Ka Nupepa Kuokoa, Volume XLI, Number 6, 6 February 1903 — Page 1
| This text was transcribed by: | Sharon |
| This work is dedicated to: | John Shima |
Ka Nupepa Kuokoa
KE KILOHANA POOKELA NO KA LAHUI HAWAII.
Hoopukaia i na kakahiaka Poalima apau.
---------
BUKE XLI. HELU 6 HONOLULU, POALIMA, FEBERUARI 6, 1903. NA HELU APAU 2949
---------
Paa na Aihue i ka Uka o Manoa
-----
Ua komo iloko o ka Hale a Paa i ka Hopu
-----
O ka Hope Ilamuku ame Renear ma ka aoao o ke Aupuni.
-----
Lako me kekahi pauku laau ame ke ki ame ke kila ame ka pahi i loaa aku ai o George Sumners, ka paele i hookuu kok@ ia iho nei mai Kawa aku he pule aku nei i hala i ka Hope Ilamuku Kiliniwoki ame ka makaikiu Renear ma ka @umi o mua o ka hale o Messrs. Scott ame Makenzie, iuka o Manoa. I ka Pualima nei ka hana ia ana o keia hana.
Ma ka loaa ana o ka paele i ka mana mahanahana a ka Hope Ilamuku ua hina aku la ua paele la ilalo a o na hana i hanaia mahope aku ua hoopau p@a@ ia me ka maalahi. O kahi keiki uuku paele i ikeia ma ka inoa o Joe ua paa pu aku oia.
No kekahi mau la ua laweia kahi Joe @uku @ ka Ilamuku ma ke ano hoomakakiu i na paele o Kakaako, ka poe i l@heia ko lakou mau ano ino. I ka manawa i hemo mai ia o Sumner mai Kawa mai ua noho aku ia oia i kahi o Myer ma ke ano hoolimalima.
Ma ka hui ana, ua loaa aku la ka manao hilinai ia Sumner no kahi Joe liilii ke kumu o ka maopopo ana o na koolala hana ana a ua paele nei i kahi keiki. Ua hoomaopopo oia, o ke kokoolua o ka paele he Pake ia ma ka inoa o Wong Hai, a he elua mau wahi i manaopaaia e laua e komo aihue i kela pule, i Kalihi kekahi a i Manoa kekahi, ka hale i hoikeia ai nei. Ua lohe o Sumner ua hala o Scott i Hilo a o Makenzie e hele ana oia i ka halawai i kela no nolaila ua kaawale na pohihihi no ka hoomaka ana i ka hana. Ua k@n@a mai o Joe ma keia hana aka ua hoohalahala aku oia i ka pii ana i Kalihi. Nolaila, ua hooholoia iho la e hoomaka i na hana no Manoa, alaila ua hoike mai la o Joe liilii i ka Ilamuku e komoia ana ka hale mawaena o ka hora ewalu ame eiwa. Ame na lako i ha'i mua ia ae nei ua hoomakaia aku la ka hana.
Ma ka hora 6 o kela ahiahi ua hoomaka ka Hope Ilamuku ame kona hoa e pii a noho ana iloko o ua hale nei. Ua paniia no ka puka aole nae i kiia a pela no hoi ka pukaaniani.
Ma kahi o ka hora eiwa, ua lohe aku la na makai i ka neha o ka hele ana o ke kapuai wawae me ke malie loa.
Aole i li'uli'u ua weheia mai la ka puka a o ka hemo mai la no hoi ia alaila ike aku la na makai i kekahi kino kanaka e ku ana ma ka nuka. Ua noho malie loa iho la na makai aka me ka makaala nui no nae no ka mea ua maopopo e no ia laua ua lako o Sumner me ka pahi. Ua hele huli aku la o Sumner iloko o ka hale a i ka manawa i kokoke mai ai oia i ka Ilamuku ua lele aku la ka Ilamuku me ka hikiwawe loa emoole no hoi ua ku aku la ua paele nei i ka puupuu a waiho ana lialo. Ua eleu koke mai la no hoi o Renear emoole ua a koke ae la ke kukui a ike aku la na makai e paaia ana iloko o ka lima o Sumner he nauka laau nui maoli a koikoi no hoi.
Me ua mau paahao nei a laua ua kau mai ia ua mau makai nei ma ke kaa uwila a noho ana i ka halewai.
I ka hiki ana mai i ka halewai ua hoa@ ae o Sumner e hookau iho i ka hewe maluna o Joe liilii. Ua olelo ae ua paele la na ke keiki i oki i kela pauku laau nui nana aka o ka pahi ua loaa aku no iloko o ke eke o ka lole wawae o ka paele nui. O ke ki, he ki apuapuia ia mamuli o ke noi ana a ke keiki e hana oia, eia nae, iaia no ua ki la kahi i paa ai. Ua hoike i'o ae @o oia ua loaa mai ke kila iaia mai ka Poke mai Wong Hai.
O George Sumner he paele oia ma kahi o @ makahiki, poupou aka laula kona poohiwi. Ua noho oia i Hawaii nei ma kahi o iwakalua makahiki, he h@pa@a a oi aku nae ka nui o ka manawa @ keia mau makahiki i hoohalaia iloko o ka halepaahao.
-------
"E wiki mai Oe i Pono Kaua."
-----
O na pou kelepona e ku nei mawaho e Waikiki a i olelo paa ia hoi e ka hui kelepona e kulai ana lakou i keia mau pou e ku mai nei no i keia manawa a he mau pou hoi e kahihi nei i ka nani hiehie @ keia wahi i ka manawa o na kaa uwila e holo palanehe ana.
He ulumahiehie wale no keia holo ana aku a ke kaa uwila mai ke alanui Papu aku a hiki i waho aka me ka hoomaopopo ole okuu mai ana keia mau pou ano oie imua o ka maka o ka makaikai he mea hoi e hoohoihoi ole ai i ka manao o ke kanaka makaikai. He mea oialo no hoi ua hoike mua aku ka luna @oi o na Hana Hou i ka hui kelepona e pono keia mau pou e kua ia ilalo. Mamuli o keia mau olelo a ka luna nui i ka hui ua hookiki mai la ka hui e kuaia no ke@a mau pou i kekahi pule mai aka a i keia manawa ke ku mai nei ao. Ua waiho hou aku nei ka luna nui i kana kauoha hope loa e i ana ina aole e kuaia ana keia mau pou ilalo e hooana ana ka luna nui i kekahi mau kanaka e hele a e kua i keia mau pou me ka hoohakalia oie me ka hoolilo ia o kela mau pou no ka wa mau loa.
---------
KE AU KAHIKO O HONOLULU
[picture]
Uapo o Haaliliamanu me ke Alanui Moi i ka makahiki 1883 Paiia e J. J. Williams
---------
Hoomanao La Hanau o ka Moi Lunalilo
-----
MALAMA AHAAINAA HAUOLI NA ELEMAKULE O KA HOME.
-----
Ma ka Poanono nei, Ianuari 31, ka la hanau o ka Moi Lunalio, ua malamaia ae na hana hoomanao i ka ia hanau e na elemakule o ka Home Lunalilo e noho nei i keia mau la. Ua hoomakaukauia na mea o ka ahaaina e like me ka maa mau ia lakou i ka manawa e hiki mai ai ua la la, o ko lakou kahu ka mea nana i haawi a hookumu i ka Lunalilo Home no ka malama ana i na elemakule kamaole. Ma ka papaaina ka puaa, ka moa ame kekahi mau ono Hawaii e ae.
Ma ka manawa i malamaia ae ai na hana ua hiki aku kekahi poe no ka hui launa ana a malaila i hiki aku ai na mlihini haole kahi a lakou i ike ai ke ano hoomo'a mea ai a i'a a na Hawaii. Ua ike lakou i ka hua'i ia ana o ka inu puaa. Malaila pu ae no hoi ka bana o ke aupuni kahi i hoohauoli ai i na elemakule me ka lakou mau hokeo.
O ke mele olioli kekahi i oliia ae e na elemakule a ua lilo i mea hoohauoli i ke anaina, he mau mele hoi i oleloia no lakou na olelo Hawaii paakiki i loaa ole a e hiki ole ai i na hanauna hou o Hawaii nei ke hoomaopopo i ko lakou kaona.
I kela manawa he kanaha-kumama-hiku ka nui o na elemakule e noho nei iloko o ka malumalu o Lunalilo Home.
E like me ka mea i ikeia ua kukuluia keia home no ka poe palupalu a elemakule a luahine mamuli o ka haawi ana i kona mau waiwai no ia mea. Ua kukuluia keia home i ka makahiki 1881 ma ke kuai ana i kekahi aina emi o ke kumukuai ia manawa aka i keia manawa he aina waiwai nui ia. He kanaono'ka nui o na eka a aia ma kahi maikai. O ka home oia kekahi wahi maikai loa iloko o ke kulanakauhale o Honolulu, maemae ma ka malama ia. Aia maluna o ke kahua he mau hale a he umikumamalima eka ka nui o ua kahua la.
O na lala o ka Papa Kahu Malama Waiwai i keia manwa oia o Hon. W. O. Smith, Hon. Henry Waterhouse a me Miss Mary Parker.
O ka luna nui nana e nana nei a e malama nei i ka home oia o Mrs. E. A. Weaver.
-------
O ka laau lapaau "Chamberlain's Pain Balm," us kaulana oia no ka hoola ana i ka ma'i rumaiika (anu maeele). He nui na hoolalo e paaia nei e makou no ka hoola kamahao a keia laau no ua ma'i hoopilihua nui wale nei. He laau kupono loa keia i na eha aui o ami, na palapu, piele ame na palapu pauahi. Hookahi no kau ana o ka oluolu no ia. E hoao i ike pono. He kuai ia kela laau e ka poe kuai laau apau pela no hoi ia Benson Smith & co. Ltd., na agena no Hawaii nei.
---------
Hoomaka Koke no ka Hana a ka Loio Kuhina
[picture]
LOIO KUHINA LORRIN ANDREW.
---------
HE KANAKA I PIHA MAKAU KAU MUA I KE KANAWAI A NOHO MAI LA I KA HANA.
---
I ka Poaono nei, Ianuari 31, i waiho mai ai o Mr. E. P. Dole i na mea apau o ke Keena Loio Kuhina i ka Loio Kuhina Hou Lorrin Andrews i hookohuia iho nei e ke Kiaaina Dole a hoomaka koke no i kana hana i ka Poakahi mai, Feberuari 2.
Ma ka Poakahi nei i hoomaka ai ke kau kiure o ka Aha Hookolokolo Kaapuni, a he mea maopopo, he nui na hana a ka loio kuhina ame kona hope i hookohuia iho nei Mr. E. C. Peters pili i na hihima hewa wale no, no ka manawa o hookahi mahina. Ua hoomaka mai na hana mai na koena hihia o ke kau i hala aku nei. O keia nui hihia hewa, he uuku wale no ia hana no ka Loio Kuhina aka aole wale no oia kana hana aka he nui, aia mawaho ae ma kekahi olelo ana ae oia maoli ke kuhikuhi punone a kakaolelo ma ke kanawai ma ka aoao o ke aupuni.
O Mr. Lorrin Andrews, ka loio kuhina hou, he kanaka oia i piha makaukau a i kupono no ka oihana ana i noho kauwa aku ia. Oia nei ke kanaka opiopio loa i noho ma ka oihana loio kuhina, nona na makahiki o 33, eia nae ua kamaaina oia i ka lwelawe oihana loio ana. Ua hemo pono mai oia mai ke kula nui mai o New York University i ka makahiki 1891 a elua makahiki mahope mai ua puka pono mai oia mai ke kuia loio mai ia kula hookahi no. Ua noho aku oia ma ke ano loio iloko o ke kulanakauhale o New York mai ka makahikik 1893 a hiki wale no i kona wa i haalele aku ai ilaila a holo mai i Hawaii nei i ka makahiki 1899. Ua komo pu mai oia iloko o na hana kalaiaina, he kanaka opio i ike nui ia kona makaukau ma ia mahele o ka hana. ua hanau oia i New York i ka makahiki 18@0, a oia no ke keki a William Andrews, ma kekahi olelo ana ae ola ka moopuna ponoi a Rev. Lorrin Andrews
---------
(E nana ma ka aoao @.)
---------
He Oiwa Hawaii Hou
Pahi o Ke ano
Powa
-----
AOLE HAAWI PIO O KA MAKAI A PAA KE KANAKA HOU PAHI.
-----
HOOPUPULE KE KANAKAI KA HIKI ANA I KUAPAPANUI
O ka makai kau lio Gus Pearson, ua hou ia oia i ka pahi ma kona kua he elua manawa e Kauhane, he kanaka Hawaii, ma ke alanui Moi kokoke i kahi e pau ai o ka holo ana o ke kaa hapaumi i Kapalama. I ka hora 10 o ka po Poalua nei ka hana ia ana o ia hana manaonao. Ua hoihoiia aku ka makai i halema'i. mahope iho no nae o ka paa ana o ke kanaka hou pahi i ka umii a na kupee-hao ma kona mau lima ma ke kokua ana mai o Mr. Frank Kanae. Aole no he eha kuhohonu ko Pearson aka he eha no nae e hala ana kekahi manawa iaia mamua o ka hiki hou iaia ke lawelawe hana hou.
I ka manawa i maalo ae ai ka Makai kau lio Pearson ma kekahi hale (elua hale ke kiekie) he hale nona kekahi lumi i noho hoolimalimaia e Kauhane ame kana wahine oia no kona manawa i lohe aku ai i ka wahine e holina ana e olelo ana e pepehi ana o Kauhane iaia. Ua lele iho la o Pearson mai kona lio iho a pii aku la ilaila, a i kona hiki ana aku ilaila aole o Kauhane. ua hoike aku ka wahine ua holo o Kauhane me ka pahi. Ua hoi mai la no hoi o Pearson aka ua lele ma-lu la mai la oia e Kauhane me ka lohe ole ia o ka nakeke, oiai, aohe kamaa o Kauhane e nakeke ole i'o ai, a houia mai la oia me ka oi nui o ka pahi pelu 1XL a ua loaa aku la no oia mamua o ka loaa ana laia i manawa e kupale ai nona iho. O kekahi eha kokoke i ka poohiwi a o kekahi ma ke kua ponoi no. O ka lolewawae o ka makai ua nahae ma kekahi mau wahi.
Ua loaa hou aku no iaia he eha ma kona lae.
I ka manawa i loaa ai o Pearson i keia eha ua kahea koke ae la ola i kokua emoole na eleu koke mai la o Frank Kanae. Ua hopula aku la ua kanaka nei e Kanae a o ka manawa no hoi ia i eleu aku ai ka makai me kona mau eha no a paa ana ua kanaka hou pahi nei i ka umii a na hao hoopaa lima.
Ma ka halewai ua hoopupule ae la ke kanaka iaia iho, a aohe he hoike i kona inoa e hoike ana aole ona maopopo i ka mea i makemakeia. O keia no ke kanaka i nahu ai i ka papalin o Kanae opio i ka manawa ana e noho makai ana.
---------
Ma ka Poalima la 30 o Ianuari i hala aku nei i kii mai ai ka make la Mrs. George H. Miranda ka wahina a George H. Miranda kekahi o ko makou poe hoonoho hua. Ua halawai oia me ka make mahope o kekahi kaa ma'i pokole ana ma keia kulanakauhale, a moe aku la i ka moe kau hoo@o, a e hoolulu mai ka Makua Lani i ke kane wahine-make ame ka ohana iloko o na haawina o ke kaumaha.
-------
"Ke Nu nei ka Makani"
---
Halulu ka Makani
Hoolua a Puni
o Maui
---
UA HAALELE MAI LA NA WAHA
OLELO O MAUI.
---
MAUI. Ianuari 28.--Ua malama ae na Pake i ka la 28 iho nei ka la hapenuia o lakou me ka ulumahiehie aka aole i like me na la mamua i hala aku mamuli o ka pilikia no hoi o keia manawa a no ka uuku mai no o na Pake e noho mai nei i keia manawa. Aka me ka nana ole i keia mau ke'ake'a ina ko lakou mau alahele ua panaiia mai no ka lokomaikai maa mau ia lakou ame ke kipa mai o kela ame keia.
I kela pule i hala aku nei nui ka ino ma Maui nei--e halulu mau ana ka makani me ka ikaika nui i hahai pu ia mai e ka ua ma Maui Hikina ma ka Poakolu, Poaha ame ka Poalima.
Ma Kahului, aole i hiki i na kanaka pooia ke hana i ka lakou mau hana mamuli hoi o ka nui ino o ka makani ame ka ua. O ka moku kia kolu Foohng Suey i piha me ke kopaa. ua makaukau iho oia e haalele i ke awa nei aka mamuli o ka nui ino o ka makani aole i hiki aku iaia ke holo.
Nui kona manawa i hoao aku ai e holo aka aole i hiki iaia. O ke kuna Alice Kimball ua hu'e aku oia i kona ukana papa mailuna aku o kona oneki a aole he nui i hooleiia aku iuka o ka aina mamuli o ka nui o ka ino.
Ua haalele mai ka hapanui o na wahaolelo o Maui i keia ia no Honolulu. Aia o Hon. W. P. Haia o Hana i Hawaii i keia manawa a aole oia e hele ana i Honolulu a hiki i ka la ehiku, aka, o na Lunamakaainana S. E. Kalama, S. Kellinoi, Philip Pali ame Joel Nakaleka ame ko lakou mau ohana e holo aku ana lakou no Honolulu i keia la. Ua oleloia ae he moho o J. H. S. Kaleo no Hana no ka oihana makai o ka Hale o na Lunamakaainana; e holo ana o henry Reu@er o Na@iku @ elele, no k@ Hale o lalo; a ke kakoo ikaika ia nei o Rev. Kalino o Paia i Kahunapule no ka Aha Senate.
NA MEA HOU HUIKAU.
Ma ke ahiahi Poaono nei ua malama ae o Mrs. Dora von Tempsky he anaina hoohauoli ma Puuomalei, Makawao no ke kipa ana aku o Misses Helen ame Gardle Macfarlane o Honolulu. Ua malamaia ae he hulahula.
Ua hookohuia ae nei o Miss Maggie Mosser i hope-kumu kula no Paia.
Ua kipa mai nei o C. W. Baldwin o hawaii ma Haiku ma ka ia 24 iho nei no ka hoomaha ana no kekahi manawa.
I keia kakahiaka ua ku mai ka mokuahi Nebraskan ma Kahului nei mai Honolulu mai me 800 tona ukana maloko o kona kino. Mahope o ka hoopiha ana i ke kopaa e huli hoi aku ana oia i Honolulu.
Ua wawaia ae ma Maui nei ke olelo ia nei e hooliloia ana o Napoopoo i poo hale aupuni no ka apana o Kona ame kau no ke aupuni kalana.
Ua loaa mai nei kope o ka bila kalana mae kulankauhale ma Maui nei aka aole i pau pon@ i ka heluheluia. Ua waihoia ae kekani mau pahenehene uuku e pili ana no kekahi o na manao o keia mau bila.
-------
Ke Kanaka ikaika o ke Ao Nei.
-----
O Eugene Sandow. "ke kanaka ikaika oi kelakela loa o ka honua nei," ua hoea mai i keia kulanakauhale ma ka Poalua nei i hala la 3 a ua hoohauoli ia aku kona iini makemake i ka nani ulumahiehie o ke kaonn. Ua hoio mai nei oia mai Kikane mai a e holo loa ana oia i Kapalakiko no ka pahu hope o Nu Ioka. Ma kona ano maoli no e hoomaopopoia ai he kanaka ano nui keia. O kekahi o kana mau hana kaulana a puni na paia eha o ka honua oia kona hakoko ana me kekahi ilona ma Kapalakiko i ka makahiki 1893. O keia liona iloko o kona mau la o ka nohopa paahao ana ua make aku iaia he ekolu mau kanaka. No kela mau hana ua kauoha aku la ka mana hooko o ke aupuni e hookaawaleia kela liona ma ka pepehi ana a iloko o keia anoai ua hoike aku la kela Iliouakea iaia iho imua o ka mana hooko e aa ana e hakaka me keia liona me ka pahi ame ke kalabu. Ua hooleia aku keia mau hana o ke au kahiko aka o ka panina i hiki mai ua aeia aku la ua Ilipuakea nei e paio me ka liona, me ke kalabu no nae o na wawae mua o keia liona me ke kaula ili. I ka la i hakaka ai o ua Haole la me ka liona ua akoakoa aku @alia he 40,000 a oi aku poe kanaka. Me ka iolewawae pokole wale no ame ka ili @iga e uhi paa ana i kona kino ua komo aku la oia iloko o ka arena.
Mahope o ka lele ana mai o ka liona maluna ona ua lalau aku la ua Haole nei i ka a-i o ka liona a kiola aku la iaia maluna o ka honua lepo he mau i-a ke kaawale. Ua loaa pu aku ua liona nei i ka hauna pahi malalo o kona puu a lioko o ewalu minute o ko laua hakoko ana ua pau loa ae la ka hiki i ka liona he hoomau i ka hakaka ana.
-------
Ua haalele mai i ke awa nei ka mokuahi Silvertown ma ka auwina la Lapule nei a ua kamoe aku oia i kona alahele no Ladana.