Ka Nupepa Kuokoa, Volume XLI, Number 6, 6 February 1903 — Page 3

Ka Nupepa Kuokoa

KE KILOHANA POOKELA NO KA LAHUI HAWAII.

 

  NUPEPA KUOKOA, FERERUARI 6, 1903.    3

HOOLAHA KUMAO.

 

Ka Hui Alahao ame Aina o Oahu

 Manawa  Holo

 Mahope aku o Ianuari 1, 1902.

 

Mai Honolulu aku

 

@ale

@Honolulu

Na la apau koe ke Sabati.

Na la apau.

Na la apau  koe ke Sabati.

Na la apau

Na la apau

  A.M.  A.M.  A.M   P.M.  P.M.

@Honolulu... 7:10  9:15  11:06  3:15  5:20 

@Manana... 8:08  9:48  11:40  3:46  5.50

@Wili ... 8:28  10:08  12:00  4:06  6:10

@Waaianae... ..  10:50  ..  4:45  .. 

@Waialua... ..  11:55 ..  5:40 ..

@ ka... ..  12:32  ..  6:15  ..

 

  MAI  WAHO  MAI

 

@ALE

@OLULU.

Na la apau koe ke Sabati.

Na la apau koe ke Sabati

Na la apau

Na la apau

@ku...  ..  5:35  ..  2:08

@Waialua... .. 6:10  ..  2:50

@Waianae... .. 7:10  ..  3:52

@Wili ...  5:50  7:45  1:05  4:32

@Manana...  6:15  8:08  1:30  4:56

@Honolulu...  6:50  8:35  2:06 5:26

  G. P. DENISON,     F. C. Smith,

Luna Nui    Luna Kuai  Kikiki

 

@akela me Kuke

[KAUPALENAIA]

 

@oe Kalepa ma  ke Komisina

 :: HE ::  A

@E LAWELAWE KOPAA

 

@E AGENA NO NA MAHIKO LEHULEHU.

 

**NA**

@WAIWAI KALIKIMAKA

 

 EIA KAHI E KUAI AI

 I KAU MAKANA..

 

NUI NA WAIWAI KEPANI NANI

-MA KA HALEKUAI O-

 S. Ozaki,

Helu 178,  Alanui Hotele

 

He Huaale Maikai

@le ke like o na

 "Huaalo a Ayers"

@e na huaale e ae no ka mea he mau huaale kokua keia i ka hana a na @aau, a he laau hoomaha maikai loa @i. Ina he paa kou hanalepo o na

 "Huaale a Ayers"

ka hau e hemo maikai ai, a e hemo maikai mau ana hoi mahope aku @la manawa.

 @la loa he hiki i kekahi kanaka ke @ Olelo ae he maikai kona ola kino @ Ana aole he hemo i kona hanalepo @ he hookehi manawa o ka la, a oi aku @ paha.  Ina i maopopo keia kanawai o @ he ola i na kanaka apau, aole loa @e like ka nui o ka poe ma'i ma ka @ e ike ia nei i keia mau la.

 @hana ia owaho me ke kopaa he @ makai loa ka lawe ana.

 @he mau Huaale i oi ae ka maikai @ mamua o na

  "Huaale a Ayers"

 @ akauaku ia e Kauka J. C. Ayer & Company, Lowell, Mass., U. S. A. @ laaa no keia mau Huaale ma ka Hale Kuai Laau o Hollister, alanui Pepa.

 

Loaa ia kino Make iloko o ke Awa.

 

  Ma ke kakahiaka o ka Poaono ua loaa @ la ia Paahao, kekahi o na keiki @hue waapo o ke awa o Kou nei ke @ make o Joseph Carrao Kokoke i ka  @ Andromeda e ku nei iloko o ke @

 He paele keia kanaka a oia no hoi ke @aka iolo e ike mau ia ai ma na ala@ o Honolulu nei.  I ka loaa ana aku @ Puahao ua nakiikilia ae la kona kino @ ke kauia a hoopaaia i ka waapa, a @aka mai la oia e kolo no ka uw@o, @ waihoia aku la i ka oihana makai.

 

 Ka Poka Nui ame ka Poka Iki

 

He Moolelo no kekahi mau Opio Elua iioke oke Kana Kuloko wawahi Maua Kauwakuapaa o Amerika Huipaia.

 (Unuhila e S. K. Nawaa.)

 MOKUNA XXII.

UHAI MAHOPE O KA ENEMI.

 

 "Ina pela e pono ia oe e hele aku ma ka aoao hema a hai aku ia Kapena Iakina oia ke alakai i keia manawa, a e hai aku no hoi iaia eia ia'u ka aoao akau no kela manawa a hiki i kona hoea ana mai."

 I ka hala ana aku o ke kakiana ua hoomau aku la wau i ka hele ana me ka makaala loa no kahi e ku ana kekahi halekula pohaku e ku ana ma ka aoao o ke alanui. Ia'u i hiki aku ai i ke kumulaau hope loa e kokoke ana i ka halekuia ua lohe aku la wai i ko Denisa leo.

 "E kuu lutanela aloha, mai hele mai oe a kokoke oiai ua kau pono loa mai la na enemi i ka lakou mau pu i o makou nei."

 Ua pahaohao wau i ka lohe ana i ko Denisa leo a oia ka'u i kiei ai ma o a maanei e ake ana o ka ike aku iaia eia nae he ole ko'u ike aku.

 "Aia oe mahea e Denisa?" wahi a'u me ka leo nui.

 "Eia wau me na buke haawina a na keiki." wahi a Denisa me kona kiei ana mai iwaho.

 "E hele mai oe iwaho nei e kahi kolohe." wahi a'u me ka leo huhu; "heaha kou kuleana olaila?"

 "Ua manao hoi' makou o kahi kupono loa keia e paio aku ai, eia nae ua kau pono loa mai la kela poe Konofedereta i ka lakou mau pu ia makou a ua hiki ole makou ke puka aku iwaho."

 "Ehia ko oukou nui malaila?"

 "Elima mawaho a'e o'u: a ke hoomaumau mai nei na Konofedereta i ka lakou mau poka ma ka ipuka me he mea la e kakia kui ana i na kukina puka."

 "Ina pela e noho iki iho oukou malaila."

 Ua hoomau aku wau i ka hele aloalo ana mai kekahi kumulaau a i kekahi a hiki i ka loaa ana ia'u he ewalu o ko makou poe a nee aku la makou no kahi a ka enemi e paa ana.  Ua loaa koke iho la ia makou he wahi kupono e ike aku ai i na enemi e hoomau nei i ke ki i ka halekula, a ia manawa no hoi i ulele iho ai makou.  Aole i liuliu iho mama ana ua poe Konofedereta la i ka holo a loaa ia Denisa ame kona mau hoa ka maha.

 I heia manawa aia ke kupinai nei na leo o na pu; o na koa hoi o ka mahele ma ko makou aoao akau ua komo poo aku la iloko o kahi a ka enemi a paa ana a wawahi aku la ia lakou.  Ia makou i hoea aku ai iwaho o ka ululaau, ua hele mai la o Kapena Iakina i'ou la me ka paa ana ae i ko'u lima me ka ehaeha, nui.

 "Ua eha ia wau e Wilimona," wahi a ua kapena la.  "E pono ia'u ke hoi aku ihope oiai he kupilikii loa ko'u wahi i eha.  Nolaila, aia ia oe ke alakai ana a e hoomanao nae oe ooe wale no ke aliikoa i koe iho a nau ia e nana nou iho.

 Ua haawi aku la wau i ko'u ae ana ma ke kunou ana a hoomaka aku la wau e hoomoe i ko'u mau koa imua i mae epololei ai ka laina.  Ia manawa no i hoomaka aku ai na Konofesereta e auhee, a he mama hoi kau i ka holo a kana mai; ia manawa pu no hoi ala makou ke uhai la mahope o lakou me ka uaua leo nui ana. Aole i loihi keia holo ana o makou ua kani koke mai ia ka o-le kahea no ke ku iho, a ua hooko aku makou me ka maopopo ole o ke kumu o keia kauohaia ana mai o makou e ku.  Ua noho iho la wau iluna o kekahi apahu laau e kali i ka mea e hoea mai ana.

 Ua pahaohao nui wau i ka ike ole aku i ka enemi, he ole hoi ke ku mai o na pukuniahi e like hoi me ka mea maa mau.  He mea ano hou keia.  Ua paio mai na koa kiai o na Konofedereta me ka ikaika a iloko o ka wa pokole mahope iho o ko lakou auhee ana ua nalo iho na mea apau.

 "Aia iho nei hoi ihea ua poe Konofedereta nei?  Ua aleia aku nei anei lakou e ka honua?" wahi a Denisa me kona mau maka kolohe.

"Ua like a like ko kaua pahaohao e Denisa," wahi a'u i pane aku ai.

 Ia manawa no i nana pono aku ai o Denisa i kekahi mea e hele mai ana ma kahi mamao loa.

 "Heaha la hoi kela?" wahi a Denisa i ninau mai ai ia'u.

 "Me he kanaka la i ka'u ike aku," wahi a'u i pane aku ai.

 "E,he Paele," wahi a Denisa i hooho ae ai me kona ku ana a'e iluna.

 Ua hoomau mai ia ua Paele la i ka nee ana mai a hiki i ka paa ia ana e ko'u mau koa, a na lakou hoi i kuhikuhi mai ia'u, a ia wa no hoi i hele loa mai ai ua Paele la io'u la.

 "O oe anei ke kenerala?" wahi ana i ninau mai ai.

 "Owai kau kenerala e makemake nei e ike?" wahi a'u i ninau aku ai.

 "O ke kenerala nui - ke alakai nui loa o oukou.  Ua manao mai nei wau o oe la ke kenerala nui."

 "Heaha kau e makemake nei e ike i ke kenerala?"

 "Makemake wau e hai aku iaia i ka mea hou.  Baigole, he nuhou anei keia a kanamai," a ia manawa i hehene iho ai ka aka a ua kumupopolo ia.

 "E hai mai paha oe i kou makemake e kahi keko eleele," wahi a Denise me ka leo okalakala.  "E hai koke mai oe i keia manawa o ike oe i ko hoouna ia aku i ke Aupuni o ka Lani."

 Mai manao oe i kou keokeo ana o kou mea ia e keko ole ai.  Keonimana ole no hoi kau mau olelo," wahi a ua Paele la.

 "Ua oki kau mau olelo e Denis," wahi a'u.  "E kuu hoaloha maikai e pono ia oe ke hai mua mai i kau mea hou la'u mamua o kou ike ana aku i kekahi kenerala nui."

 "E li a'e kakou i kahi kumupopolo iluna o ka laau.  Akahi hoi ko ia nei hoololoahili i kana mea hou.  E he kiu keia e li a'e kakou ia ianei. "Pehea ko oukou manao e o'u mau hoa?" wahi a Denisa me kona hoomaka'uka'u ana i ka makou malihini.

 "Ooa, oia.  E kau aku iaia iluna," wahi a ko'u mau hoa i hooho like a'e ai.

 "O, masa, masa@.  Mai li oukou i kahi niga nei.  He kanaka Uniona no o Petero.  E hai aku no wau i ka'u mea hou."

 

 Ike iho la wau ua makau maoli no ka makou malihini, nolaila ua hoopau koke a'e wau i ka Denisa mau hana hookolohe a pane aku ia:

 "E awiwi mai hoi paha oe.  Heaha kau mea i ike ai?"

 "E pono oe e ike e masa aliikoa; ua hala aku nei lakou eha hora i kaahope a'e nei."

 "Ua hala. Owai keia poe i hala aku nei?"

 "Keu no hoi o Masa Li ame na koa Veginia.  Ua hala aku nei lakou ma kela aoao o ke kahawai."

 "Oiaio anei kau?  E kuu hoaloha, e noonoo pono i kau mea e olelo nei."

 "Ma ka inoa o ke Akua, ke hai aku nei wau i ka mae oiaio.  Ua hala i'e aku nei lakou: he ike ko'u me ko'u mau maka elua ia lakou i a'e aku ai ma kela aoao o ke kahawai i keia kakahiaka," wahi hou a ka Paele me kona hapai ana a'e i kona lima iluna me he mea ia e lawe a'e ana i ka hoohiki.

 He mea hou i'o no keia na Generala Miki; o keia no hoi ka hoike no ka hana wiwoole a na koa kiai Konofedereta ia makou i palo aku ai me lakou.  Ua hoouna aku wau i ka makou malihini ihope malalo o ke alakai ana a kekahi mau koa, a ia manawa no hoi i loaa koke mai ai ke kauoha no ka nee ana aku.  Ua holo aku na koa apau me he kamalii kula la, eia nae he ole ka ikeia aku o ko Li mau pualikoa a hiki i ko makou hiki ana aku i ke alanui, akahi no a maopopo loa ka auhee i'o.  E waiho ana ka meheu o ka nee ana aku o ko Li mau pualikoa iloko o ke pohopoho a e waiho ana hoi elua a i ole ekolu mau kaa pukuniahi iloko o ke @poho.  Ma ka hiohiona o ka meheu e waiho ana ua hoikeia mai ua nee aku o Li me ka awiwi.  Ua hoopuhili hou ia makou e Li, nolaila, o ka hana kupono wale no e hana ai, oia ka huli ana aku iaia ma ke kahua i kamaaina ia makou ma Rapahanoka ame Rapidana.  He oiaio ua hololua ka alopeka a ua puhili ka ilio hahai, eia na'e he wa iki wale no a hui hou aku me ia.

 Oiai ko'u mau hoa e hele ana i o a ianei e huli ana i na hua ai, ua nee mai la na mahele like 'ole me ka hiehie nui.   He waiwai ole no na'e keia heluna nui e hoikeike nei oiai ua lele mua ka manu.  Ia po iho ua nee aku la ko makou pualikoa holookoa no Hapa Fere me ka manaolana e kaa a'e mamua o Li a paa aku iaia mai ka nee ana aku imua ma na Kuahiwi o Bolu Rigi.

 

 MOKUNA  XXIII

 

MA KE ALAHELE.

 

"O ka mea i hina ma ke alahele pakikakika.

 E hoa'o no oia e ala me ka hooikaika."

 

 Ua hiki aku la makou i ke Awawa o ka Nani, kahi oi aku hoi o ka maemae ame ka nani o ka Mokuaina o Merelana, a e waiho mai ana hoi ke Kuahiwi Hema mamua o makou.  Ua nee aku makou me ka awiwi oiai oia wale no ka mea pono a makou e hana ai, no ka mea ua kaa a'e ia Li ka aoao maloko o keia hoonee kaua ana.  O keia hoomau ana i ka hele ka mea nana i hoopoino loa i kuu wawae, ua hiki ole ia'u ke hoomanawanui hou aku, a hele okoa aku la wau e noi e hookuu ia mai no ka hoomaha ana.  Ua hele aku wau e noi ia Generala Filitia, ia makou i ku iho ai la auwina la mahope o ke kaahope ana o kekahi mau mile pokole mai ka uwapo aku o Anetietema.

 "Ke kaumaha nei wau no ka hiki ole ia oe ke hoomau aku i ka hele ana e Wilimona," wahi a ua generala la iaia i kakauinoa iho ai i ko'u palapala ae. "Ina no hoi he lio kaawale a'e kekahi, ina no hoi ua hoi mai oe iloko o ko'u huina o na kokua aliikoa; eia hoi he nui no ka hana mahope, a he mea pono no hoi e loaa kekahi mea nana e houluulu mai i na koa i pau aku nei i ka haule ihope; no ka mea me he mea la e a'e aku ana kakou ma kela aoao o ka Muliwai Potomake iloko o elua la.  Nolaila, ina he mea oluolu ia oe e hoao ma na ano apau e houluulu a'e ia lakou a lawe a'e me ka awiwi."

 "E hooko no wau pela," wahi a'u me ka hauoli no ka loaa ana he wahi nana na'u mawaho a'e o ka pualikoa.

 "Aole o'u hopohopo no ka hiki ia oe ke hana aku pela," wahi a ke generala me ka oluolu.  "Ina wau i kuhau iho no ka hiki ia oe ke lawelawe aku ia hana, aole wau e noi aku ia oe e hana oe pela.  He mea oiaio e halawai ana oe me kekahi poe hookiekie, a pela no hoi me ka poe maikai; nolaila, e hana oe i kau mea i ike ai he pono.  Gudi bai: ke ike nei wau eia ke neee nei ko kakou mahele."

 Ua nana aku wau i ko'u mau hoa e hele ana me ko'u kaumaha no ka hiki ole ia'u ke hele pu aku me lakou, a o keia no hoi ka makamua o ko'u haaleleia ana me ke alahele.

 Ua noho iho wau maluna o kekahi pa pohaku no hookahi hora no ka nana ana aku i ka hapahope o ko makou pualikoa, a ia manawa ua ike aku la wau i kuu hoaloha Ailiki e hele mai ana lo'u 'la.  I loa no iaia a ike mai ia'u, ua kowali a'e la oia i kona lima maluna o kona poo a hoomaka mai oia e holo me ka mama nui.

 "Heaha kou mea i haalele aku nei i ko kaua regimana?" wahi  a'u i ninau aku ai ia Denisa iaia i noho iho ai ma ko'u aoao me ka wehe ana a'e i kana puolo ukana a hookuu iho la ilalo.  "Ua eha a i ole ua ma'i anei oe?"

 "Aole, he oia mau no ko'u ola kino.  E kuu Palanike, mai huhu mai oe ia'u.  He oiaio aole o'u ma'i, eia nae ua kaumaha loa ia wau i ko'u ike ana ua haalele mai oe i ko kaua regimana no ka eha o kou wawae, ua hele aku wau a noi aku i ke kauka i palapala hookuu no'u a e malama hoi wau ia oe."  Ia manawa i nana pono mai ai kuu hoaloha Ailiki ia'u.

 "Nolaila ua hookuu mai ke kauka ia oe?"

 "He oiaio ua ae mai oe.  Heaha no hoi kona mea e hoole mai ai?  Aole anei ua maopopo no i na hoa o kaua owau no kau kiai?  Ua mino aka iho la ke kauka ia'u i hai aku ai i ko'u manao, a ua pane mai kela aole o'u waiwai iloko o ka regimana ke ole oe; nolaila, ua haawi mai oia i ko'u palapala, a ela ua palapala la."

 "Well, e Denisa, ke hoomaikai nei wau ia oe; eia nae ke pihoihoi nei wau i kou nana nui ana mai ia'u."

 "O kau no ia e olelo mau nei.  Ua poina anei oe i ka la au i hoopakele ae ai ia'u ia kakou ma na lokowai opilopilo ia kakou no hoi e paio ana no ko kakou mau ola iho e nee ana hoi no ka Muliwai Kino.  No'u iho aole loa wau e hoopoina ana."

 "O, ua kuea no hoi kaua ia oe i hou ai i kela kanaka ma ke kahua kaua o Getebake ia kakou e paio ana no kela mau pukuniahi.  Ua pau ae ia no hoi keia e ke kakiana.  Me he mea ia e loaa aku ana no ia kuua@ ko kaua regimana iloko o na ia pokole."

 "Kakiana.  Heaha ka manao o kou kapa ana mai ia'u ma ia inoa, he kopaia hoi wau.  He kakiana anei wau?"

 "Ae, ua waiho aku o Kapena Buka i kou inoa i kakiana i keia kakahiaka.  O Kakiana Poka he lutanela oia i keia manawa.  I keia po e hoike ia a'e ai na inoa o ka poe i hookiekieia i ka wa no e hoomaha iho ai na pualikoa.

 "Well, @well, e hoike ia ana ko'u inoa he kakiana, eia nae he koa haalele puali," wahi a Denisa me kona helehelena hoihoi.

 "Nou no ia hewa, no ka mea nau no i haalele aku nei i ko kaua regimana," wahi a'u i pane aku ai me ka aka hoohenehene ana aku i kuu hoa Ailiki.

 "Mai nana oe i kela e ka lutanela@, olai aole hoi he hana hewa a'u i hana ai," wahi a Denisa me kona mau maka oluolu.  "Ina no o kaua like he oi aku ka maikai o kela."

 Kinikiu oe e ke kakiana.  Ke hai aku nei wau ia oe i ka mea oiaio, ua hauoli wau i kou noho ana mai me a'u, oiai aole he hiki ia'u ke hela aku.  Ina e loaa ole ana ia'u he hoomaha ana he mea maopopo loa aole e hiki ana ia'u ke hele hou aku.  E pono ia kaua ke nana i wahi no kana e hoomoana ai."

 Ua ku koke a'e o Denisa a pii aku la iluna o ka pa pohaku a hoomaka aku ia e nana i wahi no maua e noho ai, a iaia i lele iho ai ilalo, ua ninau mai la ia'u:

 "Mahea kou makemake, iwaho anei a i ole iloko paha?"

 "Heaha ka manao o kau ninau?"

 "Malalo anei o ke kumulaau a i ole iloko o ka hale?  Aia, i kau mea e koho ai."

 "Malalo o ka laau a ma kahi e kokoke ana i ka 'wai i hiki ai ia'u kehoopulu iho i ko'u wawae.  He loihi a'e nei ka manawa aole wau i hoho iloko o ka hale, nolaila e pilihua no wau ke noho iloko o ka hale."

 "Owau no kekahi i makemake e hoaumoe iho iwaho, a aia kahi maikai loa malalo la ma kahi o kela awawa."

 Me keia mau olelo, ua hopu iho la o Denisa i ko'u mau wahi pono a kokua mai la ia'u ma ke ku ana iluna.  Me ka ehaeha nui i hoao ai wau e ku a'e iluna a nee aku la no kahi a Denisa i olelo ai: a i ko'u hiki ana malaila ua ike iho la wau oia kekahi wahi e kokoke ana i kekahi hale wili laiki.  Ua aneane aku i ke ahiahi ka pau ana o na hoomakaukau no ko maua kahua hoomoana, a ia Denisa e hele ana e buli i mau wahi mea ai okoa a'e na maua, ua noho iho la wau e hoohala i ka manawa ma ka auau ana, a mahope mai ua hoi aku la wau e hooluolu.

 Ia'u i aia a'e ai mai ko'u hiemoe ana, aia o Denisa ma ko'u aoao e hoomoa ana i ka maua mau mea ai; a ma kana kauoha ua moe iho la wau ilalo maluna o ko'u kihei huluhulu a ai iho la i ko'u paina ahiahi.  O keia ko'u haule elua ana mai ka huina mai o ko makou pualikoa: o ka mua oia no kela haaleleia ana o makou ia makou e kiai ana i ka Muliwai Rapahanoka, nolaila, ua nui na noonoo like ole i loaa mai ia'u.

 Oiai no nae ke powehiwehi aku nei ka malamalama, ua hiki no ia'u ke ike aku i ka nui maoli o na koa i haule iho ihope, a aia iloko o keia heluna he poe e hele ana me ka haule no ka loaa ana he manawa e kaawale a'e a @ mai na rula o ka nohona hoomoana ana; o ka hapanui no na'e he poe maoli no i loaa i ka mai.  O na holoholona pu kekahi iloko o keia haawina, nolaila ua ku iho kekahi hapa o kekahi pualikoa pukaa e hoomoana ma kekahi aoao mai o ke alanui.

 Mahope o ka paina ahiahi, ua wa-hi iho la o Denisa i ko'u wahi i eha me ka lole pulu a moe iho la maua me ka maua mau mea kaua mawaena o maua.  I ka auwina la o ka lua o ka la akahi no wau a hoomaka hou e hele.  He elua mile keia hele ana o maua ua hoea aku la maua i kahi a kekahi poe koa e noho ana.  Ua kauoha koke aku la wau ia lakou e opiopi i ko lakou mau pono a e hahai mai ia'u, a oia ka lakou i hooko ai mahope no na'e o ka namunamu nui ana.  Ma keia ano, ua aneane e piha he kanalima poe koa me a'u mamua o ka napoo ana o ka la, a ku iho la makou e hoaumoa no ia po.  I kekahi la a'e ua hoomaka aku la makou e hele i ka wa ma-u o ka la, a ua hoopomaikaiia mai wau mamuli o ko'u halawai ana me kekahi lutanela o ka papa malalo iho o'u ame elua kakiana.  I keia manawa ua pii a'e ka heluna o ko'u mau koa a piha ka hookahi haneri a oi, o ka hui ana mai hoi o Lukanela Biki me a'u ua loaa iho la ko'u kokua.  Me kana mau kokua i huipuia hoi me ka na kakiana, ua hiki ia'u ke alakai i ko'u mau koa i aneane aku ka heluna nui i keia manawa i ka elua haneri me ka maikai; a oiai ke kokoke nei makou i na Kuahiwi Hema ua noho iho la makou e hoaumoe malaila.

 I kekahi la a'e ua hoala aku la wau i ko'u mau hoa no ka hele ana, oiai ua manaolana wau e halawai aku me ko makou pualikoa mamua o ka napoo ana o ka la.  He hapa uuku o ko'u poe i ala a'e i ka po a hele aku: o ko lakou nalowale ana no nae aole i hoeueu aku i kekahi poe okoa iho e haalele iho ia makou oiai ua hoonaneaia lakou e Denisa me kana mau moolele hookolohe.  Ua loaa aku ia Denisa kekahi lio ia po a oia kana i hooponopono iho ai no'u.  O kona kihei huluhulu oia ko'u noholio a o ka punuku kaula oia no hoi ko'u kaula kaohi; ia'u e kau a'e ai iluna o kou lio ua nana mai ko'u mau hoa ia'u me na mino aka no na hoohiwahiwa i hanaia mai no'u.

 He eono mile i hala a'e ia makou ua hana ponoole iho la o Kanepuniu, a he wela hoi kau mai o a o: ke loaa la no nae na manaolana iloko o makou e hoea aku ana makou i kahi ahua e ku mai ana mamua o makou mamua o ke awakea, ela na'e ua hoopakalakila mai makou.  Ia makou i hiki aku ai i na mana alanui ua hoea mai la kekahi pualikoa kaulio malalo o ke alakai ana a kekahi kapena, a iwaena o lakou e hela ana kekahi mau pio Konofedereta no lakou ka heluna o ekolu haneri.  Ua ku iho wau me ko'u mau hoa me ka manao e hookaawale a'e i ke alanui no lakou, eia nae ua pahaohao loa wau i ka hele ana mai o ko lakou alakai io'u la.

 "Ke hauoli nei wau i ko oukou loaa ana ia makou," wahi a ke kapena.  "Nau ana e malama i keia mau pio."

 "Hele pela," wahi a'u.  "Aole keia he pualikoa.  Heaha hoi ka'u e lawe a'e ai i kau hana mai ia oe a'e?"

 "No ka mea oia ke kauoha i haawiia mai ia'u e waiho aku i keia mau pio malalo o ka malama ana a kekahi pualikoa hele wawae e loaa mua ana ia'u a huli hoi koke aku no ko makou mahele."

 Well, aole keia he pualikoa hele wawae.  He poe keia i haule hope a na'u i houluulu a'e ia lakou."

  (Aole i pau.)

 

  Maleia no ke Aloha

 HE MOOLELO NO KE

 KAIKAMAHINE ALII IEIIWA

Ka Ui nohea i ahai ae i ka puuuai.

 MOKUNA  XX.

ULUAOA  KE  KULANAKAUHALE.

 

"Ke hauoli loa nei au i ko olua manao aole au he uhauha wale i ke dala o ke aupuni," wahi a ka Moiwahine.  "E hoolaha aku ma ke akea ma na pepe nunui ma na pipaalanui e hoike ana i ka haawi makana o elima kaukani dala i ka mea e loaa ana o Gerenefolo Lore, a lawe mai iaia i o'u nei."

 "Pehea hoi keia ina e loaa ana oia e hoihoi loa ae iaia i ka halepaahao?" wahi a ka puuku.

 "Ae,ua hiki no pela.  Aka mai poina oe i kau aku i kekahi mau huapalapala "maloko o ke kauoha a ka mea nona ka inoa malalo iho," wahi hou a ka Moiwahine.  "E hoomanao me ka hua nunui e palapala ai."

 Ma keia mau mea apau ua minoaka wale iho ia no oia no keia mau mea hoomeamea ana e hoomaopopo nei, i manaoio ia hoi e ka hapanui.

 Ma ka manawa i pau ae ai ka ahakuka ua hoi aku la ka Moiwahine ame kona hoahele ke kaukaualiiwahine Degamoa oia ka manawa i hui pu aku ai laua me kekahi kauwa, ka mea hoi nana i hoike aku i ka makemake o Mr. Anagusi e hui kamailio pu me ka Moiwahine.

 "Ae aku iaia e pii mai," wahi a ka Moiwahine i pane aku ai me ka manao hauoli iloko iho ona.

  I ka manawa i komo aku ai o ke Aliiwahine me ka wahine opio iloko o ka lumi o ka Moiwahine ua akaaka nui ae la laua me he kamalii la e pili ana i keia mau hana hoomeamea a laua i ike ai no laua iho.

 "Elima kaukani," wahi a ke kaukaualiiwahine Degamoa i puoho ae ai, a hilala aku la kona kino i hope no ka hookoikoi ana i kona piha hauoli.  "He nui maoli keia kolohe a kaua."

 Ia laua e hauoli ana oia no ka manawa o laua i lohe aku ai i ke kikeke mawaho o ka puka a i ka manawa i hemo ae ai o ka puka oia no ka manawa i komo mai ai o Hale Anagusi iloko me na kainawawae elua, alaila, hoomanao koke ae la oia no ke noi ana mamua o ke komo ana, alaila, hoomaka aku la oia e noi:

 E kala mai ia'u.  E aeia mai ana anei au e komo iloko?"

 "Aole oe e komo mai a hoi hou oe i waho olai aia oe iloko nei," wahi a ka Moiwahine i hoomakeaka aku ai, oia no hoi ka manawa ana i hele aku ai a lululima me Hale me na minoaka ma kona mau papalina.

 "Hauoli loa au i kou hele ana mai nei e ike ia'u."

 Ma ka aoao o ka wahine kaukaualii Degamoa aia ia ke hoomahie la i ka mea i kanuia iloko o kona puuwai no keia kanaka Amerika.

 "Ua lohe anei olua no Lore?"  wahi a Anagusi. "Ua mahuka aku oia mai ka halepaahao aku. A-," aole i pau loa ka manao a Hale i makemake ai e hoike aku i ka Moiwahine, ua huki aku la ka Moiwahine iaia ma kahi kupono a hoonoho iho la iaia iluna o kekahi noho a oia no ka manawa i hookuu aku ai ka Moiwahine i na mea apau, ka mea hoi i kunahihi ai o Hale e hooho mahalo ana i ka Moiwahine.  Ua lele ae la oia iluna me ka hauoli piha.  Alaila ua pane aku la oia i ka Moiwahine i ka manawa i ulu koke ae ai kekahi manao iloko ona e pili ana iaia:

 "Pehea ana la ko'u pono.  Aole au e ike hou ana iaia.  A ihea la--."

 "O, mai maka'u oe no ia mea.  Ua hoolala wau i kekahi hana e pili ana ia oe.  E hoopaa aku ana wau ia oe ma kahi o Lore."

 "Pehea?" wahi a ka ninau a Hale i pane ae ai me ka puiwa nui.

 "Ua noonoo wau i kela mea i ka po nei.  A eia ka mea i loaa ia'u, i keia la wau e hoopuka aku ai i palapala kuahaua e hoike ana e kiai loa ia oe me ka makaala loa, i ole oe e malele aku mai keia aina aku. .  E paaia ana oe mai ka holo aku mai keia aina aku.  Aole e hoopaahaoia oe, aka e hele kuokoa ana no oe iloko o ke kulanakauhale aka i ka manawa e malele aku ai oe mai ka aina aku nei a i ole, hui aku paha me ke kanaka paahao, alaila, e hoopaa koke ia no oe iloko o ka halepaahao.  Ma keia mea e oluolu ana ka manao o ka poe o ka Akau, aole no hoi lakou e hoohuoi.  A o kou kialia e na koa oia kou pakele mai na pilikia e ulu mai ana ma o na hoaloha la o ke Keikialii o ka Akau i make.  A i ka houluulu ana i na mea apau, ua manao maoli wau he hoolala maikai, loa ana keia.  A pehea ia  i kou manao e Hale?

 "Ua oi loa aku ka maikai o keia hana au i hana ai mamua o ka hiki ia'u ke noonoo aku."

 Mamua o ka haalele ana o Hale, ua hooikaika aku ka olelo a ka Moiwahine no ka malama ana i keia mea ma ke ano hunakele loa.  E noho aku ana na kiai mahope ou i na manawa apau kahi hoi ou e ikeia mai ai a o kou hunakele  loa oia ko kakou pakele mai na hoohuoi ana.

 "E hilinai mai oe ia'u ma ia mea e ke Aliiwahine," wahi a Anagusi.  Ke manao nei au, e hiki ana ia'u ke malama loa ia mau mea apau mamuli o na hoaiai ana mai nei au ia'u."

 "Ke manaolana nei au e ike mau aku ana kakou kekahi i kekahi." wahi a ka Moiwahine.

 I kona haalele ana iho i ka halealii ua puka mai la oia iwaho, a ke alanui huli aku la oia a nana i ka mauna kahi o na moneka e noho ana, a ninau iho la i ka hookalakupua o na hana i hanaia i kela po ma ka aoao o ka Moiwahine no ka hoopakele ana i ke kanaka paahao.

 I ke ao ana ae i kekahi la ae, ua kona hou aku la no o Edelewesi iloko o ka uluaoa mamuli o ka hiki ana mai o ka Moi o ka Akau me ka huhu nui ame ke kaumaha no hoi.  Ua lilo keia i mea hoohikilele loa i ka noonoo pili laula o ka aina o Edelewesi.  Aole no hoi i maopopo iaia no ka mahuka ana o ka paahao.  Mahope iho o ka ike ana o ka Moi o ka Akau i kana kelaialii e waiho ana iloko o kahi i hoomakaukau ia ua kukala koke ae la oia e malamala i ahakuka me ka wahine noopalau a kana keikialii.  Ma ka aoao o ka Moiwahine Ietiwa ua kaumaha loa oia no keia hana, aka, aole e hiki iaia ke alo ae.  Ua piha koke ae la ka Halealii me na kanaka koihoi o ka aina ame ko ka Akau mai no hoi.  Aole no hoi i li'uli'u loa ke kaii ana ua ku koke ae la ke anaina a ia manawa pokole no ua kulou koke iho la ko lakou mau poo ilalo a maalo ana ka Moiwahine Ietiwa ma ka aoao o ka Moi o ka Akau.  Ina he maka'u kona no ka Moi o ka Akau a ala paha ka mana o ka Moi o ka Akau ke noho ko'iko'i la maluna o ka Moiwahine, a ina kekahi o ia ana haawina me ia, alaila oia wale no ka i ike iho ia mau haawina kaumaha aole ma ka aoao o kanaka, oiai, he nanaina maikai a mohaha ko ua wahine u'i nei me ka hoopaapaa ole.  Ua ku koke ae la, ka Moi o ka Akau a oia no hoi ka manawa a ka Moiwahine i haawi aku ai i kona lima no ka lululima ana i ke kanaka i hoopihaia me ka huhu nui, aka, ua hapai koke ae la oia i ka lima palupalu a hoopili ae la i kona ihu no ka muki ana.

 Ua hele mai nei au e hui me ka moiwahine i aloha nui, iloko o ke kaumaha i oi ae mamua o ka mea hiki ia'u ke auamo," wahi a ka elemakule Moi o ka Akau i pane aku ai ia Ietiwa.

 "Hauoli loa au ina he hiki ia'u ke hooluolu ia oe no ia mea," wahi a ka moiwahine Ietiwa i pane aku ai a oia no hoi ka manawa ona i noho iho ai ma ka noho i hoomakaukauia nona e noho ai, a oia noho kona noho e noho mau ai i ka manawa o na kuka ana no keia ano.  "No ka maopopo ole ia'u o na hana kupono e panai aku ai no ka hooluolu ana i ka mea i kaumaha, ke kaumaha nei no au ia mea."

 "O oe anei ka wahine ana i imi iho nei a loaa i'o no i wahine mare nana?" i ninau aku ai ka Moi me ka ulupuni ana ae i ke aloha keiki e iho makawalu ana kona mau waimaka ma kona mau papalina.  Aole e hiki iaia ke uumi iho.  Ma ka aoao o ka Moiwahine ua aloha maoli no oia i ka elemakule.  He mau minuke loihi ia o ke kali ana a hiki i ka manawa i akakuu iho ai ka uluku nui o na manao aloha o ka makua i ke keiki.  Aka, i ka hala ana ae o ia mau haawina kaumaha, ua hoi hou mai ia na haawina huhu maluna o ke kanaka a hoike koke ae la i kona manao hoahewa i ka makainui no kona hana hemahema a he mea kupono loa oia e hoopaahaoia no ka mau loa.  Aole wale oia aka e hopuia ka lua o na Amerika ma ke ano oia kekahi i komo kokua iloko o keia hoomahuka ana. ma keia manao o ka Moi o ka Akau ua kokua koke ia mai ia e ka Duke Mikaro.  Iloko o keia mau kauoha a ka Moi aole i hopo iho ka Moiwahine Ietiwa no ke kupale ana i kona makainui ame ke kanaka Amerika.

 "Ke noi ikaika nui nei au ma ke ano he kauoha e hoopaahaoia oia iloko o ka halepaahao," wahi a ua Moi nei.

 Ua pii pu ae no hoi na manao uluku o ka Moiwahine

 "Aole i loaa ia oe ka mana piha e  haaawi ae ai i kena ano kauoha iloko o Grostaka nei," wahi a ka moiwahine i pane lohi aku ai.  Owau ka mea mana ma keia aina."

 Ma keia pane wiwoole a ka Moiwahine ua hooho mahalo loko ae kela ame keia kanaka ko'iko'i o Grostaka iho i hiki ae ilaila; a ma ka aoao o ua moi nei ua noho mumule iho la oia.

 "Aole oe e noho mana mau aku ana e ka moiwahine," wahi a ua kanaka nei o ka Akau me na hiohiona inoino a huhu no hoi.

 "Aka, owu no ke poo aupuni i keia manawa, he mana hoi e hiki ai ia'u ke haawi kauoha ae e hookaawale koke ia oe mai keia halealii aku."  i pane aku ai ia me ka ikaika.  "Aole au i manao mua e panaiia mai ana wau me na olelo o keia ano, a ina wau i maopopo mua me keia ka moi o ka Akau e hana mai ai ia'u aole loa wau e ae e haawi i ahakuka e like me keia.

 I ko'u wa i hele mai nei no keia lumi ua loaa pu ia'u ka manao aloha a kaumaha nou mamuli o keia mau haawina i loaa iho nei, a e hanaia mai au me ke aloha aole e like me keia mau olelo hoinoino.  Ua maikai ole loa keia mau hana ana.  Ma ka aoao o kuu mau kanaka ke hooikaika nei lakou e loaa ka mea mahuka.  Aole loa au e ae aku ana i kena mau olelo a i ole o kekahi ano e ae e ku-e ae i na mea i hooholoia no ka hopu ana i ka paahao." Ma ka manawa i hoopau ae ai ua Moiwahine nei i kana mau olelo ua hoeu ae la oia e ku no ka haalele ana, a hoi aku i kona lumi.

 Ma keia mea no hoi ua ike koke iho la no ua Moi nei i ka ikaika maoli o keia mau olelo.  Aole e hiki ke hoohewahewa iho i ka huhu maoli no o ka wahine opio pela i loaa iho ai keia manao i ka elemakule e kali iki kona huhu a e hooko aku i ka mea i hoolala mua ia.

 "E oluolu e noho iho e ka Moiwahine.  Ke ae aku nei au i kau papa hoonohonoho e pili ana i ka elua o na malihini aole nae i pau ko'u kanalua nona.  Hookahi no nae a'u mea kau nui loa oia no ka mea nana i pepehi i kuu keiki.  Aole no nae he pohihihi ke alanui e loaa ai oia, pela ka ha'i ia mai ia'u.  A eia ko'u manao pili i keia mea; eia me a'u he ekolu haneri koa wiwoole.  Ke haawi aku nei au ia mau koa malalo o kou malu a nau e hoohana aku i mea e loaa ai ka mea mahuka.  E noho iho lakou a nau ia e hoohana aku ma na mea i ku i kau hoolala ana.  O ke Duke o Mikaro oia iho ana kekahi e noho pu ai, a e noho aku ana oia malalo o kau hoohala ana.  O ke kanaka nana i hana i keia ino he mea pono loa ola e loaa ina no e hele ka huli ana apuni ke ao holookoa.  Aole ana oia e pakele mai ka'u hoopa'i e kau aku ai maluna ona.  E hoolohe pu mai no hoi oe i keia i ka la 20 o keia mahina ae e koi mai mai ai au i kou aie aia oia hoi ko keia aupuni.  No ka nui loa o ko'u iini e loaa keia kanaka o Gerenefolo Lore i kau aku ka hoopa'i o ka make maluna ona, nolaila ke kukala aku nei au imua o keia anaina ame kela mau hoaloha o kakou'e haawi hou la aku no i manawa hou no keia ale o umi makahiki e like no me ka hooloihi ana i ka manawa o umi makahiki no kou hoopalau ana me ka mea i pepehila, ke paa nei ua pepehi kanaka la mamua a ma ka la 29 o Novemaba.  Ke lohe nei oukou e ke anaina holookoa i kuu manao a ke hoopaa nei au @ko lakou oiaio.  O kena loaa a make i ka la 20 o Novemaba ae nei e kuokoa hou ai o Grostaka nei no na makahiki he umi , ke manao nei au e ka Moiwahine Ietiwa, e oluolu mai ana oe i keia , a he mea hoi e hauoli ai kou lahui kanaka, ka mea hoi e kono ikaika ia ai lakou e huli i ka mea pepehi kanaka."

 Iloko o keia mau olelo apau a ka Moi a ka Akau aia k Moiwahine letiwa ke o ka Akau, aia ka Moiwahine Ietiwa ke palili ana a o na hiohiona haikea ke hekau ana maluna o kona helehelena.  Ua haupu mai no keia noonoo iaia i ke koikoi loa aku o keia haawina i kaula maluna ona no ka pono o kona aupuni ame ka lahui.  O kona hopu aku i ke kane ana i aloha maoli ai iloko o kona pouwai no ka manawa mua loa, oia ka pakele o kona aupuni ame kona lahui ame ia pu no hoi kekahi.  A o kona hoopakele ole i kona aupuni ame kona