Ka Nupepa Kuokoa, Volume XLI, Number 7, 13 February 1903 — Page 1

Ka Nupepa Kuokoa

 

KE KILOHANA POOKELA NO KA LAHUI HAWAII.

 

Hoopukala i na kakahiaka Poalima apau.

BUKE XLI.  HELU 7  HONOLULU, POALIMA, FEBERUARI 13, 1903.  NA HELU APAU 2950

 

Uwila ka Peresidena Rusawela.

 

E kipa ana ma ke kihapai kaleponi.

 

Hoeu Pu Kona Papa Kubina.

 

Olai aole i hoomaopopo pono ia ka la e haea ana ka Peresidena i ke kihapai nani o Kaleponi, ua hoike pili oihana la ae ma ka aina makua e kipa aku ana ka Peresidena ma Kaleponi i keia kau kupulau e nee mai nei e hoea ana hoi ma Kapalakiko mawaena o ka la umi-kumamalua ame ka la umi-kumamalima o ka mahina o Mei.

Mahope o ka meheu o ka peresidena e uhai pu aku ana kona papa kuhina ame ka iakou mau lede huipula me kana wahine (Mrs. Rusawela) ame kana mau keiki.  Aole i maopopo ko iakou alahele e hele aku ai a hoi mai aka me ka hoohewahewa ole he kamaaina o Peresidena Rusawela i na mokuaina o ke komohana nei mamua o kekahi peresidena e ae i noho hoi maluna o ia noho hanohano hookahi o ka peresidena.  Ua hoike mua no o Peresidena Rusawela i ka loa ame ka laula i kona manao o ke kanaka e noho poo ana maluna o kekahi aupuni e pono oia e ike i ke ano ame ke kulana o ke aupuni.

O Peresidena Makinale  ka peresidena elua o Amerika Huipuia i kipa aku ma na mokuaina o ke komohana a o Peresidena Rusawela hoi ke kolu o na peresidena i keia manawa.  O Hayes ka peresidena mua loa i kipa aku ma keia mau mokuaina o ke komohana aka aole ola i hookipai mai me na manao hauoli a ohohia no hoi.  Na ka poka kepau hoi a kekahi kanaka kiapolo i kapae ae ia Peresidena Makinale mamua o ka ikeia ana o ka hua maikai o kana kipa ana ma keia mau mokuaina.  Ua makemake pu ka Peresidena e hoopaanaau i kana mau mea e ike ai no kona pomaikai iho a e halihali pu ana hoi oia i ke aupuni mahope o kona hokua no ka ike ana i keia mau mea.  O keia peresidena oia ke ano ame ka loina maoli o ke kanaka i ike i kekahi mea mamuli o kona hoopaanaau.

 

Hakumakuma ke Aouli ma Europa

 

Liuliu Rusia me Tureke no ke kaua.

 

Pela ka Manaoio ma Europa.

 

Mamuli o ke kulana kupouli pohihihi e ku nei i keia manawa iloko o Makedonia ua ulu mai la he uluaoa mawaena o ke aupuni bea o Rusia ame Aukekuila e ku-e ana i ke aupuni o Tureke hookahi.  O ka makemake o keia mau aupuni elua hulia i hoike mua ia ae la maluna e malamaia ka maluhia o na kanaka apau e noho nei iloko o ka apana o Makekonia aka aole i mailu mai ka suletana o Tureke.  I keia manawanawa ke hoomkaukau nei ka suletana i kona mau pualikoa a ua kauoha aku hoi oia i kona kenerala nui e ku makaukau i na manawa apau.  O na pukanial@ Kelemania ke ku makaukau nei ia ma na papu kaua apu o Tureke a o na pu raifela Kelemania ke paa la nei iloko o na lima o na koa Tureke.  He mea hoohewahewa oleia ina e kaua @o ana keia mau aupuni e kahea ana o Tureke i kana poe keiki apau e akoakoa aku malalo o kona hae hapa mahina ame ka hoku kahi hoi e paio ana no ka hanohano o ke aupuni ame ka hoomana mosalema.  Aka na ke ouli no o ka manawa e hoike mai ia iakou i ka puana a ka moe.

 

KE HAI HOU AKU NEI I NA HOA

 

O ka Ahahui Euanello ame ka Ahahui Kula Sabati o ka Mokupuni o Hawaii, e malamala aku ana ma ka luakini o Puula, ma Puna, Hawaii, ke hiki aku i ka hora 10 a. m. o ka Poaha mua o March la 5, A. D. 1903.

O ka eleu ae o na hoa oia mau Ahahui ma kahi a i ka manawa i hailia oia ka holomua o na hana oia mau Aha.

DAVID ALAWA.

Kakauolelo o ia mau Aha.

Holualoa, N. Kona, Hawaii Feb. 9 1903.

 

He ma'i pilikia loa ka numonia.  O ka manawa maikai e lapaau ai i keia ano ma'i ola no ka manawa e loaa ai i ke kumu ikaika.  O ka laau kunu "Chamberlain Cough Remedy" oia ka laau i hooialoia e na kauka no ke kupono loa no keia ma'i.  He hala ole kana hoola ana a he hikiwawe no hoi.  O ka poe kuai i keia laau oia no o Benson Smith & Co. Ltd., na arena no Hawaii nei.

 

Ha'ukeke Na Ilipuakea,

 

Ehaeha ko lakou mau manao.

 

Hoohana Kiliniwoki i Kana Hana.

 

Ma ka po Poaha o kela pue i hala aku nei la 5 ua malamaia ae kekahi mau hana piliwaiwai pepa e na haole ilipuakea kakaikahi iloko o kekahi rumi o ka Arlington Hotel.  Ua malamaia keia mau hana me ka ma-lu loa e na haole o keia kulanakauhale nei a ua hooia ae no hoi lakou aole loa lakou e ikeia, hookahi wale no ka mea Kiekie.  Iloko o keia nanea nui me na leo hawanawana e hamumu ana iloko o ka rumi i panipaaia aku hoi kona mau ipuka, a e like me kekahi liona e lele ma-lu ana maluna o kana mea i makemake ai e ale ua napoo aku la o Kiliniwoki ame Dan Renear iloko o ka rumi a ha'ukeke ana na ilipuakea kolohe mamuli o keia mau hana hoopahaohao a ka Hope Ilamuku a he eono no hoi ko lakou nui.  Ua paa aku lakou i ka hopuia a ua hoopaaia aku iloko o ka buke o Kuapapnui ko lakou mau inoa pakahi a e ikeia no ko lakou mau inoa pakahi a e ikeia no ko lakou mau inoa e like me ia malalo iho: B BRUNER, R. Clinger, T. Anderson, J. O'neill, T. P . Donavan, ame George Roscall.  Ua unuhi ae lakou malioko ae o ko lakou mau ekeeke pakahi he umi dala no ka bela ana.

 

Ola ka Lae o ka Iapana.

 

Hoopaiia e ka Lunakanawai De Bolt.

 

57 Mahina ma ka Hana Oolea.

 

            Iloko o ka aha hookolokolo a imua no hoi o ka hanohano o ka lunakanawai DeBolt ma ka Poaha i hala aku nei la 5, ua ku aku ka Iapana nona ka inoa o Keo Tomokichi me na helehelena haikea no ka hoolohe ana i ka hoopai e kauia mai ana maluna o kona hokua.  Ua hoopilia keia Iapana mamuli o kona hoao ana e pepehi i kekahi wahine Iapana a make ka wahine e like me kona makemake aka ua moku wale no.  O keia pahi oki ko ana i kiani aku ai mahope o keia wahine i keia la poina ole ua hoikela ae iloko o ka aha a maluna o ka helehelena o na mea apau i keia manawa ua ikeia aku ka manao kaumaha.  Ua olelo ae ka aoao hoopiiia ua hoao aku oia e hookonokono i ka wahine e haalele i kana kane a hahai aku hoi mahope ona aka ua hoole mai ka wahine i keia mea a no keia kumu ua alualu aku oia iaia me ka pahi oki ko.  I keia manawa o keia Iapana e alualu ana i keia wahine ua holo aku la hoi ka wahine iloko o ka malako aka ua hahau aku la no nae keia iapana mahope o kona kua, iaia hoi e paukiki ana i ka holo.  Ua loaa aku ka wahine he hookahi hauna pahi aka aole i kuhohonu loa ka eha.  Mahope o na olelo hoike ua haawi mai ia ka lunakanawai DeBolt i kana olelo hoopai maluna ona oia hoi e hana oia ma Kawa no eha makahiki ame eiwa mahina.

 

Paa Eha Mau Wahine Iapana.

 

            E like no me ka uleu maa mau o ka Hope Ilamuku Kiliniwoki ame kona kokoolua Dan Renear no ka hooko ana i ka laua mau oihana pela no i hoohanaia aku ai a paa ana malalo o ka mana ihiihi o ke kanawai he eha mau wahine Iapana i hoolilo aku i ko iakou mau kino i lua ahi ekaeka (hookamakama).  Ua hopuia aku keia mau wahine poupou hananuu iloko o kekahi hale e ku nei kokoke ma @e alanui Muliwai a no kekahi mau la ke kiai makaala ana o ka hoie ilamuku i keia mau wahine mai Iwilei mai a hiki wale aku la no i ko iakou paa ana.  I ka manawa i hoike aku ai na makai i ko iakou mau pihi ua hoomaka koke ae la no na wahine e kahea me ka leo nui, aole i loihi ua oili mai la he mau kane a hoao aku la e hakoko me na makai aka mahope o ke kiolaia ana o kekahi Kepani iloko o ka lepo opilopilo ua hoomaka aku la kekahi mau Iapana i koe e puhee mai na lima wikani aku o na makai o ke aupuni a mahope o keia ua lawe loa ia aku la na wahine eha no kai o Kuapapanui.  Iloko o ka aha hookolokolo ua hoopai pakahi ia iakou he elima daia ame ke koina o ka aha.

 

            Ala ma ke keena hana @iho New York Dental Parlor he lede Hawaii no ka nana ana i ka pono o kou niho.  Ae maikai ka makou mau hana ana e like no hoi me kekahi mau kauka hana @iho e ae aka he mama ka makou uku.

 

NUHOU O KO NA AINA E.

Maika Uwea Telegalapa Mai.

 

MAKE O SENATOA HAWES.

 

            BOSETONA, Feberuari 5.-O Henry Laurens Hawes, ka senatoa o ka mokuaina o Masesuseka mamua aku nei ua hala i ke ala hoi ole mai.  Ua noho aku oia iloko o ka paia ihiihi o ka senate mai ka makahiki 1875 a hiki i ka makahiki 1893 a mamua aku o keia ua noho aku oia iloko o ka Hale o na Lunamakaainana.  Ma o kona make ana aku la ua hookaawaleia aku la kekahi o na kanaka kahiko loa o ka aha senate.  He kanawalu-kumamahiku ona mau makahiki a hala wale aku la no ma kela aoao ka home o na mea apau.  Ua hanauia oia ma ka mokuaina i hai mua ia ae la maluna a ua hoonaauaoia ma ka halekula kiekie o Iale a i ka makahiki 1842 ua komo aku i ka papa loio.

 

KAAWALE HOBSON MAI KA OIHANA AKU.

 

            WAKINEKONA, Feberuari 5.  Ua hoouna aku nei o Richmond P. Hobson ke kaeaea hoohana kukulu o na aumokukaua o Amerika ame ke koa wiwoole o ka mokukaua "Merrimac" @ ka manawa o ke kaua e aiuka ana mawaena o Amerika Huipuia ame Sepania i kana palapala waiho i ke kakauolelo o ko Amerika mau aumokukaua a iloko o ka manawa pokole ua aeia mai la kana noi.  Ua loaa kekahi paonioni mawaena on a ame ke keena kaua a no keia kumu ua waiho aku la oia i kana palapala haalele.

 

            KA PAIO KU-E HUI KALEPA.

 

            WAKINEKONA, Feberuari 5.-I keia la ua uleleia na manao kalai olelo maluna o ka bila ku-e hui kalepa a Littlefield iloko o ka Hale o na Lunamakaainana.

 

            HOOPAAKIKI NA MANA NUI.

 

            WAKINEKONA, Feberuari 5.-Ua pii ka wela i ke kuhina Amerika Bowen mamuli o kekahi mau mea iloko o na kuka kamailio ana mawaena o na mana nui ame ke aupuni o Venezuela.  Ua ao aku na mana nui i ko lakou mau kanikela e kauoha aku, na kela ame kela aupuni no e koho i ka lakou mau koi, a ina aole e ae ana o Peresidena Rusawela i keia alaila e waiho i keia kumuhana i ka aha uwao kiekie ma Hague.

 

            UA LOHEIA NA OLELO HOIKE.

 

            FILEDELEFIA, Feberuari 5.-Ua hooki mai nei na komisina o ka haalele hana eli lanahu i ka lawe ana mai i na olelo hoike.  He elima haneri mau hoike i hooloheia ka lakou mau olelo hoike.

 

            PAPA IA NA MOKU.

 

            GWAIAKILA, Feberuari 5.-Ua papaia aku na moku mai Kapalakiko mai aole e komo iloko o keia awa mamuli o ka ma'i eleele bubonika e holopapa la iloko o Kapalakiko.

 

            E PUHIIA ANA I KE AHI.

 

            MAZATLAN, Feberuari 5.-Mamuli o ka holopapa ino loa o ka ma'i eleele ma keia kulanakauhale nei e puhiia ana ka pa kapili moku i ke ahi.

 

            HAKUMAKUMA KE AOULI.

 

            LADANA, Feberuari 5. -Ke hekau nei ke ao hakumakuma o ke kaua maluna o na aupuni huiia Rusia, Aukekulia ame ke aupuni o Tureke.

            Ma ka nana aku e komohia aku ana keia mau aupuni iloko o kekahi kaua hahana loa i ike ole ia mamua aku nei mamuli o ke kulana e ku nei iloko Makedonia.  Ua makemake keia mau aupuni o Rusia ame Aukekulia e hooponopono hou ia ke kulana o Makedonia i mea e malamala ai ka maluhia a ina aole e ae mai ana ka suletana i keia manao o keia mau aupuni i hoike mua ia ae la maluna he mea maopopo loa e uleleia ana ke kaua mawaena o keia mau aupuni.

 

            KAAWALE KA AOAO POPULI.

 

            LINEKONA,             Feberuari 5.-Ua hookaawale ae nei ka aoao Populi (Aoao kalaiaina o ka lehulehu) o ka mokuaina o Nabekaleka (Nebraska) mai ka aoao Kemokalaka mai.

 

            E HOOPONOPONOIA ANA E KA AHA UWAO KIEKIE.

 

            WAKINEKONA, Feberuari 6.-E waihoia ana na kuee apau mawaena o na mana nui oia hoi o Enelani.  Kelemania ame Italia ame ke aupuni o Venezuela iloko o ka ahauwao kiekie o ke ao nei ma Hague ma ke aupuni hoi o Pelekiuma.  O na mea apaua keia aha e hooholo ai peia keia mau aupuni e hooko ai.

 

            UA PAU KA MANAOLANA.

           

            KAPALAKIKO, Feberuari 6.-Ua pau ka manaolana ana no ka moku kalepa Amerika i keia manawa.  He kanaono kumamawalu ona mau la i keia manawa mai Tacoma mai no Honolulu nei aka aole i lohela kekahi mea e pili ana nona a hiki wale no i keia manawa.

 

            HOOPALAHALAHA ANA I KE TELEGARAPA UWEA OLE.

 

            NU OLINA, Feberuari 6.-E hoohulia ana keia kulanakauhale nei Amerika waena ame Amerika Hema e ke telegarapa uwea ole a ke Kaeaea Makoni i keia mua aku.

 

            HOOKOLOKOLOIA O RUBINI.

 

            RUSIA, Feberuari 6.-Ma ka aha hookolokolo i keia la ua hoike ae o Rubini, ke kanaka hoi i hoao e lawe i ke ola o ka moi o Belekiuma ua hoolaia pu oia e lawe i ke ola o ka moi o ke aupuni o Italia Beretania Nui ame Belekiuma.

 

            KAAWALE KE KAIKAMAHINEALII

 

            GENEVA, Feberuari 6.-Ua kaawale ka noho ana o ke kaikamahinealii Luika ka hooilina o ka nohoalii o Saxony me Giron i keia manawa a e huli hoi hou ana laua i ko laua mau ohana pakahi.

 

            PAU NA MANO ULUAOA.

 

            MONTREAL, Feberuari 6.-O na hooki i hoouka ia iho nei e na kanaka o ke kaa uwila a i paniku aku hoi i na laina o ke kaa uwila ua hoopauia i keia la.

           

            HE LONO I LAWEIA MAI.

 

            CARACAS, Feberuari 6.-Ua hoikeia mai ua olelo ae na mana nui, o na kuka kamailio ana mawaena o ke aupuni ame ke kuhina Amerika Bowen aole ia e mana ina aole i hooiaioia e ka ahaolelo o ke aupuni o Venezuela.  Ua ui aku na mana nui heaha la ka mana o Peresidena Castro e hookohu ai la kuhina Bowen.

 

            AIA A KAKAUINOAIA.

 

            LADANA, Feberuari 6.-Aia a kakaula ka palapala kuikahi e waiho ana i na kuee apau iloko o ka aha uwao kiekie alaila e hoopau kokeia no ka paniku ana o ke awa o ke aupuni o Venezuela.

 

            HOIKE O SENATOA MITCHELL.

 

            WAKINEKONA, Feberuari 6.-Ua hoike ae nei o senatoa Mitchell ka lunahoomalu o na komite i hele i Hawaii aole he mau hana iloko o ka ahaolelo i keia manawa e pili ana no Hawaii.

           

            HOOLE O PERESIDENA RUAWELA.

 

            WAKINEKONA, Feberuari 6.-Ua kono hou mai nei na mana nui i ka peresidena o Amerika e lilo i mea uwao mawaena o na mana nui ame Venezuela e pili ana hoi i na kuee mawaena o lakou a ua hoole ikaika aku ka peresidena i keia mau kono a na mana nui.

 

            E NOHO ANA KA AHAOLELO KUIKAWA.

 

            WAKINEKONA, Feberuari 7.-Ua hoike pili oihana la ae e kahea ana ka peresidena i ahaolelo kuikawa no ka noho ana iloko o ka mahina o Maraki la 4 oia ina aole e hoohana ana keia ahaolelo e noho nei i keia manawa i na mea e pili ana i na hui halepa.

 

            KA HUI KELEMANIA-ITALIA.

 

            WAKINEKONA, Feberuari 7.-Ua hoike akea ia ae i keia la iloko o ka aha senate aia he hui malu ke ku nei i keia manawa mawaena o Kelemania ame he aupuni Italia e ku-e ana i ke aupuni o Venezuela.

 

            UWALO I NA AUMOKUKAUA.

           

            CARACAS, Feberuari 7.-Ua noi aku nei na lahui e o keia kulanakauhale i na aumokukaua e paniku nei i ke awa i keia manawa e ae ia mai hoi e hoolele ia iuka o ka aina kekahi ukana ianahu.  Ua aneane e pau loa ka lanahu o ke kulanakauhale i keia manawa.

 

            HOOMAKAUKAU KE SULETANA O TUREKE.

 

            PARISA, Feberuari 7.-Ke hoomakaukau nei ka suletana o Tureke no ka ke'ake'a ana i na kauoha o na mana nui oia hoi o Rusia ame Aukakulia no ka hooponopono hou ana i ke kulana ma Makedonia.  Ua kauoha aku nei ka suletana ia Edham Pasha ka alihikaua nui o na pualikoa Tureke e hoomakaukau.  Ua loaa mai na mea kaua o Turfeke mai ke aupuni mai o Kelemania a e hoakoakoaia ana he 20,000 mau koa.

 

            HOOHOLOIA KA BILA KU-E-HOOHUI.

            WAKINEKONA.  Feberuari 7.-Ua hooholoia mai nei iloko o ka Hale o na Lunamakaainana ka bila ku-e-hoohui a Mr.  Littlefield.

            MAKEMAKE O CHILI E AIHUE.

 

            SUCRE, Feberuari 7.-E uwalo aku ana ke aupuni o Bolivia i ka aha uwao kiekie o ke ao nei ma Hague i ka manao ino o Chili i ke aupuni o Bolivia.

 

            KU-E NA PAAHANA PILIPINO.

 

            MANILA, Feberuari 7.-Ua ala ku-e mai nei na peahana Pilipino i ka lawe

 

            (E nana ma ka aoao 6.

 

Nalohia ka Ikaika o Lokana.

 

He kupueu mamua no ka aina nei.

 

Nawaliwali i Keia Manawa.

 

            I ka Poaha o ka pule i hala aku nei la 5 ua hoea aku la i ka halewai o Lokana, he kanaka Hawaii, he kanaka hoi i kaulana ma ka Paeaina nei i na la mamua ke kanaka i loaa ka ikaika lua ole iwaena o na kanaka lawai'a, a hoike mai la i kekahi moolelo i piha me ka walohia.  Ua waihola mai kana kaikamahine o 17 mau makahiki malalo o kona malumalu aka ua hoea mai he keiki opio Hawaii a hoowalewale aku la iaia a lawe malu no hoi, a ke manao nei o Lokana aole oia i ka oihana makai e ke'ake'a aku e like me ka hiki i ka mare ana o kana kaikamahine oiai aole i piha kupono na makahiki o kana kaikamahine no ka mare ana.  Ua oleloia ae iloko o ko Lokana mau la ua hiki loa iaia ke hapai i kekahi waa koa nui a hapai mahope o kona kua a hoea i kai o kahakai me kekahi kokua ola.

            O kana mau hana kaulana iloko o la mau la ke mau nei no ke o ana ma Kealamoana kahi ona i noho mua ai no kekahi mau makahiki loihi loa.  I keia la a i keia manawa ke naka haalulu nei oia, he kanaka onawaliwali maopopo loa a ua piha kui aku hoi kona mau iaia me ka ma'i rumatika.

 

Na Make o ka Mahina i Hala.

 

Na Pepe Liilii ka Hapanui.

 

Hawaii no ka Panepoo.

 

            Iloko o ka mahina o Ianuari i hala aku nei ua haia aku ma keia aoao o ka muliwai eleele he kanaiwa kumalima a mailoko ae o keia huina o na make he kanaha-kumamawalu mau oiwi Hawaii.

            O kekahi mau lahui e ae mawaho o na kanaka Hawaii he umi kumamaono Pake, eha Pukiki, umi-kumamakolu Iapana eiwa Amerika, a elima o kekahi ano lahui e ae.  He iwakalua-kumamawalu mau pepe liilii malalo o hookahi makahiki i hala aku ma keia aoao hoi ola mai a he eha wale no i oi aku na makahiki ma ke kanahiku.  he kanakolu-kumamalima i mareia a he kanalima-kumamaha hanau.  Ua hoike mai ka luna nana holohona he hookahi kaukani holoholona i nana la, he 264,849 i'a i nanaia a he 913 i kiolaia.

 

Mokuahi Nui o ke Ao Nei.

 

O Cedira Kona Inoa.

 

Hoau ia ma Pelekane.

 

            NU IOKA, Feberuari 7.-Ua loaa mai nei he lono kuikawa ianei mai Liverpool mai e hoike mai ana o ka mokuahi Cedric ka mokuahi nui hookahi o ke ao nei ua pau ia i ka @anaia a e haalele ana i ke awa o Pelekane no kona a@ahele hoau no ke kulanakauhale o Nu Ioka.

            O keia mokuahi hou oia kekahi moku ano nui loa iwaena o na mokuahi apau loa i @anaia me ka naauao o ke kanaka.  Hookahi manawa he umi kaukani kanaka e hana ana i keia mokuahi, nolaila ina he elima ohana o keia ame keia kanaka o keia umi kaukani e ike ana kakou ke kaulele nei he kanalima kaukani kanaka no ko lakou oia ana maluna o keia mokuahi hookahi.  Ua hoolanaia keia mokuahi hou ma ka mahina o Aukake i hala o keia makahiki aku nei.

            He ehiku haneri a oi kapuai kona loa a ua hiki iaia ke halihali maluna o kona oneki ekolu kaukani ohua.  Ua  hiki loa i kekahi kaahi ukana ke holo iloko o kona  pukauahi a o kona mau kia he ekolu kapuai ke anapuni.  He iwakalua-kumamakahi tona kona kaumaha aka i kona manawa iloko o ke kai ua hiki iaia ke hoonee he kanakolu-kumamahiku kaukani me elima haneri tona.  O ka huina nui o na hoolilo no kona hana ia ana he elua me ka hapa miliona daia a oi.  He eiwa oneki o keia mokuahi a ke nana aku me he la he hale kiekie iluna o ke kai e nee ana.

 

Hiehie ana Hawaii ma Sana Lui.

 

E umeumeia ana ka iini makahehi.

 

Kona Kulana ma ke Kahua Hoikeike.

 

            E hoolilelileia ana ka hale nui Hawaii e apo ana hoi i kona mau mea hoikeike iloko olaila iwaena o na hale hoikeike o na mokuaina ame na teritori a aole hoi iwaena o na hale hoikeike o na aina e e like me ka mea i hooholola mamua aku nei.  Ua loaa aku keia puana a ka moe ma ka halawai i malamala e ka Hawaiian Exposition Co., ma ke kakahiaka Poaha nei la 5 a i noho hoomaluia e ka mea hanohano Mr. O. M. Cooke.  Iloko o ka halawai ua hooholoia ae kekahi olelo hooholo e @aa ana i ke kahua i manao mua ia no ka hale hoikeike Hawaii mai waena ae hoi o na kahua o na mokuaina ame na teritori.  Ua koho aku ka hui he elua mau kahua a na Mr. Traphagen ke kakana kahakii kuloko o kakou nei i hooponopono mai nei ina hoolilo o ka hale i hoolako pono ia me na paipu ame na kukui uwila.  Ma keia kahua e manaoia nei e ku hiehie mai ana ka hale hoikeike e apo ana iloko o kona mau paia  na mea makamae Hawaii kahi hoi o na maka malihini e umeumeia ai e kona mau mea pahaohao a he mea hoopaapaa ole ka olelo ana ae e umeumeia ana ka lini makemake o keia ame keia lahui a puni ke ao nei i na mea hoikeike o Hawaii.  E paaia ana keia kahua a hiki ia ka manawa e hookaawalela ai o kekahi puu dala mahuahua e ka ahaolelo e noho mai ana no ka hooholomua ana aku i keia hana e makemakela nei noka hoike ana aku i ke@a ame keia lahui eia no o Hawaii uuku ke ku hiehie nei iwaena o na hale hoikeike o na mokuaina ame na teritori o Amerika Huipuia.  O na hoolilo i hoomakaukauia mai nei e Traphagen no keia hale hoikeike o Hawaii he $20,673.

 

Waiho o J, H, Hakuole i ka Maheleolelo.

 

Chester Doyle ma kona kulana.

 

Aka Noho ma ka Oihana Loio.

 

            Ma ka Poalima o ka pule i hala aku nei ua waiho aku la o J. H. Hakuole i kana oihana maheleolelo Iapana no ka hoomakaukau ana iaia iho ma ke kanawai a ua paniia aku ma kona hakahaka ka haole Chester Doyle ma ia kulana ana hoi i paa hoomanawanui ai no kekahi mau makahiki.  Ua paa mua no keia haole i keia kulana maheleolelo Iapana i na makahiki mamua ma ia ano olelo o ia lahui.  I ka manawa o ke aupuni mua e ku ana oia ka maheleolelo Iapana iloko o ka aha kaapuni ekahi, aka, i ka manawa o Hamapera i noho ai maluna o ka noho lunakanawai ua kapaeia ae oia no kekahi kumu i ike ole ia.  Mai kona la i hoopauia mai ai a hiki wale no i kona hookohu hou ia ua hana aku oia i kekahi mau hana maikai e pili ana i ka oihana makai a iwaena no hoi o na Iapana o keia kulanakauhale.

 

Kau ka Weli i na Pokoliko. 

 

Hopuhopuia no ka Aeahaukae.

 

Pii ka Wela i ka Lihilihi Maka.

 

            Me ka leo hooweliweli e kipoka aku i ka lunakanawai, e uwe kapalili ana no kekahi mea e onou aku hoi i ka huaale kepau iloko o kona poo, e uwe ana e like ne kekahi wahi pepe uuku loa, ua kalehuia aku la mailoko aku o ka rumi hookolokolo ma ke kakahiaka Poakahi i hala aku nei la 9, he Pokoliko, o Fauto hoi kona inoa, a ua lawe loa ia aku la oia iloko o ka halewai kahi hoi ona i hoomau aku ai i ka @we ana me ka leo nui.  He 19 wale no ona mau makahiki a iaia hoi e hele mai ana mailoko mai o kahi pahu no ke ku ana aku imua o lunakanawai Wilikoki ua hoomaka koke ae la no ua Pokoliko nei e uhae i ka lipine o kona papale a hoao iho la e kaawe iaia iho iwaena o kanaka e nonoho mai ana.  Aole i hooko@a aku keia manao ona, aka, ua hoopaaia aku la kona mau lima me ka mea hoopaa.  He la weli mai maoli ia no na pokoliko apae i hoea aku imua o ka lunakanawai, a i keia la ua hooukaia mai @a ka hoopai o eono mahina e noho ai ma Kawa.