIIAN GAZETTE CO
Hookomoia ma ka Hale Leka o Honolulu, Panalaau o Hawaii, ma ke ano mea o ka Papa Blue.
DAVID L. A-I, Lunahooponopono.
- W. PEARSON, Luna Nui
Honolulu, Oahu
POALIMA FEBERUARI 27, 1903
PUKA MALAELAE A NEE IMUA.
Ua hiki mai kakaou i kahi e loaa ai ka manaolana e paholaia ae ka pomaikai kaulike maluna o ka lehulehu, oia hoi ka noho ana o ke Kau Ahaolelo Elua iloko o ko kakou nohona teritoriana. Ua pa-e na leo e hoike ana i ka lehulehu e kau aku na nanaina ame na noonoo ana no keia Kau Ahaolelo, kahi hoi e pahola mai ai i na pomaikai kaulike no na mea apau.
Aole he kahua, e ae nana e pahola mai ia pomaikai mailoko mai o ko kakou mau Hale Kaukanawai, koe wale no, ala a ku iho iloko o ke apo o ke kuikahi ame ka lokahi.
Ma keia Kau Ahaolelo i weheia iho ia i ka la 18 o Feberuari, 1903, oia kekahi Kau i anoi nui ia, no ka mea, o ka aoao ikaika iloko o na Hale a Elua oia no ka Aoao Repubalika, aka, i ke koho ana nae i na Luna o ua mau Hale hanohano la, ua holopono na Luna o ka Hale o na Senatoa, a o ka Hale hoi o na Lunamakaainana, ua kau ae la ka hapa uuku i ka noho hanohano (Lunahoo-malu) o ua hale hanohano la. Ua hookoia kela olelo kahiko, “puali ka hau nui i ka hau iki.”
Eia nae, aole i kuha’u iho na hana a ku iho paha aka ua nee aku imua e like me ke keonimana oihana kalepa e hele ana ma ke alanui oihana kahi ana e ku ana. Ma ka helu ana ma ke ano nui ua maikai ka hele ana o na hana, a o ua mau hana nei na lakou no e hoike mai nei ia kakou i ka lehulehu, he makee hana he makee manawa a he hooholo i na hana imua me ka hoohakalia ole ka keia Ahaolelo.
Ua ikeia keia ma na olelo paipai a ka Lunahoomalu Beckley ame ka olelo hooholo a Keliinoi i haule ai e pa’iia ka moolelo o ka Hale ma ka nupepa ame na manao no i pu-a mai kekahi mau hoa mai o na Hale a elua. He makee hana keia a makee manawa hoi.
Ma na la mua ke ano unene aka i ka piha ana o elua a ekolu la ua kau aku la ka Ahaolelo ma ke kahua o ka makaukau no ka hana i ka makemake o ka lehulehu. Ua hookomo koke la na olelo hooholo, na kanawai ame na noi a hookahi ka laulima ana o na aoao a elua. Maikai kela.
Aka, o ka mea nui oia ka puka laelae mai o ka lakou hana, no ka mea, he hana maalahi ka hookomo ana a he paakiki ka puka ana, a pehea ana la ka nui, e maikai ana paha a e hookau-
maha ana paha aole i maopopo ke olelo ae, aka, na na hana maikai a lakou e hoike mua mai e maikai aku ana na hua, aka hoi, ina e puka mai ana he mau hua mulea he keu aku ke kupanaha o ka puka mai o ka ino oiai he maikai na hana.
Ma ka aoao o ka lahui he mea maikai a kupono no e makaala i ka lakou mau hana no keia mua aku ma na mea a lakou e hookomo ai ame ka puka laelae mai o ia mau bila a noi paha. No keia kumu, ke hooikaika nei ke Kuokoa e palapala i na bila, kanawai, na noi olelo hooholo ame na mea pili ilaila. He mea maikai ka heluhelu a hoomaopopo i na hana ahaolelo e puka aku nei, a e puka aku ana, aole oia wale aka e malama i na helu o keia mau la, no ka mea he aniani ia nau e kilohi iho ai i ua poe hoa nei e maopopo ai owai la o lakou ka i hana no ka lehulehu a owai la ka i holo kapakahi.
He hana hikiwawe loa ka ohi ana i na epaepa, aole emo ku ka paila, me ka nana ole i kahi i loaa mai ai keia nui ino, a pehea la i loaa ai, aka o ka malama ana i na nupepa e hoopuka nei i na hana ahaolelo, a i ka manawa e hiki hou mai ai ia kau koho balota aole ia he ohikui, a ku ka paila, ke lawe mai i na hana ahaolelo i hanaia a i malamaia i mea hoomalamalama ia oe iho, i kou hoakanaka no ka maikai ame ke kapakahi o na hana he haawina maopopo loa nana e hoike mai i ke kupono a kupono ole no ke koho hou aku ia lakou.
KANAWAI MALUNA O NA I’A LIILII.
O ke kanawai e upuia nei e holopono maluna o na i’a liilii oia kekahi kanawai maikai no ka mea e kakoo ana ia kanawai i ka pono pilikino o ka lehulehu. He kanawai keia e papa ana a e paniku ana i ka lawaia ia o na i’a keiki a i’a liilii hoi me na upena maka liilii i kupono no ka hoohei ana ia lakou. Ke holo keia kanawai, alaila, e holopuni ana ka mana paniku a puni ka Paeaina Hawaii a o ka lawaia a holona paha i hele kahakai no ka lawaia ana, e pa ana oia i ka laau hanau o ka hoahewa a keia kanawai maluna o kona hokua.
Na keia laau hahau, ka mana o ke kanawai oia iho la ka puuhonua o ua mau i’a keiki la a o ko lakou hoopakele la oia ko lakou ola a hanu i na ea o ko lakou nohono wai ana. A e like me ka mau aku o ko lakou oia mamuli o keia hoopakele mau ia e ke kanawai oia ko lakou nunui ae ma ke kino, a pau a nalohia ke ano keiki a ano i’a liilii, he mea maopopo me ka hoohewahewa ole he poe i’a nunui lakou, a o ka nunui o keia poe i’a o na ano like ole oia ke kakoo ana i ka pono pilikino o ka lehulehu. Hele aku i na makeke e ikeia ana na amaana nunui ame na mea like, he haawina oi kela ae e hoopomaikai ai i ke kanaka mamua o ka makeke kuai i’a liilii. Aole he hoohewahewa ana ma keia mea.
Ua hiki i ka lawaia a holona a poe e ae e lawaia aole e nele ka hei o ka i’a, a o ke kakoo ana a keia kanawai e hoopomaikalia ana lakou me na i’a nunui.
Aole no he hewa o ka ai ana i na i’a liilii e like me ka hewa ole o ka ai ana i na i’a nunui a aole no keia he manao e hoopakele la na i’a liilii a luku wale aku i na i’a nunui, a aole no i hanaia keia kanawai no ka i’a, no ka mea, he hana naaupo loa ka papa ana i ka ai ana i na i’a, oiai, ua hanaia mai lakou i mea ai, a e aila ka i’a e pono ai, aka, ua hanaia keia kanawai no ka pono o ka mea nana e ai aku ka i’a, oia no hoi ke kanaka.
O ka hana maikai a kupono maoli oia ka malama ana i na i’a keiki e like me ka poe malama lokoi’a e malama mai nei, he makee loa lakou i na pua amaama awa, oio ame na i’a loko e ae, he makemake e hooholo pela a hiki i ka nunui ana, ke kumu o ko ke kulanakauhale nei e halawai mau ai me na amaama nunui ma ka Makeke aole ma Honolulu wale nei no aka ma na wahi e ae no o ka Paeaina, aole hoi o ka omu’o ae i ke ola o na i’a liilii ke kumu o na i’a nunui. Ke ole e makeeia keia kumuhana he hoike ana mai ia i ka emi mai o na i’a a ina pela mau aku e hoomau ai, pela mau no hoi ka wiwi mau, koe ka loaa o na i’a nunui o ka moana lipolipo.
Aole pono e loaa ka manao i keia kanawai e panikuia ka lawaia ana i na i’a no lakou na kino liilii, i ike mua ia oia no kahi kino a aole i ka ulu ae a nunui, e like me ko ka oopu ame na i’a o ia ano like, a he hana hemahema loa no hoi ia o ka papa ana pela. Aina ala kekahi hiohiona o ia ano, alaila he mea pono e kapae ae ia mahele, a aole no hoi he hookahi manawa e pau loa ai na hemahema, aka, no ke kanawai iaia iho, ke kakoo nei ke Kuokoa iaia no kona hooholoia.
Nui na Dala ma ka Hooulu Lemi.
“O ka Hala Kahiki oia ka mea maikai i ke kanaka mahiai uuku,” wahi a William Hoogs o ka Hui Kope o Makaha i olelo ae ai i kekahi kanaka o ka nupepa Adavataisa i ka Poalima i hala.
“Aole wau i ike i kekahi mau mokupuni e ae aka ma Oahu nei aia he kula no na kanaka mahiai uuku. Aia no he mau mea i oi ae ma ka hooulu ana i ka Hala Kahiki mamua o kekahi mea e ae. Aia he mau aina i kupono no kela hana na aina maluna o na kiekiena kahi hoi e hoouluhua ole ai na holoholona a e pala ai na hala elua mahina mamua o kekahi mau wahi e ae. He 50000 a makou mea kanu (hala kahiki) ma ko makou wahi kokoke ma Waianae a i kela makahiki i hala aku nei ua loaa ia makou ka hala kahiki iloko o ka malama o Okatopa, i ka manawa i loaa ole ai i kekahi poe e ae a hoea i ka mahina o Dekemaba. I Makeke! Ka, mai aneane makou e kipakuia a pupule e keia poe no ka loaa ana o ka hala. He makehewa ke kamailio wale ana no o ka hala kahiki oia ka mea maikai no ka kanaka mahiai uuku.
“Ae, ke hana nei makou ilaila ma ke alahele e hooulu ana i ka lemi. Elima makahiki i hala ae nei ua ike makou he mea pono e hana ia kekahi hana mawaho ae o ka hooulu kope. Ua noli aku wau i ka makemake nuilia o ka lemi a ua holo ko makou mau manao e komo aku iloko o keia hana. O ka kumukuai maa mau o ka lemi iloko o Kapalakiko he hookahi dala o ka haneri. Ua hiki ia makou ke hana i ke kumukuai no hapalua o ka haneri a e loaa ana no ka puka, a ua hiki no ia makou ke hookomo i na lemi maka, na lemi hoi e haawi mau nei i ka wai maikai loa a e loaa ai no ke kumukuai kiekie. He lemi pala wale no ka mea loaa ia oe ma Kapalakiko a mai Mekiko mai no ia. Ke makemake mau ia nei lakou.
E kauoha ikaika ia ana makou no keia lemi mai na moku mai e ku mau mai nei ianei.
O kou mau niho kou mau hoaloha maikai
O ka hoohemahema ia lakou oia kou ehaeha, e maeele ana iloko o ke kino, ka noonoo ame ke ano e o ka helehelena. Ina he manao kou no ka hana ia aku, e kipa mai i o makou nei no ke kuka pu ana me ka auhau ole. O na hana apau me ka maikai wale no e lawelaweia ai a eha ole no hoi, a nui no hoi ka poe i ike la makou o ko Honolulu nei ame ko na mokupuni a lawa ko lakou makemake a na lakou e hoike no makou.
Na auhau no ka Hana ana.
Papa Niho Gula . . . . $5.00
Papa niho pono . . . . $5.00
Hoopiha me ka gula . $1.00 a pii aku.
Hoopiha me ke dala . . 50 keneta.
New York Dental Parlors
Helu 1057, Alanui Papu mawaena o na Alanui Moi ame Hotele.
Ma ko William Pa’i Kii ipuka no e komo ai a loaa ko makou keena.
Eia mai ke Ola Manawalea
LEO ALOHA AKEA I KO’U LAHUI OIAIO ME KO KA HONUA APAU.
work. Owau iho o ka oukou kauwao ilokaa etaoin shrdlum shrdlu shrdluuu
Owau iho o ka oukou kauwa iloko o ka Haku Iesu, me ka haahaa. Ke kau leo aku nei i ka poe apau i kaumaha luuluu, a ehaeha na uhane i na hooluhi o keia ao. Nolaila eia au he kauwa na ke Akua Kiekie, me ka makaukau e wehewehe i kekahi mau mea liilii i loaa wale mai ia’u mai ke Akua mai.
E like me ka loaa wale ana mai ia’u, pela no hoi ka oukou kauwa e haawi wale aku ai.
LAPANA KEAWEPOOOLE,
E loaa no wau i na la apau mai ka hora 6 p.m. a i na hora apau i ke Sabati Alanui Kukui Ololi helu 36, mauka pono o ke Kauka ma ke kino Mitamura.
Hoolaha Mana Hookolokolo.
PALAPALA KII.
ILOKO O KA AHA HOOKOLOKOLO APANA O KIPAHULU, MAUI.
Meinert H. Rueter, Hope Luna Ohi o na Auhau kue ia Keawe Keaumoku, Hoopii, Dala.
I ka Makai Kiekie o ka Teritori o Hawaii, kona Hope, a i kekahi makai iloko o ka Apana o Kipahulu, Mokupuni o Maui, Aloha:
Ma keia, ke kauoha ia aku nei oe e kii aku ia Keawe Keaumoku o Kipahulu, Maui, Teritori o Hawaii ina e loaa ana oia iloko o keia apana e hele mai imua o’u ma kuu keena iloko o Kipahulu, ma ka la 16 o Feberuari, 1903, ma ka hora 11 a.m., a malaila e pane mai ai ia Meinert H. Reuter, Hope Luna Helu o na Auhau o a no ka Apana o Hana, Mahele-aina Auhau Elua o ka Teritori o Hawaii, iloko o ka hoopii kahi a ka mea Hoopii i hoike ai e olelo ana:
O ka mea Hoopilia Keawe Keaumoku ua ale oia i keia mea hoopii, ku i ke kanawai ma kona kulana oihana i hoike mua ia ae nei i ka huina o eiwa dala ame kanaono keneta ($9.60) no na auhau i heluia maluna o ka waiwai o ka mea hoopilia i oleloia ma na buke o ka Luna Helu o na Auhau no ka Apana o Hana, Mokupuni o Maui, no ka makahiki 1897, 1898, 1899, 1900, 1901, 1902. A o ka mea hoopilia ua halia aku oia no keia mea a ua haule a hookuukuu wale, a ke hookuukuu wale a hoole nei i ka uku ana i ua auhau la, a i kekahi hapa o ua auhau la, ke kumu e koi nei ka mea hoopii no ka olelo hooholo kue i ka mea hoopilia i oleloia no ka huina o eiwa dala ame kanaono keneta ($9.60) i oleloia hui pu ia me umi pa-keneta ame ka lilo o ka hoolaha ana i hoopiliia mai e like me ka ke kanawai i hanaia ai no keia mea, a no no koina o ka Aha.
Ma ka ike ia ana ia Keawe Keaumoku ma kona hiki kino ole i’o ana ae ma kahi, ma ka la ame ka hora i hoikeia maluna ae, e haawiia ai ka olelo hooholo ku-e iaia no kona hiki kino ole i’o ana ae (ex-parte).
Malalo o ka’u haawi ana i keia la 12 o Feberuari, 1903.
J. K. PIIMANU
Lunakanawai Apana o Kipahulu, Maui.
ILOKO O KA AHA HOOKOLOKOLO APANA O KIPAHULU, MAUI.
Meinert H. Reuter, Hope Luna Ohi o na Auhau kue ia Keawe Keaumoku, Hoopii, Dala.
(Kauoha no ka Hoomau ame Hoolaha ana.)
A ua hele mai ka mea hoopii i hoikeia maloko nei a noi mai i ka Aha Hookolokolo no ka hihia maluna ae e mau aku ia a hiki i ka la 21 o Malaki, 1903, a iloko o ka manawa kupono, e pa’iia a hoolahaia i kope pololei o ka palapala kii i hoikeia maloko nei, iloko o ka nupepa Kuokoa, he nupepa i pa’iia a hoolahala iloko o Honolulu, no ekolu manawa neepapa, o ka hoolaha hope i umi la mamua o ka la e hooloheia ai e like me ia i hoakakaia, a o ka nupepa i oleloia he nupepa puka pule ia.
Ua hookahuaia keia noi maluna o ka moolelo o keia hihia a maluna o ka palapala hoike hoohikiia i hoopili pu ia a hanaia i hapa nona.
MEINERT H. RUETER,
Hope Luna Helu o na Aauha. Hanaia i Kipahulu, Feberuari 16, 1903. 2951- Feb. 27. – Mar. 6, 13.
PALAPALA KII.
ILOKO O KA AHA HOOKOLOKOLO APANA O KIPAHULU, MAUI.
Meinert H. Reuter, Hope Luna Ohi o na Auhau ku-e la J.A. Akina. Hoopii Dala.
I ka Makai Kiekie o ka Teritori o Hawaii, kona Hope, a i kekahi makai iloko o ka Apana o Kipahulu, Mokupuni o Maui, Aloha:
Ma keia ke kauoha ia aku nei oe e kii aku ia J.A. Akina o Kipahulu, Maui Teritori o Hawaii, ina e loaa ana oia iloko o keia Apana e hele mai imua o’u ma kuu keena iloko o Kipahulu ma ka la 16 o Feberuari, 1903, ma ka hora 11 a.m. a malaila e pane mai ai ia Meinert H. Reuter, Hope Luna Helu o na Auhau o a no ka Apana o Hana, Mahele-aina Auhau Elua o ka Teritori o Hawaii ma ka hoopii kahi a ka mea Hoopii i hoike ai e olelo ana:
O ka mea Hoopilia J.A. Akina ua ale ola i keia mea hoopii, ku i ke kanawai ma kona kulana oihana i hoike mua ia ae nei i ka huina o Iwakaluakumamaono dala ame kanaono-kumamaha keneta ($26.64) no na Auhau i heluia ma na buke o ka Luna Helu o na Auhau no ka Apana o Hana, Mokupuni o Maui, no ka makahiki 1899, 1900, 1901, 1902. A o ka mea hoopilia, ua ha’iia aku oia no keia mea a ua haule a hookuukuu wale a hoole mau i ka uku ana i ua auhau la a i kekahi hapa o ua auhau la, ke kumu e koi nei ka mea hoopii no ka olelo hooholo kui i ka mea hoopilia i oleloia no ka huina o Iwakalua-kumamaono dala ame kanaono-kumamaha keneta ($26.64) i oleloia hui pu me umi pa-keneta ame ka lilo o ka hoolaha ana i hoopiliia mai e like me ka ke kanawai i hana ai no keia mea, a no na koina o ka Aha.
Ma ka ikeia ana ia J.A. Akina i oleloia no kona hiki kino ole i’o ana ae ma kahi, ma ka la ame ka hora i hoikeia maluna ae, e haawiia ai ka olelo hooholo kue iaia no kona hiki kino ole i’o ana ae (ex-parte).
Malalo o ka’u haawi ana i keia la 12 o Feberuari, 1903.
J. K. PIIMANU,
Lunakanawai Apana o Kipahulu, Maui.
ILOKO O KA AHA HOOKOLOKOLO APANA O KIPAHULU, MAUI.
Meinert H. Rueter, Hope Luna Ohi o na Auhau kue ia J.A.Akina, Hoopii Dala.
(Kauoha no ka Hoomau ame Hoolaha ana.)
O ke noi a ka Mea Hoopii i hoikeia maloko nei no ka hana ma ka hoolaha ana, a o keia hihia e hoomauia a hiki i ka la 21 o Malaki, 1903 e hiki mai ana no ka hoolohe ana mahope iho o ka noonoo ana i keia noi i oleloia, ame ko ka palapala hoike hoohikiia i hoopili pu ia mai a lilo i hapa no keia mea ame ka hoike a ka makai maluna o ka palapala kii i hoikeia maloko oonei, a i ikeia maloko o ka hoike i oleloia i ka loaa ole o ka mea hoopiila i hoikeia maloko nei, iloko o ka Apana o Hana, Mahele-aina Auhau Elua, a mai ka palapala hoike hoohikiia i oleloia e olelo ana aole ka mea hoopilia he kamaaina a mea noho paa no ka Mahele-aina Auhau i oleloia.
Ua kauohaia e pa’iia a hoolahaia ke kope oiaio a pololei o ka palapala kii kumu iloko o ka nupepa Kuokoa, he nupepa puka pule, pa’iia a hoolahaia iloko o Honolulu, no ekolu manawa neepapa, o ka hoolaha hope i umi la mamua o ka la e hooloheia ai, a o ka hihia i oleloia e mau aku ia a hiki i ka la 21 o Malaki, 1903.
J. K. PIIMANU
Lunakawai Apana o Kipahulu, Maui. Hanaia ma Kipahulu, Feberuari 16, 1903. 2951-Feb. 27-Mar 6, 13, 20.
Hoolaha Hooko Moraki
HOOLAHA MANAO PANIKU A KUAI A KA MEA MALAMA MORAKI.
Ke haawi ia aku nei ka hoolaha, mamuli o ka mana kuai i hanaia iloko o kekahi moraki he palapala i hanaia ma ka la 5 o Ianuari, 1900, e D.H. Ward o San Francisco, Mokuaina o Kale-
poni, Amerika Huipuia, ka mea moraki mai, ia C. Spreckels o San Francisco i olelo mua ia ae nei ame W.G. Irwin o Honolulu, Mokupuni o Oahu, e lawelawe oihana kalepa pu nei iloko o Honolulu ma ke ano hoahui malalo o ka inoa hui a ma keia ano, “Claus Spreckels & Co.” na mea paa moraki, he moraki i kakau kope ia i ke Keena Hoona Aina iloko o Honolulu i oleloia, ma ka buke helu 247 aoao 34-37, o Allan Herbert ka mea malama o ka moraki i oleloia ke manao nei ka mea malama moraki o ka moraki i oleloia e paniku i ua moraki la i oleloia no na kumu i uhaiia e hoike ana, o ka uku ole ia o ke kumupaa ame ka ukupanee i ka wa e uku ai.
Ke hoolaha, pu ia aku nei o ka waiwai apau i hoopaaia iloko o ua moraki la i oleloia e kuai kudala ia aku ana ma ke akea ma na keena kudala o James F. Morgan, Alanui Moiwahine, Honolulu, ma ka Poaono, la 21 o Feberuari, 1903, ma ka hora 12 awakea o ua la ia i oleloia.
O ka waiwai i hoopaaia maloko o ua moraki ia a e kuai kudala ia aku ai e like me na hoike malalo iho oia keia.
Akahi-hapaha o ka Mokupe’a kia-kolu “Diamond Head (oia no ka mokupe’a kia-kolu Pelekane mamua aku nei “Gamsborough”) oia no hoi ka moku i hoopaaia ma ka inoa o S.C. Allen o Honolulu, iloko o ke Keena Kakau a Hoopaa o na Moku a i kau helu ia 325 (hou) a pela no hoi na kuleana e ae apau – o na kuleana pololei apau o ka mea moraki mai ma ka aoao o ke kanawai a kaulike iloko o ua moku la i oleloia, kona mau pe’a ame na i-a, na o’a moku na waapa, na heleuma, na kaulahao, na lako moku apau, na loaa ukumoku ukana ame na kuleana apau a iloko o ka palapala inisua o ka Marine Insurance no elua kaukani elima haneri dala ($2,500.00) i hoopaaia ma ka inoa o ka mea moraki mai me ka Alliance Insurance Company of Berlin malalo o ka palapala inisua, Helu 681 a iloko o na dala apau e uku ia ana malalo o ua palapala la.
ALLAN HERBERT
Mea Malama Moraki.
Kuike ka makemake a ma ke dala gula Amerika no hoi, a ma ka aoao kuai mai na lilo palapala apau.
No na mea i koe e ike ae ia Holmes and Stanley na loio o ka mea malama moraki.
Hanaia ma Honolulu, Ianuari 29, 1903.
2948 – Jan. 30, Feb. 6, 13, 20.
O ke kuai o ka moraki maluna ae ua hoopaneeia a hiki i ka Poaono, Feberuari 28, ma ka hora 12 awakea a e malamaia ma ke keena kudala o James F. Morgan, alanui Moiwahine.
HOOLAHA MANAO PANIKU A KUAI A KA MEA PAA MORAKI.
Ma keia ke haawi ia aku nei ka hoolaha i kulike ai me ke kanawai ame ka mana kuai i hanaia iloko o kekahi moraki i hanaia e Jose Maria ame Caroline Honan ia James Steiner, ma ka la 18 o Feberuari, 1898, i kakau kope ia ma ke Keena Kakau Kope o ke Aupuni iloko o Honolulu, iloko o ka Buke Helu 179, aoao 94 et seq., a na James Steiner i oleloia i haawi maoli aku i ka mea nona ka inoa malalo iho nei Robert W. Shingle, ma kekahi palapala i hanaia ma ka la 21 o Feberuari, 1903, ke manao nei o Robert W. Shingle i oleloia, e paniku i ka moraki i oleloia no ka uha’i ia ana o na kumu i hoikeia maloko o keia moraki, e hoike ana, no ka uku ole ia o ke kumupaa ame ka ukupanee i ka wa e uku ai.
Ke haawi hou ia aku nei ka hoolaha, o na aina apau loa i hoopaaia maloko o ka moraki i oleloia ame na hana hou apau maluna o ua mau aina ia i i hoakakaia malalo iho nei, e kuai kudala ia aku ana ma ke akea e R.W. Shingle i oleloia, ma ke keena kudala o James F. Morgan, alanui Moiwahine, Helu 42, iloko o Honolulu, Oahu, ma ka Poaono, ka la 28 o Malaki, 1903, ma ka hora 12 awakea o ua la ia i oleloia.
O ka waiwai i hoopaaia maloko o ka moraki i oleloia e manaoia nei e kuai kudala e like me ia i hoike mua ia ae nei oia kela waiwai paa apau ame na hana hou apau o ua waiwai paa la, he waiwai paa e waiho la iloko o Honolulu i oleloia oia keia malalo iho:
1. Ka Apana ma ka aoao mauka o ke alanui Moi e hoomaka ana ma ka apahu ma ke kihi Hikina-hema o ka apana Helu 7 a holo:
Akau 24 Hik., 155-5-12 kapuai a hiki i ka apahu ma ke kihi Hikina-hema o ka apana Helu 12; malaila aku holo,
Akau 79 15’ Kom., 50-8-12 kapuai, ma ka Apana Helu 12; malaila aku holo,
Hema 24 Kom, 155-5-12 kapuai a hiki i ka laina mauka o ke Alanui Moi:
Hema 79 15” Hik., 50-8-12 kapuai holo a hiki i kahi i hoomaka ai.
Oia no hoi ka mahele hapalua like oi a emi mai o ka Apana Helu 7, ma alanui Moi he hapa ma ka aoao Hikinahema o ka Apana Helu 7, i hoakakaia iloko o ka R.P. Grant Helu 77 hoopukaia ia Isaac Cummins.
2. Ka Apana ma ka aoao mauka o ke alanui Young i hoakakaia malalo iho nei:
Hoomaka ana ma ke kihi Akau o keia apana e pili kokoke ana i ka pa-hale o H.S. Trelogan a holo malaila aku:
Hema 21 13’ Kom., 151 kapuai holo ma ka Apana Hema a hiki i ke alanui Young;
Akau 68 55’ Kom, 98 kapuai holo ma ke Alanui Young.
Akau 21 13’ Hik., 151 kapuai holo ma ka Apana Komohana a hiki i kahi i hoomaka ai, nona ka iliaina ma kahi o 14798 kapuai kuea; a pela no hoi kekahi apana aina e ae o umi (10) kapuai ka laula e pili la i ka apana i hoikeia ae la maluna, ma ka aoao Komohana no nae.
O ka apana i oleloia ae nei ame kahi apana uuku iho, e piha ana he 108 kapuai no ke alo o ua mau aina ia ke hoohuiia ma ka aoao nae mauka o ke alanui Young; ame 151 kapuai hohonu: a e hoomaka ana ua laina alo la ma ka maka he aneane 268 kapuai mai ka huina ke’a aku o ka laina mauka o ke alanui Young me ko ka aoao Ewa o ke alanui Kapiolani.
Kuike a ma ke dala gula Amerika ka makemake.
Ma ka aoao o ka mea kuai mai na lilo palapala apau.
Hanaia ma Honolulu, Feberuari 25, 1903.
ROBERT W. SHINGLE
Mea Malama o ka Moraki.
No na mea aku i koe e ike ae ia Henry Waterhouse Trust Company Ltd. kihi o na alanui Papu ame Kalepa, Honolulu.
Smith & Lewis ame Louis J. Warren, na Loio o ka Mea Paa Moraki.
HOOLAHA HOOKO MORAKI.
Mamuli o kekahi mana kuai i hoike ia maloko o kekahi palapala moraki i hana ia mawaena o Waialua Hotel Commpany Limited, he Hui Hawaii, o ka aoao mua, ia Lewers & Cooke, Limited, he Hui Hawaii no , o ka aoao elua, ma ka la 14 o Sepatemaba, 1901, i kakau kope ia ma ka buke 227, aoao 165, a mamuli o ka uhai ia ana o na kumu aelike o keia moraki, oia hoi ka uku oleia mai o ka uku panee, nolaila, ke hoolaha ia aku nei e ka mea nona ka aoao elua o ua moraki nei, e hooko ana oia ia mana kuai.
A KE hoolaha hou ia aku nei, aia mahope aku o na pule ekolu mai keia la aku, alaila, e hoolaha ia aku na aina i hoike ia ma ia moraki no ke kudala ana, ma ke keena kudala o James F. Morgan, ma Honolulu, ma ka Poaono la 21 o Maraki 1903, hora 12 o ia la.
Aia ma kahi o W.R. KAKELA na olelo hoakaka no keia mea.
Hana ia i keia la 20 o Feberuari 1903.
LEWERS & COOKE, LIMITED,
Mea Moraki Mai.
Penei na aina i moraki ia: a e kuai ia aku ana ma ia la ma ua kuai kudala la, ke ole e uku ia mai ka huina ale o ua moraki la me na lilo paniku:
He kuleana hoolimalima i hanaia e Kepane Mele ame Kaaeamoku ia Chas. David, ma ka la 23 o Iune, 1890, kopeia ma ka buke 206 aoao 399, a i hooliloia i ua Waialua Hotel Company Limited la, ma ka palapala hoolilo i kopeia ma ka buke 240 aoao 87, o ka aina iloko oia hoolimalima he apana o 47-100 o ka eha ma Paalaa, Waialua, Oahu, (kokoke loa i ka Hale Hoolulu o ka Hui Alahao ame Aina o Oahu) i hoike pihaia oia ka apana 3 o ke kuleana 2903 ia
Palapala Sila 1491, aka nae e koe ana nae he wahi apana e paaia nei e ke alahao. O keia hoo-
limalima no 15 makahiki mai keia la aku, no ka uku hoolimalima o $120 no ka makahiki.
Aia ke ku ala maluna o keia apana aina he hale nani o elua hale ke kiekie i kukulu maikaiia, me na rumi kupono no ke ano hotele liilii. Aia pu no me na hale mawaho kupono ame na pono hale, e komo pu ana ma ke kuai.
O ke kulana e ku nei keia aohe lua e like ai o kahi auau kai ua kokoke loa ma ka ipuka hale, he kulana nanaina ike kamahao kau e ike a ka maka e hoihoi ai maluna o ka moana, na mauna, me na kula uliuli, ma kela wahi keia wahi. Kau Hooilo a i ole o ke kau mehana, o ke ea oia wale no ka mea i kau nui ia.
Feb. 20, 27 – March 6, 13, 1903.
HOOLAHA MANAO PANIKU A KUAI A KA MEA PAA MORAKI.
I kulike ai me ka mana kuai ame kekahi mau manao e ae o kekahi moraki i hanaia ma ka la 20 o Malaki, A.D. 1899, a i kopeia ma ke Keena Kakau Kope ma Honolulu, Mokupuni o Oahu, Teritori o Hawaii, iloko o ka Buke Helu 192, aoao 87, 88 ame 89, mai a Kim You, Goo Lung, Nee Pank, Chang Kok, Young Yee, Wong Kai i ikeia ma keia inoa kapakapa Won Kok, Hung Kong ame Hung Tai, no ka Oawa o Kahana lakou apau, Koolauloa, Mokupuni o Oahu i olelo mua ia ae nei, he poe hoa hui e lawelawe oihana kalepa ana malalo o ka inoa hui o Hop Lee Wai Company ia Tai Hop Wai ame Lee Wai o ka Oawa o Kahana i oleloia he mau hoa hui e lawelawe oihana kalepa ana malalo o ka inoa hui o Tai Lee Wai Compnay, a na Tai Hop Wai ame Lee Wai i oleloia, na hoa hui lawelawe oihana kalepa i olelo mua ia ae nei i haawi aku i ua moraki la no ka malama ana ia Lum Kin, Kahu, no ka Oawa o Kahana i oleloia ma kekahi palapala i hanaia ma ka la 12 o Okatoba A.D. 1899, a i kopeia ma ke Keena Kakau Kope Aina i oleloia iloko o ka Buke Helu 193, aoao 444-450, ma keia ke haawiia aku nei ka hoolaha o ka mea nona ka inoa malalo iho nei Lum Kin, Kahu, ka mea malama a n@ paa o ka moraki i oleloia i keia manawa; ke manao nei oia e paniku i ka moraki i oleloia mamuli o na kumu i uha’lia, e hoike ana, o ka uku ole ia i ka manawa e uku ai ke kumupaa ame ka ukupanee ame ka nota hoopaa ale i hoopaaia e ka moraki i oleloia.
Ke haawi hou ia aku nei ka hoolaha o na kuleana, ma ke ano alodio, na pono apau loa o ka poe moraki mai e lawelawe oihana kalepa ana e like me ia i hoike mua ia ae nei, iloko o na waiwa apau i hoakakaia a i hoopaala iloko o ka moraki i oleloia e kuai, kudala ia aku ana ma ke akea ma na keena kudala o James F. Morgan o Honolulu, Mokupuni o Oahu, i olelo mua ia ae nei; ma ka Poaono, ia 14 o Malaki, A.D. 1903, ma ka hora 12 awakea o ua la ia i oleloia.
No na mea aku i koe e ike ae ia M@ Smith ame Matthewman, Keena Helu 606 ame Helu 607, Stangenwald Building, Honolulu i oleloia na loi @ mea nona ka inoa malalo iho nei @ Hanaia ma Honolulu i oleloia, Feberuari 18, 1903.
LUM KIN, Kahu
Mea Malama o ka Moraki
O ka waiwai apau i olelo mua @ nei, i paa maloko o ka moraki @ oia na kuleana ma ke ano alo@ na pono apau o ka poe moraki @ oleloia oia keia malalo iho:
1. O keia palapala hoolimalima @ ka manawa hoolimalima o umikumamalua makahiki, mai ka la 1 o Iulai, 1899, i hanaia hoi ma ka la 29 o Malaki A.D. 1899, mawaena o Tai Lee Wai Company i oleloia mae Hop Lee Wai Company i oleloia , a o na aina hoopaaia maloko o ua palapala hoolimalima la, a e waiho la i Kahana @ no ka huina eka aina o 40 emi@ no ka uku hoolimalima mak@ $12.00 no ka eka hookahi.
2. O na hale, na pa-laau, na @ hou, ame na hale e ae apau ma@ ua aina la i oleloia.
3. O na lio, na holoholona ha@ puaa, na manu, na mea hana @ hanalima, palau, ilikaa, kua@ kaa huila-balaia, na lako hale @ waiwai lewa apau o na ano @ apau ame na mea o ka poe moraki @ i oleloia a hoohanaia pili i na a@ hanalimalima i oleloia.
4. Laiki maemae ame ka laiki @ ili maluna o ka aina hoolimalima @ loia.
LUM KIN, Kahu
Mea Malama o ka Moraki
2951-Feb. 20, 27. – Mar. 6, @
HOOLAHA MANAO PANIKU A KUAI A KA MEA PAA MORAKI
I kulike ai me na olelo o kekahi moraki i hanaia e J.M. Monsarrat @ Bruce Cartwright, Kahu Malama Waiwai o R.W. Holt ma ka la 5 @ 1894, i hoopaaia ma ka Buke 147, @ 305, e paaia nei e Henry Smith @ manawa kona pani ma ka oihana @ koho pono ia, ke haawila nei ka @ laha ma keia ke manao nei ka @ paa moraki e paniku i ua moraki la @ ke kumu i uhaiia e hoike ana ka @ ole ia o ka ukupanee ame ke ku@ paa i ka manawa e uku ai.
Ke haawi pu ia aku nei ka ho@ mahope o ka hala ana o ekolu pule @ ka la aku o keia hoolaha, e hoolaha @ aku ai na waiwai apau i paa iloko @ ua moraki la no ke kuai ana ma ke kudala akea, ma ke keena kudala o James F. Morgan, ma Honolulu, ma ka Poaono, ka la 21 o Malaki, 190@ ma ka hora 12 o ka la i oleloia.
E loaa no na mea i koe mai a W.R. Kakela mai a i ole P.L. Weaver (Wiwa) loio o ka mea paa moraki.
Hanaia ma Honolulu, Feberuari 20, 190@
HENRY SMITH
Kahu malalo o ka Palapala Kauoha a R. W. Holt
Mea Paa Moraki
O na waiwai i hoopaaia iloko o na moraki la oia no kela aina apau e waiho la ma Manienie, Apana o Hamakua mokupuni o Hawaii, Teritori o Hawaii nona ka iliaina o 13 eka oi a emi mai oia no ka aina hookahi i hoopaaia ma ka Palapala Sila Nui (Grant) Helu @ i haawiia ia Kuaana, koe wale no @ hapa o ka aina i oleloia nona ka @ aina o 1 37-100 eka i hoolilo mua ia e Kuaana i oleloia ia Kahele, a oia no hoi ka aina i lilo i ka mea moraki mau i oleloia e, Kuaana i oleloia ma kekahi palapala kuai i hanaia ma Dekemaba 2, 1889 a i hoopaaia iloko o ka Buke 122, aoao 173.
2951 Feb. 20, 27, - March 6, 13
HOOLAHA PANIKU A KUAI A KA MEA PAA MORAKI
I kulike ai me kekahi mana kua i hoopaaia maloko o kekahi moraki i hanaia e Katie E. Sims ame William R. Sims, kana kane mare, o Honolulu, mokupuni o Oahu, Teritori o Hawaii i ka Pioneer Building and Loan Association of Hawaii, i hanaia ma ka la 19 o ka mahina o Ianuari, makahiki 1898, a hoopaaia maloko o ka Keena Hoona Aina. Oahu, iloko o ka Buke 179
ma na aoao 57 a hiki i ka aoao 59, ke hoolaha ia aku nei ma keia ke manao nei ka @ paa moraki e paniku i ua moraki la i olelo ia no na kumu i uhaila, oia hoi, ka uku ole ana i ka kumupaa, ukupanee, uku auhau ame ka uku makahiki no ka panai oia i ka manawa e uku ai: a maluna o keia manao paniku i oleloia ae la e kuai kudala ia aku ana ma ke akea ma ke keena kudala o James F. Morgan ma ke alanui Moiwahine, Honolulu i oleloia ma ka Poaono, ka la 2@ o Feberuari, 1903 ma ka hora 12 o ke awakea o ka la i oleloia, ma keia mau waiwai malalo iho i hoopaaia maloko o na moraki la i oleloia e ikeia:
1. Aina e waiho la i Kaluaopalena, Kalihi, Mokupuni o Oahu, a i hoakakaia malalo iho:
Apana 2. Hoomaka ana i ke kihi hema o keia apana, oia hoi Akau 51 40’ Hik. oiaio, 173.3 kapuai mai ka hookuina o na alanui e like me ko ka Palapala Ana Aina o ke Aupuni o na apana o Kaluaopalena, Aperila, 1899, a holo e like me ia malalo iho:
Akau 51 40’ Hik. 150.3 kapuai holo ma ke Alanui Kamehameha
Akau 42 00’ Kom. 227.8 kapuai holo ma ka apana 3,
Hem. 48 00’ Kom. 150.0 kapuai holo ma ka apana 5,
Hem 42 00’ Hik. 218.5 kapuai holo ma ka apana 1 a hiki i kahi i hoomaka ai. Iliaina 0.768 Eka, a oia no hoi ka aina i hoikeia ma ka R.P. (Grant Helu ) 3546.
2. Aina e waiho la i Kaluaopalena, Kalihi, mokupuni o Oahu, a i hoakakaia e like me ia malalo iho:
Apana 1. E hoomaka ana ma ka huina hema o keia apana, ma ka hookuina o na alanui e like me ka ka Ana Aina Aupuni o Aperila, 1899. Malaila aku holo e like me ia malalo iho:
Akau 10 16’ Kom. 243.5 kapuai holo ma ka alanui hou,
Akau 48 00’ Hik. 45 kapuai holo ma ka apana Aupuni Helu 5,
Hem 42 00’ Hik. 218.5 kapuai holo ma ka apana Aupuni Helu 2,
Hem 51 41’ Kom 173.3 kapuai holo ma ka laina alanui hou a hiki i kahi i hoomaka ai.
Iliaina 53-100 Eka. O keia no ka aina i hoakakaia ma ka R.P. (Grant) Helu 3486
Pioneer Building and Loan Association of Hawaii.
Ma o ka Lolo la,
A. G. M. ROBERTSON
Hanaia i Honolulu, Feberuari 5, 190@, 294@ - Feb. 6, 13, 20, 27.